بسمه العمر الجريح كامله

...@@البارت السادس@@...

ما كل غـــــالي بالقصــــايد نوفيـه

بعض الغـلا في داخل القلب ذكراه

دايم لكل إنســــان ميـــــزه تحليــه

وأنت بعينــــي شي ما ألحق أقصاه

.....

"تتوقين انه حل"

مها :والله ما ادري بس يقطع قلبي يمكن يلقى له وحده تفهمه !..

رنا:أنـا معك يامها بس انتي عارفه حالة أخــوك ؟..

مها:يعني وش رايك؟؟!

رنا:امممم ما ادري والله بس بتلقين بنت بهالوقت بتوافق عليه؟ موب قصدي شي بس انتي مثل اختي..

مها:عااادي واكثــر ياقلبي بس الفلوس تغير النفوس اكيد بيلقى !..

رنا:معقولة يامها تفكرين كذا ؟!؟

مها تتنهد:رنا انتي اكثر وحده عارفتي وعارفه تفكيري أنا ما أفكـر كذا بس هذا الحل ومو شرط متعلمه او غنيه أو من عايله

معروووفه لا ممكن من قريه مثلاً وعلى قد حالهم وعلى علم بحالته طبعاً!..>>تتكلم عن اخوها حمد تبي تزوجه>>

رنا:ما ادري يمكن !طيب شاوري اهلك واللي يريحكم سووه .هذا اللي مضايقك بس ؟..

مها بابتسامة:بس.. بغض النظر عن بنات عمي !..

رنا:لاتقوليين لي منالووه ؟..

مها:هههه إلا هي نفسها ترمي كلام وهي قايمه وهي قاعده وانا خلاص صارت عندي منـــاعه لدرجة اني ما صرت اطب بيتهم..

رنا:الباب اللي يجيك منه ريح سده واستريح وش تبين بهم ريحي عمرك وأنا أختك ..

مها:ياحبي لك يارنااااا وين خواتك غريبة ما جوو؟؟..

رنا:ما عزمتهم اليوم فشة خلق بس المرة الجاية اعزمهم بعرفك على خالتي لطيفه فللله..

.........

ريما:وبعدين معــك ؟بالله عليك من دخلتي سويتي شي ؟..

ديما:هههههههه قوم تعاونوا ما ذلوا..

ريما بصوت عالي:لااااااا تذبحيني وشوو تعاونوا وانتي تفتشين من دخلنا وانا اكرف..

ديما:ياوخيتي هذي مهمه استطلاعيه..

ريما تكش عليها:مالت عليك وعلى مهمتك الاستطلاعيه قولي آميين ..

"" مسكـتكــــــــــم شتسوووووون؟؟؟"

كان صوت طلال عند باب غرفتــه ..

ديما تشهق:يمممه روعتني ما تعرف تنحنح تكحكح..

ريما:هههههههه اشوه انك جيت..

طلال:شين وقواية عين فغرفتي واتنحنح والله خوووش !..

ديما بدلع:يالله عاااد لاتذلنا هذا جزانا نرتب غرفتك..

طلال:شوفـــي ريما يمكن أصـدق انتي مستحيل ترتبين لله وش المهمه اليوم ؟..

ريما:ههههههه في ذي صدقت..

ديما:شفيك علي الله يهديك ويرزقك ويسخر لك بنت الحلال السنعه..

طلال:ههههه مسكتيني من اليد اللي توجعني آآآمييييييييييين..

ديما:من جــــدك!!!..

ريما:والله طييب ليه ما تعرس ؟؟والله ونااااااسه عرس خالي..

طلال:ريما نصيحه مني الاحظ بعض التغيرات عليك ترى من عاشر قوما اربعين يوما صار منهم انتبهي على نفسك ههههه..

ريما:ههههههههههه

ديما:شقصدك انت ووجهك الشرهه علي والله اللي أدعي لك ..

طلال:كلش ولاااااا ديما عاد مين بيرتب غرفتي بكره..

ديما:تتهزى هييييين ان ما جيت تقول اخطبي لي ياديما واقول فارق عن وجهي ما اكون ديما..

طلال:الله لايقوله مالٍ من عمري أخليك تخطبين لي..

ديما:نشووووووف..

جا راكان يركض:خالــي طلااال ديما ريما هه هه هه >>يتنفس ههههههه..

ماما منيره تقول انزلوا عشان العشا..

نزلوا مع راكان اللي شاله طلال ونزل به..

طلال:راكــــان وش اخبار سلمى ؟؟>>المدرسه..

تغيرت ملامح راكان:ابله سلمى مووب سلمى وطيييبه تسلم عليك..

ديما:يانصبي ذا الولد ما خلى احد ما سلم عليه حتى راعي البقاله أبله سلمى تسلم عليك ..

طلال:هههههه حلوووه كفك >>ومد يده..

مدت يدها يوم جا يضربها سحبتها:هههههه اسحب ملفك..

طلال:هههههه مردوده يالخايسه..

..............

بعد العشا في بيت ابو فيصل بندر كالعاده طالع مع اصدقاه وفيصل بالبيت واكيد دلال وام فيصل وابو فيصل..

ابو فيصل :وش قلت في الموضوع اكلم عمك..؟؟؟

تغيير وجهه :يبه خلاص الموضوع انتهى لين أجييك..

دلال وهي تناظر التلفزيون:اي موضوع..؟؟؟

فيصل بعصبيه..:مالك دخل خلك في اللي انتي فيه أحسن..

دلال بصوت واطي:اعوذ بالله شارب شطه..

ابو فيصل بصوت عالي:لا تلاغيها ومن قالك انتهى ما ينتهي الا لاشفتك مستقر>وسفهه واللي في باله هو اللي بيسويه..

فيصل:عن اذنكم تصبحون على خيير..

ام فيصل:وين وانا امك تونا..

فيصل :تعبان يمـه..

ام فيصل :بسلامتك..

حست دلال باخوها يمكن زعلته وهو هالايام نفسيته زفت يمكن من ضعظ ابوي عليه

أقوم اعتذر ارحم لي..

ورقت تلحقه طقت الباب..

"ادخلي"

فتحت الباب بشويش:وش دراك يمكن ادخل؟؟..

ناظرها وهو على مكتبه ورجع لاوراقه:بلاذكى بندر طالع وابوي وامي موب لاحقيني..

دلال:ايييه طيب ..انا ..انا اسفه اذا زعلتك !..

فيصل ضاق صدره>انا اللي مزعلك وتتاسفين يالله عليك يادلال:ماسويتي شي ليش تتأسفين أنا اللي متضايق..

قعدت على السرير مقابله..:لييييش طيب ؟؟..سلامتك وش اللي مضيق صدرك..؟؟؟

رفع راسه وفي وجهه ابتسامه:ما تلاحظين اني عطيتك وجه..

قامت دلال:سوري يالله اجل نم ..

فيصل: لاتزعلين دلول بس والله فيني نوم..

دلال تلتفت بابتسامه:نوووووم العوافـــي ياربي ..

فيصل :الله يعافيـــك ..

............

ساره (ام سعود): يمه وش اخبار بنت عبد الرحمن من زمان عنها !..

لطيفه:ايه والله ماتكلمك ؟..

منيره:والله اني من زمان عنها من عيد رمضان ذا البنت قاطعه وامها شرانيه الله يهديها..

ساره:اميييين بس انتي جدتها ام ابوها المفروض تدق لو من جوالها عندها جوال ولا لا ؟..

منيره:الا والله عندها راتب ابوها يسلم في يدها ما نلمس منه ريااال..

ديما:تصدقون ماعمري شفتها من الابتدائي ..

طلال:افففف ليييه ؟..

ريما:والله بنت أخـوك قاطعه تجي تسلم بعيد الفطر ساعه وحنا نكون عند عماني..

ديما:وتروح مانشوفها..

لطيفه:ولا انا اللي نشوفها أنـا من سنتين ماشفتها ..

ريما:من كبره اللحين؟؟

منيره:في عماركم ان كاني منيب غلطانه..

ديما:لوني منها اعيش عندكم احسن..

طلال:خلونا من لحوم العالم بتجي الله يحييها ميب جايه بسلامتها..

ساره:وانت الصادق..

طلال:الا سعوودوه مت بيجي ما له نيه يرجع ولا عجبوه الشقر والحمر و و ....وما خلق الله..

منيره:وشوو شقره ؟؟..

ساره:هههه مدري عنه يقول اخر العطله ان كانه صادق..

ديما:اشتقنا له الخايس..

ريما:كملي جميلك بكلمة زينه يرجع لنا بالسلامة ان شاء الله..

طلال يناظر ريما باعجاب:ياحظ اللي بياخذك يالريـــم ..

احمر وجهها وصفر وخضر اشاره مرور:مشكوووور..

منيره:موب الريم بس ياحظ اللي بياخذ وحده من بنات ساره ربت ولقت كل وحده تقول الزود عندي..

ديما:اوووووووه تعيش أمـي منيره تعيش تعيش..

طلال:هههه بتكبر روسهم اللحين..

لطيفه:وبنتي؟؟؟

طلال: بنتك صراحه مستقبلها ضاااايع...

لطيفه:افااا لييه؟؟

طلال:مع جوز الكناري اللي عندك >>يناظر عيالها (محمد وصالح)اللي يلعبون بلاستيشن >راحت فيها..

:ههههههههههههههههههه

ضحك الكل عليهم ..وساره مع ريما تلعبها..وتضحك معهم ماتدري وش السالفه..

...........

بيوم السبت انتشر خبر سار لعايله عبدالله ترقيه فيصل بالبنك لمدير قسم الكل فرح له من قلب لانه دافن نفسه هالاربع السنين بالشغل ويستحق الترقيه بجداره من فرحه ابوفيصل ويضرب عصفوريين بحجر..عزم اخوه واهل مرته(ام سعود)ومن يعز عليهم وبعض معارفهم واقرباهم الرجال طبعا الحريم اكتفوا بالاوليين...وتقررت يوم الاثنين..

............

دلال:وش رايك؟وش احلى الكبك وإلاالقلم ؟؟..

ديما:على كل اللي يسويه فيك وبتشترين له هديه بعد والله انك طيبه..

دلال بصوت واطي: ديموووه اخلصي انا في المحل..

ديما:امممممم مدري انا ما اعرف هالحركات خذي ريما شاوريها..

دلال: هلا ريما الزبده محتاره بهديه لفيصل وش احلى كبك ولا قلم..

ريما: هو يلبس ثياب بكبك..؟؟

دلال: بالشغل اعتقد..

ريما: امممم طيب ما في طقوم كبك وقلم وكذا..

دلال: والله انك جبتيها ياحبي لك يا ريما احسن من ذا الدوره يالله بااي

ريما: بايوووو من بيجي كثيرين..؟؟

دلال: لا الحريم بس انا الرجال اللي وش كثرهم يالله تبين شي ؟

ريما: سلامتك ..

.................

"تفضل"

زيد :مشكووووره..

رنا: كلمك عمي؟؟؟

زيد:ليييه؟؟؟

رنا :مسوي عزيمة لفيصل ترقى في البنك ماشاء الله بعد بكرره..

زيد: لا بس شفت رقم غريب وما رديت يمكن هو..

رنا:الا هو لادق رد انا اللي معطيته رقمك..

زيد :يصير خيير..

رن جواله واتغير وجهه حط الفنجال وقام يكلم برره..

رنا..وش فيه ذا من تالي ولو لييه يقوم العادة عااادي يكلم عندي من كثر ربعه عاااد ومتغير بعد الله يستر منك يازيوود..

.............

يوم الاثنين بعد المغرب بيت ابوفيصل يدهرووون الحاظرين ام سعود وبناتها وامها واختها اللي اصرت عليهم ام فيصل يجوون واخوات ام فيصل ام راشد وام ابراهيم بدوون بناتهم..ودلال راعية البيت اللي شايله العزيمة فوق راسها عند الحريم وماقصروا معها البنات وفيصل وبندر عند الرجال عرض طلال خدماته بس ماحبوا يتعبونه..

ديما داخله المطبخ:ياربييي تكسرت رجيلاتي من ذا الكعب الله ياخذه..

ريما من وراها بصينيه الحلى:وش حادك؟؟

ديما:لازم مايناسب مع التيور الا هو..

ريما تشيل صينيه البيالات وترتبها..تحملي من بغى الدح ما قال اح..

ديما:ريوووم..

ريما:هلا..

ديما: ماتشوفين خالتي هدى مهتمه فيك بزياده..

ريما :لا عااادي يتهيأ لك..

"لا والله تسولفون هنا وانا اصب بلحالي.."

ديما:خلاص دلال تكسرت رجولي نعطيهم قهوتهم ونتقهوى انا ..

دلال:مدري بس فشيله كلهم حريم كبار وش بتقول جدتك..

ديما:ههههههه لايكون حاطه العين على خالي ترانى اقرب..

دلال: لا انت ووجهك ولفت تطلع ..بس البحث عن الرزق الحلال على قولتك..

ريما:تناظرهم وتضحك..انتوو مدري وشوو..؟!!

ديما: ههههههه تخيلي دلال وطلال يناسب..

ريما: خلي التخيلات وامشي نروح لها ..

دخلوا على الحريم واللي تقول شابه فيهم حريقه من السواليف والنقاشات الحاده حريييم ما ينلامون..

اصواتهم لبيت الجيران

دلال:خالتي شاهي ولا نعناع..

منيره (ام طلال):نعناع وانا امك..

دلال: ان شاء الله..

منيره تسالها وهي تقدمه :..انت بنت عبد الله ؟؟؟؟؟

دلال بحيااا: اييه

منيره:ما شاء الله لا اله الا الله ..

تدفها ديما :كنه عاجبك الدور..

دلال: اقول فارقي..

ديما تلف لامها منيره..بنظره خبث:يمة منيره وش رايك بدلول..؟؟؟

منيره:حرمـــه بسم الله عليها..

ديما: هذي ضمنتيها..

دلال سحبتها من بلوزتها :بلا بياخه ديمووه ترى والله لازعل ..

ديما تبوسها على خدها بقووه ..كلش ولا زعل دلول سوووري عم نمزح خيتووو..

..........

عند الرجال الربكه اكثر بما ان المعازيم اكثر من الحريييم معارف ابو فيصل ومعارف فيصل ..وفيصل وبندر قايمين بالكل خصوصا بندر طلع ابوفيصل حرته فيه اليوم كل ما شافه قاعد قومـــه مرره ثانيه...

..........

على الساعه 10 ونص تعشوا و11 بدوا يطلعون الرجال مابقى الا ابو سعود طلال وزيد رجل رنا ..

والحريم راحوا خوات ام فيصل ولطيفه اخت ساره مابقى الا ساره وامها وبناتها قاعدين في مجلس الحريم يسولفون..

.........

عند الرجال وفجأه تكلم ابو فيصل: يا ابو سعود طالبك طلبه..

فيصل زي المروع اللي يناظر ابوه >>تكفى يبه موب اللحين الله يعافيك تونى فرحان بس ما في امل المجلس شبه مليان ومايقدر يسكت ابووه..

ابو سعود:انت تامر وانا اخوك امر..

ابو فيصل : الله يسلمك انت عارف ان فيصل مشتغل ومكون نفسه واليوم يبي يكمل نص دينه وطالبين الريم له..

فيصل منزل راسه ووجهه الله لايوريكم وكل الانظار موجه له..

ابو سعود: ماتغلى عليك يا أبو فيصل وفيصل يستاهل نسأل البنت وارد لك خبر ..

ام فيصل :خذ راحتك ريما غاليةٍ علي مثل دلال واكثر..

ابوسعود: الله يكتب اللي فيه الخير..

طلال:حركاااات والله بتناسبنا أجـل ؟

فيصل وده يعطيه كف بس مثل ما قال عبد الرحمن بن مساعد الشاعر :ايه والله وش حليلهم الله يخليهم ويحفظهم هههههههه

رد عليه

فيصل بابتسامه بالغصب :شفت عاد !

طلال:هههه تشرفنا

فيصل :لي الشرف والله

طلال:منك المال ومنها العيال

فيصل :هههههههه خلها ترد بالأول >>وفي نفسه إن شاء الله ماترد

..............

دلال:يالله عااد بلا بياخه تتغلوون ؟

ديما:صاحيه أنتي ولامجنونه..

دلال:لا صاحيه..

ريما:موب نتغلا ولا شي بس والله صعبه اخوانك فيه بنضيق عليهم وحتى لو اننا رضينا ابوي مستحيييل يرضى..

دلال:هيييين ان نمت عندكم مرره ثانية هذا وجهي !..

ديما:مررره ثانيه فيها حلال >>يعني ميه وعشرين ألف حل تقريباً ..

دلال:يالشينه..

ريما:والله بيتنا كله بنات ولو سعود فيه مانمتي..

دلال:خلااااص معدنيب نايمه !

ديما:أحســن هههههههه

دلال:ههههه أنطمي بس

طلعوا الكل مابقلى الا ابو سعود ودق على مرته تطلع

ام سعود: يالله يابنااات ابوكم برره..

دلال:تونا خالتي..

ام سعود:معاد الا خيير 1إلا ربع تعالي أنتـي معنا..

دلال:لا ما ابي..

ديما:هههههه خليها يمه زعلانه دلول وين شنطتي ؟؟..

دلال مدري يمكن عند المغاسل يوم تزينين مكياجك..

ديما:مافيه احد هنـاك ؟..

دلال:لاكلهم برى ..

...

راحت للمغاسل اللي لم مدخل البيت واذا دخلتيها مقابلك حمام ما لقت الشنطه والتفتت معصبه ما انتبهت لباب الحمام اللي انفتح: هييييييين يادليييل تلعبين على اوريك صرخت :دلييييييييييييييييييل..وطلعت وهي تعرج (من الكعب)واللي طالع من الحمام انصدم وسكر اذنينه من الصرخه وجع ياطول لسانها ماشفت وجهها بس شعرها موب غريب علي ! >بعدين بتعرفون ليه <

بس اكييد وحده من بنات عمي خالد بس لييه تعرج؟ >لقاااافه ما كان الواقف الا بندر اللي ما صدق يفرج عنه ابووه ويروح الحمام

وقااعد يحلل الأخ

...............

انتهى الجزء

...@@الجـــزء السابع@@...

ودي أسج بديرة مابها ناس

------وأعيش لو لحظـه بلا هم وأحـــزان

ماتنزل دموعي ولا أحس بأحساس

------ولاينشغل بالــــي علـى أي إنســان

ترتاح روحي كل ماهب نسنـــاس

------ويميل قلبـــي كل ما مالت أغضـــان

تبي الصراحه:داخل القلب هوجـاس

-----مقدر أعيـش بدون همـــي والأحــزان

جنة بدون الناس وشلون تنداس

-----وديرة بـدون إنســـان ماتقبــل إنســان

..........

فيصل بعصبيه: وش هالموقف اللي حطيتني فيه يبــــه ؟..

ابو فيصل ببرود: لييه ما كنت موافق ؟؟..

فيصل على نفس الوتيره:أنت أكثر واحد عارف برفضي تقوم تحرجني قدااام الرجاجيل..!!!

ام فيصل ودلال يناظرون المناقشه ومافهموا شي من الكلام وبندر يتابع وهو ساكت لأنه حظر الخطبه وهو عارف ردة فعل أخــوه على هالسالفه من قبــل ...

ابو فيصل بعصيبه: اللحين إذا بغيت مصلحتك احرجتك الشرهه موب عليك الشرهه على اللي يخطبها لك وأنت ما تسوى ظفرها !! ..

فيصل قفلت معه من جد منهي هذي عشاان ما اسوى ظفرها ؟..بزر لا راحت ولا جت

فيصل باستفزاز :ومن قال لك اخطبها لي أصلاً..

ابو فيصل: فيـــــــــصــــــــل .. ؟؟؟

ام فيصل :وش فيكم ياكـافـــي تعوذوا من الشيطان ..

.......:أعوذ بالله من الشيطان الرجيم..

طلع فيصل وتركهم بالصاله وهو متضــايق يحس بالدنيــا تطبق على صدره لا تقولون لي أنه لين اللحين يفكـر عبير أنا أكثر وحــده أعرف مدى الكـــره اللي في قلبـه لها !!!

ام فيصل تسأل بحذر :وش فيكم ؟؟؟..

ابو فيصل:روحــي اسألي ولدك ..؟؟؟ وطلع معصب لغرفته " هذا جزاي اللحين صدق اللي قال خير تفعل شر تلقى "

دلال اللي ما تدري وش السالفه سألت بندر: بندر وش فيهم ؟؟؟

بندر بلامبالاه أبـداً وباله مع فيصل : أبوي خطب ريما لفيصل وفيصل عصب بس ..

دلال بصدمه:ريـــــــــمـــــــــا ؟؟..

بندر:وجع شوي شوي أذني ايه ريما >وبمكر ..ليه فيه أحد غيرها ؟؟..>كنـي مدري يعني !

ام فيصل تنهدت وطلعت فوق لأنها عارفه السالفه والشي اللي يحطه ابوفيصل في رأسه لازم يسويه..

دلال:وشلووووون ؟؟؟..ومتــــى ؟؟؟..وليييييش؟؟؟

بندر: واحد واحد ترانـي تعبان وما استوعب..

دلال:بندر منيب فاضيه لهبالك جد الكلام ولابس كلام ؟..

بندر:وش كلام انتي ووجهك اقولك أبوي خطبها من عمي قدااام الرجاجيل تقولين كلااام ..

دلال:وهذا ليييش يرفض يحمد ربه أصلاً أن وافقت هي عليييه..

بندر:ليييش؟؟

دلال:ريما مستحييييل توافق لأنها تعرفه زيين..

بندر:والله بكيفهم من كان عندكم اليوم؟؟..

دلال موب مستوعبه السالفه:من يعني عيال عمي خالد وأهل خالتي ساره..

معقوله ريما وفيصل !!

بندر:برووح أنــام..

دلال: تنااااام غريبه النــاس عطله ترى ..

بندر:تعبااان والله لو تشوفين ابوك اليوم كرفني كرف الله لايوريك كنه حاقد علي من سنه..

دلال:ههههههه مزدي فيك..

بندر:يالله اقلبي وجهك بس ..

دلال: ههههه على إي صفحه ؟؟؟

بندر: ها ها ها ما تضحك ..!

................

"أحبــك يامها والله أحبـك كثيـــــر "

مها:هههههه حتى أنا بعد أحبك..

حمد:اليوم درست كثيييير بس الأستاذ عطاني واجب يقول لازم تسوويه على الكمبيوتر حقك وأنا ماعندي وأبي cd بعد ..!!!

مها:بكره الصبح نروح نجيب لك واحد زي حقي..>>اللاب توب..

حمد بفرحه:والللللللللله..؟؟؟؟؟

مها:هههه والله العظيم..

قام وباسها على خدها:إذا درست بصير اشتغل معك طييب ..

مها:هههه ان شاء الله بخليك مدير أعمــالي وش رأيكـ ؟

حمد:عاااادي وأصير زي أبــوي شنطه كبيره وأوراااق كثيره وأقلام بعد هههههه صح ..؟

مها:هههههه صحيــن ..

دخلت عليهم امهم اللي جايه من وحده من صديقاتها:السلااااام وش عندكم أصواتكم

طالعه برى ؟..

حمد بفرح:يمه مها بتشتري لي كمبيوتر زي حقها...

ام مها تناظر بنتها بنظرة:من جدك بشترين لذا البزقه لاب توب ؟..

مها: يمـــــــه!!..

ام مها: وصمــــــه ومن وين بتجيبين له بذري في هالفلووس هذا اللي أنتي جيده فيه !>اللحين صار تبذير يرحم أيام الشنطه بـ 6 آلاف نست شكلها..!!!

مها:بجيبها من عندي موب فلووس أحد طيب تصبحين على خييير وطلعت .. >كالعــاده ما تشوفها إلا دقيقه ونقاش حاد وتنتهي حمد بعد طلع ورى أخته لأنه زعل من كلام مرة أبــوه...

...............

في اليوم الثاني ريما وديما في الصاله قاعديين مع ريهام وامهم مع ابوهم فوق فاضين هالايام عطلة ونادراً ما يطلعون وما سافروا ابوهم مشغول وان سافروا >ربوع بلادي>على قولة ديما لأن

ابو سعود يكرهه الطيارات..

ريما تقرأ مجلة ومتحمسه تحل اختبار شخصيه وديما عند التلفزيون وريهام تناقر راكان كالعــاده ..

ريما:ديما...ديماااااا....ديموو ووه..؟؟؟

ديما: هااااااه..

ريما تناظرها بعين:قولي سم هلا نعم موب هااااااه كنك بقره..

ديما:ههه يالله اخلصي لاتخربين علي البرانامج ..

ريما :اسمعي ..((انتـي فتاة حالمه،رقيقه،هادئه ومسالمه، كلاسيكيه ولديك خوف دائم من التجديد...تعيشين في قصه حب رومانسيه،ربما تكون خياليه أو واقعيه ،ولا فرق لديك بين الاثنتين اصلاً(قصه خياليه او واقعيه)..

همسه لك:

>ديما بدت تتحمس معها <

جميل خيالك وخصب،لكن عليك عدم التمادي في الخيالات المثاليه ،لأن الحياة سوف تصدمك بخلاف ماكانت تريه في أحلامك""وانتبهي لمسأله العواطف ..اي اكبحي جماحها قليلا..""!

انت عاطفيه ولكن بمثاليه لديك مشاعر شفافه متزنه، عاطفتك جياشه ولكنك تحتفظين بها في ثنايا قلبك،وتدعمين المقربين إليك في المحن...)) صــدق هذي شخصيتي؟؟؟..

ديما فاتحه عيونها من الدهشه:ريموووه تحبين ولاتعلميني ؟؟..

ريما:خييير انتي وجع وش أحب لاتدخل امي وتقلبها جد

من جدك ترى هذا امتحااااااان بس وركزي قصه خياااليه ترى ..!!!

ديما:مدررري !..

ريما:وشو مدري أنا كذا ولا لا توأم ببلاش !..

ديما:يمكن كذا بس قصه حب ما دخلت مزاجي..!

ريما تتنهد:ولا أنــا..

دخلت أم سعود على بناتها ونادت ريما:ريما امي تعالي أبيك..؟

ريما تقوم :إن شاء الله..

ديما:وأنـا ..؟؟

ام سعود:وش أسمك؟؟..>>تحطيم!

ديما:سوري..والتفتت على أخوانها ..وجع خلااااص اسكتوا وانتي العاقله تحطين عقلك بعقل بزر..؟

ريهام:بلااه يرفع الضغط راكانوووه أبعد عني أحسن لك..

ديما:اففف بس متى أعرس وأفتك..!

ريهام بصدمه:نعــــــم !!..

ديما:خيير ولاتبغيني أعنس بسم الله علي من الشر..

ريهام:هههههههههههههههههههههه

ديما:قايله نكته الأخت..؟؟

ريهام:لا أضحك عليك من جدك طموحك زواج المرأه لازم تكون لها مستقبل مستقل عن الزواج

لأنه مشرووع فاشل مع أحترامي لكل المتزوجيــن قليل ما تلقين زواج متكافئ من كل الجوانب صدقيني كلامي صح ما أدري شلوون ما تفهمون ؟!..

ديما:بلييز احتفظي بفلسفتك لنفسك مستحيل هذا رايي ومستحيل أغيره الزواج

أهم من اي شي ثــاني خصوصــاً للبنت ..!

ريهام:الحمد الله والشكر ناس ماتفكر..

ديما:مخليه التفكيير لك يا ...... مدري وش اسمها..

ريهام :أحلفـي بس ؟

ديما بخبث :تبين أطلع أسمهـــا ؟؟

ريهام :لاااا شكــــراً ..

...........

اما ريما في المجلس منصدمه:فييييييصل ؟؟؟..

ام سعود بابتسامة:ايه فيصل ليه وش فيه رجال وتتمناه ألف بنت...

ريما تهز راسها :بس أنا موب من هالألف ..!!!

ام سعود تمسك نفسها لاتعصب :وليييه ان شاء الله ..؟؟

ريما:يمه أنتي ما تعرفين فيصــل مثلـــــــي !..

ام سعود بعصبيه: وانت من وين تعرفينه؟؟..

ريما بارتباك:موب ..قصدي....بس..صراااحه من كلام دلال عنه أنساااان يخوف يمــه ..!

ام سعود:هههههههه اللحين بتسمعين كلام دلال يابنتي ياحبيبتي الرجال غير مع مرته

وغير مع أختــه أهله ..

ريما:بس ولو هو هو اللي مافيه خير لأهله مافيه خير لزوجته وش اللي بيتغير يعنـي ..

ام سعود بحزم:اسمعي ابوك راضي وواثق أنك بترضين لاتهدميين كل شي بيدك وفيصل رجال والنعم فيه وأنتي تشوفين خيــره على أهله فكري زيين واستخيري وعطيني خبر..

ريما:بسس ..!

ام سعود:لا بس ولا شي بقول لأبوك بتفكر مع أنه متاكد من موافقتك وسوي اللي قلته!

>تركتها وقامت طلعت..

أما ريما ظاقت فيها الدنيا "معقوله أبوي يزوجني غصب عنـــــي وما لقى الا فيصل معقوله فيصـــــــــــل" خنقتها العبــــــره وما قدرت تمسك نفسها وقعدت تصييح "يعني موافقتي موب مقدمة ولامأخره ابوي متاكد منها ياربي ارحمني الا فيصل هذا

أخر واحد افكر فييه " >>ايـــه قابليني ؛) .....

دخلت عليها ديما وانصدمت لما شافتها حاطه راسها بين ايدينها وتصيح بصمت ما تسمعين الا شهقاتها..

ديما :ريم وش فيك لييه تصيحين؟؟..

ريما:ديما ...فيصــ...ــل...فيــ .....

ديما ارتاعت لايكون صاير فيه شي امس عزيمته:وش فيه صار له شي ؟؟..

ريما:انا اللي بيصير لي انـــــا ..!

ديما:فهميني والله مدري وش تقولين..

ريما وهي تمسح دموعها:فيصل .. خطبني من ابوي وابوي متاكد أني بوافق يعني انا اخر من يعلم >>>طيب ارفضي ياختي وريحينا ههههه تخــرب بس والله ترى معـي شهادات في هالأشيـاء ههههه قولي ما أبي وبس >>> سوري نرجع لهم ..

لمتها ديما تهديها: هيييه اعقلي ابوي مستحييل يغصبك على شي انت صاحيه أنتـي تعرفيــن أبــوي ..

ريما:الا إذا فيصل والله مايشاورني ولد اخووه ياديما ولد اخووووه ..

ديما:ان شاء الله ولده هههههه لاتناظريني كذا تعوذي من الشيطان وقومي صلي لك ركعتين استخيــري طيب أحسن من دموعك هذي..

ريما:مستحييييل اوافق..!

ديما:صلي ولنا كلام بعدين..

طلعت ريما غرفتها ورجعت ديما للصاله..

ام سعود: وينها..؟؟؟

ديما:فووق..

ام سعود:فهميها أن رفضها ما له اي داعي..

ديما:بس يمه.......

ام سعود:انتهى الموضوع دقي على أمك منيره ما كلمتها اليوم ..

ديما:إن شاء الله..

>>ساره في هالمواقف ماعندها (يمــه ارحميني ) اللي تتوقع انه بيكون سعادة وحده من بناتها مستحييييل تناقش فيه اصلاً من يوم رنـا وهي تشوف سعادة ريما مع فيصــل >>وبيني وبينكم يعجبني منطقها لانها هي اللي مربيتهم والادرى بالزين والشين لهم ما ادري احس كذا

..............

في بيت رنا الحاله متأزمه شووي ..

رنا:طيييب ليييش ماقلت لي من قبل؟؟؟

زيد:هذاني أقولك اللحين ..

رنا:وش عقبه ما يمديني أســوي ولا شي ..

زيد:رنا اقصري الشر وخلصي بعد المغرب بمرك..

رنا:زيييد وش فيك علي عزيمه كبيره ولي وانا توني عرووس يعني أروح كذا ؟؟..

زيد:وش تبيني أسوي لك يعني؟..

رنا بعبره:أنت لييش متغيير؟؟..

زيد:ماتغيرت ولا شي يتهيأ لك..

رنا تتنهد:يبيلي كوافير..

زيد:رنا أنا مشغول اللحين ومانيب فاضي لحركاتك كوفيرا ومدري وشوو ..

رنا:حركاتتتي إي حركاااات موب كفايه أنك توك تقولي اللحين ..

زيد بعصبيه:قلت لك مشغوووول وش فيك أنتي ماتفهمين !..

رنا:طيب مر بي بيت خالتي لطيفه وتعال خذني للعزيمه من هناك..

زيد:يعني مصره ؟؟..

رنا:بكيفك وإلا ما رحــــت ...

زيد:ضفي قشك بسرعه ربع ساعه والا والله لحرك..

رنا:أوكي طيب >طبعاً راحت لبيت لطيفه عشانها تعرف تزيين شعر ومكياج وعندها خبرره من الدورات والســالفه أن عمــان زيـد عازمينه ومرته في أستـراحه كبيييره عشان رنا طبعاً ..

............

مها:مو شرط بنت عز ولا عايله معروفه نأخذ له وحده على قد حالها ونفهمها حالته ووش دراك يمكن تقدر تغييره..

ابو حمد:معقوله يا مها تشترين بنات الناس بفلوسك !!..

مها:يييبه افهمني حمد محتاج لأحد جنبه معه على طوول أنت مانت دايم له ولا أنا

وش دراك يمكن يتوفق..؟

ابو حمد:وبنت الناس بترضى تشتغل طول عمرها شغاله لأخوك..؟؟!

مها تتنهد:يبــه من قال شغاله بتكون معززه مكرمه تأمر وتنهى في قصـــر ماحلمت به في يــوم ..

ابو حمد:وأمك تدري ؟؟..

مها:انت اللي بتفاتحها بالموضوع..

ابو حمد:وهو يدري ؟؟..

مها:لا بس أقدر أفاتحه أنا..

ابو حمد:لابغيتي شي يابنت ناصر توصلين له بكلم أمك ونشوف..

قامت تحب راسه: الله يخليك لي يا احلى ابو في العالم..

ابوحمد:ههههههه عقبالك إن شاء الله و يالله ممكن تطلعين من مكتبي اخلص شغلي..

مها:تامر ما طلبتش يا داد..

.............

منيره:طلييل لاترفع ظغطي..

طلال:هههههههه شدعوه يأم طلال أنا اللي ارفع ظغطك..؟؟

ضاق صدر منيره عشانه ناداها باسمه وتجاهل عبد الرحمن:أم طلال !!خوش والله..

طلال:ههههههههه ولايهمك يا أم عبد الرحمن هاا وش قلتي ؟..

منيره:الله يرحمه ويغفر له ولابييك ان شاء الله..

طلال:يغفر لهم جميع بس بتقولين وش قلتي إن شاء الله >وقف .. تأمرين شي الغاليه..؟

منيره:بتطلع عنبوك أقعد معي شوووي منيب أشوفك إلا طراره ..

طلال:ههههه والجيران وينهم سيري على وحدةٍ منهم عندي شغل ضروري والله..

منيره:عنبو ذا الشغل الضروري اللي موب يخلص بسلامتك بدق على ام عبد الله تجيني..

طلال حب راسها: يالله فمــــان الله ..

منيره تراقبه:في حفظه ورعايته..

.............

دخلت عليها غرفتهم وقفلت الباب..:هااا كيف النفسيه؟؟؟..

ريما:آآه مدري..

ديما:وش اللي ماتدرين عنه.؟؟

ريما:خايفه اوافق اسعد اهلي على تعاستي وخايفه ارفض اتعس اهلي على سعادتي..

ديما:بليييز خلي محاظرات ريهام عنك وكلميني بعقل مفروض تفرحيين يالخبله..

ريما:افرررح ؟؟..

ديما:اييه افرحي فيصل رجال وابوي مستحيل يصر عليه الا لسبب..

ريما:يعني تسووين نفسك ماتعرفينه ماتدرين وش مسوي بدلال ؟؟..

ديما:تدرين عااد دلال أكثر وحده تموت فييه بس من تالي مدري وش فيه !..

ريما:وأنا بصير من تـــاليــه؟؟..

ديما:لاتاخذين الامور بحساسيه وشوو من تاليه ..؟ إلا دلال الخايسه ليييش ماقالت لنا ؟؟..

ريما:انا مستغربه حتى ما لمحت لشي أبداً ..

ديما:لحظه..طلعت جوالها من شنطتها وفتحته مقفل من امس ودقت على دلال..

دلال:هلا والله ..

ديما تحط سبيكر:أهلييين وش أخبارك ..؟

دلال: بخير الحمد الله أنتوا ؟

ديما: بخير ..وينك..؟؟

دلال:في بيتنا..

ديما:وش اخبارك عقب أمس؟؟؟..

دلال مرتبكة:بخيير..ليه وصلكم شي؟؟..

ديما:مسويه ما تدرين عن شي ؟!..

دلال ما تعرف تخبي شي فكبت العشا بقووه مع أنهم ما سألوها..:والله حتى انا استغربت يعني كل شي بسرعه تصدقين توني ادري امس حتى اني تفاجئت بس والله فرحت ريما تعييش عندنا أنواع الفله نغيير هالكآبــة وجو هالبيت شوي..

ابتسمت ريما على كلامها..

ديما:إذا وافقت..

دلال خافت:لييه هي رافضه؟؟..

ديما:خايفه من كلامك عنه تقول هتلر ههههههه >>ناظرتها ريما يالنصابه..

دلال:هههههه لاتسمع مني ترى أنــا اكثر وحده عاذرته اللي شافه مو شويه..

ديما بفضول: وشو اللي شافه ؟؟؟>>لانهم مو على علم بالسالفه كانوا صغار 14سنة تقريباً أو ما أعطوها أدني أهتمام على هذاك الوقت اللي يعرفونه أنهم فصلوا فساتين لزواج فيصل وتكنسل الزواج بس ؟؟

دلال:هااا لاولاشي قولي لها تستخير وتشوف..

ديما حست انها تصرف:الله يكتب اللي فيه الخيير يالله اجل ما اطول عليك..فمان الله..

دلال:في حفظ الكريم مع السلامه..

ديما:الله يسلمك

>>فعلاً االلي شافه موب شوي زعزع ثقته بنفسه وفي الحريم كلهم ..!!!

ديما لريما:وش رايك؟؟

ريما:مدري احس فيه شي موزينه(مخبينه)عنــا ، مدري بس تدرين احس براحه مع انه أكثر وااااحد أخــاف منه في الدنيا ..

ديما:ههههههه مسويلك رعب ؟..

ريما:أكثررر مما تتصورين يسبب لي مااااغص ! ..

ديما:هههههههه عليك احاسيس مدري وش تبي (ماغــــــص) اسكتي بس .. وش بتقولين لأمي اللحين ؟؟..

ريما:تتوقعين ابوي يغصبني ؟؟..

ديما:ممكن انه يكون معك بس اذا فيه سبب مقنع وسببك بايخ مع أحتــرامي الشديد لك

اخاف منه الحمد الله والشكر وحش هو وأنا ما أدري..؟

ريما:انتي ماتدرين عن شي عصبي وبسرعه يحمق ويمكن مغصوب علي بعد !!!

ديما:وش مغصوب عليك أنتي ، ريما هو وأنـا مدري ..؟؟؟

ذبت عليها المخده:وش قصدك يالخايسه...؟؟؟

ديما:هههههههه ولا شي انزلي للعشا ترى امي شقت بنفسها ناديها ناديها

ريما :طيب ...

وهم في الدرج ينزلوا

ديما :بتخلينـــي يا ريما ؟؟

ريما:لا تخليني أصيــح تراني على جريف !

ديما :هههههه بقوووه بس والله بفقد توأمـــي ما استغني أنــا

ريما:خليني أوافق ...!

........

بعد العشا رن التليفون واقرب وحده له ديما رفعته من دون ما تنتبه للرقم والكل بالصاله امها وابوها وخواتها

ديما:الوووو

وصلها صوته الخشن: الوووووو

ارتاعت:نعــم..

.....:ينعم عليك ياحلووو..كيفك؟؟؟

ديما:من تبي..؟؟

.....:أبيك أنتـــــي..؟؟؟

ديما عصبت:نعــــم ..؟؟قليييل أدب وجع يوجعك ان شاء الله جعلــكــ....شافت الكل يطالعها بنظره طالعتهم ببراءه

>والله مالي دخل< جت تسكر السماعه جاها صوته من جديد

.....:ههه لحظـــــــــــــه..

ديما: خييير ؟؟..

.....:ماعرفتيني ديما أنا أحبــــك!! متـى بتفهمين ! يآختــي تعبت منك !!!!

جمدت مكانها ويعرف اسمي بعد ناظرت أهلها والدمعه في عينها هئ هئ ..

ديما برجفه :ميين؟؟؟ >>ويالله طلعت

.....:معجب..

ديما:علـــى تبـــن...!

.....:ههههههههههههههه ياحبي لك ديووم انا سعوووود ماعرفتيني ؟..

ديما نقزت:سعووووووووووووووود انرسمت الفرحه من عيون امه وابوه من زمان ما كلمهم القاطع ..

ديما:وجــع روعتني قسم بالله قمت أتنافض هههه وش اخبارك علومك وينننك يالقاطع ماتدق ولا شي ؟؟..

سعود:هههههههه طيب بخييير بالله عليك ما عرفتيني ؟..

ديما:لا والله صوتك متغير مررره ..

سعود:ههههه مزكم شوي..

ديما:سلامــــ... سحبت امها منها السماعه وكلمته والدمعـه في عينها وكلمه ابوه وريما وقالهم انه اخر العطله عندهم ان شاء الله يعني بعد شهرين بالضبط

>الله يرجعه بالسلامه اشتقـــــت لــه والله >>ههههههه احلفي بس

............

انتهى الجزء ...

تكملة للرواية

...@@البارت الثامن@@...

محتاجه لقلب عن همي يسليني

محتاجه لقلب يفهم معاناتي

محتاجه افضفض عن اللي في شرايني

محتاجه اسولف من اول حكاياتي

محتاجه كف على كتفي تهديني لاجيت ضايعه تجمع لي شتاتي

محتاجه لعين تراقبني تراعيني تبكي إذا غبت وتدور محطاتي

محتاجه كل شيئ بالدنيا يواسيني

مليت غربه وملتني مسافاتي

يكفي تناسيت حتى اقرب عناويني

يكفي مضى الوقت ماقررت غاياتي

مليت اكابر وهالدنيا تعنيني

يكفي تجاهلت حتى اكبر عذاباتي

>>لســــــان حال بطلاتي بعد أسبوع..

ريما > اللي عايشه اكبر صراع بحياتها توافق وتخليها على ربها وتتحمل ولاتقدم نفسها على كل شي وترفض بس تخاف انها تكون سبب لتفرق هالعايله اللي على يد وحده !..>>وأنـا أقولك اللي يقوله لك قلبك أتبعيه ..

ديما> اللي فاقده اختها كثييير من انخطبت الاربعاء اللي راح وهي مرره في عالم ثاني حاسه فيها وفي الصراع اللي عايشته بس مافي يدها شي تقدر تقدمه لها إلا أنها تقولها أني معـــك بس ..

رنا> وآآآآه من رنا طول هالاسبوع وهي متجاهله كل شي في حياتها واكبرهم زيد اللي حاسه ان فيه شي بس ما تدري وشوو..

دلال> الوحده وخاصه في العطله ووقت الفراغ الزايد مسبب لها مشكله ماعندها الا فيصل وبندر وساحبين عليها..

مها >عايشه فرحه اخوها اللي ما صدق بدوره الكمبيوتر وكل يوم يجي يوريها اللي تعلمه وهي خبرر كااان..

نرجع لاحداثنا بعد فاصل (النفسيات)..

.............

"يستاهل والنعم فييه"

ساره: داريةٍ والله بس ذا البنت مدري وش فيها !..

منيره: يابنيتــي لاتضغطين عليها يمكن انها مستحيه ولاش..

ساره: يمكن الله يكتب اللي فيه الخير..وش اخبار رجيلاتس مع الرماتيز؟؟

>الرماتيز =الروماتيزيوم عندنا هههههه اختصار..

منيره: والله انها اشوى ان تركت الحبوب صالت علي وإن خذتها أشــوه ولا ندري وش نسوي ..

ساره:وشوله تتركينها يا اميمتي الزم ما عليك صحتك..

منيره:عااد انا تاركتها يالله ما أطول عليك خلني أمسك طلال يوم أنه عندي ابروح لبلشرف اتقضى>>بلشرف سوبر ماركت قريب لبيتهم..

ساره: يالله اجل مع السلامه ..

منيره:فمان الله..>>المحادثه بالتليفون طبعاً..

طلال :ريــــــما بنت أختي ساره انخطبت صــح ؟..

منيره:ايه لأكبر عيال عمها

طلال يفكـر :ريمـــا بنت أختــــي ؟؟ بنت أختــي ؟ اممم

منيره :أيه عندنا غيرها ..؟؟؟

طلال بفرح:هههههه لا بس اللللله بصير جـــد..!

منيره:وش جده الله يخلف على امن جابتك خال بتصير خال يالفاهي..

طلال:ههههه وشفيك يمه عااادي بحسبه جدها !..

منيره:عن الهذره الزايده وودني لبلشرف ناقصنا في البيت اغراض ..

طلال:ان شاء الله إلا متــى حددوا العـرس ؟؟

منيره:خلها ترد عليهم بالأول ..

طلال:الله يوفقها ياربي

منيره :آآميييين وخوياتها وبنات المسلمين

طلال:آآميييين ..

منيره :وأنــت !

طلال:وأنـا معهم وشباب المسلمين

منيره :آمييييين

طلال:ههههه يا حبي لتس يمـه ..

.............

"ما كن أخــوي تأخر علينا بالرد"

ام فيصل: لا عااادي خلوا البنت تفكر الا انت وش طاير علييه ؟؟

ابو فيصل بابتسامه:ما طرت على شي بس ودي بشوفة عيال ولدي قبل لا أمووت..

دلال:بسم الله على قلبــــك من المووت !..

ابو فيصل:ههههه من وين طلعتي ؟؟..

دلال ببراءه :من فوق !..

ام فيصل: توك تقومين؟؟والصلاه في الرحال..>>كان الوقت عصـــر..

دلال:ايه والله توني أقوم والصلاه فيصل قومني الظهر واللحين صليت العصر..

ابو فيصل:بعدي بنيتي..

دلال تغمز له:اعجبك ، يمه مافي غدا ؟؟..

ام فيصل:عازلتلك بالمطبخ حمي وكلي لك شي..

دلال:أوكـــي في حدا بدوه ياكل معي ؟؟

ام فيصل :شوفي فيصل ما تغدى

دلال:مريت عليه يقوول ما ابي شي

ام فيصل :أجل مافيه إلا أنتي إنا تغدينا ..

..........

ديمـا :شوفوووا عاااد ان ما طلعنا اليوم يمكن يصير لي شي!!

ام سعود:وين تبين تروحين ان شاء الله..؟

ديما تقعد عند امها :الله يخليك يمــــــه اي مكااان والله طفشنا ما كنا بعطله اعوذ بالله..

ام سعود:امك منيره معزومه عند جيرانها وخالتك عند حمولتها وسوق مافيني حيل !..

ديما:ومن قال ابي امي منيره اصلا طفشنا وش رايكم بيت عمي ؟؟..

نطت ريما بصوت عاااالي :لااااااا بيت عمي لااااااا..

ابتسمت امها وردت ديما بخبث:ليييه تستحييين؟؟..

ريما احرجتها الدبا :ما لك دخل !!..

ريهام اللي ما تدري وش السالفه:ليييه تستحي عادي دايم نروح لهم ..؟

ديما:سواليف كبااار عن اللقافه..

ريما:ههههههه حلوووه..

ريهام:الشرهه موب عليك الشرهه على اللي يسألك..

ام سعود لريما :وش قلتـي أرد على أبــوك لا سألنـي اليوم ؟؟..

ريما تناظر ديما تبيها تنقذها بس لفت عنها للتلفزيون..

ردت على امها.:اللي تشووفونه !!..

التفتت ديما بصدمه:وافقتــــــــي؟؟؟؟

ام سعود:الله يكتب لك اللي فيه الخير إن شاء الله هاذي بنتي اللي اعرفها الله يبشرك بالخيير..

ريما ساكته وديما تناظرها بعتاااب >لييه تسرعتــي !<..

..........

الجـــو باااااااارد كبرووود الثلج طبعاً موب الجو اللي برى برى حر يشوي العصافير داخل البيت و أنــا أعتبره عاده في منازلنا بعد فتــره من الزواج وما أدري العيب في مين ؟ فينا وإلا في عاداتنا ..؟

توهم معرسيــــن وش حليلهم تقول زوج كناااري بعدين ما تدري وش يجيهم يصيرون رسميات برسميات وما أدري متى بتنحل هالمشكله !

رنا:بروح لأهلي ..

زيد:ليييه..؟؟؟

رنا:زياره اليوم أربعاء ومن أسبوع ما شفتهم يعني ليييه ؟..

زيد:اذا جيت طالع للاستراحه حطيتك..

رنا:متى..؟؟

زيد :مدررري على حسب..

رنا:طيب سولف ياخي ما مليت من التلفزيون...؟؟

التفت عليها:ليييه مليتي ؟؟..

رنا باستهزاء :تقريباً ، عن أذنك..

زيد:اقعدي لاتقومين بروح اتسبح..

"يالله صاير ممل بزياده موب هذا زيد اللي اعرفه يمزح ويحب يجنني ويرفع ضغطـي صاييير مره هاادي حتى السواليف بالقطاره اللهم ياكافي..آآآآآه اللهم طولك ياروح على هذا اللوح !.."

جت هالقصيده وطولت عليها كانت تحبها من يومها بنت وجت على العوق اللحين

**كان فيني عيب قلي فيني العيب الفلاني

............كان هرجي مزعلك في شي قلي لاتعيده

اعنبوك ان مت بيدك وش يفكك من اخواني

...........لاحزنوا ربعي علي ومـزحك اللي تستفيده

انت منت اللي عشقته انت اكييد انسان ثاني

...........كيف صرت بهالبرود وهالاحاسيس البليده

وين حبك للزعل وين العناد الاولاني

............وين حنيه زمان وفرحه العمر الرغيده

وين ذاك اللي لاقبل مايبات الابامان

.............وين راح اللي لاقفا مايروح الا فقيده

واحدٍ من جابه الله بس يامر ويعصاني

..........الوحيد اللي اخافه غصب وامشي معه سيده

مابغيت اطيح بايده لين ما ربي بلاني

............ولا انا لو هي بكيفي مابغيت اطيح بايده

ذاك بس اللي لامني شفته يلخبط كياني

............ذاك من نظره ينشف دم قلبي في وريده

قبل اشوفه اجمع له احلى القصايد والمعاني

.............وان لقيته ماعرفت اقول جمله مفيده

"ياحبي لك ياحامد >>حامد زيد.. جبتها على العوق على قولة الامارتيين فديتهم ليت ذا اللي عندي يسمع.."

صحت من تفكيرها على صوتــه ..

زيد:يالله ماخلصتي..؟؟؟

رنا تقوم :دقايق..!

وزيد يمسك الريموت ويناظر القناة والقصيده سكر كل شي وهو يحاكي نفسه

"تحب حامد يمكن أكثـر مني ههههههه معليش آسف يا رنـا مو بيــدي "

..........

بالحوش طلعوا يغيرون جو على قولتهم احسن من جو البيت خاصه بعد المغرب..

ديما:اهم شي انتي مقتنعه حرااام عليك تبنين حياتك على سعادة الغييير!..

ريما:الاقتناع اخر ما افكر فييه بس يمكن اتقبل الموضوع فكرت بعمي اللي يعزني اكثر من بنته حتى انا يشهد الله انه بحسبة ابوي فكرت انه تعبان ومريض ما تتوقعين رفضي يأثر عليه وحتى على علاقته بأبوي يمكن هالشي يفرق بينا وهذا أخر شي أفكــر فيـه لو على حيــاتي وبعدين يمكن يتغير لييش لا ! ..

ديما:انت بتعرسين على عمي ولا فيصل ؟..

ريما:ههههههه لا ولده..

ديما:والله انك فاضيه ورفعت راسها للقمر>>من زمان عن دلول ما كلمتيها ؟؟..

ريما:لا والله ما كلمتها ليتها تجي اليوم..

ديما:كان رجلك بيجيبها !..

دزتها ريما:رجلي في عينك ..

ديما:هههههههه هذي اللي بتتقبل..؟

ريما:اقول ..دقي عليها معك جوالك..؟؟

ديما: لا بالبيت..

ريما:شوفي جوالي في المدخل جيبيه..

ديما:لا والله ؟..

ريما:ايه والله ترى انا الكبيره..

ديما:امحق كبيره بس بجيبه عشان دلال ..وراحت عنها..

ريما تفكر وهي سارحه"ياترى اللي سويته صح ولا غلط معقوله يكون كل شي عشان اسعد

غييري وانا اللي ارووح فيها لا الله لايقوله الله ياخذك يا ديما ما تعرفين تحكيين زي الناس أنا

مقتنعه مقتنعه مقتنعــــه أوكــــي !.."

"نحن هنا"

ريما:صدق عااد..

ديما:عاد ولا ثمود هههههههه..

ريما الحمد الله والشكر جيبي ادق عليها بس..

دقت واستنتها تدق ولا احد شاله دقت ثانيه وثالثه لين حرقت جوالها وما ردت عليهم..

ديما:دقي على بيتهم ..

ريما:صعبه!..

ديما:وش صعبه عاادي بيت عمي ترى..

ريما تدق:يالله الله يستر..

ديما:ههههههه بتدخلين حرب انتي ..

ريما: يمكن>>دقت وبعد ثاني رنه انرفع التليفون وانغرف قلبها>>هههههه على قولة تيته ^^..

:الووووو...

ريما بصوت مرتجف:الو..

فيصل:مررحبا..

ريما يا ربي ويرحب بعد بمووت: السلام عليكم..

فيصل بملل:وعليكم السلام والرحمه..

ريما:دلال موجوده..؟؟

فيصل:ايه ، من أقولها ..؟؟؟

ريما:......ريما..

فيصل زين قعدته:ريـــمـــــا ؟؟..

ريما ياويلي ياحظك ياريما أكييد فيصل :.........>>لارد

فيصل: لحظه شوي .. دلااااااااااال .. دليييييييل..؟؟

دلال :هلا خييير ..

فيصل:ريما على التليفون..

دلال مستغربه:ريما بنت عمي..؟؟؟؟

فيصل بعصبيه:لا بنت الجيران..

دلال :طيب هااات...هلا ريما..

ريما معصبه:وييين جوالك يالخايسه..؟

دلال:هههههههه سلمي اول..

ريما تسوي نفسها ما تدري :مين اللي رد علي..؟

دلال تهمس لها:عريــس الغفله هههههه..

ريما: مااالت عليك وعليييه دقي على جوالي بسرررعه..وسكرت بوجهها ..

دلال تناظر السماعه وتضحك:هههههههه شفيها شاربه شطه ..؟ >>والتفتت على فيصل وماتت من الضحك..

فيصل باستغراب:خييييير؟؟

دلال:ولا شي وراحت لجوالها اللي في المكتبه على الصامت ولقت 12 مسد كول :ماألومها معصبه..

ودقت على جوال ريما وقعدت في طرف الصاله:ههههههه هلا وغلا ..

ريما حاطة سبيكر: فرحاانه انت ووجهك ؟..

دخلت ديما عرض بالسالفه:امانه دلال من اللي رد عليها..؟؟

دلال:ههههههههه فيصل !>>والتفتت عليها يوم قالت اسمه وهي ميته ضحك..

ديما: اشوف الحرمه اعتفست والوجه اشاراة مرور والحاله حاله..

دلال:ههههههههههه شفتي وشلوون وش رأيك نجرب؟؟

ديما :هههههه والله ميب شينـه !

ريما: ترى والله لسكر عشان تعرفون شلوون >>جوالها خلها تتدلع

دلال:هههه لا خلاص والله توبه ..

ريما:اييه خليك كذا..

دلال:وينكم اسبوع يالقاطعااات ؟..

ديما:إنا فيه انت اللي وينك؟؟..

دلال:أنا في بيتنا..

ديما:احلفي عااد..

دلال:والله...

ريما:ههههه ما عليك منها تعالي عندنا غييري جو..

دلال: ودي والله بس بكرره بنجي ان شاء الله..

ريما: لييش بكره؟؟..

دلال:ههههههه مسويه ماتدرين كلنا بنجي بكرره..

ريما تناظر ديما..

ديما:لييييه ؟؟؟..

دلال:لييه يعني نبي نخطب رسمي ..

ديما:والله ؟؟..

ريما:ما اسرع ما امدى امي ما شاء الله !..

دلال:عصر السرعه خيتو تو عمي دق على أبوي وقاله وأبوي قال بنجيكم بكــره ..

تنكدت ريما "على طوول ما صدقوا ميـــر !"

ديما: متى بتجون بكره ؟..

دلال:والله مدري بس اتوقع بعد العشا..

ديما لاحظت سرحان ريما:يالله اجل نشوفك على خير

دلال:على خير إن شاء الله تبون شي ؟؟

ديما:سلامتك بااااي

دلال: بايووو..

فيصل اللي معها بالخط وبعصبيه:ومن قالك إنا بنروح بكره على كيفك تقررين ؟؟..

دلال تدق عليه:والله موب خطبتي اقرر ابوي اللي قال لنا تو >>وطلعت وخلته

فيصل "حلوو والله يقررون وانا اخر من يعلم يخطبها هوو اجل.."

...........

اما ريما في عالم ثاني..

ديما: هييييييه وش فيك ؟؟..

ريما:هااا والله مدري ليييه ما صدق ابوي على طول بكرره ليييش؟؟

ديما: عمي وولده المستعجلين موب ابوي مين قدك حركات ..

ريما:إي حركااات ياحظي ..

"وش عندكم مسووين رحله في السور(الحوش) ؟؟"

ديما:هههه تقريبا انتي من وين طلعتي ؟..

رنا تسلم:من الباب..

ريما:من فتحلك ماشفنا احد..؟؟

رنا:نسيتي ان معي سبير >يعني نسخه من مفتاح البيت ..

ديما:حلووو حتى الغرب معهم سبير..

رنا تصقعها في كتفها:الغرب انتي ووجهك..

ريما:هههههه ما عليك منها خلونا ندخل بس حـــر..

رنا وهي مبتسمه فرحانه لأختها ولصديق الطفوله :صدق الخبر اللي سمعته؟؟؟؟..

ديما:لا اشاعه..

ريما:يامسرع ما ينتشر الخبر تخيلي خالي طلال داق يبارك يقول أخيييراً بصير جد..

رنا:هههههههه والله انه مفلت وش دخله جد ؟..

ريما:هههههه اندري عنه ..

رنا: الله يكتب اللي فيه الخير فيصل يستاهلك يالريم

وريما في نفسها " والله مدري وأنا أختك اللي سويته صح وإلا خطأ "

على دخلتهم البيــت ..

ديما:يمـــــــــــــه رنااااااااااااا جـــــــــت>>إعــــلان تسويقي لا مثيــل له اللي يبي إي خدمه حنا حاضرين له ^^

...............

مشكورة

	#8
زهرة الاسلام	رد: بسمه العمر الجريح كامله بسمه العمر الجريح كامله تكملة للرواية

	#10
lola lola	رد: بسمه العمر الجريح كامله بسمه العمر الجريح كامله مشكورة