المشاركة الأصلية كتبت بواسطة ليلة بكى فيها القمر

الحقونييييييييييى يابنات قبل ماتجنن
ازيكو يابنوتات انا عندى مشكلة كبيييييييييييييييييييييييييييي يييييييييييييرة جدا واتمنى الاقى الحل عندكو

انا مخطوبة بقالى تقريبا سنتين وخطيبى بالنسبة لاى بنت عريس مناسب جدا وظروفه كويسة جدا والاهم من كدة انه بيحبنى وبيموت فيا(مش عارفة والله على ايه) المهم ان انا قبلت الخطوبة على اساس نعرف بعض ونعرف احنا مناسبين لبعض ولا لا لكن ده من وجهة نظرى
اما بالنسبة ليه لانه كان بيحبنى من فترة فكانت موافقتى عالخطوبة موافقة نهائية

ولانى لسة فى الجامعة اتاجل الجواز طبعا لحد ماخلص
من خلال فترة خطوبتنا عرفته اكتر وللاسف رغم انه كان بيعاملنى كويس جدا وحبه اللا انى ماقدرتش احبه
لانى مش حبيت شخصيته وكانت فى حاجات رغم انها مش بتعتبر عيوب اوى يعنى لكن كانت بتفرق معايا جدا وكانت بتخلينى احس ان فيه حاجة ناقصة ودى كانت اكتر حاجة بتضايقنى لان ماينفعش تكون دى نظرتى للهايبقى زوجى
طبعا هاتقولولى طيب ليه استنيتى سنتين لان كنت دايما بستخدم عقلى واقول ان المهم يكون شخص كويس وبيحبنى والمهم ان تكون علاقتنا كويسة وكنت دايما طول السنتين حالتى متقلبة مابين انى امشى بالعقل بس او انى ادور على راحت قلبى وراحتى النفسية
لكنى وصلت لمرحلة انى مش قادرة وزهقت حتى لو كان ملاك بالنسبة لاى حد لكن انا مش مرتاحة واخدت قرار انى افركش الخطوبة وصليت صلاة استخارة وبعدها كلمت اهلى وقولتلهم انى مش عايزة اكمل

لكن كلهم قالولى طبعا لا الولد كويس جدا وبيحبك جدا وانتى اكيد هاترتاحى معاه
وش مقتنعين بكلامى وكلااااااااااااااااااااااااااا اااااااااااااااااااا ااااااااااام كتير فى مميزاته وان الواحدة صعب تلاقى دلوقتى حد كويس وبيحبها وان انا كدة بتبطر على حاجة كويسة وربنا هايعاقبنى باللى اوحش منه
وطبعا الكلام ده لخبطلى دماغى جدا ومابقيتش عارفة اعمل ايه انا لسة مقتنعة بكلامى وان مش دى الشخصية اللى انا عايزاها وشايفة ان الحب اهم عندى وان هو اللى بيهون علينا اى حاجة فى نفس الوقت خايفة من الكلام اللى اتقالى

ساعدونيييييييييييييييييييييييي ى يابنات الله يكرمكم انا هاتجنن خلاص
هل اسمع كلامهم واقول كفاية انه بيحبنى مع انى عارفة ان احساسى مش هايتغير كان اتغير فى السنتين ومع محاوالاتى الكتير لتقبل الوضع
ولا امشى ورا احساسى وراحتى النفسية وهل فعلا انا لو سبته يبقى بظلمه مع انى عارفة ان ربنا هايرزقه باللى احسن منى بكتير وهل ده مبرر انى استمر معاه وانا مش بحبه
انا عارفة انى طولت عليكو بس لازم انقلكوا الصورة عشان تقدرو تفيدونى