|
|
التعامل مع الزوج و العلاقة الزوجية بين ايديه..... واحس انك بعيد....((زوجي الغالي)) يوجد هنا بين ايديه..... واحس انك بعيد....((زوجي الغالي)) العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين |
|
03-05-2012, 12:36 AM | #1 |
:: كاتبة قديرة :: |
بين ايديه..... واحس انك بعيد....((زوجي الغالي))
السلام عليك
في بداية الزواج كل وحدة تتسائل شلون عشت عمري اللي فات من غير هالانسان!؟ كل واحد منا يركز على الثاني ويدور رضاه وهذا اللي خلانا حيل قراب من بعض …. ولكن!! بعد مرور سنين من الزواج يتحول تركيزنا الى اشياء ثانيه الدوام , العيال , البيت ويقل تركيزنا حق بعض ويمكن يختفي , لسوء الحظ هذا اللي يخلي الحياة الزوجيه تصير بارده وفي حالات ثانيه تخلي العلاقة تموت ... عمركم تسائلتوا شلون الناس يظل زواجهم لمده 30 او 40 سنه اواكثر والحب مايموت؟؟ تبون زواجكم يتم الى اخر العمر مع وجود الحب؟؟ المفتاح انك تخلين شوي تركيز على زوجك وشريك حياتك , هذي بعض النقاط اللي تبينين فيها لزوجك ان حبك موجود .. اختاري 5 نقاط كل يوم و شوفي شلون راح تتغير حياتك الزوجية! - ارسلي مسج حب : ارسلي مسج فيه كلمات رومانسية وحاره. ابدوا هوايه مع بعض : اختاروا شي تسوونه مع بعض كهوايه مثلا تزرعون بالبيت او تمشون بالممشى او اي رياضه ثانيه.. اوتطلعووون للبحر ا ظهار التقدير لزوجك : لمن يتأخر بالدوام أو يسويلك شي دايما شجعيه وبينيله انك مقدرته بكلمه حلوه وابتسامه . حولي بيتك ملجأ له : حاولي تخلين بيتك الملجأ اللي يلجأله زوجك من ضغوط الحياه ويلقى فيه الراحه والهدوء والسكينه والمتعه الى درجه انه ما وده يتركه .. حافظي على نظافه المكان وترتيبه وتعطيره بالعطور اللي تريح البال وتهدي الاعصاب في ناس ترتاح اذا شمت ريحه اللافندر او الورد او الفانيلا او الفراوله شوفي زوجك شنو يحب؟ حاولي بين فتره وفتره تغيرين كفر السرير او الخداديات بالصاله او النباتات او الاكسسوارات و الالوان وقطع الزل .. - دايما ادعيله : ادعي ربك يوفقه بشغله و يحفظه ويسخر قلبه لك ويحنن قلبه على بيته وعياله .. ادعي قدامه وخليه يسمعك,اذا طلع قوليله ربي يحفظك ويوفقك واذا سوى لك شي قوليله ربي يخليك لي ولا يحرمني منك … الدعاء له أثر حلو على النفس لك وله .. أ-سئلي قبل ماترتبين اغراضه : قبل ماتغيرين ترتيب الاغراض اللي على المكتب او داخل الدولاب او اي شي يخص زوجك سئليه لأنه ساعات يكون عارف مكان الاغراض وبعد الترتيب يصير صعب يوصل حق الاغراض اللي يبيها.. _لا تتوقعين منه يقرا أفكارك : اذا كنتي تبين زوجك يعرف انك محتاجه شي او فيك شي بكل بساطه قوليله لا تتوقعين منه يقرا اللي في بالك.. -حاولي تحولين الشد الى فكاهه : اذا صار موقف وضايقك حاولي تبينين بطريقه فكاهيه من غير نرفزه وعصبيه حتى مايتحول الجو شد وخصام.. -لا تتجسسين : اذا كنتي تبين تعرفين شي عن زوجك لا تتجسسين عليه سئليه وكوني صريحه معاه … - اهديه بطاقه رومانسية :اهديه بطاقه رومانسية من غير مناسبه , حطيها بسيارته اودلاوب الملابس . -اشتريله شي يحبه لمن تطلعين : اذا رحتي السوبرماركت اشتريله البسكوت او الككاو اللي يحبه او اذا طلعتي السوق اشتريله شي حتى لو كان بسيط المهم انك ذكرتيه وانتي طالعه. - اخذوا حمام مع بعض : في كثير بنات يستحون من هالحركه اذا كنتي وحدة منهم تقدرين تقعدين معاه بملابسج الداخليه اوفستان قصير من غير ملابس داخلية مع الماي حركه حلوة وتأثير اقوى ... _ارسلي كتغيير رساله : تعبرين فيه عن حبك او تذكرينه بأول ايام زواجكم او تعزمينه على عشا ءرواقضي ليله بفندق او طلعه او أي شي تحبين.. - اعتذار : اذا غلطتي بالكلام او جرحتي زوجك حتى لو من غير قصد او بشكل عفوي اعتذري ... _اوفي بالوعود : لمن تقولين لزوجك راح تسوين الشي الفلاني كوني عند كلمتك .. - مساج: متى ماشفتيه تعبان او قاعد يطالع تلفزيون دلكي قدميه ودلليه .. -حولي غرفه نومك الى مكان يحلم فيه كل العشاق : نثري الورد على الفراش . -عقد القلب ,ممكن تسوين به اي حركه سواء على السرير اوالارض الشموع بتلات الورود ممكن مكتوب عليها وومكن بدون كتابه الابجوره الاكواب والصحون المضيئه مساج: حولي غرفة نومج spa واشتري زيوت خاصة للمساج وسويله مساج كامل للجسم ولاتنسين تحطين الموسيقى الهادية والعصير ولاتنسين الشموع.. . لا تنبشين بالماضي : إذا كان مسوي شي من قبل وهالشي ضايقك وتكلمتوا بالموضوع واعتذر او ندم لا تردين تذكرينه فيه كل مااختلفتوا - اكلوا على ضوء الشموع : كتغيير سويله الأكلة اللي يحبها وجهزي طاولة الطعام نفس طاولات المطاعم واكلوا على ضوء الشموع وكل واحد عينه في عين حبيبه.. نافورة الشوكلاته,فراوله ,كيوي,مارشملو,أي شي تحبينه -لا تتعارضين معاه قدام الناس : لا تختلفين معاه قدام أحد وخصوصا عيالكم لأنه هالشي يقلل من احترامهم له وياثر على نفسيااتهم ... دافعي عن زوجك : لا تخلين أحد يسخر من زوجك , إذا قلل أحد من إحترامه دافعي عنه.. حبي نفسك : يمكن تحسين هالنقطه غريبة لكن المنطق يقول لمن الإنسان يتعلم يحب نفسه ويهتم فيهاويشوف كل شي إيجابي راح يسهل عليه يحب اللي حواليه .. إذا مرض : دلليه إذا مرض و اهتمي فيه من ناحية الأكل و وفري له جو هادئ وتأكدي إن مو ناقصه شي.. لمن يتكلم معاك : لمن يسولف أو يكلمك دايما بينيله إنك مهتمة طالعي عينه فهذا دليل على إنك مهتمة باللي يقوله وإنك مستمعة جيدة .. لا تروحين الفراش معصبة : إذا رحتي الفراش معصبة من خلاف صار بينكم راح تقومين من النوم منحبطة وتحسين الأمور متراكمة كأنها جبل وكأنك غاصة في كلام تبين تقولينه , من الأحسن إنك تنهين أي خلاف قبل ماتروحين الفراش عشان إذا صار الصبح تبدون يوم جديد من غير زعل .. لاا تقارنينه بأحد : أبدا لا تحاولين تقارنين زوجك بأحد من الرجال حتى بأبوك, زوجك إنسان مستقل ومختلف عن باقي الرجال حبيه لهالسبب.. - استقبليه عند الباب : لا تنتظرينه يدخل ويقول حبيبتي آنا وصلت البيت , استقبليه إنتي عند الباب واحظنيه وبوسيه .. - قعديه من النوم ابوسه… فطور بالفراش على شكل قلب : كتغيير سويله فطور بالفراش في يوم الإجازة ويكون على شكل قلب " البيض, بان كيك , التوست …." -كوني أقرب أصدقائه : خليه ياخذ راحته معاك ويكون على طبيعته ومايتصنع وحاولي تكونين أقرب أصدقائه لمن يبي يتكلم تسمعينه ولمن يضحك شاركيه وحتى لمن يشكي واسيه .. - ساعديه لمن يلبس : ساعديه لمن يلبس ملابسه صكري زراراته أو مسكيله المنشفه عند الحمام لمن يغسل وجهه ... - كوني متألقة : حاولي تكونين دايما جذابة بعينه وأنيقة من ناحية نظافتك ,لبسك, شعرك, ريحتك , والأهم ابتسامتك ودلعك بس هاااا لا تتصنعين! ... - لا تتذمرين : لا تتذمرين من نمط معيشتكم أو حالتكم المادية أو الأشياء اللي ماتقدرين تحصلين عليها أو مايقدر زوجك يوفرها لك, حاولي دايما تستمتعين في حياتك ,مهما كانت بسيطة .. مواضيع ذات صلة |