الشروط الواجب توافرها فى الحب الناجح.......

موضوع اعتقد كلنا بنفكر فيها حتي من غير ما نقصد ازاي اخلي علاقتي بفلان او فلانه علاقه ناجحه اليكم بعض الشروط الواجب توافرها في الحب الناجح

اولا بالجزء الخاص بالرجل :
1 - انه ما يكونش بخيل
2 - ما يكونش اناني
3 - يكون واثق فيها جدا
4 - يكون طموح علشان يحاول يرضي رغباتها مش مهم غني بس يكون عايز يجيب لها اللي يسعدها
5 - يعرف يحتويها في وقت زعلها
6 - ما يبصلهاش علي انها مخلوق غبي ( يحترم عقليتها )
7 - يكون حنون وحازم في نفس الوقت يعرف امتي يطبطب وامتي يشدها
8 - ما يكونش بيشرب اي نوع من المخدرات
9 - عصبيته ما توصلوش في مره انه يمد ايده اللي تتقطع عليها
10 - ما بيحبش النكد اصل بعيد عنكوا النكد ده يهد اي حب

ثانيا الجزء الخاص بالمرأه:

1 - ما بتحبش النكد وده اهم صفه علشان
الحب يعيش
2 - مش زنانه
3 - مش انانيه
4 - ما تحاولش تدوس علي الزرار الاحمر اللي عند كل راجل وبيضايقه لان كل راجل ليه حاجه بضايقه جدا ف مش لازم تدوس عليها الست وتستغلها لصالحها
5 - تحلم علي قد امكانيات حبيبها علشان ما تحرجهوش
6 - تكون بسيطه مش متكلفه في كل حاجه
7 - تنسي المظاهر معاه
8 - تكون جدعه تقف جنبه وقت الشده قبل الرخاء
9 - تكون امه التانيه
10 - تكون بتحب بجد مش علشان حاجه وما تبعهوش لما يجيلها الاحسن منه

اتمنى الموضوع يعجبكم
....وطبعا الكلام دا للانسان الى يستاهل سواء من رجل او امراة