رد: موضوع فقط لتعليم صناعة الكعك اضافاتي اليومية مع صديقتي *وردة ازياء*
موضوع فقط لتعليم صناعة الكعك اضافاتي اليومية مع صديقتي *وردة ازياء*
معاي على المطبخ << ههههععع
:: كب كيك الشيكولاتة ::
- ثلاث أرباع كوب بودرة كاكاو
- ثلاث أرباع كوب ماء حار
- 3 أكواب طحين
- ملعقة باكينغ باودر
- ملعقة بيكربونات الصودا
- ملعقة ملح
- كوب و نص زبدة ( تقريبا 300 جرام)
- كوبين و ربع سكر
- 4 بيضات
- كلعقة فانيليا
- كوب سور كريم (كريمة حامضة) و في حال ما كان متوفر نقدر نستخدم روب
- نسخن الفرن على درجة حرارة 350 فهرنهايت
- نحط أوراق الكب كيك بالقالب ( الكمية تكفي تقريبال 96 ميني كب كيك او 40 كب كيك)
- في وعاء صغير نذوب مسحوق الكاكاو مع الماء الحار
- ننخل الطحين و الملح و الباكينغ باودر و بيكربونات الصودا
- نذوب الزبدة مع السكر على نار متوسطة أو بالمايكروويف و بعدين نخلطهم بالخلاط 3 او 4 دقايق لحد ما يبرد
- نضيف البيض بالتدريج مع الخلط بين كل بيضة و الثانية
- نضيف الفانيليا و مسحوق الكاكاو الي ذوبناه في الماي و نخلط
- نضيف نص كمية الطحين و نخلط بعدين نضيف السور كريم و نخلط و ننهي بباقي كمية الطحين و نخلط
- نوزع العجين على أكواب الكب كيك.. إذا كنتي تسوين كب كيك بالحجم العادي تقدرين توزعين العجين بملعقة الآيس كريم و إذا كان ميني كب كيك أسهل طريقة إنج تعبين العجين في قمع تزيين الكريمة بدون القمع الحديد و بسهولة تعبين أوراق الميني كب كيك..
- نحطها في الفرن لحد ما تستوي و يطلع عود الأسنان منها نظيف.. تقريبا ربع ساعة إلى 20 دقيقة
* التزيين:
تقدرين تستخدمين أي نوع كريمة تفضلينها.. شوكليت أو فانيليا أو ملونة..
في مدخل سابق حطيت طريقة عمل كريمة، تلاقينها هني..
بس في طريقة ثانية سريعة و سهلة و أحسن شي فيها إنها تحافظ على الشكل في درجة حرارة الغرفة و بالتالي سهل نقلها بدون ما تحتاج تنحط بالثلاجة.. و ما فيها بيض للي ما يحبون البيض
في شي تلاقونه بالسوبرماركت عند منتجات الكيك أو عند منتجات الزيت و السمن، اسمه Crisco
هو مثل السمن النباتي لكن الحلو فيه إنه نسبة الماي فيه أقل بكثير من السمن أو الزبدة بالإضافة إنه لونه أبيض فيكون شكله أحلى في التزيين و أسهل في التلوين و طعمه أفضل من طعم الزبدة أو السمن
فيه منه نوعين.. الي في الصورة هذي لونه أبيض و هذا الي نستخدمه حق الكريمة، فيه واحد ثاني لونه أصفر أعتقد حق الطبخ و المعجنات
كيف نستخدمه؟
- كوب كريسكو + 6 ملاعق ماء .. نخلطهم بالخلاط لحد ما يمتزج تماما
- نضيف كوبين و نص سكر آيسينج و نخلط بالخلاط مع تنظيف أطراف الوعاء
- نحط قطرات من اللون الي نبيه و نخلطه بملعقة لحد ما نوصل للدرجة المطلوبة
- نحط الكريمة في قمع التزيين و نزين فيه الكب كيك
طيب، شرايكم نسوي أشكال مثل هذي؟
كل الي نحتاجه عجينة المارزيبان، تلاقونها بالسوبرماركت عند قسم منتجات الكيك، نفس الشي فيه منه نوعين أبيض و أصفر.. الأبيض أفضل أكيد
ناخذ جزء من العجين، نحط عليه شوي من اللون الي نبيه.. ما نكثر في اللون عشان ما تصير غامق و بعدين صعب نعدل فيه
نضيف اللون بالتدريج لحد ما نوصل للدرجة المطلوبة..
ننثر سكر بودرة على الطاولة الي نشتغل عليها، من فوق العجين و من تحتها عشان ما تلصق، نفردها بشوبك صغير.. لاحظوا إنه إحنا نشتغل على كميات صغيرة جدا و نبي العجين تصير رفيعة..
إذا عندج الشوبك حق الصلصال الي يستخدمونه الأطفال بيكون ممتاز بس غسلى زين قبل، و لو بتلطشين عدتهم بعد ما في مانع P :
- الحين لو بنسوي وردات. نستخدم قطاعات الورد العادية حق الكوكيز بس اختاري أصغر حجم متوفر.. طبعا فيه قطاعات للفوندانت بتلاقونهم في تافولا حجمهم صغير و تكون مثل كولكشن.. ورد مع ورق..
إذا بنسوي أشكال ثانية مثل الكاب أو الشهادة أو الكتاب.. حاولي إنج تبتكرين بروحج الطريقة..
- مثلا قطاعة البيتزا ممتازة أفضل من السكين، قصي مربع للكاب و شريطة طويلة للقاعدة، اثني الشريطة على شكل حلقة و ثبتي فوقها المربع بآسينج (سكر بودرة + ماء). ثبتي فوقها خيط أو بالعجين سوي خيط صغير و ثبتيه بالآيسينج
- الشهادة قصي مستطيل، لفيه و اربطيه بخيط و بس!
و هلم جرا.. إنتي و إبداعج، تقدرين تسوين الأشكال الي تحبيين.. بالضبط كإنج تلعبين بالصلصال.. متعة و جمال : )
بالهناء والشفاء
التعديل الأخير تم بواسطة كن مع الله ; 03-31-2012 الساعة 11:49 PM.
سبب آخر: تم التعديل عيوني
|