 |
  |
|
|
|
|
#1 |
|
:: كاتبة ألماسيّـة :: |
ليلة عرس دحيم...انتوا معزومين حياكم
السلام عليكم ******* ابقول لكم وش صار في ليلة عرس دحيم المواصفات الاسم / دحيم الدلخ العمر / منولد في سنة الطفره الشكل / قزم ودب واقرعو وجهه كله خدود ومافيه عيون باختصار (عفريت من الجن ) الولد دحيم داشر 24 سااعه مشاكل وتفحيط وخرابيط و هجوله المهم ابوه قرر انه يزوجه يمكنيعقل الولد !!!! ويقوم يخطب له ابوه بنت عمه حصه !!! عاد حصه خبله مثله المهميوم جاء العرس ولا دحيم طالع مع اخوياه للثمامه يطعسون وابوه يدق عليه الاب: الووو دحيم وينك؟ دحيم : هلا والله طالع مع الشباب لثمامه !!! الاب: جعل تطلع روحك بلا تعال اليوم عرسك دحيم : طيب العرسفي اليل يمديني ارجع المغرب الاب: اقول امش جعلي امشي العصى على ظهرك دحيم : طيب خلاص جاي ويقفل التلفون المهم ويجي دحيم ويلبسونه الخبل ناوي يروحبقميص نوم وطاقيه المهم ويمسكونه اخوانه ويلبسونه ويودونه للقصر ************> دحيم الا الحين ما يدري وش السالفه يبي يخلص بسرعه عشان يلحقعلى العيال في الاستراحه يلعب بلوت ويدخلون القصر ويجلسونه في المنصه وهو يقولابي اروح اجلس عند القهوجيه ابي اتكي معهم واشرب شاهي ( والله منسم مررره) ويلقطه اخوه ويجلسه على الكرسي ويجونه الناس يسلمون المعازيم : مبرووكمنك المال ومنها العيال دحيم : هلا ايه طيب يكون خير والله ما عندي ولا ريال ( قايله لكم مهوب وجه زواج) المهم ويدخلونه على الحريم يوم دخل وهوالي يفتح كشرته ( ابتسامه عريضه) ويناظر في ذا البنوتاات المهم يوم طقو الطقاقات الا وهو يطمر ويرقص سامري ويسحبه ابوه ويقول اركدلا تفشلنا!!!! المهم ويجلسه على الكرسي وتجي وحده ترقص عنده وهو الي يضحكعليها ويقول اوووووه ما تعرفين ترقصين يا الدبه وانواع الاستهبالالمشكله الي ترقص امه مسيكينه تبي تفرح به ما درت انه ما يستاهل المهمويقومون البنوتات يرقصون عنده وهو يناظر يقول صح يا الرقص مهوب رقص العيال فيالاستراحه امحق رقصصص ؟ الا وابوه يصفقه على جبهته دحيم : طيب خلاص انطميت المهم يوم خلصوا وهو ياخذ العروس ويركبون السياره المهم ما درا الا تقومحصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟ ملينا من ذا الطقاقات ازعجوني الا وهو ينبسط على حرمته خبله مثله المهموتقول له حصيصه : دحيم ابسالك سؤال؟ !!! دحيم: اسالي حصيصه : انت الحينتعرف تفحط ؟؟؟ دحيم : اكيد انا احسنواحد يفحط ( مسوي فنان عندها وهو ما عنده ما عند جدتي ) حصيصه : والله ورنيابي اشوفك تفحط دحيم : توهق دحيم : خليها بعدين موب اليوم ( يبي يصرف ) حصيصه : افا شكلك ما تعرف هههههههههههاي دحيم : اوريك من الي ما يعرف وهو الي يلف هذيك الفه وطراااااخ في الماصوره على طول والحين حصيصهودحيم في الشميسي الدور الاول غرفه 123 قسم الكسور الزياره من 9 الى 12ظهرا و 5 الى 9 مساء وعشانكم ماحضرتوا العرس نبينشوفكم في الزياره ****** بالتوفيق مواضيع ذات صلة |
ليلة عرس دحيم...انتوا معزومين حياكم
