رد: واحة فضفضة زوجية ،،؟زعلانه تعالي ..........
واحة فضفضة زوجية ،،؟زعلانه تعالي ..........
انا تعبانة جدا واللى عندها نصيحة بالله عليها تفيدنى لانى حاسة انى حولع فى نفسى
اهلى و زوجى على خلاف من اكتر من سنة وحاولت على قد ما اقدر اصلح مفيش فايدة
وحصل ان والدة زوجى توفت وراح اهلى يعزو ويعملو الواجب لانى انا وزوجى خارج البلاد وكان زوجى رجع للبلد فى نفس اليوم عشان ياخد عزا والدتو المهم اهلى عملو الواجب وزيادة لكن زوجى قابل دة بكل جفاء وعدم احترام لدرجة ان الناس فى العزاء كانت بتقول لامى هو بيعاملك بطريقة سيئة ليه حتى مش عامل احترام للسن وانا عارفة زوجى قادر على الاستفزاز المهم امى خبت عليا عشان الحياة تستمر وعرفت بالصدفة لما لقيت اخويا مش عايز يرد على تليفوناتى وهو دلوقتى مقاطعنى واهلى كل ما اكلمهم يفتحولى نفس الموضوع وجوزك عمل وجوزك سوا دلوقتى وصلت لدرجة انى مش طايقة زوجى وفى نفس الوقت مش عارفة اكلم اهلى لانى تعبت من الكلام فى الموضوع وكل ما اتصل بيهم يقولولى احنا قلقانين عليكى جوزك وحش
انا ما بقتش عارفة ارضى مين لا عارفة اطيق جوزى ولا طايقة اهلى ولا عارفة حتى ارضى نفسى ومش لاقية حل وخايفة اقول لزوجى اللى اهلى بيقولوه عنو يمنعنى انى اكلمهم وانا ماليش غيرهم اعمل ايه ساعدونى بالله عليكم لانى بقى زوجى بيقول عليا نكدية وعلى طول ساكتة لانى ما حكيتلوش اى حاجة اهلى قالوها عشان ما ازودش الخلاف وفى نفس الوقت عشان ما يمنعنيش انى اكلمهم
|