المشاركة الأصلية كتبت بواسطة ~نور القمر~

ربي يجزاك الجنه على النصايح العسل وان شاء الله اكون مثل مافدتيني

لاكن الثانيه البنات يمكن يقول كذا بس انو نظرته لهم مو زينه وبعدين

تطور العلاقه الشيطان يزين كل شين ومحرم

ربي يعطيك الف عافيه ويرزقك من واسع فضله

ويسر لك كل همومك يارب

المشاركة الأصلية كتبت بواسطة دلع وحبي ولع

السلام عليكم
كيفكم ياخوات واسمحولي اعتبركم خواتي لأني مسافرة مع زوجي وماعندي خوات او صديقات هون
بصراحة حبيت المنتدى مشان هالموضوع وحسيت اني حابة افضفض مع اني مابعرف ازا مشكلتي الها حل غير انو ربنا يفرجها ويحلها انشالله
مشكلتي شوي طويلة مشان هيك اللي ماعندها وقت تمشي عنها :)
اولا انا اهلي بلد وانا سافرت مع زوجي لبلد تاني وهلأ سارلي سنتين متزوجة وبحب زوجي كتير وهو كمان بحبني وبحترمني وسار عندنا بنوتة الله يحميها المشكلة ياخواتي انو زوجي ازا عصب بيقلب 180 درجة هو كتير حنون وكريم وبحب يحكي ويمزح معي بس بحس انو طبعو صعب شوي لما بعصب المهم انا صابرة على هاد الحال لأنو لما بيهدى بكون حنون وبينسيني اللي فات
بس المشكلة انو لما اجت امي عندي على ولادتي شافت من زوجي بعض التصرفات معي ومعها لما يكون معصب وماعجبها الوضع ونقلت هاي الصورة لبابا ومن فترة سافرت انا وزوجي لعند اهلي وقضينا فترة شهر تقريبا عندهم بالبيت وبصراحة كانت اعصاب زوجي متوترة لأنو كنا بنستنى بموضوع حكومي ينحل مشان يقدر يسافر وكان متوتر بأنو متأخر عن شغلو وكل يوم بيتصلو فيه وبيوم سار بيني وبينو موقف واحنا بالغرفة وكانت بنتي بإيدو ومن العصبية رماها على الفرشة اللي كانت تحت رجلو بس بعد ماوقعت نزل راسها عالارض وضرب ..انا ماتحملت واخدتها وطلعت وانا وجهي اصفر من الخوف وبكي شافتني ماما وشافت البنت بتبكي فهمت انو عمل شي وراحت لتسألو ليش هيك عمل بس هو رد برود وماعطاها اهمية راحت ماما عصبت وصرخت عليه وطلعت من عندو وهي بتصرخ الموهم وبدون ماطول اكتر المشكلة كبرت كتير يومها لأنو اجا بابا وزادت الطين بلة وبالآخر جوزي اجا يطلع من البيت راحت ماما سمعتو كمان كلام وطردتو :( انا مابقول ماما قوية بالعكس هي حنونة كتير بس من حرتها علي هيك عملت وهي بس تعصب كمان بتصرف غلط يعني ماما وجوزي حلوين كتير بس جمب بعض بكونو بنزين ونار
المهم انا وجوزي هلأ كويسين مع بعض بس هو مابحكي مع اهلي وانا كتير حزينة من هالوضع مابعرف كيف اصالحهم هو شايفهم غلطانين بحقو واهانوه وهما شايفينو غلطان وعصبي وطبعو صعب
شغلة تانية انو بتمر ايام بكون جوزي بتزكر كل اللي سار مع اهلي بلاقيه بتغير معي بس بعدين بنقعد وبنحكي وبنرجع مناح بس مشكلتي هي بعلاقتو مع اهلي
حكيت معو اكتر من مرة بس هو بعصب لما بحكي بهالموضوع وبحس انو كل همي اهلي ورضاهم بدون ماحس فيه الله يخليكو اقترحو علي شو اعمل واي سؤال انا جاهزة
اسفة لأني طولت بس مشان اشرح الوضع منيح وشكرا مقدما ياخواتي :)

المشاركة الأصلية كتبت بواسطة روجينا1988

غاليتي ام ورد ....لازم اليوم تطولي بالك علي لاني بدي افهمك اشياء مهمة و جازاكي الله كل خير:
،بصراحة انا كنت قررت ان اعطيه فرصة تانية لعل الله يهديه و يصلحه
و لكن بقيت انتظر ان يتصل بواحد من ازواج خواتي التنتين ولكن لحد اليوم لم يتصل ابدا ولم يسال عن ردنا
وللعلم لما أتى هو و خاله عند جماعتنا،كان يتكلم عني بالعاطل و كان يحكي علي كلام يعني ولا كأني زوجته والله متل الاطفال كان يشكي عني و حزنهم عليه و طلع حاله مظلوم،طبعا خاله عمل نفس الشي ،يلي استنتجته انو برضو عبأ راس خاله و كل اهله بكلام كله كذب عني وما بخاف الله....
اعطيك مثال بسيط كيف بيكذب : قاللهم انو انا بالعيد ما سلمت على ابوه مع انه يلي صار اني طلعت من الصباح الباكر لاسلم على اهله فما لقيت ابوه،فقلتلهم سلمولي عليه وبنفس اليوم عل المسا برضو طلعت وما لقيته وتاني يوم طلعت وما كان موجود المهم انو بعدين شفته ناسية متى و سلمت عليه و عيدت عليه،وللعلم انو هاد الحكي جديد يعني عمره ما حكالي عن هالشي ولا ابوه حكالي ابدا،بقيت امه يلي بتدور على اي شي حتى تحكيه علي
المهم انا كنت انتظر لحد ما ياتي يوم 6/8 لانو موعد جلسة قضية النفقة و بدو يحكملي القاضي بالنفقة ولكن لازم يطلع شيء غلط بالموضوع بسبب زوجي،حيث وكل محامي حتى يقول للقاضي انو ما بقدر يدفعلي اكتر من مبلغ معين فقر القاضي انو يأجل الجلسة لحد ما احكي عن وضعي لخبراء كلفهم القاضي بذلك.
وطبعا كل ما اتذكر انو ولا هو سائل عني طب على الاقل يعطي المبلغ لاحد ازواج خواتي حتى يبين لهم حسن نيته ولكن لأ .
وللعلم كمان قال لزوج اختي انو بدو يتزوج وراح و شاف بنت و سأله عن بعض و في توافق بينهم، انا بعرف انو كذاب وللعلم هادي الافكار افكار امه ولكن انا بقيت اقنع نفسي انو لأ صادق و رح يتزوج وحدة تانية حتى اطلعه من بالي....
وبصراحة انا شايفة انو كل الامور صارت ملخبطة والعلاقة الزوجية ماهيه زوجية ابدا
انا حاسة إني بحرب و امه عم بتحاربني ولكن والله ما شفت اغبى من هيك ام بتخرب على ابنها حياته و بيته لانها ما قدرت تذل زوجته إلها
وبصراحة في شيء محيرني:يعني هو دفع بلاوي على العرس و الحفلات و اث البيت احسن اثاث و غرفة النوم لوحدها كلفت حوالي 6000 د، فكيف ممكن يتخلى عن زوجته بهالسهولة,و يخرب بيته بساطة, وبرضو خطر على بالي انو ممكن يكون معمول له سحر او عمل لانو كتير كتير إختلف علي صار دايما مشاكل يعمل و صار جديد ما يحسسني اني جميلة أو يمدحني او يحسسني بقدري كزوجة و لا حتى يحكيلي الله يعطيك العافية و كتير صار بخيل...وبأول الزواج كان يصيبه مغص فظيع لدرجة انو يصفر وجهه وما كان يخف الا اذا راح علمستشفى و يعطوه حقنة و استمر على هلحالة لحد ما شرب ماء مقروء عليه سورة البقرة و تشافى تماما.....ولكن حتى لو كان هناك فعلا من يتربص بنا و يعمل الاعمال و السحر فانا لا استطيع ان اعيش حياة كلها نكد و دوشة و اعمال....(مع اني اشك انو في ناس كتير من جهته بيحسدوه علي لان ربي رزقني شيء من الجمال فكان هذا الشيء اول شي ممكن ان يلفت انتباه(النسوان) قريباته و بناتهم و طبعا انا الحمد لله ملتزمة باللباس الشرعي و اتحصن داءما)
وبرضو للعلم هو بدو يرجعني لانو خايف يدفع النفقة كل شهر او لبعدين يدفع المؤخر
فبأعتقادي انو فكرة انو ياخدني و نروح و نسافر ......ممكن تصير ولكن بالخيال البعيد لاني لما كنت اطلب منه طلبات للبيت كان يحضرلي عينات او لا يحضر اصلا او يحضر لي ارخص الاشياء والخضرة الخربانة....حتى هدايا ما كان يهديني و كنت استحي اطلب منه يهديني هدية..
وسبحان الله , بنفس اليوم يلي جيت فيه عند اهلي(قبل شهرين) كان هو اليوم الاخير له بالشغل لانو كتير بتأخر عن الدوام و بالتالي إستغنوا عن خدماته مع انو إلو 10 سنين بيشتغل بنفس الشغل و لكن بسبب ظلمه لي و عدم توبته لربه و اعترافه باخطاءه ربنا جازاه مباشرة بعد اسبوع كامل او اكتر عاملني فيه بظلم مش طبيعي
طب شو رايك اني كنت اطبخ و مع هيك حتى يغيظني ما كان ياكل عندي اي شي و للعلم كل يوم جمعة كان يمر لازم اكون ابكي فيه من القهر لانو كان يتركني و يطلع و يتغدى عند اهله و ما ينزل إلا عل العصر ولما ينزل كان يروح و ينام و يتركني لوحدي طول اليوم ولما يصحى على المغرب بكملها عند اهله لليل
وطبعا لما اطلب منه انه يطلعني و يفسحني مابيرضى و حتى لما نكون متصالحين ما كان يطلعني الا لما اترجاه و بكون متنكد بالطلعة لانو الماما تبعته مو معنا......والدليل اني بمرة من المرات اتفقت معه اننا نبقى بالبيت بيوم الجمعة فوافق ولما طلعنا عند امه عرضت عليه انو نطلع سوا كلنا لمكان فلاني المفاجأة انو والله وافق مباشرة و بسرعة بدون ان يفكر لثانية حتى,و انا ما اعترضت و ما ناقشته باي شيء

فقط لعلمك : زواجي منه تم على اساس كذبة شنيعة منه و من امه حيث لما اتصلت اول اتصال حتى تأخذ موعد و تاتي معه سألتها امي عن عمره فأجابت انو 32 سنة و حتى لما إجا سأله بابا عن عمره فأجاب 32

وكتبنا الكتاب وبعدها بيومان و بمحض الصدفة سألته عن سنة ميلاده فأجاب 76 شهر2 يعني عمره طلع 34 سنة و نص, وقال لي ما تحكي لحدا, و انا امي حلفت علي رح اغضب عليك اذا بتقول لهم عمرك الحقيقي حتى تجوز ابنها , وكان بابا ناوي انو يفسخ الخطبة و كتير تدايقنا إلا انو حلف على القرآن انو صادق بكل كلمة قالها لنا و اضطر انو يكذب بس بهذه المرة و للاسف حتى بهذه طلع كذاب.....
و طلع ما بخاف الله و بحلف غلط و على القرآن .....وللعلم عمري ما شفته امسك القران و يقرأ فيه طول فترة ال6 شهور يلي قعدتها معه ولما انصحه كان يجيب : هو لازم اورجيكي اني بقرا قران خلص بالمسجد بقرا.....قصدو انو بدو الناس يلي برا البيت يشوفوه .....للاسف يعني رياء و نفاق.....

انا بصراحة لما اتذكره و شو كان بيعمل معي.......بتندم على الايام يلي مضيتها معه بهم وحزن و مرض ولو صبرت كمان شوي عنده لكان صابني السكر و العياذ بالله..والكل نصحني بان اتركه و ارميه حتى وراءي والحياة لسة قدامي و لساتني 23سنة يعني صغيرة الحمد لله و الفرص امامي
واصلا ما ترك عندي اية ذكرى حلوة تخليني احكي لأ و الزلمة طيب و امنيح و اني اتمسك فيه( في حد بيفهم بهجر زوجته 3 ليالي ما بنام معها مع انهم عرسان و مضى على العرس اسبوعين فقط لانها ما طلعت عند امه لاني كنت مريضة و ما قدرت اروح اشوفها)

يمكن صدعتلك راسك اسفة كتير و لكن بحب اسمع شو ردك و رايك اختي ام ورد لانو واضح انو عندك خبرة حلوة بهذه الامور .....
انتظر ردك و دعاء الاخوات .........جزاكي الله كل خير ....شكرا