 |
  |
|
|
|
|
#1 |
|
:: كاتبة جديدة :: |
اجواء الاعراس
السلام علكيم
من يحضرون العروس =جمع عرس أنواع : 1- الي يحضر عشانه واجب عليه وهنا تلاقي الام والبنت يجلسون في اقرب مكان للباب وبالعله ياخذون فنجان قهوه وينتظرون متى تطلع العروس = يعني الانثى التي بتتزوج = اووم التوضيح بس واول ماتنزف العروسه - كان قلتي من اول طيب - رجولهم تحكهم يبون يطلعون وفعلا يتدحرجون عبر الدرج لاقرب مخرج أو يهرولون حسب القاعة احلفي . 2- الي تحضر عشان تدور نصيبها على اساس امهات النصيبمتواجدين وعيونهم اربع اربع عالبنات ولسان حال البنت يقول تشوف هالنوعيه يجونك مخصرين معصرين اجسامهم والكعب اطول من سيقانها وتمشي المشيه الي تبرز مفاتنها وتترزز بالمنصه خاصة اذا جت اغنية تردح معها بعنف مافهمت لحد الان الصله بين الرقص والزواج وياحظها لو رقصت معها حرمه كبيره تتمليح وترقص حواليها تقل الهنود الحمر حول النار بس مايهم دامها بتجيب لها العريس الي تحلم بوه وعند الاكل تفتح فمها برقه كبيره رغم ان عصافير بطنها بتزقزق وتطلب منها المزيد بس كله لعيون الفارس المغوار الي بيجي متلطم متهور متوهق من عين امه طبعا انا استغل هالفرص واي شي ابيه من هالنوعيه اطلبها بالعرسات لانهم يقولون لك تم ومايقدرون يعصبون على اساس انهم اناث رقيقات ودودات وياهنا الي بتجلس على طاوله فيها حريم كبار بيسالون عنها بشكل مباشر وش اسمك ؟ من اي عائلة ؟ وكم عمرك وهنا تكون البنت شبكت هالحرمه وصادتها بدون تعب في المشيه والترزز وفي الرقص = طبعا هنا مانشبه التشبيك بالتخرفن او التقردن = وتطلع البنت من العرس وتزيل القناع الجميل وهي تقول =قطع ماصارت كل هذا عشان عريس = وتبدا بازالة المشد واللومه == شي مشفر = وقناع المكياج والرموش وحشوة البف وطبعا الي موصلها للمملكة الكعب وهنا نقول لها يعطيك العافيه كفيتي ووفييتي وانتظري التليفون يدق 3- هالنوعيه تجيك امها غاصبتها غصبن انها تحضر معها وتروح وهي لابسه الفستان وغالبا تنوره وبلوزه ورايحه على اساس ترضي امها ومن اول ماتدخل جالسه على الكرسي ماغير تتقهوى وتاكل حلا على اساس تحلل جيتها الي يجي يسلم حياه الله والي مايجي الله يحفظه تقول: انا جايه عشان امي وماعلي من احد بس الشهاده لله على طبيعتها الروحيه 4 - هنا الناس الي يجون حتى يوسعون صدورهم وتلاقيهم من عرس لعرس ومن حفلة لحفلة واول ماتدخل من الباب تنط على المنصه تردح وخاصة على أغنية =هذا حالك ياعنيد ..دايم بهجرك تزيد= هنا تتحول لآلة رقص مروعه لاتستطيع إيقافها وهالنوعيه بصراحه المفروض تاخذ جائزة نوبل في مجاملتها لجميع اهالي المنطقة وحضور زواجتهم وإحيائها بالرقص مع سبق الاصرار والترصد لكل مناسبة وتنتهي الزواجات وندخل برمضان وهم يقولون طفشانين نبي زواج والمشكله لاجتك البنت تقول ابي اعرس من هالفئة اهجدي في بيتكم يمكن احد يدق على تليفونك ومايلاقيك فيه تبي تصرفها ومن هذا المنطلق اقولها يعطيك العافيه بس كفيتي ووفيتي بس الحفلات تلهيك عن حياتك الدينيه وصحتك الجسديه ودمتي. 5- الي جايه بدعوى التكشخ والتميلح وتهايط عالناس ان زوجها اشترى لها هالعقد الالماسي او الفستان من المصمم الفلاني هنا احذرها من عيون الناس او تعرضها للمسخره او سرقة الزوج منها ناهيك عن تعرضها للمضايقات والهمز واللمز ممن يعرفها على حقيقتها وقد تكون صادقه ولكنها تتكلم في الوقت والمكان غير المناسب هذا ونسال الله العافيه = قلبت الجو خطبه جمعه = وفي حال كان الكلام كذب وهياط اقولها هارد لك راحت عليك الحريم بيفصفون اوووم اووومك انتي وزوجك ويمقن يلاقون بلاوي وبيوصلن لرابع جد وفي الحفلة الجايه استمتعي بتعليقاتهم ونتايج الفحص والتاكد التي سيخرج منها مخرجات سلبيه واغلب البنات اذا احد هايط عليهم يستخدمونها كعلك بعيد المدى للنيل منها وهنا نقول لاتكثرين حتسي والله يصلحتس . 6 - البنات الي جايين يتعرون في الحفله ولابسين مثل الممثله الفلانيه الي مولابسه شي مغطيه العوره فقط والمفروض نشوف الباقي على اساس تغري الحضور ويقولن لاخوانهم ان فلانه مثل الممثله اقولتس نصيحه لوجه الله : ترا الشاب الي بياخذك لانك تتعرين مثل هالممثلات هذا مايبيك الا عشانهم ولا يهمه عقليتك يعني يبي وحده مليكان بدون عقل مايهمه دينك ولا تعليمك ولا هدفك في الحياه يعني لاتتوقعين منه يفهمك ويعاملك كزوجه محترمه لها كيانها ودينها واخلاقها عكس الي تنخطب عشان دينها وسترها واخلاقها وتعليمها والي تقول انا جايه اكشخ للبنات مايهمني احد اقولتس : فيه بنات بويات ونسأل الله العافيه يناظرون مفاتنك مثل الرجل وكل عرس او حفله ماتخلو الا مارحم ربي فالله الله بالحياء وقال ابن باز رحمه الله : على قدر حياء المرأة يكون لبسها وحياؤها بقدر ايمانها فيه ناس بيقولون الأسواق كلها ملابس قصيره وعاريه اقولكم لو سافرتوا بامريكا تلبسون المايوه الي باسواقهم وتتمشون في شوارعهم مثلا؟؟ الانسان عنده عقل البسوا مايناسبكم وعدلوا في الي مايناسبكم.. الدين مايتغير مهما تغير المكان والزمان احس اني شطحت المهم يارعاكم الله الجنه الجنه تنتظرنا وتذكروا ان من ترك شيئا لله عوضه الله خيرا منه 7- الي يتصورون طول الحفله ساعة تصور ظفرها وساعة خدودها وساعة كشتها على اساس انا البنت التي خقه ومو مشكله عندها لو لقطت نص شعرك او ربع وجهك او حتى مقفاك بالخطا فكلنا حريم في النهايه وعندنا كلنا فم وانف ووو وتكتب لك في البي بي انا مااحلل على اساس الناس همهم التحليل وهم يحشون عنها في البي بي في نفس اللحظه واذا صارت مشكله بينها وبين صديقتها وياكثر مشاكلهم تهددها بهالصور خليك حذره وخلي صورك مثلك كالجوهره مو كل من هب ودب يحتفظ فيها ولا تتعدين على حقوق الناس وتصوريهم ولو بالخطا امسحيها ترا فيه ناس كثير مايحللون اي وحده تصورهم لو بالخطا وتحتفظ فيها وهذي حقوق ناس حتى الكتاب له حقوق ترى وفي الغرب هذي فيها قضية ومحكمه لانها حياتها الشخصيه وانتي تدخلتي فيها ولاتنسي كووووووووني حذره وذكيه لا تقلدين الناس وبس واخيرا هنا حبيت احصر اكثر النوعيات تجلب الانظار واكيد فيه ناس لا إلى هؤلاء ولا إلى هؤلاء وتذكري كوني الأنثى الأنيقه (مو شرط أغلى شي ) ..الرقيقه (ماله داعي التكسر ).. الذوق ( مااحبذ التملق )الجميله ( من غير تكلف والاهم جمال الروح ) متواضعه وحاولي تنصحين قدر الامكان فالدين النصيحه لكن باسلوب وفي النهايه اشكركم كثيررررررر على تواضعكم وقرائتكم لموضوعي الاول استانسي وعيشي حياتك ولكن كوني كما انتي( مسلمة) مواضيع ذات صلة |
|
|
#2 |
|
|
رد: اجواء الاعراس
مششكورة
|
|
|
#3 |
|
|
رد: اجواء الاعراس
 |
|
|
#4 |
|
|
رد: اجواء الاعراس
 [/IMG] |
