ازياء, فساتين سهرة

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات جاتوهات باشكال جديدة يوجد هنا جاتوهات باشكال جديدة حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف

فساتين العيد


 
قديم 07-19-2012, 03:11 PM   #1

اميرة الليل الجميلة

:: كاتبة نشيطة ::

الملف الشخصي
رقم العضوية: 202055
تاريخ التسجيـل: Jul 2012
مجموع المشاركات: 32 

صورة متحركة وجه بنت جاتوهات باشكال جديدة


جاتوهات باشكال جديدة

ازيكم يا احلي بنات وحشتوني جدا جدا
النهارده هنعمل جاتوهات وتورتايه سريعه
بشكل جديد
ان شاء الله يعجبكم


اول نوع جاتو علي شكل مثلث





سوري يا جماعه صور الخطوات ضاعت من الكمبيوتر كنت مصوره كل التفاصيل بس هي سهله وواضحه ان شاء الله

هنعمل اي كيك اسفنجي عادي انا بستخدم دقيق التورته الجاهز

وعملت اتنين واحده ابيض وواحده شيكولاته

نصف كيلودقيق تورته +من 5الي 6 بيضات حسب الحجم ونصف كوب ماء ونضربهم كتير لحد ما يعلي الخليط ولونه يبقي فاتح وقوامه تقيل

ونحطهم في صنيه مبطنه ورق زبده اوسمنه ومرشوشه بالدقيق وندخلهم الفرن 180 لمده 35 او40 دقيقه

وجهزت كريم شانتي مضروب لبن بارد

وجبت ايس كريم بطعم المشمش والفراوله وضربت كل نوع لوحده مع ماء بادر


ونقطع الكيك الي 3 طبقات

هنا انا استخدمت صنيه مستطيله واخدت كل طبقه وقطعتها الي 3 مستطيلات قد بعض بقي عندي 9 قطع مسطيله قد بعض تمام كده

ركزوا بقي

اخدت اول شريحتين وحطيتهم علي شكل سبعه او حرف vوعلشان يثبتوا كنت حطاهم في قالب التوست او اسنديهم باي حاجه من الجناب

وحطيت اول طبقه من الكريم شانتي مضاف عليه جزء من الايس كريم بطعم المشمش اللي هو البرتقالي اللي فوق في اول طبقه وبعدين حطيت فوقه طبقه من الكيك

وبعدها حطيت جزء من الكريم شانتي مضاف له جزء من الايس كريم بالفراوله اللي هو الروز اللي تحت ده وحطيت اخر شريحه كيك قفلت بيها من تحت كده بقي عندي مثلث مقلوب اشيله بحرص خالص واعدلله علشان مش يفك مني وادخله التلاجه لحد ما يتماسك شويه

ملحوظه انا زودت نقطه لون اورانج علي الكريمه بتاعه المشمش علشان اللون يظهر ونقطه لون احمر مع كريمه اللي اتحط عليها ايس كريم الفراوله علشان تبقي روز حلو مش باهت


والتزيين الخارجي سهل خالص غطيتها بكريم شانتي ابيض وعملت خطوط بالطول بحرف الشوكه وضفت لون اخضر للكريمه وعملت فروع الشجروده ورد من بتاع مستلزمات الحلويات




وعملت بنفس الطريقه بالشيكولاته كيك شيكولاته وكريمه شانتي مضاف له صوص شيكولاته اي نوع تحبيه وغطيته من بره بصوص الشيكولاته







واتبقي طبعا من الكيك اجزاء ابيض واجزاء شيكولاته


عملت بيهم الجاتو الكاروهات ده




نقطع الكيك شرايح رفيعه ونحطهم جنب بعض شريحه ابيض وشريحه شيكولاته ونلزقهم بمربي او الكريمه هتمسكهم عادي ونحط الكريمه والطبقه اللي فوق نبدا بعكس الطبقه اللي تحت لو بدانا ابيض نغير ونبدا بالشكولاته ونمشي واحده وواحده هيطلع شكل الكاروهات وحطيت عليه من صوص الشيكولاته وزينته باللوز


واتبقي برضه كيك ههههههههههههههه مبروكه الكيك ده

عملت منه طبق جاتو سواريه وزينت بالكريز والمشمش وجوز الهند

جاتوه عادي طبقه كيك وطبقه كريمه ونغطيهم بالكريمه ونذوقه باي شكل يعجبنا ونقطعه صغير




واتبقي برضه من الكيك كل ده بكيكتين هههههههههههههه

بس شلته بقي في التلاجه لوقت تاني هبقي اقولكم عملت بيه ايه

المره الجايه

انتظروني المشاركه الجايه

هكمل

وان شاء الله يكون عجبكم

ومتنسوش التقييم لو عجبكم الموضوع يا قمرات

مواضيع ذات صلة
احلى بان كيك على شكل قلوب حمرا
الفراوله بالشيكولاته فى ثويها الجديد
احلى كرات كحك بالشيكولاته
طريقه عمل الكيك بالشكولاه
أطباق صحية أعواد الفراولة والكيك
الكيكة المغربية
الكيك ما يظبط معي
الكيكة السمراء المحشية



 
قديم 07-19-2012, 03:15 PM   #2

اميرة الليل الجميلة


رد: جاتوهات باشكال جديدة


جاتوهات باشكال جديدة

رجعت لكم تاني نكمل سوا



واتبقي برضه ههههههههه

بس المره دي

من الايس كريم ههههههههههههه

شلته في الفريزر

مره كنت عملت كيك عادي بالبرتقال



جبت الايس كريم المشمش وحطيته عليه




روحت جبت قوالب البيض بتاعه التلاجه وحطيت فيهم الايس كريم



وقلبتهم علي وش الكيك



ورشيت عليهم ويفر متكسر وحطيت منه علي الجناب وبقت شبه تورته الايس كريم ورشيت عليها شويه فواكه مجففه







وطبعا كده اتحولت من كيك عادي لتورته

هههههههه


ان شاء الله تكون جاتوهاتي النهارده عجبتكم





انا كده خلصت يا احلي بنات في انتظار ردودكم ودعواتكم
واشوفكم قريب ان شاء الله
في موضوع جديد

ومتنسوش التقييم لو عجبكم الموضوع يا قمرات

 

أدوات الموضوع



الساعة الآن توقيت السعودية الرياض و الدمام و القصيم و جدة 06:47 PM.

 

Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0