صباح /مساء الورد للورد إن شاء الله تكونو بخير
بلح الشام
نبدا في المقادير وبعدها الطريقه ثم الصور وإن شاء الله تظبط معاي
8 ملاعق زيت
1 كأس ماء
2/1 ،1 كأس دقيق
3 بيضات
ملعقة فانيليا
الطريقه نضع في قدر الماء مع الزيت ولما تبدا بالغليان نبعدها من النار ونضع الدقيق
والفانيليا وتعجن جيدا (إذا تبغينها بيدك وإذا فيه عجانه هذا أريح لك) ثم تضعين البيض
وحده ثم تعجن جيدا ثم وحده ثانيه وهكذا حتى تتكون لك عجينه متماسكه ثم نضعها في القمع
الخاص فيها ونظغط وتوضع في الزيت وعند خروجها منه نضعها في الشيره وتخرج ثم تترك تبرد
ولا تغطينها بإحكام علشان ماتصير لينه وتقدم مع القهوه
هذا إذا بقي منها شي
وأنتي تصلحينها من كثر ماتذوقينها وبالعافيه والكميه تقدرين تضاعفينها إذا بغيتي
وهذي الصور إن شاء الله واضحه بالنسبه للشيره تكون ثقيله وتخلين البلح يطول فيها
مقاديرها 2كأس سكر مع 1 كأس ماء مع ملعقه صغيره زيت وشوي زعفران علشان
يعطيها لمعه تغلي مع بعض ولما يذوب السكر وتكون غلت كفايه تعصر عليه نصف
ليمونه علشان يتعقد ويثقل وتبرد وبالعافيه يمكن الصوره اللي عندي للشكل النهائي
مو لماعه لاني نسيتها من التصوير وتذكرتها اليوم الثاني وأنتو لا تخلونه بعد ما تصلحونه
لان طعمه طازج روعه ويكون قاسي وحلو وبالعافيه عليكم اللي تجربه ترد وتقولي
وسوري للطواله عليكم