ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم oOoوربى قمة اللقافهoOo يوجد هنا oOoوربى قمة اللقافهoOo سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم 02-28-2009, 03:01 AM   #1

ريري العسل

:: كاتبة محترفة ::

الملف الشخصي
رقم العضوية: 45126
تاريخ التسجيـل: Jan 2009
مجموع المشاركات: 1,540 
رصيد النقاط : 0

صورة متحركة وجه بنت oOoوربى قمة اللقافهoOo


oOoوربى قمة اللقافهoOo

بسم الله الرحمن الرحيم


شوفو اللقاقه شلون صايره


1- قمة اللقافه اذا كنت قاعد تتكلم بالتيلفون وبجوارك واحد من ربعك ولما تسكر التيلفون يقولك منو هذا وشنو السالفه....ياااااااااخي انت شكوووو

2- قمة اللقافه اذا كنتي طالعه انتي مع صديقتك ووحده كل شوي تدق عليكم ها وين بتروحون وين بتعشون.....هاااااااااا مانبيكي معانه بعد ليش اللزقه

3- قمة اللقافه اذا كنتوا مسوين جو دراسي بالبيت ويتصل عليكم خالكم ويقول ترى بنتعشى اليوم عندكم ....عز الله اخترب الجو

4- قمة اللقافه اذا انت جاي تبي تشبك بالنت ومتحمس تبي تشوف منو عندك بالمسنجر واييك وواحد من ربعك يقولك ابي اجيك على ايميلي....ياااااعمري طيييير

5- قمة اللقافه اذا كنت راد من الدوام حدك زهقان من الحر والزحمة وتلاقي نسيبك صافط تحت مضلة سيارتك ..شفيييييييه بونسب

6- قمة اللقافه اذا كنت قاعد بالحمام وانتوا بكرامه ومريح على الاخر و واحد ويطفي عليك الليت ويمشي.......يعني ليش ليش بالله

7- قمة اللقافه اذا كنت شاريه جهاز ومستانس فيها واييك واحد ملقوف يكسر مجاديفك يقولك يااااااه في ارخص منها عاد قصوا عليك......عفيه من طلب رايك

8- قمة اللقافه اذا كنت مساك المسباحه وقاعد تسبح فيه وجاك واحد ملقوووووف ويسحبه من ايدك ويقولك يااااااااه بلاستك عبالي حجركريم.....مالت عليك زين

9- قمة اللقافه اذا قلت حق الربع منو يبي عشا ترى بنطلب وواحد يقول لالا انا شبعان ولما يوصل العشا يتليقف ويقعد يطقطق بالبطاط مالكم....يعني مستحي الاخ

10- قمة اللقافه اذا قعد واحد بروحه بالدوانيه يقعد يتعبث بالستلايت لين يعفسه على بو انه بيسوي خير وبيعدل المحطات


11- قمة اللقافه اذا كنت متوضي بالمسجد وقاعد تسحب من الكلينكس اللي بالطاوله ويجيلك شايب ويقولك شوي شوي شنو قاعد تمتر ولا تسحب كلينكس...شغل شياب المساجد

12- قمة اللقافه اذا كنت طالع من البيت وانت ما عندك ولا فلس بالمحفظه وينط مندوب الجريده يقولك عاوزين تجددو الاشتراك يابيــــــــه

13- قمة اللقافه اذا اتصل عليك واحد خروف يقولك الرقم للبيع يا الطيب لان نفس رقم بيجري فا ابيه....شخباري ليلحين في ناس عبالها كشخه

14- قمة اللقافه اذا واحد معروف عنه ان عينه حاره وشاف عندك شي حلو ويقولك شوف يا تعطيني اياه ولا ترى بصكك بعين....شكوووووووووووو

15- قمة اللقافه اذا كنت قاعد تعدل غترتك في مرأة المسجد بعد الصلاة ويجيك واحد طنطل يوقف جدامك يعدل غترته....والله لو مو بالمسجد كان مخمومس على وجهه

16- قمة اللقافه اذا ربعك بيسون دقه فيك ويحطونك في دبه سيارتك ويصكون عليك ويطلع مفتاح السياره في جيبك......شماله اللقافه بالله

17- قمة اللقافه اذا تعرفتوا على عائله بالسفر وكل يوم الا يبون يطلعون معاكم وكل ما شريتوا شي شروا مثلكم....اي مو فجوا شوي عن الناس

18- قمة اللقافه اذا واحد من الاهل كل ما يشوفك يسألك ها فلان متى التخرج وكم معدلك.....بس عاد شقيتني

19- اذا كنت قاعد بالدوانيه وواحد من الربع ملقوف ياخذ تيلفونك من غير ما يستأذن يبي يشوف الصور والمسجات

20- قمة اللقافه اذا بنات واقفين بالاشاره وواحد كل شوي يقدم سيارته الا يبي يشوف لين يصدم السياره اللي قدامه


21- قمة اللقافه اذا صار حادث بالشارع الثاني والشارع اللي انت فيه واقف مايتحرك كله عشان يشوفون شنو صاير وحتى انا لي مريت هم وقوف لوووووووول

22- قمة اللقافه اذا توك متزوج ووأول يوم بالدوام كل شوي ها يافلان مافي شي بالطريق ترى الكلام كثر....بسم الله شنو زراار اهوا بالله

23- قمة اللقافه اذا قاعدين تبنون بيتكم والناس كل شوي ها ليلحين ما سكنتوا....اي فهموا السالفه مافي فلوس بعد شنو

24- قمة اللقافه اذا نزل فلم قوي بالسينما وحدك متحمس عشان تشوفه ويجيك واحد ملقوف ويقولك ترى الفلم كيت وكيت والبطل يموت اخر شي.....اعتقد بالفلم بس تنطر متى يموت البطل

25- قمة اللقافه اذا كنت تبي تسوي مشورع ومخطط عليه وقلت الفكره حق واحد من الربع ويروح اهوا ويسويه قبلك

26- قمة اللقافه اذا كنت شاري سياره ويسألك واحد هاااااا يافلان شريتها كاش ولا اقساط.......انا اقول لي شريت انت كاش انا اشتري مالت عليك

27- قمة اللقافه اذا تبي تقول سالفه ويقاطعك واحد ملقوف بالدوانيه ويقول السالفه بدالك....تحس ان حالك وحال الجدار واحد

28- قمة اللقافه اذا كنت قاعد تقرا الجريده ومنهمك فيها وتبي تقلب الصفحه ولا اللي يمك يقولك صبر صبر قاعد اقرا لا تقلب.....اي مو صار لها ساعه مقطوطه ماقريتها الحين صارت حلوه

29- قمة اللقافه اذا كنت نايم وحد الاحلام السعيده ويجيك واحد ويحط كلينكس بخشمك او اذونك.....اعتقد بتسبه سبه قويه بقلبك

30- قمة اللقافه اذا كنت انت ويا واحد طالبين عشا وقاعدين تاكلون ويدش عليكم واحد وتقولوه تفضل والاخ مايصدق خبر ويتفضل صج.....خوووووو مجامله يا الحبييييييييب


31- قمة اللقافه اذا قاعد بالدوانيه تلعب كوتشينة ويقعد وراك واحد ملقوف ويغث عيشتك لاتلعب ذي وقط ذي

32- قمة اللقافه اذا كنتوا قاعدين شله بقهوه وجبالكم واحد قاعد بروحه وقاط اذونه على سوالفكم ولي قلتوا سالفه تضحك قام يتبسم كنه مايدري.....صج قوات عين

33- قمة اللقافه اذا عندك سياره الماني وصافط براس الشارع بالحي وشاب الليت اللي على الجنب والجيران يغثونك كل شوي طاقين الباب ليت السياره شاب وليت السياره شاب....صج فقر

34- قمة اللقافه اذا كنتي شاريه شنطه اصليه وتجيلك وحده ملقوفه وتقولك اذا الشنطه اصليه وريني وين صنعت....عفيه انتي وش خصك

35- قمة اللقافه اذا وحده حلوه بنشر عليها كفر الموتر تعال شوف مليون واحد يصير لها سوبرمان......الله يعين الشينه وعليا

36- قمة اللقافه اذا عندكم عرس وادق عليكم وحده تصير لكم من بعيد تقول ابي بطايق زياده .....حمدي ربك عازمينك بعد

37- قمة اللقافه اذا كل ما تشترين شي وحده من صديقاتك تقولك من وين شاريته وتروح تشتري نفسه

38- قمة اللقافه اذا كنت طالع مع خويتك ويجيك واحد يقولك عيب عليك ماعندك خوات......الله يجزاك خير

39- قمة اللقافه اذا كنتي قاعده بمكان عام ويجيكي واحد لي طالوتك ويقولك في مجال تاخذين رقمي....ياااااااااجرئ

40- قمة اللقافه ان الوحده تصور نفسها ورفيجاتها بتيلفونها في اوضاع غير عاديه ولي انسرق التيلفون قعدت تبكي دم.....شالله حادك


41- قمة اللقافه اذا كنت متغدي ذاك الغدا السنع وحاط راسك ونايم ويشكل عليك الجرس راعي البيبسي ويكون الانتركم خربان يعني لازم تنزله....اعتقد ودك تنام فيه

42- قمة اللقافه اذا دقت عليك وحده بنص الليل وتقولك الووووووووو هذا مو تيلفون ديمه......لاوالله ديمه اللي اديمك انشاءالله

43- قمة اللقافه اذا قاعده بالدوانيه وواحد ما يشرب سجائر وكل شوي قايلك عطني سجارة....

44- قمة اللقافه البنغاليه اللي يوقفون عند الاشارات بالعيد ويطالعك ويقولك سلام عليكم بابا....تقول تعرفه من سنه

46- قمة اللقافه اذا غطا البنزين مال سيارتك خربان ومتبطل تعال شوف عاد مليون واحد يدق لك هرن ويأشرلك على الغطا انه مبطل....اي مو درينا عااااااد

47- قمة اللقافه اذا كان عندكم عزيمه في بيتكم وعندكم جاره ملقوفه تقوم تتصل عليكم وتقول عسى ماشر شعندكم.......اوووووووووووف ودي ابط راسها

48- قمة اللقافه اذا وحده اتنقز من مكان لي مكان ومن مطعم لي مطعم كل هذا عشان ادور لها على ريل.....اي انثبري ونطري نصيبك

49- قمة اللقافه اذا فتحت محل والله وفقك ويجيك واحد ملقوف يسألك كم اجارك وعسى موفي اجارك وكم اجار العمال.......اي قول بصكك بعين وفكني

50- قمة اللقافه اذا وحده انهت العلاقه مع واحد ومسحت عليه باستيكا والحبيب غصب الا حبيني ولاتنسين الايام الخوالي اللي بينا.....بس عاد افهم ياخي


51- قمة اللقافه اذا كنت داق على احد بالموبايل وفجأة انقطع الاتصال بينكم وكل واحد يقعد يدق على الثاني ويطلعله مشغول.....اي انطر ياخي اللي داق اهوا اللي بيدق عليك

52- قمة اللقافه اذا كنت مسوي ايميل وتعبان فيه واييك واحد بارده مبرده ومليون مره اقول واهوا مايفهم ويبوق الايميل ويسويه كوبي وينسبه حق عمره

53- قمة اللقافه لما تكون نازل بمطار بعض الدول وكل واحد يبي يشيل شنطتك من كل صوب ويتهاوشون على شانك.....اعتقد انك ودك ترجع الديره

54- قمة اللقافه اذا وحده الا تبي تدش في حياتك غصب وتسوي عمرها يعني اهيا زوجة المستقبل وام عيالك يعني حس وتزوجني....الحمدلله والشكر

55- قمة اللقافه اذا حطيتي حق واحد ابتسامه بالمسنجر ويرد يسولف مره ثانيه....ياخي افهم البنت مشغوله ولا مالها خلقك لووووول

56- قمة اللقافه الاسلوب اللي قاعد تتبعه بعض الحموات والخوات في التدخل في الحياة الزوجيه باي شكل

57- قمة اللقافه حق الناس اللي قاعدين يستعملون برامج عشان يشوفون خصوصيات غيرهم بالموبايل والايميلات

58- قمة اللقافه اذا كنت باحد مطاعم البحر وطلبت مقبلات وايد ويجيك الويتر يعني الجرسون ويقولك تبي حلو بعد


ياكرهي للقافه انطر ردودكم


دمتم بألف خير

تحياتي

 
قديم 02-28-2009, 01:30 PM   #2

بنوتة شقيه


رد: oOoوربى قمة اللقافهoOo


oOoوربى قمة اللقافهoOo

يسلموووووووووو يا قمرررررر

 
قديم 03-02-2009, 08:21 PM   #3

ريري العسل


رد: oOoوربى قمة اللقافهoOo


oOoوربى قمة اللقافهoOo

تسلمى اختى

 
قديم 03-02-2009, 08:38 PM   #4

بسمة الحياء


رد: oOoوربى قمة اللقافهoOo


oOoوربى قمة اللقافهoOo

هههههههههه

عن جد لقافه تقهر

يسلمووووووووو تحياتي

 
قديم 03-17-2009, 01:59 AM   #5

ريري العسل


رد: oOoوربى قمة اللقافهoOo


oOoوربى قمة اللقافهoOo

مشكوره حبيبتى على مرورك العطر

 

أدوات الموضوع



الساعة الآن توقيت السعودية الرياض و الدمام و القصيم و جدة 09:45 PM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0