ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > ادب و خواطر
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
ادب و خواطر تستاهل الكيف الحمر .. يا ابن وايل ][:::.. يوجد هنا تستاهل الكيف الحمر .. يا ابن وايل ][:::.. القصص , الخواطر , الشعر قصائد حب و خواطر عشق و ما يبوح به قلمك

فساتين العيد


 
قديم 02-26-2008, 01:26 PM   #1

مازده

:: كاتبة مقتدره ::

الملف الشخصي
رقم العضوية: 29
تاريخ التسجيـل: Aug 2007
مجموع المشاركات: 682 
رصيد النقاط : 0

تستاهل الكيف الحمر .. يا ابن وايل ][:::..


تستاهل الكيف الحمر .. يا ابن وايل ][:::..



--------------------------------------------------------------------------------


السلام عليكم ورحمة الله وبركاته


قصه عن القهوه..وهي سالفه مشهوره ..صارت في ديوان ابن رشيـد..

وهي سالفه علوش بن ظويهر..من قبيله عنزه..

هذا الله يسلمكم علوش كان في مضافه بن رشيد .

.وفي حدى الايام..وكان الديوان مليان..من الرجاجيل والضيوف..

قال بن رشيد صاحب الديوان بصوت عالي..

القهوه..

قاموا الصبيان يدورون على الضيوف..ويقهونهم..

وشوي وصل الدور لابن ظويهر (( علوش )).. يوم شرب من الفنجال

ما اعجبته القهوه قام كب القهوه وراه

في اللحظه هذي شافه بن رشيـد وماعجبه فعل بن ظويهر..وقال له :

وش نوحك سفيـت الفنجال ياعلوش..===>>> يعني وراك كبيت الفنجال..:

قال علوش ..ابد طال عمرك مالي نظر في القهوه اليوم ..طبعا هالكلام ما اقنع

الشيـخ.. قام قاله : ابداً انت لك يومين عندنا..وتشرب من ق***نا وش نوحك اليوم..

والمهم ضغط عليه بالكلام..

الين ماقاله علوش..ابد طال عمرك بس ق***ك صايده اليوم

..قال بن رشيد..وش يعني صايده..و يلتفت على اللي جنبه يسألهم

وش رايكم بالقهوه ..وهم يقولون ابد طال عمرك ماذقنا اطيب من ق***ك

المهم..سأله الشيخ بن رشيد : وش هي صايده ق***ي يا علوش ؟؟؟.

.قال علوش : ابو عوف طال عمرك ..

(( ابو عوف هذا اكبر من النمله ..ويسمونه القعس ))

طبعا الامير ما عطاه بال ولا صدقه ..

ويوم علوش شاف السالفه كذا قام وقال للأمير :

رقبتي لك رهينه طال عمرك اذا ماكانت القهوه صايده ابو عوف ..

و يروحون الصبيان يكبون الخمره ==>>الدله الكبيره اللي مسوين فيها القهوه..

و يحصلون فيها ابو عوف ..و يستغرب بن رشيد قال وشلون عرفت ..

قال علوش..ابد طال عمرك القهوه صار فيها طعم حموضه من ابو عوف..

راح ابن رشيد و سأل الصبيان اللي عنده

كم بقى له بن ظويهر في المضافه عندنا..قالوله يوم والا يومين.

.قال لهم لا تخلونه يمشي..ابيه ..

المهم و يروح الامير ويسأل اللي عنده ويقولهم :

وش اللي لو خلطناه في القهوه مايبين ؟؟؟

قالوله ورق العرفج..

و أمرهم انهم يحطونه في القهوه اللي يتقهوى منها علوش

ويوم تقهوى ابن علوش

سأله بن رشيد : ها ياعلوش ..


تتطعم بق***نا شيء ..

و يقول ايه طال عمرك القهوه صايده ورق عرفج

ويروح بن رشيد ويسأل ربعه نبي شئ ما يعرفه ..

المهم و يقولهم يحمسون فنجال محروق وفنجال ني..

ويخلطونهم ويسوون القهوه منها ..

ويسألونه ,,, ويقول لهم علوش : بها طعم نياه وطعم حراق


المهم و يفكرون بشئ مايكشفه..

و يحطون الراك..(( قشر المسواك ))..

و يسأله بن رشيد ها يا علوش تطعم بق***نا شئ ؟؟؟

..و يقوله ايه طال عمرك..بها طعم مسواك

قاله ابن رشيـد تدري ياعلوش..

كل ماشفت الهلال مثل الباكوره في القبله وجهك واشوف..====>>>يعني تعال عندي.. وترى كل ماينوب ق***ك ومعاميلك علينا ..

وكان من التواجديـن محمد الذويبي من حرب فقال هالقصيده...

.*.*.*.*.*.*.

تستاهل الكيف الحمر يابن وايل
انت الذي تستاهل الكيـف كلـه
اللي نقدته وسط ديـوان حايـل
لولاك ياعلوش محدن فطن لـه
بدلال من يقعد صغا كل عايـل
الضيغمي ريف الايدين المقلـه
الضيغمي مردي المهار الاصايل
يامنقطع في ساقته مـن سجلـه
يابن ظويهر مابها قـول قايـل
تستاهل الفنجال لا جـا محلـه
ياناقـد الفاقـد بحكـم الدلايـل
ياريف هجنٍ والمزاهـب مقلـه
ربعك بني وايل مـذاد القبايـل
اهل الجموع الراسيه والمظلـه
زبن الدخيل اللي تواطاه طايـل
الجمع دونه والرمـك منكهلـه

.*.*.*.*.*.*.


تقبلوا مني اجمل تحيه

 
قديم 02-26-2008, 04:08 PM   #2

سندوســهــ


رد: تستاهل الكيف الحمر .. يا ابن وايل ][:::..


تستاهل الكيف الحمر .. يا ابن وايل ][:::..

مشكوورة حبيبتي

 
قديم 02-26-2008, 04:18 PM   #3

رودى رورو


رد: تستاهل الكيف الحمر .. يا ابن وايل ][:::..


تستاهل الكيف الحمر .. يا ابن وايل ][:::..

شكرا ليكى حبيبتى على الموضوع

 
قديم 02-26-2008, 09:57 PM   #4

بسبوووسه


رد: تستاهل الكيف الحمر .. يا ابن وايل ][:::..


تستاهل الكيف الحمر .. يا ابن وايل ][:::..

يسلموووووووو حبيبتي على القصه الجميله
سلمت يدااكي
شوفو بس النااس الكيفين القهوه ههههههههههههههه

 
قديم 11-26-2008, 11:43 PM   #5

المسك


رد: تستاهل الكيف الحمر .. يا ابن وايل ][:::..


تستاهل الكيف الحمر .. يا ابن وايل ][:::..

يسناهل أبن علوش قصيدة

 

أدوات الموضوع



الساعة الآن توقيت السعودية الرياض و الدمام و القصيم و جدة 06:25 AM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0