بسم الله نبدأ

يومي ابتدأ ك كل يوم
صحيت متاخره .. وساويت اول شي بعملو كل يوم مسكت تلفوني وشفت الساعه وشو واصلني رسائل ..

والروتين اليومي رسائل +منتدى ك كل يوم

اول شي رساله من خطيبي عشان يبدأ نهاري حلو وبعدها فتحت المنتدى اتصبحت برساله من فوفو بتدعيني على هالموضوع ... يسعدلي صباحك فوفتي .

بس ما كملت فرحتي بتجي ماما بتقلي جايه رفيقتي كانت بالمستشفى ...

المهم حاكيت خطيبي وصبحت عليه وقمت غسلت وجي ورتب البيت كان الظهر ادن صليت

وحضرت الضيافه (( سوكسي او lazy cake عاملتو من مبارح كاتو برتقال وعصير )) واستنيتهم

بعد شوي بتجي مع اولادها ووالدتها الله يطول بعمرها ..

المسكينه وقعت على خاصرتها والضربه كان على كليتها بس الحمدلله مافي شي اتطمنت عليها وقعدنا

بعدها استاذنت حكيت مع خطيبي طبعا عشان يتعدل المزاج ههههه.

مر الوقت بسرعه اتسلينا بالاحاديث والحمدلله ما حسينا بالوقت لان ما كان في كهربا ك المعتاد لصارت الساعه 5, استاذنوا على بيتهم وقمت رتبت البيت ماشاء الله اولادها ((عفاريت)) ما خلو شي بمكانو

وحضرت الغدا كانت ماما عامله فاهيتا .. حضرت سندويشه وبعتها لخطيبي << بيحب الفاهيتا يقبرني

اعدنا اتغدينا مع بابا والكل كان ادن العشاء قمت صليت وفجأة انقطعت الكهربا هههه طبعا ك العاده .. اعدنا ع العتمه لبان ما رجعت اجت الكهربا الحمدلله .

و من شوي جيت لاكتب يومي بالمنتدى وانا وبكتبه الحمدلله انقطعت الكهربا 3 مرات

عدت الكتابه 3 مرات وهلأ الرابعه ...

وهلأ بدي اتصفح المنتدى وبدي اقوم اتحمم باذن الله وارجع احكي المكالمه الليليه مع خطيبي وانام بسلام ليبدأ يوم جديد .

كان يوم حافل خالي من اوقات الفراغ وطبعا حكيتو باختصار عشان ما طول عليكم ..

تقبلو مروري يا صبايا موضوع رائع يارب يستمر فترة طويله ..