قصة زواجي ممكن تطول شوي بس بدي اكتبها بأدق التفاصيل 2

تاني يوم الكل راح وبقينا بالبيت لحالنا وطبعا البيت قايم قاعد بعد ما راحو الكل بما فيهن اختو التانية وأولادها ال2 زغار
وانا ابتليت بالشغل كلو. مرق هاليوم بسلام ونحنا عم نسمع اصوات القذائف والانفجارات حوالينا تاني يوم السبت فقت شي
الساعة12 واجوا اهلو الساعة 2 و اكلت بهدلة من امو لأنو فقت بهالوقت مع اني مخلصة كل شغلي عدا عن هاد انا عروس
وحقي و امو كل نهار من بيت لبيت و من مكان لمكان ولآزم انا كل شوي اعملا قهوة واغير صحن السجاير تبعا
يوم الاثنين سافرت امي على ادلب و بقيت امو واختو عنا بالاضافة لرفيقة امو وانا لازم لحق شغل للكل كمان مرق باقي
الاسبوع بسلام بعد هو ما صار معو انفلونزا (كريب) يوم الخميس قرروا يتركونا لحالنا (طبعا من بعد ما تركونا الجمعة
الماضية ما عاد قرب عليي,البس الانجري بيقلي تستري بقول انا مريض معليه لازم اتحملو).
الخميس الساعة 2 ماكان فيه شي الا انو بعد ما راحو اهلو انقلب كلو و ما عاد نفسو حسين يلي بعرفو صارت 2 ونص رجع
البيت قلتلو لازمك شي قلي لا فيك شي يقلي لا اجيت مسكتلو ايدو وسألتو متدايق؟ شال ايدي بقوة وقلي قومي من جنبي
وصار يبهدلني ادام بنات الجيران يلي اعمارهن 5 سنين و 3 سنين بعدين قلي طلعي برا الغرفة قلتلو لا قال طلعي قلتلو
خير بس قلي شبك قلي انقلعي لبرا ومسكني من ايدي وشلفني ادام الصالون بعد شوي طلع من البيت وطلعت ام البنات تاخدهن
من عندي لانو ممنوع رد ع التلفون الثابت بغيابو صار يبهدلني على بنطالي الابيض لآنو لابستو رحت ولبست فستان قصير
وفتت ع الصالون حطيتلو غدا و بعد ما خلصت شغل البيت يلي عطول قايم قاعد بسبب وجود اهلو قلي بدي احكي تلفون
طلعي لبرا بعد ما رحت على غرفة النوم اجا لعندي قلي بتضلي ادام المراية قلتلو مو منشانك هالشي قلي انا ما بدي منك شي
بعد ما عملت قهوة رفض يشربها مني 3 مرات اجا الجار يسهر عندو (بيعتبرو بمقام ابوه ومرتو بمقام امو .ام البنتين.)
قلي انزلي اسهري عند الجارة بعد ما نزلت صرت قلا للجارة انو شوي عصبي شو اعمل قالتلي اصبري اول فترة بالزواج
بتصير مشاكل لآنو بيكونو مو اخدين وجه ع بعض خصوصي انو خطبتكن كانت بس شهر وطلعت ع بيتي شي الساعة 2 بالليل
ولقيت البيت قايم قاعد كأنو مقهى

بعد ما خلصت تنضيف البيت وحطيتلو عشا وخلصت شغلي اجيت قلتلو بدي اسهر معك شوي قلي ليش ليكون مفكرتيني عشقان
قلتلو و انا قلي الله يلعن الساعة الي تزوجت فيا قلتلو باينتك معصب اقعود وحكيلي شو صاير معك بترتاح قلي بالحرام اليوم
ما بنام بغرفة النوم طبعا لحقتو ع الغرفة و قلتلو هدي وروق شبك قلي يا بتفتحي الباب يا بحلف بالطلاق هلئ (هالحكي
شي الساعة 3 الفجر) وراح ع غرفة اختو يطالع مخدة و بطانية لحقتو وانا عم قلو ليش هيك عم تعمل معي قلي روحي شوفي
منظرك متل الشيطان وضربني اول كف والتاني انا هون ما عد استوعبت شي انو انا عروس صرلي14 يوم عم انضرب
رحت للصالون صار يقلعني ويهينني ويبزق عليي ورجع ضربني قلتلو والله انا ما بنام اليوم بالغرفة لحالي قلعني لبرا وبعدين
الساعة 4 ونص الفجر اجاه تلفون قلتلو هلئ التلفون قلي مع وحدة قلتلو بعرف ماعندك هالحركات وتركتو ومشيت بعدين
سمعت صوتو عم يضحك ويقلو لرفيقو خود هالنكتة هون انا فتت ع الصالون وهو عم يحكي قلتلو سكر التلفون رفيقك مو
أهم مني صرخ عليي ادام رفيقو وبهدلني وسكر الخط وصار يضربني وسبني بأمي بأقذر الكلام قلتلو انت واحد بلا ضمير
ومشان ما اكسر يميني ضليت ناطرة ع باب الصالون وانا مصدومة باللي صار معي لبعد ما أذن الفجر فتت ع غرفتي
وابكي واقول يا رب يا الله لحقني قلي خرسي ان انكر الاصوات صوت الحمير
ما اجاني نوم لل7 الصبح وفقت بال10 وانا قلو قوم افطر قبل ما يجو اهلك ويحسو ع شي وهو ما كان يقوم للساعة 2
الضهر وانا عم قلو صلي ع النبي واخزي الشيطان وهو مطنش بعدين اجيت وقفت ورا الشباك وضربتو بايدي لينفتح رجع
و ضربني وقلي هالشي ماشغلتك قمت ولبست وحطيت مكياج ومناكير واجوا اهلو صرت اضحك رجع صار يهينني ادام اهلو
وهون انا قلتلهن اني اكلت اتلة صار الكل يلومني لأنو قلتلو رفيقك مو اهم مني الجمعة المسا قعدين عم نتعشى الكل هون صار
يحكي معي قلت الحمدلله وطلب مني اشلح الذهب وقال لازمينو قلتلو خدهن ولا تمد ايدك للغريب مرق السبت وهون طلب من
أهلو يطالعوني مشوار لأنو هن نازلين ع السوق وكنت محتاجة حلاوة ومحارم معطرة وبعد ما رجعنا اكلت بهدلة من امو
لأنو جبت حلاوة النوع يلي انا بدي ياه والمسا كنا معزومين ع سهرة عند بيت خالو ووقت رجعنا اكلت بهدلة لآنو صرخت
للزلمة خالي تدايقت وفتت ع المطبخ عم قلا لاختو لك انا تزوجت لانسعد فات ورايي وسحبني ع الصالون وبهدلني ادام امو
ورفيقتها وضربني وقلعني ع غرفة النوم وتاني يوم نزلت امو و هو عند اختو الكبيرة وانا هون عم نضف البيت و اشتغل
واختو عم تحكي ع التلفون طلبت منها احكي مع رفقاتي البنات قالتلي احكي وال2 رفقات عمري يعني بيعرفوني من نبرة
صوتي الاولى مرقت عليها أما التانية قالتلي حكيلي قلتلا مافي شي تخانقت انا و جوزي و دفشني ومتدايقة مشان هيك
هون اختو الزغيري كانت عم تتسمع ع المكالمة اجت وحكت لآمها وصارت امها تبهدلني صار المسا و طلعو كل الجيران
لعنا وبقيو لل4 الصبح وانا قاعدة عم اخدم فيهن وتاني يوم كان اثنين سافروا الام والاخت ع ادلب و بقيت انا و هالرجال
لحالنا (انا بشرب شيشة:أركيلة: ومنعني عنها) المسا قررنا نسهر سوا بعد ما راحو قعدنا وقلي سمعي يا بنت الحلال انتي
انسانة رائعة وانا الله عطاني اكتر ما استاهل بس انا تسرعت بزواجي بالمرتين وامي صرلا عم تحكمني 23 سنة و هلئ
اجا الوقت حتى اسس حالي انا بدي سافر برا سوريةوما بدي منك ولد وبدي بعد شهر ونص ننزل عند اهلنا وانتي الي تطلبي
الطلاق قلتلو و انا قلتلك بدي ساعدك ومشان الطلاق في حل بيريحنا انك تسافر وتقطع اخبارك سنتين وهيك انا شرعا اطلق منك
او وقت بدك تسافر منقرر يا بنطرك يا بتطلق ولوقتا بيحلا الف حلال قلتلو وكيف بتحب نعيش مع بعض بهالفترة قلي عادي
قلتلو اجا الوقت لاحكي انا قلي تفضلي قلتلو نحنا صرلنا 18 يوم متزوجين وانا بعيدة عن اهلي ابي بالشام وامي بادلب وانا
ما الي بهالدنيا غيرك وانت عم تضربني وتهينني و انا كنت خاطبة من قبل وابي تهجم عليي و ابن عمي (يلي كان خطيبي)
انت منعتني عن الدخان قلتلك ماشي و منعتني عن الاركيلة قلتلك ماشي لك ياسيدي انا بشرب وبحشش بس انت رحمني شوي
قلي بيجي يوم بتحملي باكيت وبتدخني وما بلومك قلتلو جاي ع بالي اشرب شيشة قلي قومي اعملي انا بدي نام قلتلو لا انا
مابدي اسهر لحالي بقوم بنام انا كمان و نمت بعد ليل اسود و دموعي بتغرق بلد.

وهي قصتي كاملة

حكآيتك بتحزن ~
- طبعآ بدي آسآلك شو مصبرك ؟
حتحكيلي المجتمع م بيرحم والناس م بتوقف حكي ~
-حبيبتي انتي ما حدا من الناس حيحس فيكي ؟
م حدآ بيعرف انتي شو بتعيش ؟
- لا تصبري اكثثر من هيك #!
- ومن ترك شيئآ لله عوضه
-تقببلي مروري حبيبتي ، والله يعينكك ~

حبيبتي كل هذا ولسه عم تشوفي تظلي ولا لا؟ انا بطني وجعتني لما حكيتي كيف ضربك بهالقسوة واذا المرة عنده لحتى تنهان فبلاها هالجوازة يعني شو تنحسبلك جوازة وطز بالعالم كلها انا صديقتي لما زوجها صار معها قاسي ويبكيها وجت قريبة زوجها تدخل وتقنعها ان الست تتبهذل احسن من الطلاق قالت اذا نسوانكم يحبو يعيشو بمذلة مشان يبقى اسمهم متزوجة فانا افضل اكون مطلقة وبيت اهلي معززة مكرمة وكلام الناس ما بيهمني ومافي شي يقدر يكسرني قالتها بكل ثقة وقوة بحيث ماعرفت ترد عليها . حبيبتي خليكي مرفوعة الراس ابيت اهلك والله ما ينسى عبده اللي صبر وتالم وانظلم . ومهما كان الازواج مو ماخذين ع بعض مايعطي ابدا اي حق انه يمد الرجل ايده ع مرتة انت ما اجرمتي اذا نسيتي شي من غرضه وين حطيتي او شي تافه مثل هيك هذا ما بيخاف الله .

	#12
بنت الشام وافتخر	رد: قصة زواجي ممكن تطول شوي بس بدي اكتبها بأدق التفاصيل 2 قصة زواجي ممكن تطول شوي بس بدي اكتبها بأدق التفاصيل 2 بعد ما خلصت تنضيف البيت وحطيتلو عشا وخلصت شغلي اجيت قلتلو بدي اسهر معك شوي قلي ليش ليكون مفكرتيني عشقان قلتلو و انا قلي الله يلعن الساعة الي تزوجت فيا قلتلو باينتك معصب اقعود وحكيلي شو صاير معك بترتاح قلي بالحرام اليوم ما بنام بغرفة النوم طبعا لحقتو ع الغرفة و قلتلو هدي وروق شبك قلي يا بتفتحي الباب يا بحلف بالطلاق هلئ (هالحكي شي الساعة 3 الفجر) وراح ع غرفة اختو يطالع مخدة و بطانية لحقتو وانا عم قلو ليش هيك عم تعمل معي قلي روحي شوفي منظرك متل الشيطان وضربني اول كف والتاني انا هون ما عد استوعبت شي انو انا عروس صرلي14 يوم عم انضرب رحت للصالون صار يقلعني ويهينني ويبزق عليي ورجع ضربني قلتلو والله انا ما بنام اليوم بالغرفة لحالي قلعني لبرا وبعدين الساعة 4 ونص الفجر اجاه تلفون قلتلو هلئ التلفون قلي مع وحدة قلتلو بعرف ماعندك هالحركات وتركتو ومشيت بعدين سمعت صوتو عم يضحك ويقلو لرفيقو خود هالنكتة هون انا فتت ع الصالون وهو عم يحكي قلتلو سكر التلفون رفيقك مو أهم مني صرخ عليي ادام رفيقو وبهدلني وسكر الخط وصار يضربني وسبني بأمي بأقذر الكلام قلتلو انت واحد بلا ضمير ومشان ما اكسر يميني ضليت ناطرة ع باب الصالون وانا مصدومة باللي صار معي لبعد ما أذن الفجر فتت ع غرفتي وابكي واقول يا رب يا الله لحقني قلي خرسي ان انكر الاصوات صوت الحمير ما اجاني نوم لل7 الصبح وفقت بال10 وانا قلو قوم افطر قبل ما يجو اهلك ويحسو ع شي وهو ما كان يقوم للساعة 2 الضهر وانا عم قلو صلي ع النبي واخزي الشيطان وهو مطنش بعدين اجيت وقفت ورا الشباك وضربتو بايدي لينفتح رجع و ضربني وقلي هالشي ماشغلتك قمت ولبست وحطيت مكياج ومناكير واجوا اهلو صرت اضحك رجع صار يهينني ادام اهلو وهون انا قلتلهن اني اكلت اتلة صار الكل يلومني لأنو قلتلو رفيقك مو اهم مني الجمعة المسا قعدين عم نتعشى الكل هون صار يحكي معي قلت الحمدلله وطلب مني اشلح الذهب وقال لازمينو قلتلو خدهن ولا تمد ايدك للغريب مرق السبت وهون طلب من أهلو يطالعوني مشوار لأنو هن نازلين ع السوق وكنت محتاجة حلاوة ومحارم معطرة وبعد ما رجعنا اكلت بهدلة من امو لأنو جبت حلاوة النوع يلي انا بدي ياه والمسا كنا معزومين ع سهرة عند بيت خالو ووقت رجعنا اكلت بهدلة لآنو صرخت للزلمة خالي تدايقت وفتت ع المطبخ عم قلا لاختو لك انا تزوجت لانسعد فات ورايي وسحبني ع الصالون وبهدلني ادام امو ورفيقتها وضربني وقلعني ع غرفة النوم وتاني يوم نزلت امو و هو عند اختو الكبيرة وانا هون عم نضف البيت و اشتغل واختو عم تحكي ع التلفون طلبت منها احكي مع رفقاتي البنات قالتلي احكي وال2 رفقات عمري يعني بيعرفوني من نبرة صوتي الاولى مرقت عليها أما التانية قالتلي حكيلي قلتلا مافي شي تخانقت انا و جوزي و دفشني ومتدايقة مشان هيك هون اختو الزغيري كانت عم تتسمع ع المكالمة اجت وحكت لآمها وصارت امها تبهدلني صار المسا و طلعو كل الجيران لعنا وبقيو لل4 الصبح وانا قاعدة عم اخدم فيهن وتاني يوم كان اثنين سافروا الام والاخت ع ادلب و بقيت انا و هالرجال لحالنا (انا بشرب شيشة:أركيلة: ومنعني عنها) المسا قررنا نسهر سوا بعد ما راحو قعدنا وقلي سمعي يا بنت الحلال انتي انسانة رائعة وانا الله عطاني اكتر ما استاهل بس انا تسرعت بزواجي بالمرتين وامي صرلا عم تحكمني 23 سنة و هلئ اجا الوقت حتى اسس حالي انا بدي سافر برا سوريةوما بدي منك ولد وبدي بعد شهر ونص ننزل عند اهلنا وانتي الي تطلبي الطلاق قلتلو و انا قلتلك بدي ساعدك ومشان الطلاق في حل بيريحنا انك تسافر وتقطع اخبارك سنتين وهيك انا شرعا اطلق منك او وقت بدك تسافر منقرر يا بنطرك يا بتطلق ولوقتا بيحلا الف حلال قلتلو وكيف بتحب نعيش مع بعض بهالفترة قلي عادي قلتلو اجا الوقت لاحكي انا قلي تفضلي قلتلو نحنا صرلنا 18 يوم متزوجين وانا بعيدة عن اهلي ابي بالشام وامي بادلب وانا ما الي بهالدنيا غيرك وانت عم تضربني وتهينني و انا كنت خاطبة من قبل وابي تهجم عليي و ابن عمي (يلي كان خطيبي) انت منعتني عن الدخان قلتلك ماشي و منعتني عن الاركيلة قلتلك ماشي لك ياسيدي انا بشرب وبحشش بس انت رحمني شوي قلي بيجي يوم بتحملي باكيت وبتدخني وما بلومك قلتلو جاي ع بالي اشرب شيشة قلي قومي اعملي انا بدي نام قلتلو لا انا مابدي اسهر لحالي بقوم بنام انا كمان و نمت بعد ليل اسود و دموعي بتغرق بلد.

	#14
دودي وبث	رد: قصة زواجي ممكن تطول شوي بس بدي اكتبها بأدق التفاصيل 2 قصة زواجي ممكن تطول شوي بس بدي اكتبها بأدق التفاصيل 2 حكآيتك بتحزن ~ - طبعآ بدي آسآلك شو مصبرك ؟ حتحكيلي المجتمع م بيرحم والناس م بتوقف حكي ~ -حبيبتي انتي ما حدا من الناس حيحس فيكي ؟ م حدآ بيعرف انتي شو بتعيش ؟ - لا تصبري اكثثر من هيك #! - ومن ترك شيئآ لله عوضه -تقببلي مروري حبيبتي ، والله يعينكك ~

	#15
الفستان الأبيض	رد: قصة زواجي ممكن تطول شوي بس بدي اكتبها بأدق التفاصيل 2 قصة زواجي ممكن تطول شوي بس بدي اكتبها بأدق التفاصيل 2 حبيبتي كل هذا ولسه عم تشوفي تظلي ولا لا؟ انا بطني وجعتني لما حكيتي كيف ضربك بهالقسوة واذا المرة عنده لحتى تنهان فبلاها هالجوازة يعني شو تنحسبلك جوازة وطز بالعالم كلها انا صديقتي لما زوجها صار معها قاسي ويبكيها وجت قريبة زوجها تدخل وتقنعها ان الست تتبهذل احسن من الطلاق قالت اذا نسوانكم يحبو يعيشو بمذلة مشان يبقى اسمهم متزوجة فانا افضل اكون مطلقة وبيت اهلي معززة مكرمة وكلام الناس ما بيهمني ومافي شي يقدر يكسرني قالتها بكل ثقة وقوة بحيث ماعرفت ترد عليها . حبيبتي خليكي مرفوعة الراس ابيت اهلك والله ما ينسى عبده اللي صبر وتالم وانظلم . ومهما كان الازواج مو ماخذين ع بعض مايعطي ابدا اي حق انه يمد الرجل ايده ع مرتة انت ما اجرمتي اذا نسيتي شي من غرضه وين حطيتي او شي تافه مثل هيك هذا ما بيخاف الله .