|
#1 | |
:: كاتبة مقتدره :: |
مخنوقه وزهقانه جدا
السلام عليكم ورحمة الله وبركاته
انا مخنوقه جدا ونفسي اتكلم مع حد انا خلاص زهقت من الدنيا دي الحياه كلها بقت ممله والايام شبه بعضها اصحي من النوم افطر انا والنونو واروق البيت واعمل الاكل واستني زوجي يجي بالليل نتغدي وننام بس هي دي حياتي كلها مبعملش حاجه غير كده مبقتش اتكلم في الموبايل نهائي مع اي حد ممكن اهلي اتصل كل اسبوع اسلم عليهم يا اما لما هم يتصلوا مش بنزل نهائي من البيت لحد ما خلاص اتخنقت ممكن اقعد بالشهر ما انزلش زوجي مش فاضي ينزلني حتي السوق مبنزلش هو بيبعتلي اللي انا عايزاه يقولي تتعبي نفسك ليه وتنزلي ليه وتتبهدلي طالما البوابه بتجيبلك اللي انتي عايزاه وهو مياخدش اجازه غير يوم واحد ينام نصه والنص التاني مع اصحابه لكن انا مبيبقاش قادر ينزلني خالص قاعده كده في البيت زي قرد قطع انا الحمدلله في حاجات حلوه كتير في حياتي بس مش عارفه مش طايقه اعيش فيها نفسي اموت واخلص يعني زوجي بيحبني وطيب وحنين ومش مخلينا عايزين حاجه الحمدلله بس بينزل الصبح الشغل مبيجيش الا2 بالليل يعني تعبان وقرفان وزهقان وعايز ينام بس الشغل جمبينا قريب من البيت وساعات يطلع ياخد البيبي معاه في الصيدليه تحت شويه لكن انا لا بيغير يقولي واللي داخل واللي خارج يقعد يبص عليكي لا هبقي اخرجك كل يوم يقولي كده لما زهقت تقريبا داخله علي تاني شهر منزلتش من البيت وقاعده لوحدي والمكان اللي ساكنه فيه معرفش حد فيه خاااااااااااالص يعني طول النهار والليل لوحدي مفيش الاالنص ساعه اللي بيقعدها معانا بالليل ده حتي مش بيبقي فاضي يوديني عند ماما عايزه اروح لازم اتصل باخويا يجي بالعربيه من قدام البيت لحد باب البيت عند ماما يا اما لو حصل وهو فضي لازم يجيبلي تاكس من قدام البيت يوديني ولما اعوز ارجع نفس الكلام واتكلم معاه يقولي هو انتي غاويه تعب لنفسم بس مش تعب والله عايزه اتهوي اشم نفسي شويه وكمان النونو عندها سنه و4 شهور وانا خلاص حامل في الشهر السابع وزهقت وتعبت وقرفت واتخنقتمن كل حاجه وقتي بقي غريب ويومي عجيب وانا اتغيرت كتييييير مع الناس كلهاومبقيتش طايقه حد ومبقيتش حاسه ان انا زي زمان حاسه اني ست عجوزه عندها سبعين سنه وملت من الحياه وانا لسه مكملتش 23سنه معلش عارفه اني طولت بس مخنوقه ونفسي اتكلم كتيييييييييييير بس مينفعش اكلم حد من اهلي و لا اصحابي عشان ميتخنقوش وكفايه اللي كل واحد فيه اكيد عندهم مشاكلهم بس نفسي احس ان في حد معايا وحاسس بيا وكده يعني اكيد فاهمني وجزاكم الله خيرا مواضيع ذات صلة |