|
02-23-2014, 10:49 PM | #1 |
:: كاتبة جديدة :: |
لاهنتو هذي مشكلتي
السلام عليكم ورحمة الله وبركاته اسعد الله مسائكم بكل خير انا صراحه تعمدت اطرح مشكلتي لانها صعبه وماقدر اسيطر عليها بحكم اني ماعرف بامور الدين كثير لاني اصلا مافتحت على هالمشكله الا لما اصبت وربي ابتلاني فيها بالذات ليختبر صبري بس تبون الصدق انا تعبت واهلي تعبو مني ومن كلامي اللي يقولون عنه ماله داعي انا اعاني من وسواس بالصلاه يعني كل ماجيت بصلي احس اني اصلي لغير الله حتى مرات اتعمد اترك فرض لاني اخاف ان صليتها واديتها تكون لغير الله واطيح بشرك بس والله يعلم بحالي اني محافظه من البدايه بس لما ابتليت بس تركت فرض يعني كل الفروض وانا خبرت ابوي اني تركت لاني اخاف اصلي لغير الله وهاوشني قال انتي الحين كفرتي بدل مايهديني ويقدر حالتي زادني انا والله تعبت مو عارفه انا كافره ولا مشركه ساعدوني وربي تعبت اذكر مره من المرات جالسه ابكي علشان خفت اني صرت مشركه المهم ابوي حن علي قال انزلي من السياره وروحي صلي بآي غرفه لان امي واهلي كانو عند كوفيره وانا بالسياره انتظرهم المهم والخلاصه بالموضوع انا اول ماسمعت ابوي يقول هالشي جاء في بالي الصلاه بالغرفه والجدار والدولاب؟؟؟؟؟؟ لما نزلت الله يهديها الكوفيره فرشت لي السجاده قدام الدولاب تماما بحكم ان المكان ضيق بالاساس انا احاول ادف السجاده برجلي وابي اغير اتجاهها لاني اخاف اصلي للدولاب (-شوفو التفكير اهه بس رجعت السياره ابكي سالني ابوي ومنفجع وش فيك قلت صليت قدام الدولاب يعني جد صرت مشركه قال ابوي احنا نصلي قدام الجدار وقدام الكعبه ليه ماشركنا انتي اصلا ماتعرفين وشهو الشرك وانا للحين مو مطمنه انا تعباته نفسيا مو عارفه انا على المله ولا انحرفت ورحت للشرك وش اسوووووي بالله انا حيل تعبانه
مواضيع ذات صلة التعديل الأخير تم بواسطة احلام شاعرة ; 05-07-2014 الساعة 06:45 PM. سبب آخر: الموضوع ليس في مكانه الصحيح وينقل للقسم الصحيح (نقل من 20 إلى 113) |
02-26-2014, 02:19 AM | #4 | |
|
رد لاهنتو هذي مشكلتي
اقتباس:
حبيبتي هاذا وسواس يجي للواحد ~ وطبعآ آنتي آكيد ع الملة اذا كنت مخلصة لله وعبادتك كلها لله ~ واحنا نصلي قدام جدران واحيانا دواليب او سرير ~ بس احنا نادي الفرض الي امرنا في الله ويكون مخلصص لله وحده ~ الله يكون بعونك ويهديكك ~ |
|