|
#1 | |
:: كاتبة جديدة :: |
انا غلطانه في حاجه؟
كل الحكايه وبدون مقدمات اني تزوجت انا واختي اللي اكبر مني,,الحمد لله حياتي مثل أي حياة زوجيه فيها الحلو وفيها المر,,اختي اللي اصغر مني لسى تدرس بالثانوي,,كانت على علاقه بشخص قريب تقريبا من ايام المتوسط,,مكالمات ورسايل,, اختي جدا عاطفيه,,تحب الاشياء الرومنسيه ,, تفكر دائما بقلبها مو بعقلها,,احنا رافضين فكره ارتباطها فيه والزواج منه لانه بجد شخص مايستحقها ,, لما اكتشفنا علاقتهم عقبناها وقالت انها تحبه وهو واعدها بالزوج بعد ماتتخرج من الثانوي,, كم مره ترجع تتواصل معاه ونكتشفها وكالعاده تعاقب وترجع لنفس الحاله ,, الشخص هذا اتمنى اني ما اكون ظلمته لعاب,, هي ع بالها اننا واقفين ضدها ,, هي ع بالها اننا لما تزوجنا خلاص ماعاد فكرنا فيها ,, احنا جالسين ندور مصلحتها,, دايم انصحها واقولها بس تعتبرني عدوه,,ماتتخيلون قد ايش وصلت علاقتي ب اختي ,, تكرهني كره مع ذلك استمر بنصحها ,, لكن من دون فائده ,, انا هالفتره عند اهلي حامل بالشهر التاسع وعندي الحمل نازل من الشهر الرابع والحوض ضيق,, والله تمر علي بعض الايام وانا ماقدرت انام ساعه كامله من شدة الالام ,, وضعي الدراسي صار مرره ملخبط ,, يالله اداوم الجامعه ويالله اذاكر,, قلت ل اختي طيب انتظري حتى تدرسي الجامعه وتتخرجي بعدها بكيفك تزوجي شوفي وضعي انا كيف,, ممكن لو مرت سنتين او ثلاث تصحى شوي ع نفسها وتحس انها مختاره شخص غلط تبغى ترتبط فيه ,, لكن مافي فايده ,, نظراتها لي تعاملها معي كلها توضح درجة كرهها لي وحقدها علي,, لما اتناقش معاها تجلس تصارخ علي وتبكي وتوصفني بصفات تخليني اسكت وما ارد عليها باي كلمه,, ابغى افهم انا غلطت معاها بحاجه؟ كل اللي ابغاه مصلحتها ابغاها تصحى ع نفسها وتفهم ايش هي عايشه فيه ابغاها تصحى من حكايات المسلسلات التركيه اللي جالسه تعيشها ابغاها تصحى وتفهم انها اختارت شخص جدا سيء لا يستحقها وكل مايقوله لها يقوله لغيرها شخص لعب ف عقلها وهي مراهقه,,
ماعاد اعرف كيف اتصرف صرت هالفتره اللي انا جالستها عند اهلي كاني الشيطان الرجيم عندها اختي هذي اخاف عليها اكثر من نفسي ليش تسوي معاي كذا انا غطانه ف حاجه ؟!!!!!! مواضيع ذات صلة |