أول رغبناك يومـك مثـل راغبنـا
أول رغبناك يومـك مثـل راغبنـا
خلاص من حبكم يا زيـن عزلنـا
ماعاد لي في هواكم شـف أو رادة
اللي شبكنا معك ياحلـو يخلصنـا
يكفيني اللي حصل ما استحمل زيادة
أظن فـي حبكـم محـد بغاصبنـا
واظن مانته بعد في حلقـي قـلاده
دور علـى غيرنـا بـلاش تتعبنـا
في شرع الأجواد كل يتبع امـراده
الله يوفقـك وحنـا الله يوفقـنـا
الناس واجد وكم للحـب طـراده
أول رغبناك يومـك مثـل راغبنـا
ومن يطلب البعد حنا نطلب ابعاده
أيـام كنـا غشـم يامـا تكلفنـا
ندور رضاك مهما تخلـف العـادة
واليوم أبشـرك ياسيـدي تعلمنـا
وبدلت نوم الحزم بفراش ووسـادة
اللي هوينـاه حصلنـاه وحصلنـا
وارتاح قلبي على رغـم حسـاده
|