|
06-05-2014, 11:00 AM | #1 |
:: كاتبة فضيّـة :: |
◘◘ منيو لذيذ ◘◘
السلام عليكم و رحمة الله و بركاته جميعاً المنيو : - صحن الخُضار . - ناتشوز . - بطاطس و مشروم . - فاصولياء . - دجاج مشوي . - رز بالخضار . - معكرونة بالخضار . - كوسا مع القشطة . ــــــــ صحن الخُضار ـــــــــ اختاري الخضار المُفضّل لك و قطعيه قطع كبيرة ، و بالوسط حطّي الخلطة إمّا بالفلفل البارد تكونين شايله اللي بالداخل ، أو بصحن دائري .. الخلطة / زبادي - قليل لبن - رانش - خلّ - قليل ليمون . و استمتعي بأحلى سناك ـــــــــــــ ناتشوز ــــــــــــ المقادير: 1. خبز التورتيلا . نقطعها ونضيف زيت زيتون، بالفرن من فوق لمدة من خمس إلى عشر دقائق على حسب تحبينها مقرمشة أو متحمره أكثر. 2. بصل + صلصة طماط (جاهزة أو أنتِ تسوينها بالبيت ) + فلفل + زيتون ( أخضر أو أسود ) + اوريجانو *ممكن تضيفي أي نكهة أو أي شي تحبينه مثل لحم مفروم أو مخلل. 3. صوص الجبن: ربع كوب حليب سائل 2 ملعقة كبيرة جبن سائل 3 ملاعق كبيرة جبن تشدر فلفل أحمر (تشيلي) ــــــــــ فاصولياء ـــــــــ احمسي فاصولياء مع بهاراتك لين تستوي - بتاخذ وقت - . اخلطي ( جبن + قشطة التاج + شوي مايونيز ) ، حطي الفاصوليا بصحن التقديم و فوقه الخلطة و رشّي بقسماط و حمري الوجه بالفرن . ـــــــــ كوسا بالقشطة ــــــــــ نفس طريقة الفاصولياء . اسلقي كوسا بالماء و الملح . حطيهم بصحن التقديم فوقه الخلطة ( جبن + قشطة التاج + مايونيز ) . رشّي بقسماط و حمري الوجه بالفرن . ــــــــــــ بطاطس و مشروم ــــــــــ قطعي البطاطس حجم كبير و اسلقيهم بس مو واجد . بقدر ثاني احمسي مشروم مع بصل بعدين ضيفي لهم قشطة خفق مع بهارات . حطي البطاطس بصحن التقديم و فوقه الخلطة - و اذا كنتِ مروقه دخليه الفرن تتسبّك الخلطة ههههه - و زينيه بكزبرة مفرومة . ــــــــــ دجاج مشوي ـــــــــــ أحبّ هذي الطبخة جداً .... لذيذة و سهلة . اخلطي ( ملح و فلفل و كاري و بربريكا و شوي صويا ) مع أي صلصة عندك . ادهني صدور الدجاج فيها و اشويها ، أنا شويتها بالشوّاية الكهربائية . الخلطة / قشطة خفق مع جبن سلايس و فلفل و كاااري . قدميه مع معكرونة أو : ـــــــــــ رز بالخضار ــــــــــــ بما إنّي ما أحبّ الرزّ فأضيف له أي شي يخليه لذيذ ههههه رز أبيض عادي ، فوقه دجاج مفروم حمسته مع بهارات ( ملح فلفل باربريكا كاري كمون ) فوق الدجاج .. حطّي الخضار المُفضّله بالنسبه لك .. أنا حطيت ( بروكلي و جزر و فليفلة ) سلقت البروكلي و الجزر و حمست الفلفل البارد .. و استمتعي بالطعم اللذييييذ ... ـــــــــ معكرونة بالخضار ــــــــــ اسلقي معكرونة - أفضّل المعكرونة اللي طالعة بالصورة شريتها من التميمي - . احمسي بصل مع فليفلة و يّا البهارات بعدين حطي الجزر المبشور و البروكلي اذا استووا و وخّرتي الموية من المعكرونة ضيفي الخضار للمعكرونة و ضيفي لهم قشطة خفق و بهارات ( كاري - باربريكا - ملح - فلفل ) .. طعم يهبببببّللللل !!!! مواضيع ذات صلة |