 |
  |
|
|
|
|
#1 |
|
♡رَبِّ اجْعَلْ لِي قَلْبَاً أَنْتَ~وَحْدَكَ~سَاكِنُهُ♡ |
(6)
سلام يا حلوين :) #رمضان_السنة_غير رح نتوقف عن الحديث عن الخشوع بالقرآن ونكمل ذلك خلال رمضان بإذن الله... رح نحكي اليوم عن الأكل ;) وبما إنا اتفقنا إنو يكون #رمضان_السنة_غير فأنا عندي فكرة حلوة ، وهي إنو #نخلّي_طعامنا_عبادة :) ونغيّر سلبية بالأكل بنعملها برمضان: يعني احنا عنا روتين انو برمضان لازم يكون بالفطور شوربة وسلطة وعصير وقطايف او حلو وطبخة او اكتر... مو عارف من وين اجا هالروتين!!! وكل يوم من بعد العصر للمغرب واحنا بالمطبخ بس لا هاد الرمضان حيكون غير بإذن الله:) بدناش الدقايق تروح علينا بدون طاعة... والحلويات الكتيرة والاكتر من طبخة هاي مش فاضينلها. كُلُوووا ، ربنا حكالنا كلوا ، بس ما نتجاوز الحد ونسرف بالأكل . {وكلوا واشربوا ولا تسرفوا إنه لا يحب المسرفين} المسرفين الله ما بحبهم ، وانا بدي الله يحبني ، فمش رح اسرف بالاكل وبكل اشي طول السنة وبالذاات برمضان مش رح نسرف... رح نطبخ وناكل زي دايما ومفيش داعي لمليون طبخة ونوع حلو... مووو فاضييين أصلا.. بدنا نتعبد.. :) *واهم اهم اشي انا واحنا عم نطبخ ننويها لله... يا رب انا بطبخ عشان اطعمي اسرتي وياااا رب اكتبلي اجر يا رب.. *ورح نطبخ واحنا بنسبح ربنا كتييير أو واحنا بنحكي اذكار المساء أو واحنا مشغلين القرآن وعم نسمع .. دقائق الطبخ والشغل مش رح نضيعها ،، وربنا بإذن الله رح يكتبلنا فيها أجر على 1-النيّة لأنا احتسبنا الاجر عند ربنا.. 2-الذكر لأنا طبخنا واحنا بنذكر او بنسمع ذكر -------------- وخلصنا طبيخ وأذن المغرب.. رح نتعبد بالأكل أقلكم كيف?? {يا أيها الذين آمنوا كلوا من طيبات ما رزقناكم #واشكروا لله إن كنتم إياه تعبدون} شكرا يااا رب على تمرة اكلتها من نخلة كانت زغنونة طلعتها رزقة النا وكبرّت هالنخلة رزقة النا والمزارعين لقطوا التمرات وباعوهم وشحنوهم وهالتمرة مشت طريق طوييل عشان ترزقني اياها و آكلها.. شكرا يا رب على قمحة اكلتها دجاجة عشان تكبر وناكل لحمتها :) ... يااا رب احنا مغمورين بنعمتك بدون ما نشعر.. ألهمنا نشكرك.. مع كل وجبة ولقمة رح نشكرك يااا رب... * اشكروا الله.. فالشكر فريضة {فكلوا مما رزقكم الله حلالا طيبا #واشكروا نعمة الله إن كنتم إياه تعبدون} {كلوا من رزق ربكم #واشكروا له} شكرا يا الله اعتذر للإطالة بس آخر ملاحظة ;) خلينا نعلم ازواجنا واولادنا هالكلام ونتفق معهم إنّا مش رح نسرف بالاكل زي كل سنة ورح نخلي اكلنا عبادة ونشكر ربنا كتير بكل وجبة... :) ويلا حندعي كل يوم يااا رب سلمنا لرمضان وأعنا على ذكرك وشكرك وحسن عبادتك وقرب قلوبنا منك واعتقنا فيه من النار وأدخلنا برحمتك في عبادك الصالحين وتقبل منا يا الله.. #رمضان_السنة_غير مواضيع ذات صلة |
|
|
#2 |
|
|
رد: رمضان السنه غير (6)
جزاكك اللهه خيررا
|
رمضان السنه غير (6)