رد: كيف تخلين اطفالك هادييين ومؤدبين تبين حل؟1؟
كيف تخلين اطفالك هادييين ومؤدبين تبين حل؟1؟
الجزء الثاني
تربيتك لها دور كبيرجداً في تشكيل شخصية طفالك
يعني الدلال الزائد والعنف الزائدلهم نتائج
مقاربه جداً تختلف حجم النتائج على حسب الطفل
تأثير العنف والدلال على الاطفال
( العنف يندرج تحت الضرب والاهانه
وكثرة العقاب والتجاهل والصراخ والتقصيير بحق الطفل)
الدلال
( يندرج تحت تنفيذ الطلبات الدفاع المستمر
عن طفلك تجاهل حقوق الاخرين وسلبها)
يكون تأثيرها سلبي وينتج عنهم
اما شخصيه عدوانيه وعنيده وعصبيه
يستمد العنف منكِ ويطبقه بالمجتمع
اوانه يظن ان المجتمع كله لازم يدلله وينفذ طالباته مثلك
او شخصيه انطوائيه خجوله مسلوبة الحق
متعوده على الاهانه مهشم الشخصيه
لانك هشمتيهابعنفك وقسوتك وهشمتيها بدلالك ودفاعك..
تربيتك تنعكس على شخصية طفلك وسلوكياته
عزيزتي الام
علمي طفلك يدافع عن نفسه بالقصص والتمثيل
اشرحي له كيف مايسمح لاحد بضربه ..
وأن القوة مش بالعضلات والضرب
القوه إنك ماتسمح لأحد ان يضربك..
ولاتتنازل عن حقك
والضرب ضعف وصفه لا يحبها الله ولا رسوله
وانتبهي تكونين محامي دافع عنه إذا ضرب
وتأخدين حقه لأنه راح يتعود عليكِ وهاالشيئ يضره
اذا جاكِ يشتكي قولي له :
تذكر كيف تعلمنابالبيت الدفاع القوي..
(الدافع القوي إنك تدافع عن نفسك
ماتسمح لأحد يضربك وقوله غلط تضرب احد
أمسك يده إدا جايضربك وقول له غلط
ولا اسمح لك تضربني ابداً)
وانتبهي عزيزتي الام
تعلمينه سياسة اللي يضربك اضربه
لأنها تعلم العنفوالضرب والعدوانيه
وكأن الحق مايؤخد الا بالضرب والقوي اللي يضرب اكثر
نصيحه
الحوار بينك وبين طفلك يعلمه ويربيه
اعطيه وقتك وحبك وخبرتك بالسوالف والقصص والتمثيل واللعب
طفلك يحتاج ام تعطيه كامل حقوقه
وتستمتع بإمومتها عشان ينتج طفل
بشخصيه قياديه حكيمه
اللهم ارزق جميع الاطفال الهدايه والتوفيق
اورزق جميع الامهات بر اولادهن
والله ولي التوفيق
يتبع لاحد يرد
|