 |
  |
|
|
|
|
|||||||
| طبخات و وصفات حصرية من عضوات ازياء كنافة مبرومة بالفستق زي اللى بتتباع فى المحلات من مطبخ الشيف مونى بالصور يوجد هنا كنافة مبرومة بالفستق زي اللى بتتباع فى المحلات من مطبخ الشيف مونى بالصور القسم يختص بالطبخات والوصفات الحصرية من العضوات ويمنع اضافة المنقول |
|
|
06-25-2015, 12:28 AM
|
#1 |
|
شيف منتدى ازياء |
كنافة مبرومة بالفستق زي اللى بتتباع فى المحلات من مطبخ الشيف مونى بالصور
السلام عليكم ورحمة الله
كل عام وانتوا بخير طبعا معظمنا بيحب الكنافة المبرومة وبنشتريها من محلات الحلويات وانا عملتها فى البيت بنفس طريقة المحلات وصورتلكم الخطوات عشان كلكم تجربوها ان شاء الله والمكونات كالتالى: كيلو كنافة طرح كيلو الا ربع سمنة بلدى نصف كيلو فستق صحيح(مش مجروش) للسيرب(السيرب هو القطر او الشربات) وهنحتاجه تقيل 2 كوب سكر كوب ماء عصير نصف ليمونة الطريقة: اول حاجة ده شكل الكنافة الطرح جبتها من محل الكنافة قلتله عايزة كيلو كنافة طرح وهى متوفرة فى اى محل للكنافة  ولازم نغطيها بفوطة مبلولة بس معصورة كويس واحنا بنشتغل بيها عشان تفضل طرية ومتساوية لأنها لو نشفت مش هينفع نلفها هتتكسر مننا هناخد جزء منها  ونحط فى اولها الفستق  ونبدأ نلفها بس هنلفها بالورب يعني بزاوية وهما بيلفوها فى محلات الحلويات بنفس الطريقة والمبرومة نجاحها انك تلفيها بالطريقة الصح لو لفتيها بالطريقة الصح لازم هتنجح معاكى ان شاء الله   وبعد مانلفها هنشيلها برفق ونحطها فى صينية مستطيلة او مربعة وهنكرر اللى عملناه مع بقية كمية الكنافة لغاية ماتخلص وهنرصهم جنب بعض فى الصينية  وسبتها برة التلاجة لتانى يوم عشان تنشف وتتماسك وتانى يوم سيحت السمنة وحطتها على الكنافة   وطبعا هتقولوا السمنة كتيرة يمكن تحسوا كده بس هى بتتحمر فى السمنة دى جوة الفرن وده من عوامل نجاحها ده غير انها لما تخرج من الفرن هنصفيها من كل السمنة الزيادة وفيه ناس بتحط اكتر مما انا حاطة دخلتها فرن متوسط الحرارة وخرجتها لما استوت ووشها احمر صفتها من السمنة الزيادة وحطتلها السيرب ولازم يكون بارد  وصفيتها من السيرب الزيادة ودخلتها التلاجة لمدة ساعة عشان لازم تتقطع باردة ولما خرجتها صفيتها من السيرب الزيادة وقطعتها بالسكينة المشرشرة او اى سكينة حامية وبردو لازم نقطعها بالورب وده شكلها النهائى    ممكن تستبدلوا السمنة بزبدة بس طبعا الكنافة بالسمنة احلى بكتير من اللى بزبدة وبدون مبالغة طعمها زي اللى بنشتريها من برة واحلى لأنها طازة اكتر وطعم السمنة واضح فيها جربوها وادعولى وممكن تستبدلوا الفستق بأى مكسرات انتوا بتحبوها وبالهنا والشفا التعديل الأخير تم بواسطة *ام جوجو* ; 12-22-2015 الساعة 10:26 PM. سبب آخر: الموضوع ليس في مكانه الصحيح وينقل للقسم الصحيح (نقل من 38 إلى 145) |
|
06-25-2015, 12:35 AM
|
#2 |
|
|
رد: كنافة مبرومة بالفستق زي اللى بتتباع فى المحلات من مطبخ الشيف مونى بالصور
واااااااااااااو بجد ابداع
يسلمو هالإدين عالفن والإبداع داااااااااائما بإنتظار جديدك |
|
06-25-2015, 12:35 AM
|
#3 |
|
|
رد: كنافة مبرومة بالفستق زي اللى بتتباع فى المحلات من مطبخ الشيف مونى بالصور
تسلمي غاليتي
|
|
12-03-2015, 03:07 PM
|
#4 |
|
|
رد: كنافة مبرومة بالفستق زي اللى بتتباع فى المحلات من مطبخ الشيف مونى بالصور
بجد يسلمووووووو روعه
|
|
12-03-2015, 11:43 PM
|
#5 |
|
|
رد: كنافة مبرومة بالفستق زي اللى بتتباع فى المحلات من مطبخ الشيف مونى بالصور
فوق الممتاز
تسلم ايدك حبيبتى على مجهودك الرائع |
