 |
  |
|
|
|
|
#16 |
|
|
رد: رواية [اصبعي وهو اصبعي ان غدرني اقطعه ] كامله
حطت القهوه قدامه 00 وجلست بتعب باين على وجهها 00 صبت له فنجان ومدته له – تفضل
عبدالعزيز – زاد فضلك ( وأشر جنبه ) تعالي اجلسي عبير هنا بقولك كلمتين عبير عظت شفايفها بقلق وجلست عبدالعزيز – يعني خلاص انتي كارهتني بالمره معاد قادره تتقبليني عبير انصدمت من سؤاله المفأجئ ومسحت على رقبتها بقلق عبدالعزيز – تكلمي عبير ليش ساكته عبير بإرتباك – لا لا اللي قلته مو صحيح انت إنسان طيب وكريم وشهم وكل بنت تتمنى تكون من نصيبها عبدالعزيز – خلينا من البنات هالحين قولي انتي تبغين تكملين الباقي من حياتك معي ولا لا عبير وأهم شي كرامتها – انت قاعد تضغط علي عبدالعزيز – يعني وش قصدك انا اضغط عليك يعني اخيرك في العيشه معي عبير – اممم شي زي كذا عبدالعزيز وقف – يعني خلاص كل واحد يتسهل في طريقه معنى كلامك عبير – ايه لا ا ا ا عبدالعزيز جلس وعينه في عينها – عبير لين هالحين متمسك فيك على رغم إهانتك لي تبغين تعيشين معي او لا ترى قلت عيشه مو لازم حب عبير شتت انظارها – يعني كيف مو لازم حب ( خافت انه يجبر نفسه على العيشه معها وهو مايحبها لانها هي واضح انها تحبه وهو مو قاعد يفهم ) عبدالعزيز طلع هواء من صدره بمعنى التعب – عبير هي كلمه وحده تبغين تعيشين معي ولا لا عبير اكرهت نفسها لما قالت – ايه عبدالعزيز وهو خايف ويأكد كلامها – يعني ايه بتعيشين معي افهمها كذا هزت راسها بمعنى ايه بقهر 00 وركضت وخلته 00 وهو خلفها يضحك منها - مجنونه وبغت تجنني معها من طلع من الحمام 00 دخلت فيه من دون كلمه بس تسب بصوت مو مسموع وتحرك شفايفها 00 وهي معصبه وميته قهر 00 ضحك لما صكت الباب بقوه تبي ترد حركته 00 صلى وخلص واتسنن 00 لان الصلاه فاتته في المسجد 00 قرأ ورده اليومي وجلس يستغفر لين طلعت 00 وهي لابسه الروب ولافه المنشفه حول شعرها ناظرت فيه بقهر 00 ليش جالس لين هالحين ظني نمت وصليت وخلصت يالله اطلع برى 00 مشعل ضحك بينه وبين نفسه وقال – زوجتي العزيزه ممكن تلمين ملابسي وملابسك عشان ماباقي على روحتنا غير ثلاث ساعات نوف ناظرت فيه وهي تطبخ غيض – تراني اظني قلتها لو تموت مارحت معك مشعل – هم يصير خير روحي البسي وصلي وتعالي نتفاهم نوف عطته ظهرها وهي خايفه من كلامه وتهديده الغير مباشر 00 لبست وخلصت واتجهت على السجاده تصلي بعد ماصلت وتسننت 00 وقرأت الورد حقها 00 شافته لما وقف وطلع الشنطتين الكبار 00 بعدين اتجهه على الباب وقفله وناظر فيها – تعالي نلم الملابس ونخلص نوف بغيض – ياابن الناس قلت لك ماابي اسافر هو السفر غصب مثلآ مشعل وهو هادئ – نوف والله سفر ضروري لو اقدر مارحت بس ضروري اروح نوف – طيب وانا وش يخصني ضروري لك انت مو لي انا مشعل مازال هادئ – تونا مصلين وحبيبين والشيطان ماهو بيننا قومي خلينا نلم الملابس نوف دمعت بقهر – قلت لك ماابي اروح ماابي . . ( الفصل الثاني والثلاثون ) في الليل حست ان المكان هدوء 00 اتسللت بخفه وهي مصممه على اللي في راسها بتنفذه بتنفذه 00 حست فيه حركه 00 واتخبت بسرعه في الغرفه المجاوره للغرفه المقصوده 00 سمعت الهدوء يعود مره ثانيه 00 واتسللت خارجه 00 وبسرعه دخلت الغرفه اللي تبيها 00 شافت المكان مظلم ومافيه نور 00 إلا النور المتسلل من الشباك 00 شافته ملقى على السرير مثل الأموات 00 اقتربت منه بخفه وتبتسم على جنب 00 الهدف اللي بتنتقم منه عن طريق اللي ذبح امل هاهو يقبع امامها 00 ناظرت فيه بتمعن 00 وشافته مستكين وهادئ 00 وتنفسه منتظم 00 شالت المخده من تحت راسه بقوه 00 وفجأه فز وناظر هو فيها بقوه وهو ماط عيونه 00 حطت بسرعه المخده على وجهه 00 وبنفس السرعه هو مسك يدها 00 وصار التعارك باليدين 00 تبي تتملص منه وتخنقه بس ماقدرت 00 هاللي قابع امامها يملك قوه عجيبه 00 فجأه فز جالس وناظر فيها 00 وبنفس الوقت سمعوا صوت خطوات على الممر يقترب من الغرفه 00 وهي في يده قامت ترجف بقوه 00 وكل خوفها تنكشف او انه يبلغ عليها مشعل بهدو – تراني حذرتك من التلاعب معي قومي جهزي اغراضك بنمشي نوف بعناد – ماابي مشعل – هاذا اخر كلامك يانوف نوف بإرتباك من لهجته - ا ايه مشعل – زين يصير خير نوف فجأه – بشرط وقف وناظر فيها واتكتف – وش هو شرطك نوف – ارد اسافر لخالي ابي اولد هناك مشعل – نشوف نوف برطمت بقهر – لا ماتشوف تعطيني وعد ولا والله مااتحرك مشعل بحلق فيها فتره – خلاص نوف بحذر – قول والله مشعل – ماابي اقول والله يمكن اموت ولا يصير فيني شي انا قلت لك طيب وانتهى الموضوع نوف – يويلك ان اخلفت وعدك مشعل بسخريه – هه تهدد بعد نوف – خلاص ماابي اروح مشعل – زين زين يالله قومي جهزي ملابسي نوف وقفت وهي لابسه بجامه حرير لاصقه في جسمها ومبرزته بشكل روعه – لا انت جهز ملابسك توك كنت بتجهز ملابسي انا بعد ( مرت من عنده وهو مبحلق في جسمها اللي بلع ريقه بقوه من شافه 00 عطته ظهرها وهي تضحك بسخريه من نظراته 00 وقفت من حست بنغزه في بطنها 00 وبسرعه مسكت بطنها وانحنت وهي تتأوه بألم – آآآآي فتح الباب وهو يخفي ابتسامته 00 لما طاحت عينه في عينها ماقدر يخفي الابتسامه وابتسملها 00 بينما هي نزلت راسها إحراج منه 00 جلس بهدؤ – شرايك نطلع عبير بإرتباك – اللي تشوفه عبدالعزيز – لا مو اللي اشوفه اللي تشوفينه انتي مو تقولين انك طفشانه وش المكان اللي حابه نروح له عبير – امممم بكيفك بس موكأن الوقت متأخر الساعه احدى عشر عبدالعزيز – لاتخافين واشنطن بالذات غير ليلهم نهار ونهارهم ليل وبنطلع نتمشى على البحر عبير – اوكيه اللي تشوفه ( ووقفت ) عبدالعزيز – وين عبير قطبت حواجبها – مو تقول بنروح البحر بروح ابدل ملابسي ضحك – صح نسيت هزت كتوفها وراحت عنه 00 تذكر اخوه خالد لما خبره عن نايف وعن الوصيه حقت تركي 00 اتصل على خالد – السلام عليكم خالد – هلا والله وعليكم السلام وآخيرا ابتسم عبدالعزيز – يالله عاد تراكم غثيثين الواحد رايح شهر عسل تبغون كل اربع وعشرين ساعه ماسك الجوال ويكلمكم ضحك خالد – المهم العلوم اخبارك انت وعبدالله كيفه عبدالعزيز – تمام وعبدالله ماشي في دراسته والله يوفقه (مااخبر احد في إدمانه ) خالد – سلملي عليه الوحش وخله يكلمني عبدالعزيز – إن شاءالله هاه وش صار مع امي وافقت خالد – لا وياليتك تجي تتفاهم معها طولنا مع الرجال عبدالعزيز – لاحول طيب بس يبيلي فتره لين ارد خالد – طيب عبدالعزيز – يالله تأمر شي خالد – لا سلم على المدام وعلى عبدالله ولاتنسى خله يكلمني عبدالعزيز – إن شاءالله صك الجوال خالد ووقف قدام بيت منال 00 نزل وطق الباب 00 فتح الباب حمود 00 وكشر خالد وضحك حمود – والله اليوم بغثك وبقعد على قلبك ( ورفع حواجبه ونزلهم بطريقه مضحكه 00 ودزه خالد مع وجهه 00 وهم يضحكون خالد – ماعلي منك وينهي مدامي حمود – في المطبخ من اليوم ( ويقلد صوتها ) اويلي خلودي بيجي وماسويت شي خالد – فديتها آآآآآآآخ ياقلبي متى اعرس بس وضحك حمود وهو يدزه للمجلس – ادخل بس ادخل قال ايش آآآآخ ياقلبي ( وهو فاطس ضحك ) مسكها مع يدها بسرعه 00 ودخلها الحمام 00 وسط استسلام منها 00 وهي ترجف وقف على باب الحمام 00 وبنفس الوقت افتحت الباب السستر بالانجليزي – مرحبا عبدالله وهو مرتبك – مرحبا السستر – مابك لماذا انت تقف هكذا ؟ عبدالله ترك الباب وتوجهه للسرير وانسدح بطريقه تمثيليه وهو خايف – لاشي السستر طقته إبره وهي تسولف معه 00 وهو يجاريها عشان ماتشك بأي شي السستر – سأنرى كم وصلت نسبة المخدر في جسمك أعتقد انك في تحسن مستمر عبدالله – إن شاء الله السستر جمعت اغراضها 00 وعبدالله عينه على الحمام 00 ومره عينه على السستر طلعت وخلته وتنفس الصعداء 00 طلعت من الحمام وهي متفشله – شكرن ( وجت بتطلع ) عبدالله وقف – لحظه وقفت وناظرت فيه – نعم عبدالله – وش بينك وبين عبدالعزيز اخوي وكنتي راح تذبحيني عشانه ريهام ناظرت فيه فتره بعدين قالت – شي لو تعرفه طاح اخوك من عينك ( وراحت وخلته وسط إندهاشه وذهوله من كلمتها – معقوله عبدالعزيز اخوي سوى لها شي وقفت وراه وهو خايف وماسكها مع ظهرها – وش فيك ابتسمت فجأه وهي تتحسس بطنها 00 بسرعه مسكت يده 00 حطتها في بطنها وهي فرحانه – حس حس البيبي يتحرك مشعل تنفس الصعداء لانه خايف عليها 00 ماحس بإي شي – ماحسيت في شي نوف فكت يده وعطته ظهرها – نص ساعه واكون جاهزه ممكن تطلع برى مشعل اندهش لتغير مزاجها وطلع وتركها بدون ولا كلمه 00 جلست على الكرسي ودمعت – وين بيحس وهو ماعنده شعور واحاسيس وين بيحس وهو صدمني ان هالطفل مو منه 00 بكت فتره بعدين وقفت ومسحت دموعها 00 لازم ترتب شنطتها بسرعه 00 والقرار اللي اخذته مصممه عليه اكثر واكثر طلع الصبح وهو لسه مو قادر يرقد 00 وكلامها يتردد في راسه 00 شي لو تعرفه طاح اخوك من عينك 00 شي لو تعرفه طاح اخوك من عينك 00 شي لو تعرفه طاح اخوك من عينك 00 مسك راسه وكلامها يتردد في راسه 00 وقف على حيله 00 اتجهه على الدريشه اللي مأخذه مساحة الجدار كله 00 وقف عليه وهي تعكس له المنظر كله 00 بحيره امامه 00 وحديقه جميله ومرتبه بعنايه 00 ورود اشكال وألوان 00 وقفت عينه عليها وهي واقفه عند الورد 00 لازم اسألها وش مقصد كلامها لازم 00 وبسرعه نزل لها 00 لازم تخبره لازم في المطار جالسه وهي مقهوره 00 وهو جالس جنبها 00 وباين عليه الهدوء 00 استغربت حاله 00 مو هاذا مشعل العصبي الشكاك اللي يموت وينرفزها اعلنوا عن الرحله المتجهه لألمانيا ووقف ووقفت معه 00 بتبعك واشوف اخرتها معك 00 صدقني يامشعل هاذي اخر لحظاتي معك 00 من اوصل لخالي مستحيل تشوفني مستحيل 00 هاذا القرار اللي اتخذته بتجاريه لين توصل لخالها ولو يموت ماشافها نفس الوقت كان واقف جنبهم 00 لو لف راسه شاف مشعل وخبره عن كل اللي سواه مع ساره 00 بس للاسف مشعل مشى وساره خلفه 00 وزياد اللي للتو وصلت رحلته من امريكا ومعطيهم ظهره ماشافه ركبت الطياره وهي تزفر 00 يارب توصلني لابو ظبي على خير 00 احب ثرى الارض اللي عشت فيها أجمل سنيني 00 مالقيت في ديرتي غير العذاب 00 وهه من من من أقرب الناس عندي 00 ابتداء من جدتي لعمي لعمتي للمدعو زوجي 00 حسبي الله ونعم الوكيل 00 قطع تفكيرها لما قال – وين رحتي ألتفت له وهي تحاول تجاريه لين تنتهي هالايام وتبتعد عنه للابد – هاه لا معك مشعل – اربطي حزامك اجل اربطت الحزام وهي تتلحطم وفي نفسها – مغرور وشايف نفسك . . . مرت فتره طويله وهي طفشانه وطول الوقت تزفر وقفت وناظر فيها – وين نوف بطفش – بروح الحمام راحت وخلته 00 تذكرت كل اللحظات اللي مرت لما ركبت هالطياره ومتجهه فيها للنمسا 00 في اول ايام زوجها00 كل شي يرد لراسها 00 ابتسمت بغبن وهي تقول – ياصبري على مرك يامشعل غسلت وجهها كم مره 00 وهي تطرد الحزن 00 حاسه بشعور غير 00 حاسه انها خايفه وقلبها ناغزها 00 حاسه في مصيبه بتصير 00 وماتدري كيف ومتى بتجي استعاذت بالله من الشيطان الرجيم 00 وردت للكرسي وجلست وقف في وجهها 00 وهي طالعت فيه 00 بعدين صدت عنه 00 ورد وقف في وجهها ناظرت فيه – نعم عبدالله – ايش سالفة عبدالعزيز معك ريهام بحزن – ليه اخوك ماخبرك عبدالله – ابي اعرف منك ريهام - وش تبي تعرف بالضبط عبالله – اللي سواه معك ريهام بسخريه – هه قصدك اللي سواه في امل عبدالله عقد حواجبه – منهي امل !! ريهام بصدمه – زوجته عبدالله بفجعه – ايشششششششششش زوجته ريهام وكل الماضي يلوح في راسها 00 وهي تحكي له 00 ووتمنى تشوف عبدالعزيز وتذبحه وتموته نفس ماماتت امل وصلوا ألمانيا \ الفندق مشعل وهو يجلس – اليوم بنام هنا وبكره بندور على شقه نوف بلا مبالأه – كيفك ( دخلت الغرفه ولحقها ) مشعل – ليش انتي كذا نوف وقفت – كيف يعني مشعل – هالاستسلام الغريب عندك نوف بنبره تغيض – هه وش تبغاني اسوي يعني مشعل – ماادري اعرفك تحبين تعاندين نوف – والله حاله اعاند على فندق وين تبغاني انام يعني مشعل – لاحظي ان هنا فيه غرفه وحده بس يعني نوف قاطعته – معاد يفرق عندي مشعل انبسط وتناسى كلمته لما حس انها ممكن تساعده يفتح صفحه معها مشعل قترب منها ومسك يدها – يعني نفتح صفحه جديده نوف فكت يدها منه وهي حاسه انها مو متقبله لمسته – ليه وين عايشين في دفتر يعني ضحك بقوه – تستخفين دمك نوف جلست وهي طفشانه منه مشعل – نوف خلينا ننسى الماضي ونعيش مثل العالم والناس نوف – ليه انا اللي مو مخليتك تعيش مثل العالم والناس مشعل – انسي كل شي سويته وخلينا نبدأ من جديد يمكن تصير خيره هالسفره ونعرف بعض اكثر نوف – وش عقبه استغرب الكلمه وعادها – وش عقبه نوف خافت انها تنكشف وأداركت الأمر- لا اقصد يعني عقب اللي سويته فيني جاي تقول هالكلمه مشعل ماانتبه لأرتباكها – إن شاءالله الأمور بتتصلح نوف غيرت الموضوع – كم بنجلس هنا مشعل جلس جنبها – شهر نوف بصرخه – ايششششششششش مشعل ابرود – انا سبق وقلت لك بنجلس شهر نوف صدمته – وانا وش يجلسني هنا شهر مشعل وقف وهو تعبان 00 وفتح شنطته يطلع فوطته ولا عبرها نوف صرخت مره ثانيه – ليش سافهني مشعل – على فكره لاحظي من طلعنا من الرياض لين وصلنا ألمانيا وأنا هادئ ليش تحبين تعكرين مزاجي وتسوين هوشه نوف اتكتفت – انا مااسوي هوشه مشعل وطلع الفوطه وقرب منها وهو يحس بألم كل ماتذكر هالذكرى وهو راص على سنونه – لا اللي يسوي هوشه انا انا الخاين انا اللي اتصلت في شباب انا اللي مااعرف البس واكره اللي حولي فيني انا نوف صرخت – بس بس بس بسسسسسسسسسس اصكت إلى متى تحب تعايرني وتبغاني اعيش معك ياشيخ انت حتى ماصار على كلامك دقايق تقول بتفتح صفحه ترجع تذكر الماضي اللي كرهني في حياتي 00 مشعل مو أنت اللي عشت حياه قاسيه وحياة يتم 00 مو انت اللي ماخلوك تنفتح مع بنات سنك وتعرف وش يلبسون من موضه ومن لبس 00 ( ودموعها تنزل ) مو انت اللي جدتك تعايرك في امك 00 عمتك تكرهك بلا سبب 00 وتقذف امك حتى وهي ميته مارحمتها 00 مو انت اللي ماتت جدتك وتوك تعرف انها كانت تسوي اللي تسويه عشان ماتعلقك فيها 00 مو انت اللي سمعك عمك كلام يسمك ويمرضك 00 ومو انت اللي جوك عيال عمك في نص الليل عشان يجرونك غصب عنك تودع عالمك 00 ( ولفت وجهها له وهي تصرخ ) ومو انت اللي زوجوك غصب عنك 00 ومو انت اللي البنات يعيشون شهر عسل ويعرفون معناه وانت تقاسي ان حد يحل مكانك في ذيك اللحظات ويأخذ اللي انت تستحق تأخذه لان هاذا مكانك 00 وهم مو انت اللي اللي اتهموك ظلم وغصب عنك انك تكلمين شباب 00 ولدت وصارت نظرة الناس لي الكره الكره الكره ( وصرخت ) رووووووووووووح خلني برووووحي مشعل بلع ريقه 00 اول مره يشوف نوف بهالحاله قرب منها وضمها وبهدؤ – الله يخليك اهدي مو عشاني عشان اللي ابطنك صمت 00 ماسمع الا شهقاتها اللي تخترق صدره 00 وهي تدفن وجهها اكثر واكثر على صدره 00 ضمها اكثر وهو يتحامل على نفسه 00 لانها ضامته كثير 00 اصعب شعور ان معذبك هو الصدر الحنون لك 00 وقمة الألم والأهانه ان اللي سببلك هالوجع هو اللي يتفهمك ويحتويك 00 مسح على شعرها وهو يسمي عليها 00 خايف يصير فيها شي 00 رفعت راسها فجأه وكأنها مقروصه 00 ودزته بخفيف عنها 00 وهو يناظرها بصمت 00 وهي عطته ظهرها 00 واتجهت للسرير تنام عليه وهي حاسه بالتعب 00 اما هو اخذ فوطته وقفل عليه الحمام 00 فتح الدش البارد وحط جسمه فيه وهو يتلذذ ببرودته 00 وكلامها يطن في راسه مثل المطرقه 00 ضرب الجدار بقبضته بقوه بدريه – وليش ماتبين تنزلين معي حرام عليك يادنيا تعبتيني يمه دنيا وهي تشاهق – خليني في حالي يمه ماابي انزل بدريه – زين قوليلي شفيك إذا عن ابوك تراه بخير وصحه وعافيه وقريب بيرخصونه دنيا سكتت وهي تحمد الله على عافية ابوها ريم دخلت لهم – خالتي هلا وطلال موجودين تحت بدريه ناظرت في دنيا – إذا تحبيني تنزلين لهم تحت ودنيا إحساس الفشيله مراودها – لا تكفين يمه واللي يعافيك ريم اللي طلعت ماتبي تتدخل اما بدريه – حرام عليك يابنتي تراك عذبتيني دنيا مسكت يد امها وباستها – الله يخليك اتركيني على راحتي بدريه – إلى متى إلى متى طيب دنيا وهي تمسح دموعها وهي تخبي عن امها – لين اتقبل صدمة طيحة ابوي بدريه – اجل لو مات ابوك وش كان سويتي دنيا صرخت وهي تبعد هالفكره وتشهق – لااااااااااااا بدريه ضمتها – اسفه اسفه يمه عبدالله اللي منصدم ومايدري وش يقول 00 ماتوقع ان في يوم من الأيام اخوه مر بهالفصول الدراميه الخطيره 00 سمع شهقاتها اللي كسرته وطلعته من إندهاشه لف راسه إلها وهي تبكي 00 طلع منديل من جيبه ومده لها - ( إنك ميت وإنهم ميتون ) وقوله تعالى ( كل من عليها فان 00 ويبقى وجهه ربك ذو الجلال والكرام ) كلنا بنلحقها وعبدالعزيز اخوي صدقيني اتعذب ومرت عليه فترات مايعلم فيها من الحزن بعد الله غيري عاش حياه مو سعيده 00 صدقيني ماله يد أبد كل اللي صار مقدر ومكتوب ريهام بشهقات مفطره للي يسمعها – بس هو لو ماسوى اللي سواه كأنت مستعده له كانت متجهزتله انا اللي شاركتها فرحها انا الشاهده الوحيده ا قاطعها عبدالله – انتي قلتيها لو لو ولو هاذي تدخل عمل الشيطان الله يرحمها ويغفر لها هاذا مقدر ومكتوب لها ريهام وهي تغطي وجهها وتشهق – كلامك حلو ومريح عبدالله وهي ألمته كثير وهو بطبعه حنون – استغفري الله عزوجل وصدقيني عبدالعزيز متألم اكثر منك وهم صدقيني انه يخرجلها صدقات ماتجي في بال احد لاني دوم اتسائل ليش عبدالعزيز يخرج هالكثر صدقات ومن صاحبها لانه مو له يخرج عنه وعن حد غيره وعرفت مين هالحين هالحد ريهام وهي عيونها حمراء - مااقدر مااقدر اتقبل الحياه وأمل موفيها الرجال خاينين كلهم خاينين عبدالله بحزن – علشان عبدالعزيز ماسوى اللي سويتيه تبغينه يتظاهر بالجنون مثلك فتحت عينها بقوه – انت وش عرفك عبدالله – كل اللي هنا يعرفون حكايتك وحده من السسترات حكتلي تقول هنا فيه وحده تتظاهر بالجنون ومدامها تدفع فلوس مانقدر نقول لها شي نصحنها بالخروج وهي رافضه ريهام – قلت لك مااقدر اتقبل الحياه وأمل مو فيها عبدالله اللي صدمها – طيب ممكن تتقبليني انا صديق واخو دنيا لك طلع من الحمام 00 وشاف نفسها منتظم 00 ومغطيه وجهها 00 باين انها نايمه لبس بجامته 00 وانسدح جنبها على السرير 00 ولف وجهه جهتها 00 وقال في نفسه ( انا ابي افتح صفحه جديده معك 00 بس ليش لحد الجين متألم من سالفة رقم الشاب اللي بجوالك 00 ليش تخدعيني يانوف ليش 00 المشكله اني مصدق انك بريئه 00 بس ليش عقلي عاجز عن التصديق 00 الخيانه يانوف طعمها مر مر تذبح بس انا إنسان مو شين وحبك دمح زلاتي 00 وإن شاء الله نفتح صفحه جديده ونفهم بعضنا 00 بس إذا تأكدت انك ماتخدعيني 00 لان ضربتين في الراس توجع ) الله لايوفقه الله لايوفقه اقولك سافر دلال – حسبي الله عليها بنت الساحره عساها للنار خلود اتألمت من دعوة امه – يمه حرام الحرمه ميته دلال – بسسسسسسسس اصكتي انتي ترى سالفتك تكفي وتوفي خليك في حالك وطسي غرفتك مأمنك فايده خلود وقفت وهي متضايقه – إذا مأمني فايده زوجيني نايف دلال عصبت – عشم إبليس في الجنه مابتتزوجينه لو اليوم دفني اذلفي عن وجهي اذلفي راحت وخلتهم ودمعتها على خدها كلام امها كله مؤلم 00 ماتوقعت خواتها يوصلون للها المستوى من الأنحطاط 00 كل حياتهم مؤامرات وعدوات ساره – افففففففففففففففف ناقصتلها انا نوره – يمه ترى انا وساره محطوط لنا بلاء هالكلب متزوج هالسعلوه وعيالي عنده ياجعل ربي يبتليهم بامراض الدنيا هو وإياها دلال وهي تطق اصبع – بس لقيتها كلهم – شنهي دلال – ام فايز عندها الحل ساره حطت رجل على رجل – وعووووووه هاذي المطيروه اللي مطيحة عندنا ونوره تنقل نظرها بينهم 00 تشوف خلاصة كلامهم دلال – ام فايز مره قالت لي تبغين حرمه تلصق الوزاره لرجلك لين يموت وانا انبسطت علمت محمد وزاعق علي وهاوش بس هالمره بسألها يمكن عندها حل لحالتكم هي تعرفله حرمه ظني اسمها ام سنيفر مدري مسفر حاجه زي كذا تفك السحور وإن شاءالله تلصقكم في الحمير اللي عندكم ساره وقفت وركضت لأمها وحبت راسها – ياليت ياليت يمه خالد – ايه ابي اتزوج حمود اللي يضحك – ماعليه انتظر شوي لين تنتهي من الجامعه شهق بقوه – تستهبل انت ضحك حمود – والله ماني متخيل منالوه السوسه تأخذ خلّود العبيط ضربها خالد على كتفه – اقطع واخس ضحك حمود – تحت أمرك عمي خالد غير السالفه – ليش ماتتزوج انت حمود حمود انقلب مزاجه – هه ومن هاذي اللي بترضى في حمود الطفران إلى ان كان حد من معجباتي اللي ماادري عنهم ( وقلبها ضحك ) خالد – مره المعجبات صافين طابور يبون نظره بس هه لاتكثر منها عشان ماتنصدم ضحك حمود – هههههههههههههههههههههه شكلك شايل وبقوه خالد – ياليتك تعرس من طرفي عشان احرمك شوفتها بس آآآآآآآآخ ماعندي خوات هالكلمه آثرت في حمود بقوه 00 معقوله خالد يرضى فيني اتزوج حد من خواته لو كان عنده خوات 00 يالله هالكلمه صدمته يعني هو مقبول يعني بيكون حاله حال أي شاب يفكر يتزوج ويبني أسره 00 ولا هالكلام كلام أصحاب يحاولون يواسوني فيه خالد يهزه – هيه هيه وين رحت لي ساعه ارطن منت بحولي حمود – هاه لالا معك خالد ضحك بخبث – يارب اشوفك متخسبق بهالعرس ياحمود ياولد غازي ( وانحاش عنه وهم في القهوه 00 الجميع متعود على حركاتهم 00 وحمود وقف وصار يطامر وراه يبي يمسكه ام محمد – صدق والله هاذي الساعه المباركه اللي اناسب هالعائله محمد اللي كئيب وطفشان 00 تنهد بقوه ( الله يصبرني ) مي – وووووووووووع مالقيت غير هالانسانه ام محمد – انطمي انتي لاتتدخلين محمد انتبه لمي وهي تقول هالكلام – ليش هي مسويه شي يعني مي – لا الظليمه شينه ماشفت عليها شي بس اكرهها مغروره وشايفه نفسها ومايعجبه حد أبد أبد أبد وحرام يايمه تخلون وحيدكم يأخذ وحده مثل ذي هي واخلاقها الشينه محمد وقف وهو يزفر بضيق واضح – بروح انام تصبحون على خير كلهم – وانت من أهل الخير ام محمد حذفت علبة المناديل على راسها 00 وصرخت مي – آآآآآآآآآي حرام عليك يمه ام محمد – تستاهلين ولا هاذا كلام تقولينه لحرمة اخوك وتضيقين خاطره مي بقهر – مصارت حرمته ام محمد بتقهرها لانه تعرف طبع مي تنقهر من المتكبرين وهي تشوف في عينها ان دنيا تستحق الغرور لانها جميله – بتصير بتصير مي برطمت وقامت تنافخ – إن شاءالله يارب ماتصير قامت تهزه وتصرخ 00 تكفى قوم قوم لاتتركني لحالي 00 لاكن لحياة لمن تنادي صارله ميت ساعتين 00 هزته وهي تصرخ – لاااااااااااااااااااااااا لاتتركني الله يخليــــــــــــــــــــــــــ ــــــك لاااااااااااااااااااااااااااا |
|
|
#17 |
|
|
رد: رواية [اصبعي وهو اصبعي ان غدرني اقطعه ] كامله
شفته متوجهه لي وهو يعرج 00 ورابط البلوزه على رجله ومغرقه دم 00 ناظر فيني بعصبيه وصرخ – انتي ليش ماتردين يوم انادي عليك
حطيت رجل على رجل – وش تبي مشعل بعصبيه – تعالي لفي على رجلي نوف وهي شاده على اسنانها – اووووووه تراك قبل شوي طاردني وماتبي خدماتي مشعل وهو يتسند على الجدار – أسفين الحين نبي خدماتك نوف ناظرته بنص عين – بس انا ماابي مشعل تكتف – نوف قومي رجلي تنزف نوف – وانا وش اسويلك مشعل عطاها ظهره – مشكلة اللي يحكي معك ضايع عطاها ظهره ودخل الغرفه 00 وسمعت قرع باب الحمام 00 ماطولت إلا تسمع قرقعه وصوت شي طاح 00 وتأوهات 00 ركضت للحمام وفتحته 00 وشافته طايح في الحمام 00 صرخت بخوف – مشعــــــــــــل مشعل يتألم – آآآآآآآآآآآآآآآآخ ( وعصب عليها ) انقلعي روحي عن وجهي نوف مدت يدها وساعدته – ماعليه اعتبرني مو نوف وخلني اساعدك مو زين قعدتك كذا مشعل وهو يصرخ – كله مننننننننننننننننننك تجاهلت كلامه السم 00 وساعدته 00 وهو وقف وهو يتأوه وحالته حاله 00 توجهنا للسرير وانسدح عليه وهو يصرخ ومعصب وحالته حاله 00 ركضت بسرعه اطلع شنطة الأسعاف اللي شفتها في الحمام وطلعتها 00 وبسرعه توجهت لرجله اللي كانت غرقانه دم وماء بس الطيحه اللي غرقته مسحت الدم بهدوء وهو يتألم 00 مسكين والله رحمته خخخخخ صدق اني مجرمه اخذت الشاش ولفيته عليه وربطته زين 00 بحيث انه مايوجعه 00 حط راسه وهويتألم – عطيني حبوب راس بسرعه اتوجهت لشنطتي وطلعت البندول وعطيته 00 بلعهم من دون مويه 00 مشاءالله عليه حلق كيف استحمل الحبتين لا وبدون مويه وقفت على حيلي وسمعته يقول – لاتروحين بعيد يمكن احتاجك انقهرت 00 حسبته بيقول تعالي جنبي ولا قريبه مني 00 ولا ماتقصرين يابعد قلبي زي مافي الروايات 00 بس طلع بدون إحساس خليك جنبي وبس كشششش مالت ماعندك ماعند جدتي مافيه رومنسيه طفيت الضوء 00 وجلست على الكرسي 00 وانا اسرح في عالمي 00 طفل وانا ومشعل وااااااااااااااو منظر خيالي 00 نعيش بهدوء وسعاده ونضحك 00 معقوله بنكون مبسوطين 00 او ماصفى راسه ابد من الوساويس 00 اخذني النوم وانا ماانتهت احلامي السعيده منطوي وحزين 00 ودموعه على خدوده 00 اقترب منه خالد وهو يطبطب عليه ويحاول يهديه – ارحم نفسك ياحمود البكاء مابيرجعه حمود وهو حزين ومرتبك ويرجف – خالد تتوقع مات وهو راضي عني ولا زعلان علي ولا بيصير علي ذنب لاني عقيت فيه ولا خالد قاطعه – خاف ربك وينك ووين العقوق انا ماشفت احن منك على ابوك انت اللي وجهته الطريق الصحيح انت اللي كفلته من السجون انت اللي بريت فيه 00 انت بعرقك وتعبك وكدك شريت له هالبيت 00 انت اللي تصرف عليه 00 انت اللي رعيته واللي سددت ديونه 00 خليته عايش مثل الأمير 00 انا اسمع ان الاب اللي يسوي كل هاذا لولده بس انت عكست الدور انت اللي سويت كل هاذا لابوك حمود ومنظره يقطع القلب – انا لو شلته على راسي مالحقت في يوم جزاه علي بس تهقى مات وهو راضي عليه خالد – حرام عليك ياحمود اكيد بيرضى عليك وحتى لو مارضى كفايه ان ربي شايف وعارف انت وش مقدمله وكيف انتشلته وكيف غيرته وكيف جبرته يترك الدرب الشين بإصرارك عليه إن شاء الله ان ربي بيرضى عليك حمود ورفع راسه للسماء – يارب يارب ارحمه واغفرلي ياربي اجعل ابي من المغفورين يارب ولاقني فيه يوم نلتقي عندك يارب يارب حسيت بحد يهز يدي 00 فزيت من نومي 00 وناظرت فيه – تبي شي مشعل – ايه روحي نامي في السرير تعب عليك عركت عيوني – كم الساعه مشعل – قريب الفجر فزيت – وي الصلوات راحت علي بسرعه اتوجهت للحمام 00 وتغسلت وتوضيت 00 وطلعت اصلي الصلوات اللي فاتتني 00 بس ليش ماقومني 00 بعد ماخلصت توجهت له وهو جالس في الصاله وانا ازفر – ليش ماقومتني شفته حزين وعيونه حمراء خفت إلا ارتعبت – صاير شي حد فيه شي نزل راسه وهو يمسح على يده اليسرى – ابو حمود مات شهقت بقوه 00 وحطيت يدي على قلبي – ومناااااااااااااااااااااااااال شفته رفع راسه وناظرني – انتي تعرفينها نوف – اكيد اعرفه مسكينه تحب ابوها مشعل – استغفرالله هاذا مقدر ومكتوب كل حد يحب ابوه نزلت دمعتي وتذكرت ابوي 00 وتبعه سيل دموع 00 شفته يطالع فيني 00 ووقف على حيله ومسح دموعي بعدين ضمني 00 وانا دفنت راسي بقوه وبكيت – تذكرت ابوي يوم مااااات ( وقمت اشاهق ) قام يمسح على شعري بطريقه مريحه مره 00 ويطبطب على ظهري 00 حسيته حنون مره مو مشعل القاسي 00 اللي بغى يذبحني 00 واللي أهاني 00 واللي وراني نجوم الليل بعز الظهر 00 يآآآآآآآآآآه وش كثر حسيت بإحساس غير ومختلف صدق إنسان غير 00 ولا لانه في عيوني غير 00 مافيه حد يشبهه ابد 00 تكهربت لما باس راسي 00 وضمني اقوى 00 معقوله يحس مثل مااحس انا 00 معقوله كل اللي يمر في خيالي 00 يمر في خياله 00 ضميته باأقوى من عندي 00 بعد فتره فكيته وانا امسح دموعي – اسفه غرقتك بدموعي ابتسم وعطاني ظهره واتجهه على الغرفه وقال كلمه مافهمتها – مو اول مره تغرقيني انا متى ضميته اصلا 00 ولا متى بكيت على صدره 00 عشان اغرقه 00 صدق اعطي مشاعري لشخص مايحس 00 اتوجهت على جوالي 00 وكلمت منال اللي كانت تبكي بكى يقطع القلب 00 من يلومها ابوها 00 صكيت منها واتوجهت على الغرفه 00 شفته منسدح وحاط يدينه تحت راسه 00 ويناظر السقف وسرحان 00 اتوجهت على الشناط ارتبهم 00 بس قبل لبست لي قميص مريح يريحيني وقمت اشتغل وارتب 00 واسوي أي شي نأكله لاني حاسه بالجوع 00 واكيد هو حاس بالجوع 00 رتبت السفره وناديته 00 مشى للصاله وهو يعرج 00 جلس على الطاوله وهو حزين وسرحان 00 مسكين اكيد حزين لصاحبه – مشعل مشعل انتبه لي – نعم انا – ليش ماتأكل الاكل مو عاجبك صحيح بيض ومربى وقشطه بس تراه نعمه مشعل – لا الحمدالله الله يديمها نعمه بس مو مشتهي انا – تبي شي معين اسويه لك ( تدرون استغربت من نفسي منطلقه في الحكي واداري خاطره واعمل حسابه 00 اكيد عشانه كاسر خاطري ليس إلا ) مشعل – لا تسلمين ,, ( صكت شوي ) نوف ممكن اطلب منك طلب رفعت حاجبي – وش هو مشعل – ابيك تغيرين الشاش اللي على رجلي من توضيت رديت الشاش لمحله ودخله مويه ويعورني وقفت وانا اتجهه للغرفه – اوكيه ليش هالرسميه قول وماربعارض ابد جبت الشنطه 00 وفكيت الشاش عن رجله 00 حسيته يتألم بس يكابر 00 مسكين ألمتني حالته 00 مسحت الدم اللي كان ينزف – ليش ماتروح المستشفى اخاف يلتهب مشعل وهو مقطب حواجبه – ماعليه مو لازم لفيت الشاش عليه مضبوط 00 وجيت بقوم 00 بس مسك يدي 00 ناظرت فيه وباس يدي – مشكوره نوف وماتقصرين بلمت إلا عيوني صارت ست 00 مشعل هادي وحنون 00 فيه شي صاير في الدنيا استحيت واخذت يدي منه 00 ووجهي احمر وباين علي الاحراج 00 شوفوا ابن الذين يضحك علي 00 صدق صدق حركته حركت شي جواي 00 ولحد الحين مااعرف وش هي بالضبط بعد مرور اسبوعين حياتي مع مشعل على احسن مما يكون 00 وقريب قريب بعترف بحبي له 00 طلع حنون كثير 00 ويداري خاطري 00 طلعت واتمشيت معاه في كثير من مناطق ألمانيا ماكنت اعتقد ان ألمانيا بهالحلى ابد 00 شي عجيب مره 00 ياليتني اسحب جوهم معي للرياض الحاره 00 انفتح الباب حق الشقه 00 ومشعل حامل أكياس في يده ركضت له اساعده – الله وش هاذا مشعل ابتسم – مفأجاه انبسطت – تصدق عاد من وانا صغيره احب المفأجات أخر مفأجاه كانت زيارة خالي لي مشعل وهو يحط الاكياس واحتفظ في كيسه خلف ظهره – وأحسن مفأجاه اتلقيتيها من من نوف وسرحت لبعيد – تصدق عاد احلى مفأجاه كانت من ابوي بس انقلبت اتعس مفأجاه واقوى صدمه اني اصحى القى الثنين ميتين جنبي انكسر خاطر مشعل وغير الموضوع – يالله حزري وش جايب معي نوف – ماادري ابي اشوف رفع الكيسه لفوق مره – إذا لحقتيها بتشوفين ضربت رجلي على البلاط بقوه – انت عارف اني قصيره وانت طويل صعبه اقدر اشوف ضحك بقوه – عادي تبغيني اشيلك استحيت مره وضربته على صدره – روح هناك ( ولفيت وجهي عنه ) مشعل – طيب غمضي عيونك نوف بقهر – ماابي غصب حط يده على عيوني 00 بعد فتره شالهم 00 وانصدمت ومسكت فمي – الله حلووووووووو مرررررررررره ابتسم – صدق انا ضحكت بوناسه – والله كيف سويتهم هاذي سلسله ذهب على شكل قلب ومن جواها صورتي وهو ضامني جنبه مشعل – بسيطه تتذكرين اخر مره لما صورتنا الشقراء اللي غرتي منها لما طلبت تأخذ صوره جنبي ضربته على بطنه – انطـــــــــــــــــــم تأوه بألم وانحنى وهو ماسك بطنه 00 خفت عليه ومسكت يده – مشعل صارلك شي وقف على طوله وضحك – احلى بكس ذقته في حياتي والله اقولكم هالانسان متذبذب وغير وغير حياتي للأحلى 00 يوم سافرت كنت ابي ارد بسرعه هالحين ماابي الأوقات تمر ابي اعيش معه اكبر قدر ممكن حسيت بأنفاسه تحرقني وهو يلبسني السلسله – لاتنزعينها ابد لفيت وجهي له وبسته بخفه 00 ضحكت لما اتجبس على الحركه وفتح فمه 00 مسكين ماصدق 00 حسيت فيه وراي 00 وقفلت باب الغرفه علي 00 وهو يطق الباب ويضحك 00 حسيته مبسوط وانا بعد مبسوطه 00 الله ياسلام لو كانت كل حياتي معك يامشعل كذا كنت باأنبسط 00واااااااااو الله لايغير علي ابد 00 تذكرت لما قال تصدقين نوف خيره طيحة رجلي خلتك تحسين فيني 00 كم مره كان بيقولي احبك بس حاسه ان فيه شي يمنعه 00 مو مهم شنهو هالشي 00 اهم شي انا متأكده من احساسه 00 بيني وبينكم ماابي ولدي يطلع للحياه او بنتي وماتلقى عزوه وهل وحد يحبها انا متأكده ان مشعل متأكد من براءتي 00 بس مااعترف 00 سامحته لاني حابه اغير حياتي معه 00 مسكت بطني واجلست اتحسسه وااااااااااو ياقلب ماما قاعد يحس فيني ويتحرك 00 خلاص صرت في الشهر السابع 00 قريب بولد 00 حلوه فكرة لو اولد هنا بيأخذ ولدي الجنسيه كم مره اقنعني مشعل بس انا رافضه رفض قاطع ( سبحان الله ولله حكمه في ذلك .. بنعرفها قريب ) . . ( الفصل الرابع والثلاثين ) من صحيت حسيت فيه شي مو طبيعي 00 عبدالعزيز نايم على الكنبه وباين وجهه اصفر وتعبان 00 اقتربت منه 00 ومسكت يده 00 رصيت على يده بخفيف وحس فيني – عبير عبير – صباح الخير انت ليش نايم هنا غمض عيونه وقطب حواجبه – عبير انا تعبان عبير خافت ورصت على يده – تعبان وش فيك عبدالعزيز – ماادري حاس اني مو طبيعي هالتعب ملازمني من رجعت البارح عبير نزلت دموعها – تكفى عبدالعزيز قولي وش فيك عبدالعزيز وهو مغمض عيونه بألم باين فيه – عبير اسمعيني لو صار فيني شي أمانتك اخوي عبدالله عبير صرخت – بسم الله عليك لا تقول هالكلام عبدالعزيز وهو بالكاد يسمع صوته – اسمعيني ياعبير عبدالله اخوي في المستشفى يتعالج من الإدمان لوصار فيني شي خبري خالد اخـ ........ عبير قاطعته وهي تصرخ وتبكي – بس بس لاتقول هالكلام انت بخير انت بخير وركضت تلبس عبايتها وتنادي على الحارس والسواق اللي عندهم عشان يودونه للمستشفى حرك الريشه على وجهها 00 وهي تحك وجهها 00 وهو عاجبه هالمنظر ويضحك ورد يسوي نفس الحركه عصبت 00 وفزت من نومها ناظرت فيه – شتبي مشعل – قومي نبي نطلع بأخذك رحله ماقد حلمتي فيها صحصحت وضحكت – صدق ضحك لضحكها – صدق يالله فزي قامت بسرعه ووقفت بس مسك يدها 00 ناظرت فيه بإستغراب ,, مشعل – وين بوسة الصباح ابتسمت بخفه وباسته بسرعه وركضت للحمام 00 انبسط أجمل أيام حياته قاعد يقضيها مع الأنسانه اللي غيرت كثير في حياته 00 في الأنسانه اللي تمنى في يوم انه يعيش معها في سعاده وخاء 00 كان غبي 00 صدق غبي 00 ولحد الحين غبي لانه مو قادر يعترف لها بحبه 00 خايف يصير شي وتتركه وهو مااعترف بحبها لذلك هو يتمنى 00 بس هيبته ولا أي شي يدل في شخصيته ممكن يسترجي يعترف بحبه لها 00 تذكر ساره اللي اقتحمت حياته في ذروة مكابرته مع نوف 00 وبنفس الوقت كأن يتمنى نوف هي الوحيد اللي يشكل معها أسره وعياله يكونون منها 00 وبنفس الوقت الشيطان قاعد يوسوس له 00 مرات متمسك ان هاللي في بطنها منه ولحظات يخونه عقله ويفكر لو تكون نوف حامل من غيره 00 بس هي هالحين لها معه عشرة عمر وكانت متستره وتفكيرها غير بدوي بحت 00 وجدتي اللي مربيتها 00 واللي من هالنوع مستحيل العولمه تغير فيها شي 00 دق جواله وطلعه من جيبه شاف على الشاشه مكتوب ( ساره – يتصل بك ) فتح المكالمه – هلا ساره ساره – هلا حبيبي وحشتني مــــره مشعل – مايوحشك غالي ساره – متى بترد مشعل – بعد اسبوع ونص تقريبا ساره بمفأجاه – حلو يعني يمديني مشعل استغرب – على شنو ساره – اني اجيكم خلاص مثل ماانت عارف بتجي الأجازه وانا بستأذن ابي اغير جو مشعل انصدم ساره ونوف في مكان واحد يعني إنفجار هو في غنى عنه – اا ساره ساره قاطعته – لالالالالالا لاتقووووووول مايخصني انت وحشتني انا ماوحشتك اخس عليك مشعل – بس ساره – لابس ولا شي لاتقول اوعدك من ناحيتي مااسوي شي يزعلك مني بس هي ماادري عنها بصراحه وبعدين تحمد ربها ماخليتك لها إلى ذا الفتره مشعل اللي ارهقته ساره بطلبها – بكيفك ساره استانست – هيييييييييييه مشكور ياقلب قلب ساره صكر منها وهو متضايق 00 اكيد اكيد بتصير مشاكل 00 افففففف الله يصبرني يارب طلعت نوف من الحمام 00 وهي لافه الروب عليها 00 خذت ملابسها وردت للحمام ثاني 00 مشعل اتضايق 00 اكيد سمعت المكالمه اللي تو لان باين انها زعلانه وصلت المستشفى وهي ترجف وخايفه 00 ممكن عبدالعزيز يروح من يدها 00 وش تسوي كيف تتعامل 00 من تكلم !! فكرت وفكرت ياربي دخيلك لاتفجعني ولا تفجع أهله فيه 00 ياربي وش اسوي وش افعل 00 ماسكه يده لين تلقته بسرعه غرفة الطوارئ 00 وهي انتظرت إنتظار قاتل حد يطلع ويخبرها 00 ماطولوا كثير وهم يتراكضون 00 انفجعت وهي تبكي 00 ياربي دخيلك يارب لاتفجعني فيه يارب يارب 00 اعترضت طريق واحد من الدكاتره وهي تبكي بالانجليزي – بليز دكتور اخبرني ماذا حصل في عبدالعزيز الدكتور – للاسف اخبرك ان مابه انفجار في الزائده والمريض قد تحامل على نفسه كثيرا حتى التهبت وانفجرت اسندت ظهرها للجدار وهي ترجف وتبكي 00 ياربي لاتفجعني فيه يارب دخيلك قومه لي ولامه ولاهله بالسلامه 00 يارب يارب عشان اخوانه واحبابه يارب 00 جابولها الاوراق عشان توقعها حقت دخوله للعمليه 00 وهي خايفه وترجف ماتقدر توقع على شي يخص حياته 00 خايفه يصير فيه شي وتكون هي السبب فيه 00 قامت تبكي وترتجف ومكان امامها خيار إلا انها توقع 00 الانتظار مش في صالحه ابد 00 سمت بالله وقعت 00 وطلبت تشوفه 00 دخلت له وشافت الاجهزه حوله وتحت عيونه سواد 00 وهو مستسلم 00 ونايم بكل اريحيه 00 اكيد انه مانام 00 اكيد كان يعاني طول الوقت وانا غافله عنه 00 مسكين ياعبدالعزيز 00 باست يده وحضنتها وقامت تقرأ عليه وتحصنه بالاذكار 00 جهزوا غرفة العمليات وادخلوا عشان يسحبونه وقفتهم وهي ترجف – لحظه رجاء اقتربت لراسه وباسته وضمته – استودعتك الله الذي لاتضيع ودائعه ( كررتها ثلاث مرات ) وبكت على صدره 00 خذوه وهم يطمنونها 00 ان مثل هالعمليات بسيطه إن شاءالله ( بس هي كانت ترجف لان اثنين تعرفهم وقريبين من حياتها ماتوا بسبب إنفجار الزائده 00 وهالكلام حقيقي وبالفعل صار ) وعسى الله يرحم موتى المسلمين كانت الطلعه فاتره نوعا ما 00 تقريبا صامتين 00 مسك يدها وهي مستسلمه له تحنحن – احم احم نوف اسمعيني ساره بتجي هنا وبتقضي معنا الاسبوع الباقي نوف صدمته – طيب إذا هي بتجي انا برد للسعوديه مش لازم اقعد معك الفتره الباقيه مشعل انصدم وظل صامت 00 ونوف افتكرته انه انبسط من قرارها 00 ظلوا صامتين فتره – يعني اخر قرارك نوف وقفت وابتسمت له – ماابي احرجك اكثر انا عارفه لو هي بتجي اكيد بتصير مشاكل انت في غنى عنها مشعل بعدم اقتناع – بس حنا جينا مع بعض نرد مع بعض نوف اللي تكابر وهي تتمنى يصر عليها تقعد معه 00 ودموعها تنذر بالهطول 00 ماكانت متوقعه ردة فعله بهالبرود – لا خلاص يكفي انا فهمنا بعض في هالرحله اللي ماانساها ابد مشعل رص على يدها – وصدقيني هي اجمل رحله قضيتها في حياتي نوعا ما هالأعتراف 00 لطف الجرح الغائر اللي في صدرها 00 تتمنى يرص عليها بالقعده وراضيه ماتطلع ابد بس ماتضيع هاللحظات الحلوه اللي ماتنساها 00 واللي ساره حسدتها عليها وبتخربها 00 اول مره تحس بالغيره تشتعل في صدرها لما تترك المكان والساحه وتغادر وتترك مشعل وحضن مشعل لساره 00 بلعت الغصه ومسكت دموعها – ابي ارد الشقه مشعل حس فيه شي 00 اكيد ماتبي القعده معي 00 وماصدقت اني اعطيها مجال تروح 00 وساره جابت لها الحل على طبق من ذهب – اوكيه من صحى وحس نفسه تمام 00 وهو يتنقل بين هاذا ويتعرف على هاذا 00 ولسان حاله يقول ماأجمل الحياه بدون مخدرات ودوخة راس 00 وكانت هي تناظره من بعيد لبعيد وتراقب تحركاته 00 إنسان جذبها من الوهله الأولى 00 نشيط محب لمساعدة الاخرين 00 يبث السعاده في قلب المرضى اللي صار له شعبيه بينهم كبيره 00 تمنت تروح وتسولف معه 00 بس وش المناسبه 00 اقتربت منه وهي تناظر في اللعبه اللي قاعد يشرحها للجميع وهم حاسين بالوناسه والأنشراح 00 وتغيير نفسياتهم والملل والكأبه اللي حاله عليهم عبدالله بالانجليزي – لكن من هو الحكم كلهم أشروا خلفه وهي انصدمت 00 ليتلفت عبدالله ويبتسم لها إبتسامه طيرت ابراج عقلها – تقبلين وكأن هالابتسامه ودتها لعالم غير ابتسمت وهي تومئ براسها – ايه عبدالله – أذن ابتدت اللعبه اشرحوا لريهام اصول اللعبه 00 انها تطلب منهم البحث عن شي ضائع مفقود 00 وهم يبحثون عنه 00 وفي النهايه يعلن الفائز واللعبه مقسمه إلى فريقين فريق عبدالله وفريق جورج الفرنسي بعد مافهمت اصول اللعبه وكل شي اعلنت عن بداية اللعبه وهي تضحك لما انطلقوا يبحثون عن قبعة العجوز فرساتي 00 وكان منظرهم مضحك جدا خصوصا كبار السن وهم يتراكضون يبحثون عن القبعه لحد الحين متردده خايفه يصير فيه شي وتلام على اللي سوته 00 وعبدالعزيز اللي أكد لها لو صار فيه شي تكلم خالد 00 أكيد كان بيخبي علي إدمان اخوه بس الظروف لعبت ضده 00 ماابي اصدم أهله باأنتظر إذا صار شي كلمت حد فيهم 00 خايفه من عبدالعزيز 00 وظلت رايحه راده في الممر حق غرفة العمليات وهي تدعي وتبكي وتترجى الله سبحانه يلطف في حاله 00 ويرده لاهله دلال – بنتي ماترد كذا ياولد بدريه طلال اللي ماسك نفسه من نبرة كلام عمته – وش هو المطلوب عشان ترد بنتك ياعمتي دلال – اول شي تطلق السعلوه اللي اخذتها على بنتي ماتدخل ضره عليها ابد طلال بسخريه – عجبي والله مو انتي دخلتي بنتك ضره على بنت اخوك دلال وقفت بعصبيه – اول شي هاذي مو بنت اخوي الصدمه ألجمته – كيييييييييف مو بنت اخوك اجل وش تصير دلال – الساحره حرمته أوهمته انها بنته وهاذا اللي حاليا تطبقه بنتها على اخوك المسكين اللي يضن ان اللي في بطنها ولده طلال عصب – بـــــــــــــس اتقـــــــــــــي الله انتي عمه انتي دلال قاطعته بصراخ – اقطــــــــــع واخس تتطاول علي في بيتي بعد طلال – من الأخير تبين بنتك ترجعلي ولا اتوكل وتحرم علي بين الحريم كلهم ألجمت دلال وطلعت نوره تصرخ وتبكي – لاااااااااا انت زوجي وبروح معك تكفى طلال لاتعيد اللي قلته وهي تحضن وجهه بيدها – تكفى عشان عيالنا مسك اعصابه – اجل استعجلي وانا في السياره انتظرك طلع وصفق الباب وراه 00 خلت البيت يرتج رج دلال وهي معصبه – هاذا انجن وقام وقعد موب صاحي نوره وهي تبكي وتركض لفوق – بروح اجيب شناطي قبل لايسوي شي ويطلقني من وصلنا وانا حابسه عمري في الغرفه 00 مالي نفس اطلع برى الغرفه 00 والعجيب ان ماله حس 00 وقفت على حيلي 00 وفتحت الباب بهدوء دورت عليه مالقيته ياربي وين راح 00 جلست على كنبة الصاله والأفكار تلعبي 00 اكيد راح يكلمها وهو يشرح لها سعادته في جيتها لعنده 00 يابختها صدق يابختها 00 ممكن اللي يقرأ قصة حياتي يضحك من غبائي إلى هالدرجه الحب وصلني 00 إلى درجة اني حبيته عقب اللي سواه فيني 00 بس والله والله هالأنسان غير غير غصب غصب يخلي اللي يرتبط فيه يحبه 00 وهاذا اللي خلى كل حريمه يحبونه 00 عنده طريقه تحبب الأنثى غصب فيه 00 عنده كاريزما غير 00 عنده ستايل غير 00 عنده اشباع عاطفي لبنت حواء 00 يابخت اللي طاحت وتملكت قلبه يابختها 00 بكيت حسره وقهر على حظي اللي رماني في حب إنسان بهالشكل وبهالصوره 00 إنسان حبه مايرحم ابد 00 إنسان معه العاقل لايعقل ولا يفهم 00 أثّر كثير كثير على حياتي ضميت بطني وانا اشهق وأتحسر 00 مستحيل مثل إنسان بهالصفات يحب إنسانه غبيه وجاهله وقبيحه في حظرة جماله 00 وبدويه وقرويه ولا اعرف لأساليب الحياه معه بشي بعكس كل اللي خذوه كلهم فاهمين للموضه ومتابعينها ويلبسون الغالي بس انا انا ولا شي في حضرته ولا شي ولا شي 00 تكورت على نفسي وانا ابكي بدل الدمع دم وانا اشهق واصيح 00 واضرب قلبي ليش حبيت شخص انت مش في مستواه ابد مش في مستواه 00 وكل اللي خذيته منه طفل مو معترف انه طفله بكيت على غبائي 00 خذ مني اللي يبيه 00 وهالرحله بالذات خذ فيها كل اللي يتمناه أي رجل وله هو كامشعل 00 غبيه في لحظة غباء اعترفت اني حبيته واعترفت باأفعالي اني معه امشي مسيره مش مخيره 00 اني معه اضيع فيه هو واتوه في عالمه اسرح فيه وإليه 00 يعني فاز علي والتحدي اللي سواه هو اللي كسبه 00 بكره بيرد يحذفني 00 ومستحيل يعترف بهالطفل مستحيل 00 انفتح الباب ومعها زادت دموعي 00 جاء يعني ضعف جديد 00 حضر يعني استسلام 00 يعني غباء يعني توهان يعني كل شي كل شي 00 وقف على راسي – نوف فيك شي بكيت أكثر لما حسيت دقات قلبي تزيد وهي تهلي فيه وترحب 00 زادت شهقاتي اكثر مشعل – صاير شي فيه حد صاير شي ( رفع وجهي بيده وهو يناظر عيوني ) ارفعي عينك لي رفعت عيني له بإنكسار وذل وانا اتوه في عيونه مشعل – تكلمي فيك شي ( وهو يمسح دموعي ) تكلمت وانا كارهه خضوعي له بهالصوره – متضايقه شوي يويلي اكيد بيعرف ان سبب تضايقي اني مابي الرجعه 00 يعني بيسيطر علي اكثر ويضحك فيني ويستخف في مشاعري نزل على ركبته وهو يتعمق في وجهها – يعني مو متضايقه مني نوف وهي تمسح دموعها وتشهق – لا طبعا مشعل وقفها وحضنها 00 وهي زاد بكاها اكثر ونحيبها 00 وتدفن وجهها في صدره خذني لك في عالمك لاتصحيني 00 خلني امتع ناظري في شوفك وفي عيونك اضيع انا لمن عيوني حضنت رمش محبوبي 00 ياناس آآه على ذيك النظرات تذبحني |
![رواية [اصبعي وهو اصبعي ان غدرني اقطعه ] كامله](nice/misc/navbits_finallink_rtl.gif)
