قلبى نادر الوجود
قلبى نادر الوجود
أنا قلبى عمله نادرة فى زمن خسيس
مين يقدر يطلع الدهب الأبيض
من وسط الفضة من غير تحسيس
طول عمرى بضحّك الناس ومبضحكش
طول عمرى بفرّح الناس ومبفرحش
طول عمر الناس على دمعى بترقص
من غير احساس
ومبتزهقش
وتزهق ليه مدام لاقيه قرد تلعب بيه
وبتبحتر فى فرحتها
ومش عاملة حساب لبكره
اللى بيضحك قدامها
وفاكرااه بيضحك ليها
وهو ف الأصل بيضحك عليها
بس الناس مبتفكرش
تحوش ضحكة تنفعهم
فى يوم دموعهم
هتنزل فيه سيل
يلم كل الزهر وكل الصخر
وكل الضحك
هيدمر كل الفرح
علشان أصله فرح ضعيف
ملوش أساس
مفيهوش إحساس
وأدى واحد جاية وبتقولى أضحك
طب أزاى
وأضحك ليه وأضحك على أيه
اضحك على نفسى .... طب ليه
وأصلاً من أمتى
والمهرج وسط الجماهير بيتفرج
دا هو أصلاًمن ضحكهم بينحرج
ليكون فيه حاجة غلط
ومين صح فى الدنيا دى
وأنا واقف بنادى
ومحدش سامع ندايا
ومين عليا ومين معايا
دمع عينيا غرق عينيا
ومووووت هوايا
ومين عليا ومين معايا
ومين عليا ومين معايا
منقوووول
التعديل الأخير تم بواسطة @صمت المشاعر@ ; 04-15-2009 الساعة 07:34 PM.
|