ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > قصص و روايات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
قصص و روايات هذا ما جنتة نفسى {الجزء الثالث} يوجد هنا هذا ما جنتة نفسى {الجزء الثالث} روايات Novels و تحميل روايات و قصص روايات حب سعودية روايات احلام و عبير رومانسية عربية روايات عالمية كاملة للتحميل روايات رومانسيه احلام و عبير و قصص مضحكه قصص حزينه قصص رومانسيه حكايات عربية و قصص الانبياء افضل قصص مفيدة قصص سعودية خليجية

فساتين العيد


 
قديم   #1

@صمت المشاعر@

عضوة شرفية

الملف الشخصي
رقم العضوية: 14107
تاريخ التسجيـل: Apr 2008
مجموع المشاركات: 45,653 
رصيد النقاط : 0

11633831441487246193 هذا ما جنتة نفسى {الجزء الثالث}


هذا ما جنتة نفسى {الجزء الثالث}

الجزء الثالث

((يا سلاااااااااااام واخيرا خطيت اول خطوه تقربني منج يا عفرااء ... وان شاء الله ما تكسرين بخاطري وترضين))
سيف يالس في حجرته وكل الي يفكر فيه هي عفراء وبس حتى رد من بيت قوم بو احمد وعلى طول للحجره وكل الي شاغل باله هل عفراء بتوافق عليه او لا؟؟؟؟.. يقطع حبل افكاؤه صوت امه الي تنادييه من الصاله
..
سيف: هااا امي تعالي انا هني في الحجره

ام سيف: وينك انت يا ولدي وايد كنت احاتيك عاد انا حتى رقمك مااعرف ادقه في التلفون عشان اطمن عليك وانت مااتصلت
سيف: اوووه صح امايه سامحيني نسيت ادقلج . .جي عواش وينها
ام سيف: سايره بيت ربيعتها
سيف: ويا امنوا ؟؟
ام سيف: ربيتعها يت خذتها
سيف: امي الله يهديج كيف اتخلينها تروح بروحها ويا ربيعتها

ام سيف: اشفيك يا سيف هاي ربيعتها انا اعرفها زين مازين واعرف اهلها ناس طيبيين ومافي شراتهم ..المهم قولي انته وين كنت؟؟

سيف: انا سرت بيت ييرانا قوم بو احمد اصروا علي اتغدى معاهم
ام سيف: هي زين سويت يا ولدي انت من زمان مقاطعنهم بعد

سيف: المهم قوليلي يالغاليه انتي شخبارج مب ناقصنج شي مب محتايه شي؟؟

ام سيف: لا امي انا بش اشوفكم مرتاحين ومستانسييين ارتاح
سيف: فديتج والله امايه الله لا يحرمني منج
.............................. ......
عفراء: انا موافقه
كلهم انصدموا من ردة فعل عفراء واستانسوا بنفس الوقت الكل كان من رايه انها مابتبقى واحد احسن من سيف بس الي فاجئهم سرعة ردها ..
بو احمد: يا بنتي يا عفراء هذا زواج لا تستعيليين خذي راحتج في التفكير
..
عفراء: ابويه الله يخليك ماعندي غير هالكلام رد عليه اني موافقه وانه اييب اهله وخلااص ((وتنش من عندهم وتصعد فوق
))
احمد: خلااص ابوي دام انه البنت وافقت بتصل في سيف عشان اييب اهله

ام احمد: انا خايفه لا تكون وافقت من غير اقتناع
بو احمد: سمعتيها قالتلج موافقه وسيف ريال ما ينعاب
شيماء ((وهي تهمس لمرت اخوها اسماء)): الله اعلم عفرووو على شو ناويه انا اختها واعرفها زين
اسماء: هي والله انا شراتج بعد خايفه مو من عوايدها توافق على اي واحد بهالسرعه
شيماء: شو رايج انسير فوق عندها
اسماء: يالله...
وينشون اسماء وشيماء من عند الجماعه عشان يسيرون عند عفراء

احمد: وين سايرين
اسماء: بنروح عند عفراء فووق
احمد: انزين بتخبرج متى بنسير اييب بدور من بيت امج؟؟
اسماء: ماادري والله كيفك انت متى بتفضى
احمد:خلااص بشوف انا .. ها ابوي شو قلت الحين اتصل فيه والا نتريا؟؟
ام احمد: خلنا نتريا شوي
بو احمد: انا اقول تتصل فيه وتوكل على الله خلااص بعد البنت موافقه

ام احمد: والله كيفكم سوو الي تبونه


في حجرة عفراء ...
اسماء: ترى ها زواج يا عفراء فكري فيها

عفراء: انتوا اشفيكم انا موافقه خلااص
شيماء: بس ليش يعني سيف بالذات وافقتي عليه بهالسرعه .. عفروووو شو الي ناويه عليه
عفراء: بعدين بتعرفون..
عاد اهني اسماء وشيماء تمو يطالعون بعض ومندهشين وفي خاطرهم يقولون الله يستر شو الي ناويه عليه عفراء
..
....................
عبير .. ربيعة عايشه من ايام الطفوله وصديقتها الروح بروح عاد اليوم عبير اصرت على عايشه اتي بيتهم وهي الي سارت شلتها لانه صارلهم من زمان مب شافيين بعض بس دووم يرمسون بعض في التلفون .. بيت قوم عبير مقارب لبيت قوم عايشه ومب وايد بعيدين عن بعض يعني في مشيرف وهم بعد ناس على قد حالهم عندها اخو اكبر عنها بثلاث سنوات متزوج((خليفه)) .. واخوها الثاني يدرس في بريطانيا بعثه وعمره 19 سنه ((سالم
)) ..
في حجرة عبير قاعدين هي وعايشه وسوالف وضحك
..
عايشه: هههه .. وهاي اخبارج يا عبيروه

عبير: هي هاي اخباري قوليلي اتجهزتي حق الكليه
عايشه: لا والله اتصدقين بعدني من متى احن على اخوي يوديني كله مب فاضي
عبير: اشرايج انسير جي يوم انا وانتي السوق ونتشرى
عايشه: هي والله فكره عبيرووو انتي وينج عني من زمان

عبير: خخخخ احم احم انا ماادري انتي شو كنتي بتسوين بدوني
عايشه: اونج عااد صدقتي ويهج الحين
وهم قاعدين يرمسون يسمعون صوت صراخ في الصاله ترى البيت صغير وحجرة عبير جريبه وايد من الصاله فينسمع .. وعلى طول يطلعون برع يبون يعرفون شو السالفه..
ام خليفه: قلت ما بتطلعيين يعني ما بتطلعين

موزه: وانا الف مره قايلتلج ما يخصج فيني
عبير: انتي هااااااااي لا ترمسين امي جيه وبعدين هي الصاجه على كل هالكشخه وين رايحه ماشاءالله
موزه: ما يخصج فيني انتي الثانيه بعد .. دام ريلي راضي محد له خص فيني ..وتطلع عنهم موزه وماتعطيهم اهميه والي يشوفها يقول جنه بتروح عرس بس مافي عرس العصر .. موزه مرت خليفه دايما على هالحاله ويا ام ريلها وويا اخته الي هي عبير ..
ام خليفه: هي الشرهه مب عليج على ريلج الي مخليج تاخذين راحتج .. فديتج عواش سامحيني بنيتي ما شفتج كله من هاي حسبي الله عليها .. شحالج غناتي ؟؟

عايشه: لا عادي عمتي فاطمه .. انا بخير انتي اشحالج؟؟
ام خليفه: دام هاي مرت ولدي انا مو بخير
عبير: هههه لا تواخذين امي يا عواش تراها وايد متأذيه منها
ام خليفه: هي والله لا تواخذيني يا بنيتي .. خلااص فديتكم انا بخليكم تاخذون راحتكم

عايشه: لاقعدي معانا عمتي

ام خليفه: لا فديتج بسير ارتاح شوي الله ياخذ ابليسها عكرت مزاجي هاي
عبير: هي امي عفيه سيري ارتاحي
واتسير عنهم ام خليفه ..
عايشه: امييي شو هاي تخوف الله يعينكم عليها ويعين اخوج

عبير: خلااص تعودنا بس كله من اخوي مخليها على راحتها
عايشه: ليش هو ما يسأل عنها وين اتروح ووين اتي

عبير: لااا مول اتصدقين انه هو يطلع بروحه وهي تطلع بروحها ونادر مااشوفهم طالعين ويا بعض ومخليه اخوي خاتم في صبعها
عايشه: الله يعينه عليها
عبير: ويعينا نحن عليها
عايشه: هي والله .. المهم يالله قومي وصليني البيت
عبير: قعدي عواش بعده وقت
عايشه: لا ويين بعده وقت من الظهر انا اهني .. عاد المره اليايه انتي الي بتيين
عبير: ههه ان شاء الله .. يالله نشي
.............................. ...........
((
باركلي حمووود باركلي .. انا اليوم مستانس طاير من الفرحه ابغي اطلع ابغي اروح اي مكان)) سيف بعد ما اتصله احمد وبشره طاير من الوناسه مب عارف شو يسوي واول واحد يااا على باله يبشره هووو صديق عمره حمد ..
حمد: ههههه مبروك يا رياااال ما بغيت اففف هذا كل من دعواتي لك انزين قلت يا ربي لين متى بتخلي صديقي العزيز سيف من غير زواج

سيف: ههه تسلم والله حموووود انا مو مصدق اني خلاااااااص باخذ عفراء

حمد: زين والله انها وافقت
سيف: ليييش شو تتحرى صيقك العزيز على قولتك هين اصلا ادري هي كانت تترياني انا اسير لها خخخ

حمد: ههههه هي والله اظاهر جيه السالفه
سيف: انزين اقولك يالله انا ماابغي ايلس في البيت ابغي اطلع مستاااااااااانس قوم خلنا نطلع
حمد: وين تطلع يا ريال انا قايل حق الحرمه اليوم بطلعج انتي والعيال
سيف: ما يخصني ودهم يوم ثاني انا اليوم مستاااانس
حمد: لا حول ولا قوة الا بالله خلاص امري للله
سيف: فدييييييت صديقي العزيز انا خخخخ
حمد: هي شوراك انت يالله الحين خلني اسير اتفاهم ويا ام العيال عاد ان شاء الله تتفهم الوضع
سيف: ههههه اوكي سالله انا بييك الحين

حمد: اوكي يالله مع السلامه
سيف: مع السلامه
بعد ما يسكر سيف عن حمد يسير يتزهب حق الطلعه ويتكشخ ويطلع من حجرته يشوف امه قاعده في الصاله يسير يحبها على راسها ويقرر انه يفاتحها بالموضوع ..
ام سيف: ها امي شو طالع

سيف: هي بطلع شوي ويا ربيعي .. اممم امي ابغي اقولج شي
ام سيف: تفضل قول يا ولدي شو عندك
سيف: امي انا بتز ........ قبل لا يكمل سيف جملته اتدش عليهم عايشه
عايشه: السلام عليكم
سيف + ام سيف: وعليكم السلام
عايشه ((تسير اتحب على راس امها)): امي اشحالج
ام سيف: انا بخير وايد اتاخرتي يا بنتي
عايشه: شو اسوي والله ما حسينا بالوقت .. اووو اخوي اهني اشحالك
سيف: اونج عاد الحين ما شفتيني انا بخير .. المهم امي ما عليج منها
ام سيف: هي شو كنت تقول

سيف: امي انا بتزوج
ام سيف: والله هاي الساعه المباركه يا ولدي فرحتني غناتي قولي منو هاي وانا الحين بسير اخطبلك اياها
عايشه: يا سلااااااااااااااام اخوي بيتزوج قولنا امنوا سعيدة الحظ

سيف: بنت ييرانا عفراء ....

في الصاله يالسين ام خليفه وعبير يطالعون التلفزيون .. يدش عليهم خليفه وعلى طول يسير يحب راس امه ..
ام خليفه: هلا فديتك اشحالك

خليفه: انا بخير امي انتي شخبارج؟؟
عبير: امي مو بخير دام مرتك جي تعاملها
خليفه: ممكن تكرمينا بسكوتج محد رمسج انا سألت امي
ام خليفه: وهي الصاجه بنتي حرمتك ما تحشم احد وما تحترمني موول
خليفه: انا ماادري ليش انتوا ماتحبونها وجي تقولون عنها مع انه هي اتحبكم امي وعمرها ما قالت شي مو زين عنكم يالله قوليلي الحين شو سوت؟؟
ام خليفه: والله نحن ماانشوف شي منها زين لا تسمع الكلام ولا شي
خليفه: خلااص انا بسير لها الحين

وينش خليفه من عندهم ويسير عند مرته..وهي كالعاده مجابله الكمبيوتر
موزه((وهي قاعده تكتب عالكيبورد)): هاا حبيبي انت ييت
خليفه: هي ييت قوليلي شو بلاها امي تتشكى منج
موزه((وهي تتظاهر بالحزن)): انا ماادري ليش اهلك مايحبوني مع اني احبهم والله كل السالفه اني طلعت اليوم برع اتمشى شوي مليت من قعدة البيت حتى قلتلهم تعالو معاي بس ما رضوا والحين بعد تلومني انا
..
خليفه: فديتج والله ما عليج منهم انتي بس خلج بنفسج ولا تحتكين معاهم وايد وانا بتفاهم وياهم عقب لاني الحين ابغي ارتاح

موزه: هي فديتك ارتاح انته
خليفه: شو قاعده اتسوين

موزه: شغلات ماتعرفها حياتي انزل برامج

خليفه: عاد انا حتى الكمبيوتر مااعرف اشغله او ابنده بس عاد انتي ارحمي عيونج كلما ايي اشوفج قاعده
موزه: انت لو اتعرف انا شو يالسه اسوي جان لمتني.. تدري اني انا اتاجر عن طريق الانترنت
خليفه: والله زين اتسوين حبيبتي عالاقل تشغلين وقتج بشي عاد حتى الانترنت مااعرفه شو

موزه: ماعليه انت ارتاح الحين
خليفه: خلااص فديتج شكلي بحط راسي وبرقد
موزه: اوكي حبيبي
ويسير خليفه يحط راسه ويرقد .. اما موزه لا اتعرف اتاجر عن طريق الا نترنت ولا تعرف اتنزل برامج كل الي اتعرفه هو المسنجر والجـــــــــــــات ... وهي ماشاءالله عليها ملحقه عالاثنين المسنجر والجات..مسميه عمرها موزه الاموره ..

في المسنجر
..
موزه الاموره: ههههههههههههه والله انه اهبل اتصدق قصيت عليه توه وقلتله اني اتااجر عن طريق الانترنت وهو مصدق ههههههه

خالد والعــالم: ههههههه هذا صدق اهبل ما يعرف شي
موزه الاموره: ههههههه هي والله قولي حياتي متى بشوفك مره ثانيه

خالد والعــالم: امممم بشوف
موزه الاموره: يالله عاااد حبيبي هي ومااوصيك تترس تلفوني رصيد والا ما بتشوفني مره ثانيه
خالد والعــالم: ان شاء الله كم موزه عندي انا امممممممواح
موزه الاموره: يا ربييييييييي هي جي ابغيك وابغي البوسه بعد يوم بشوفك ههههههه
خالد و العــالم: ان شاء الله
موزه الاموره: ههههه وباقي الطلبات ان شاء الله يوم بنتشاوف بقولك

خالد و العــالم: انزين انا طالع الحين بس قوليلي متى امر عليج
موزه الاموره: امممم انا بتصلك وبخبرك
خالد والعــالم: اوكي باي
موزه الاموره: باي
بعد مايطلع خالد من المسنجر بتتفرغ موزه حق الجات ..

.............................. ...............

في بيت قوم بو احمد وبالتحديد في حجرة عفراء قاعده ملانه مااتعرف شو اتسوي اتصلت في ربيعتها ميثه بس ماردت عليها .. عاد تاخذ الاب توب مالها وتتعبث في هالمواقع وفي واحد منهم بتشوف جات هي سمعت وايد عن هالمكان بس ما فكرت انها يوم من الايام تدخله لانها تعتقد انه كل الي في الجات ناس تافهه وماعندهم سالفه بس هي داسه اليوم من المللل .. وبتحط النك نيم مالها ((الاميره الناعسه)) .. وتدخل عاد اول ما دخلت الكل عليها الي يكتبلها عالعام والي عالخاص بس هي مسويتلهم طاف



بعد مرور دقايق وهي عالحاله بتشوف انه ماشي فايده جيه لازم ترمس حد عشان مااتحس بالملل فبتشوف الي يايينها عالخاص وبتلقط منهم وحده نك نيمها ((موزه الاموره)) .. فقررت اترمسها ..
موزه الاموره: سلام عليكم

الاميره الناعسه: وعليكم
موزه الاموره: اشحالج

الاميره الناعسه: بخير
موزه الاموره: ماتعرفنا عليج الغاليه
الاميره الناعسه: معاج عفراء من عيمان
موزه الاموره: انا موزه بعد من عيمان قوليلي انتي من وين في عيمان
الاميره الناعسه: مشيرف وانتي
موزه الاموره: اوووه شو هالصدفه انا بعد من مشيرف
الاميره الناعسه: يا حيج والله
موزه الاموره: انزين قوليلي كم عمرج؟؟
الاميره الناعسه: 26وانتي
موزه الاموره: انا 23.. ماشاء الله اكيد الاخت متزوجه
الاميره الناعسه: لا والله بعدني مالقيت الي يناسبني مع انه وايدين تقدموا لي وانتي؟؟
موزه الاموره: انا الحمدالله متزوجه.. وانتي شو الي يناسبج؟؟
الاميره الناعسه: واحد يكون من مستواي ويلبي كل طلباتي
موزه الاموره: تدرين انا بعد كنت شراتج اول ما تقدم لي طلبت منه كل اللي خاطري فيه واهله ما رضوا بس هو لانه يحبني حاربهم علشاني ويابلي الي ابغييه

الاميره الناعسه وهي في خاطرها تقول ((واخيرا يا عفراء حصلتي وحده تفكر نفس تفكيرج)): ماشاءالله زين وان شاء الله مرتاحه الحين
موزه الاموره: هي والله مرتااحه وااااايد بعد المهم انا بخليج الحين
الاميره الناعسه .. الي شكلها ارتاحت لموزه واايد وحست انها تبغي تتقرب لها: متى بشوفج مره ثانيه

موزه الاموره: انا دووم موجوده متى ما بتدخلين بتلقيني
الاميره الناعسه: خلااص اوكي يالله اشوفج على خير

موزه الاموره: اوكي يالله باي
الاميره الناعسه: باي

.............................. ........

في بيت قوم بو سيف وبعد ما قالهم سيف انه يبغي عفراء
..
ام سيف: والله زين مااخترت يا ولدي ولو تبغي من الحين بسير اخطبها لك

عايشه: اممممم ما لقيت غيرها يعني ماادري حاسه انها مغروره ولاافعه خشمها فوق
سيف: بس عاد لا ترمسين عن البنت جيه
عايشه ((وهي تغمز لاخوها)): اوووووووووووب من الحين قمنا ندافع عنهم اشوف
ام سيف: لا بالعكس اهلهم ناس طيبيين وما ينعابون بس قولي فديتم متى تباني اسير لهم

سيف: انا اقول امايه اتسيرين باجر

ام سيف: ان شاء الله امي

سيف: خلااص انا طالع الحين تامروني بشي
ام سيف: سلامتك
عايشه: وين بتروح خذني وياك اففف مليت من قعدة البيت

سيف: تمي ويا امي يالله توج راده من برع يالله مع السلامه
عايشه + ام سيف: مع السلامه
عايشه: اففف امي والله ملانه
ام سيف: صدقه اخوج توج راده من برع بعد بتطلعين هي صح قوليلي شخبار ام خليفه وعيالها عساهم بخير

عايشه: الحمدالله امي بخير بس وايد متأذيين من مرت خليفه
ام سيف: هي الله يعينهم عليها كانت اتقولي ام خليفه انها شرانيه
عايشه: الله يعينهم
.............................. ........

بالليل .. وفي هالصاله الكبيره قاعدين عائلة بو احمد كلهم ويتريون البشاكير يزهبون العشا عشان يتعشون ...
احمد: اسماء زهبي عمرج باجر بنسير انيب بدور من بيت اهلج وبنرد بيتنا

ام احمد: يا امي شو رايك اتأجر بيتكم الي في الشارجه واتون تقعدون عندنا والله عالاقل بتملون علي البيت
بو احمد: هي والله فكره حلوه

شيماء: هي الله يخلييييكم وافقوا عشان بدوري دووم يكون عنا
احمد: والله انا ماعندي مانع شو رايج اسماء
اسماء: هي بس اخاف انثقل عليكم
ام احمد: لا والله شو تقولين يا بنتي بالعكس الا تخففون علينا شوي

احمد: خلااص انا باجر بسير اييب اغراضنا عيل
عفراء: خيبه ما صدق
احمد: وانتي ليش محتره
عفراء: ههه لا والله مب محتره ولا شي بس اسولف شو حرام
احمد: هي عبالي بعد
ام احمد: يالله قومو العشا زاهب اكيد الحين خلصوا البشاكير
وساروا الجماعه يتعشون .. عاد عفراء خلصت عشاها بسرعه وعلى طول سارت فوق في حجرتها عشان تدخل الجات وترمس ((موزه الاموره))



 
قديم   #2

lola lola


رسالة رد: هذا ما جنتة نفسى {الجزء الثالث}


هذا ما جنتة نفسى {الجزء الثالث}

مشكورة
:icon_idea:

 
قديم   #3

@صمت المشاعر@


رد: هذا ما جنتة نفسى {الجزء الثالث}


هذا ما جنتة نفسى {الجزء الثالث}

العفو

 

أدوات الموضوع



الساعة الآن توقيت السعودية الرياض و الدمام و القصيم و جدة 12:57 AM.


 
Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.

Search Engine Optimization by vBSEO 3.6.0