ازياء, فساتين سهرة

العودة   ازياء - فساتين سهرة و مكياج و طبخ > الحياة الخاصة و الصحة > التعامل مع الزوج و العلاقة الزوجية
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
التعامل مع الزوج و العلاقة الزوجية هل زوجك يحبك؟ادخلي وانا اقولك يوجد هنا هل زوجك يحبك؟ادخلي وانا اقولك العلاقة الزوجية Marital relationship و حياة زوجية سعيدة Married life مشاكل الحياة الزوجية و الحلول الثقافة الزوجية السعادة الزوجية حقوق الزوجين


 
قديم 05-30-2009, 11:35 PM   #1

جميله المصريه

:: كاتبة مميزة ::

الملف الشخصي
رقم العضوية: 44797
تاريخ التسجيـل: Jan 2009
مجموع المشاركات: 724 

صورة قلبين هل زوجك يحبك؟ادخلي وانا اقولك


هل زوجك يحبك؟ادخلي وانا اقولك

ــ أجيبي لتعرفي ــ

هل زوجك يحبّك// والا مايواطنك



ــ توطئة ــ

هذا استبيان أو اختبار بسيط وهو عبارة عن مجموعة أسئلة وعدة اجابات .. تستطيع الزوجة أن تعرف من خلال الاجابة عليها أين موقعها من قلب زوجها و هل هو يقدِّرها والا وده يدقّ خشتها ..


بسم الله نبدأ


س1 إذ بغى زوجك يناديك :

أـ يناديك باسم دلع مثل : ( ياحياتي ـ ياعمري ـ ياعيني ) ـ
ب - يناديك باسمك : ( ياسارة ، ياريم ، ياميّ )ـ
جـ يناديك بكنيتك : ( يا أم محمد ، يا أم عبدالله، يا أم خالد )ـ
د ـ يناديك باحدى العبارات الرومانسيه التاليه : ( يامرة ـ ياهيش ـ هو هنا احد ) ـ


س2 وش تلاحظين انه :

أـ معسكر في البيت 24 ساعة واذا راح للعمل يغثـتس بالاتصالات
ب ـ يقضي أغلب وقته في البيت
جـ دايم يختخت للإستراحه ولربعة
د ـ ماتشوفين خشّته الا أوقات الوجبات ولا يجي للبيت الا قبل الفجر بنصف ساعه ـ


س3 اذا صرتي جالسه معه :

أ ـ يسولف عليك دايم ويتميلح ويحاول يستخفّ دمّه عندك ؟
ب ـ يسولف عليك سواليف عاديه .
جـ يسولف عليك الا قلتي له سولف .
د ـ مهوب يسولف أبد والا قلتي له سولف نزرتس و قال وش تبيني أقول ويلقط الجريده ويسد بها وجهه على باله انها يقراها .



س 4 لو تسوين له طبخة ولا تصير مضبوطه .. أما جت محترقه والا خانسه والا مالحة وجيتي تعتذرين له وش يقول : ـ

أ ـ يقول : أي طبخة منك زينه حتى لو تطبخين ضاطور ويجي خانس كلت يديني وراه ـ
ب ـ يقول : اللي يجي منك زين
جـ ـ يقول : افطني لطبختس واضبطي شغلك
د ـ يقول : بلاتس الرفالة الواجدة ولاتم تعودين لها يارفيله ـ


س5 الا قلتي له ودّني للسوق وش يقول :ـ

أـ أبشري ولو تبين جبت لك السوق هنا ولا خليتك تتعّبين روحك وتروحين له ـ
ب ـ إن شاء الله .
جـ كانك ملزومة وديتك هالحين والا خليه عقب .
د ـ معصي .. وماتلاحظين انك ذبحتينا بالسوق الا ماودك تطقين لك خيمةٍ فيه أزين ـ



س 6 ـ الا قلتي له عطني 1000 ريال ابفصّل ثوب لزواج اختي وش يقول :ـ

أـ مغير 1000 غالية والطلب رخيص .
ب ـ خذي ولو ان الألف واجد .
جـ ماتكفيك خمس ميه .
د ـ وشي ألفه ؟ لو تفصلين لك فستانٍ بمية الف منتي زاينه خذي ميتين بس ودوري لش أيّة خلـَق ورجّعي الباقي ـ



س7 ـ الا قعدتي تموّلين وانتي تقطعين السلطة وش يسوي رجلك :ـ

أـ يجي يقطع السلطة بدالك ويقول لك : غني لي شويه شويه .. والسلطة خليهاعليّّه ـ
ب ـ يقول لك ارفعي صوتك وأطربينا
جـ يقول اقصري حسّك شويّ
د ـ يقول لك ورى العنز صجتنا قطتس ماحطيتي لها شعير اليوم ـ



س 8 اذا صار زوجك عندك في البيت وش تحسين انه :

أـ يكشخ ويتمكمك ويتطيّب ويتس*** وكل شويٍ يتنظّر كنه يبي يروح لعرس
ب ـ يكشخ على خفيف
جـ ـ مرٍ يكشخ ومرٍ يطنش
د ـ يطق صروال السنة .. 24 ساعة.. والا خربها وكشخ لبس قميص النوم المقـلــّم ـ



س 9 الا قلتي له أبروح أزور أهلي يومين بس .. وش يقول لك :ـ

أ- يومين كاملات !! مايكفي يوم والله يصبرني على فراقك
ب ـ أبشري بس يومين مافيه أكثر
جـ ـ مايخالف وان بغيتي تجلسين أكثر ماعندي مانع
د ـ مغير يومين ؟ ماتسوى العنوة ماودك تقعدين عندهم شهر ترى ذولا أهلك ولهم حقٍ عليك وان قعدتي شهرين بعد مهيب شينه ـ

ياكثر اللي بينفضحون في ذي ـ


س 10 الا قلتي له تحبني وش يقول :

أـ " منيب أحبّك أنا والله من حبّك .. أحبّ حتى ثرى الارض اللي تاطاها " ـ
ب ـ أجل ما احبك
جـ يعني مرّ ومرّ
د ـ ياشين العجز الا جن على بالهن رومانسيات أقول خلي حركات المراهقه عنتس و هذا اللي جنيتيه من المسلسات المصرية .. قومي كبي الجريش بس تراه داقّني الجوع ـ



س 11 وش تلاحظين انه :

أ ـ يجيب لك هدايا دايم ويكتب فيها أبيات شعر غزل ـ
ب ـ يجيب لك هدايا أحياناً
جـ يجيب لك هدايا الا جاء من السفر ولا هوب قبل بعد .
د ـ ماعمره دخل الا وهو مدودل ٍ يديه ولاعمرك شفتي منه شي عقب الشبكة ـ


س12 إذا كشتّي انتِ واياه في البر وقلتي له وش رايك نمرح فيذا الليلة وش يقول

أ- تامرين أمر .. ودامك معي لو تبين نمرح في عشّة غنم ماخالفت

ب - والله ان ماودي مرة بس كانك صاملة مايخالف

جـ - ودي نمرح فيذا الليله بس إني أخاف تغثنا القواريص

د - وش اللي نمرح ، تبين عشان تقرصك عقرب والا دابّ وأبلش بك يالله بس مشينا ماعاد الا خير



وهالحين ناظري النتيجة :


اذا صارت أكثر اجاباتك بحرف الألف : ـ

فترى زوجك ضايعٍ في خرايطك ودايخٍ معك ورايحٍ معك خرخر ولو شبيتي له ضوّ وقلتي طبّ فيها قال آمري بس تبيني أطب ( لقّافي ) والا ( محيفرة ) .. و أنصحك انك تحافظين عليه وتحاولين انك تشوفين وش الأشياء اللي محببته فيك وتستمرين على فعلها .. عشان تستمر هالخقّه



واذا صارت أكثر اجاباتك بحرف الباء :ـ

فاعرفي ان زوجك يحبك مرة بس هالحب من المحتمل انه يقل لو ضيقتي صدرة ببعض الاشياء فانتبهي له . ـ


واذا صارت أكثر الاجابات بحرف الجيم :

فاعرفي ان زوجك مهوب يحبك مرة ودوّري الاسباب اللي خلته مايحبك وحاولي تعالجينها .. والا تدرين عطيه أشكل بس أريح لك ( الله من زين النصيحة ) .ـ


أما اذا صارت أكثر الاجابات بحرف الدال :ـ

فإعرفي ان رجلك مهوب يحبك، ولا يواطنش في عيشة الله .. و أيّسي انه يبي يحبك لو تحطين له الشمس ساعة في يده ، وتنظمين النجوم ( صنقل ) لها .. وتحلبين له خنفسان وتخرفين له من البرسوبس تمر برحي ، مهوب حابك .. هذا شاطبٍ عليك شطبٍ مافيه ملح أكود من شطب جمهور الهلال على البلوي ـ.




ــ همسة للأزواج ــ

إن بغيتَ سو الاختبار على زوجتك وان جابت " أ " مدّحني عندها وقل اني دكتور في علم الاجتماع وخبير في شؤون الأسرة ( عشان تصدّق النتيجة ) ، وإن جابت " د " اغسل شراعي وقل لايهمك تراه سلتوح ٍ فاضي وماعنده ماعند جدّتي .

منقول

 
قديم 05-30-2009, 11:38 PM   #2

جميله المصريه


رد: هل زوجك يحبك؟ادخلي وانا اقولك


هل زوجك يحبك؟ادخلي وانا اقولك

ياريت ترجمه ارجوكم

 
قديم 05-31-2009, 12:44 AM   #3

♥ نــــ الهــ ღ ـــدى ـــور♥


رد: هل زوجك يحبك؟ادخلي وانا اقولك


هل زوجك يحبك؟ادخلي وانا اقولك

ااه و الله ما فهمت منه الا القليل

يا ريت ترجمة بيكون احسن

و يجزيك الله خير

 
قديم 05-31-2009, 03:39 AM   #4

نهرو الحلوه


رد: هل زوجك يحبك؟ادخلي وانا اقولك


هل زوجك يحبك؟ادخلي وانا اقولك

حلوه بس في بعض كلمات مافهمتها بس اللي فهمته انو زوجي الف وباء وانا ارى العكس ادعولي يسلموووووووووووووووووووووووووو وووووووووووووووووووووووووووووو وو

 
قديم 05-31-2009, 04:14 AM   #5

جميله المصريه


رد: هل زوجك يحبك؟ادخلي وانا اقولك


هل زوجك يحبك؟ادخلي وانا اقولك

نورتونى

 

أدوات الموضوع



الساعة الآن توقيت السعودية الرياض و الدمام و القصيم و جدة 03:43 PM.

 

Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0