ازياء, فساتين سهرة


العودة   ازياء - فساتين سهرة و مكياج و طبخ > أقسام عامة > السيدات و سوالف حريم
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
السيدات و سوالف حريم مراهقات ايام التسعين يوجد هنا مراهقات ايام التسعين سوالف حريم و نقاشات مواضيع تخص المرأة و المواضيع التي ليس لها قسم خاص بها

فساتين العيد


 
قديم 09-04-2009, 01:32 AM   #1

~اميرة ببسمتي~

:: كاتبة ألماسيّـة ::

الملف الشخصي
رقم العضوية: 54404
تاريخ التسجيـل: Mar 2009
مجموع المشاركات: 14,715 
رصيد النقاط : 0

مراهقات ايام التسعين


مراهقات ايام التسعين

بنتكلم اليوم عن البنات اول
مراهقات الزمن الغابر .. يعني مو شرط مراهقتنا اللي الحين
جمعنا اراء مراهقات سابقات خواتنا .. بنات خالاتنا بنات عمتي منيره وسألناهم عن عالمهم السابق كانت اجاباتهم عفويه .. وكل وحده تسولف عن مراهقتها كانت تخرطم وشوي وتدمع بنص الجواب
تقول لو اني داريه اني لو بعرس وادج هالدجه .. كان لي الحين خامتن المخده ابرك لي !
بادئ ذي بدء .. كان اغلب البنات توهم طايحين بحركة الشناط الصغيره ..
ومن مبدأ انتشار الشناط الصغيره .. صار لزاماً على كل وحده تعبي هالشنطه بكل مايجعلها متميزه عن البنات اللي معها ..
كل وحده تبي تكشخ بس بطريقتها .. اصلا ماهلكنا الا هالكشخه اللي مدري وش تبي!

بنتكلم اليوم عن البنات اول مراهقات الزمن الغابر .. يعني



الروج وما ادراك ما الروج
كل بنت لها لمستها الخاصه فيه ..وهو اللي يضفي النضاره على خشة كل انثى
ذاك الوقت ياكافي طاحن البنات بالمحدد
عشان تصيرين كشخه ومحد قدك ولامشيتي كلن يناظرك تقل ماشيه قدامهم هيفا وهبي
حطي محدد بني غامق ..امسكي خشتك وامشي عليها داير مادار وحدديها باللون البني
وبعدين سوي الحركه الراقيه اللي محد يقدر يقاومها ولوني شفايفك بلون افتح من المحدد
يعني حدود البراطم بني غامق ولون الشفايف وردي ولا بيج

مو شرط مراهقتنا اللي الحين جمعنا اراء مراهقات سابقات خواتنا


يااالطيف اللي كانت تسوي هالحركه كانت معروفه بانه عندهم دش واهلها مايخافون الله
لا من وين تعلمت تمشي بالمحدد على خشتها من دون مايتعرج ؟>>هههههههه!



.. بنات خالاتنا بنات عمتي منيره وسألناهم عن عالمهم السابق


كـ شياكه..واناقه ..لا بد ان تكتمل الطله بجزمتكي ياعزيزتي الكاشخه
ذاك الوقت جتهم موضه عاصفه .. شي غريب ماقد مر على السعوديه
طاحوا العالم بالأبوات
جتهم فتره كلن هب بالأبوات وصاروا مايشترونها الا من برا
واللي مايقدرون يشترون من برا يروحن الشعله لعل وعسى ينزل شي جديد
طبعا البوت عشان يصير راقي ومحد قدك لازم يصير كعب
وياعزيزتي مو اي كعب ! لازم كعب تقل بلكه لو تكفخين فيه باكستاني انصرع يومين
كان ينباع مع الابوات كيلون هبوا فيه ذاك الايام
الكيلون مخطط بالعرض ..خط اسود وخط شفاف
وبمانه بوت وطويل ولا يبان الكيلون تبدا كل وحده تمشي وترفع اللبس
عشان يشوفون البوت لين واصل وعشان يطلع الكيلون
اكيد انها خاشعه عند الدش وتشوف وش يسوون الكافرات الفاجرات ..من قال LBC وافصخي ؟!


كانت اجاباتهم عفويه .. وكل وحده تسولف عن مراهقتها كانت



ههههههههههههههههههههههههههههه
لاتحسبون هذا ينحط بالشنطه !
لالا الببسي والليمون له استخدام شنيع ..لاتستغني عنه اي مراهقه بذاك الوقت
كانيستخدم لتجعيد الشعر
يقولون بذاك الوقت زاد استخدام الببسي وكان يصنع باعداد مهوله كله بسبب تجعيد العكاريش
الطريقه / تروشي وخلي شعرك رطب .. بعدين ضعي قليلاً من الببسي .. بارد ولا حاره مايأثر بس اهم شي فيه غازات ..
يعني ماتجيبينه مفتوح له يومين وتحطينه وتقولين وراه ماتجعد شعري زي بنت خالتي حصه
كانوا البنات بذاك الوقت مشغلتهم سالفة تجعيد الشعر (ماكانوا يقولون كيرلي )
طبعاً اي وحده تجي شعرها منفوش كل البنات يغارون منها .. ويتحلطمون شلون سوته كذا !
يعني الحمد لله اللي ميريام فارس ماطلعت بذاك الوقت قسم بالله انتحرن ياحبي لهن
كان فيه مشكله تواجههم يقولون اننا اذا جعدنا شعورنا ولبسنا العبايه انلبد وخرب التجعيد
واول مانوصل المدرسه الا الببسي صاير يتدبق ( الله يحوم تسبودكن )
واللي مره مستعجله وماعندهم ببسي تعصر لها ليمونه وتحطه على شعرها وان شالله بيتجعد
صحيح فعاليته مب زي الببسي بس يعني يفك أزمه
اهم شي نشكر الشركات العالميه اللي صارت تنتج لنا افضل مستحضرات الكيرلي عشان نرتاح من دبق الببسي وريحة الليمون



**** تم حذف الصورة

الحمد لله انها ماطلعت على وقتهم !
ولا كان انتحرن بناتنا ياعزتي لهن


********* تم حذف الصورة

ختاما الشكل يكون كذا .. زي هذي بالضبط .. كلهم يتمنون يصيرون مثلها
شعر مجعد تشجعيد يجيب المغص تشم ريحة الببسي والليمون من بعد كيلو
وشفايف محدده تقول كبد عنز والروج فاتح عشان يبان التناقض الخلاب
وحبة الخال اللي مرسومه بكحل .. يعني مايعوق ما شالله
ماعندك حبة خال ارسمي لك وحده .. ترى الدنيا فانيه ..
ماكثر الله الا الكحل



****** تم حذف الصورة

عاد هذا شي ثاني
اي بنت بذاك الوقت ماكانت تخق على سعود الدوسري تراها يا اما حولا ولا فيها عين وصارت ماتميز بين الحق والباطل
يعني كان من اهم مايميز فترة التسعينات ان جميع البنات بلا استثناء خاقات مع الاخ سعود
كان مذيع بالـ mbc fm ويقدم برنامج ليلة خميس
سبحان الله كان مذيع بالراديو شلون اكتشفوا وجهه مادري !
يعني لو بالتلفزيون كان نقول شافوا وجهه بس واحد متغبي بلندن ويجي من وراء المايك شلون نفشتن عنه ؟!
تخيلوا وحده اعرفها .. عندها اغلب صور الاخ سعود
اهم شي انه دفتر ملصقه فيه صور سعود بالترتيب
وفيه صور نادره له وصور من جوازه واسم امه < صجتنا انها تعرف اسمه تقل تبي تعرس عليه
كانوا البنات يشترون جريدة الجزيره بس عشان الملحق الفني اللي فيها كانوا يجيبون طاري سعود
وبذاك الوقت بعد طلعت مجلة فواصل وصاروا اذكياء بكل عدد يجيبون طاريه
والبنات هات يا مجله انواع تنظيف الرفوف ..
والمجله يحسبون الناس تشتري المجلات الشعبيه عشان خاطر الشعر مادروا ان مراهقاتنا القديمات خاقات للنعله مع الاخ سعود
كانت صوره قليله ذاك الوقت يعني مالهم مصدر صور الا المجلات او الجرايد مو زي الحين نت وقوقل تقدرين تطلعين وجهه وهو يفلي قذلته
واشتهر سعود بذاك الوقت بالبدله الموف اللي كان لابسها وحاط يده على راسه
ودي سعود بس يقرا الموضوع ويجيب لنا صورة البدله
سعود اول غير سعود الحين
الحين صار دب وخلاص راحت طفته .. يعني فيه سعوديين مماليح غيره .. طلع ياسر وخرب سوق الشعب
اول ماكان فيه الا هو ! وجا بطريقه متاحه لأغلب البنات يعني مايحتاج دش عشان تشوفه
كان يجي عن طريق الراديو اسهل من كذا ايه ! كل وحده تقول بسمع اذاعة القران وهي حاطه على سعود واحمد الحامد

***** تم حذف الصورة


طبعاً اللي ماخقت على سعود يمديها تخق على الاخ اللطيف هذا
هذا خالد التيماوي .. لاعب نادي الهلال السابق
ثلاث ارباع بنات السعوديه هلاليات ..وشي اكيد السبب هو حسن الخلق
يعني خالد التيماوي اول زي يسوري الحين
سبحان الله هالهلال حالف كل جيل يطلع لنا واحد اطخم
اول كانوا البنات يتابعن كوره عشان بس يهف بغرته كذا ويسوي حركه عاصفه
يعني بنات النصر اول يكشخن بـ فهد الهريفي بس فهد الهريفي اختفى ماصار له حس زي خلودي
يعني بساحة المدرسه يجون البنات واقفات معهن ببسي وكتكات وكل وحده تقول فريقنا احسن من فريقكم
وش جاب التيماوي للهريفي ومن يومها بنات النصر مضطهدات
يعني لابطولات ولا لاعبين حلوين .. الله يصبركن بس


تخرطم وشوي وتدمع بنص الجواب تقول لو اني داريه اني


كان الاعلام الفني سابقاً يعتمد على الجرايد وعلى برنامج ليلة خميس ومايطلبه المشاهدون على قناة السعوديه
ما كان فيه حريه ولا ابداع .. مالك حل الا تشوفين وانتي منطمه وساكته واحمدي ربك ان جابوا لك شي
كل هذا الكبت تبدد يوم طلعت مجلة فواصل
هذي المجله كانت بمثابة النور الذي اضاء العتمه اللي كاتمه على قلوب مراهقتنا لبى قلوبهن
كانت شي جديد ومتميزه بالاخراج والاوان والصور
وتجيب شعراء طخوم واهم شي طلال الرشيد الله يرحمه كان يكتب بكل بداية عدد
كان هذا تغيير مذهل .. بناتنا تغيرت نظرتهم للامور وصارن يخقن على سنع
ذاك الوقت ماكان فيه ايميل يسهل التواصل .. كان فيه ( ص . ب ) كثر خيره
مجلة فواصل كانت الاكثر مبيعاً نظرا لتميزها في عرض الشعر اللي خقق بناتنا
وصور الاطفال اللي كانوا يحطونها .. استاثموا فيهن ياحولي
كان مافيه حرية ولا ابداع و جوا فتحوا لهن الباب على مصراعيه
خلونا نسيّر على مراهقتين سابقتين
نشوف كيف كانت مراهقتهم هذا اذا كانن يدرن وش معنى هالكلمة
من قال سيره ؟!




كان خالد عبدالرحمن الفنان الاول للمراهقات العاشقات يكتبون اغانيه ويحفظونها صم اكثر من مادة النصوص


لو بعرس وادج هالدجه .. كان لي الحين خامتن المخده

لا تخلو منه شنطة اي مراهكه
تعرفون لازم علك ابو ****
عشان يعطر رائحة الفم وينعش الخشه

الله لا يحرمنى من ردودكــــــــــــــــــــم


التعديل الأخير تم بواسطة ~..منيتي..~ ; 09-04-2009 الساعة 01:43 AM. سبب آخر: حذف صور للفنانين
 
قديم 09-04-2009, 01:44 AM   #2

~..منيتي..~


رد: مراهقات ايام التسعين


مراهقات ايام التسعين

ينقل للقسم الأنسب

 
قديم 09-05-2009, 12:22 AM   #3

~اميرة ببسمتي~


رد: مراهقات ايام التسعين


مراهقات ايام التسعين

وييييييينكم يابنات

 
قديم 09-05-2009, 04:23 AM   #4

~اميرة ببسمتي~


رد: مراهقات ايام التسعين


مراهقات ايام التسعين

وينكم بنات

 
قديم 09-05-2009, 04:32 AM   #5

ثرثرة دمعة


رد: مراهقات ايام التسعين


مراهقات ايام التسعين

ههههههههههههههههه والله ضحكتيني صدق لاقالوا مراهقات ههههه<<<ترى احنامنهم هههههههه
وه بث وه يا انك تحفة ومواضيعك الخونفشارية,,,

 

أدوات الموضوع



الساعة الآن توقيت السعودية الرياض و الدمام و القصيم و جدة 12:57 PM.


 
Powered by vBulletin® Copyright ©2000 - 2019,
vBulletin Optimisation provided by vB Optimise (Pro) - vBulletin Mods & Addons Copyright © 2019 DragonByte Technologies Ltd.

Search Engine Optimization by vBSEO 3.6.0