العيد زمان
العيد زمان
السلام عليكم ورحمة الله وبركاته ..
هذا الموضوع يتكلم عن أيام العيد القديمه .. لكن باسلوب ثاني ..
يعني فكرة الموضوع .. أنه كل واحد يجيب وش كان يسوي أيام العيد يوم كان طفل ..
وخذوراحتكم .. حلووووووو ..
كانت ايام العيد أحسن ألحين بحكم الطفوله ..
كنا نجتمع في بيت جدي .. الله يرحمه .. كلنا عماني وعماتي .. وعيالهم ..
وكنا بعد صلاة العيد نطلع انا وبنات عماني وعماتي .. تاخذ عيديتنا من الجيران ..
كنا نطق الباب عليهم .. ونردد بعض الكلمات الطريفه والبريئه بصراحه ..
كنا نقول :: حشى طراره على صغر >>هههههههههههههه
عيدونا عادت عليكم في حال زينه ... جعل الفقر مايدخل عليكم .. ولايقطع رجليكم ويديكم ..ويعطونا .. إما مكسرات .. أو حب ..أو حلوى ..
وإلي مايفتح كنا نردد كلمات غريبه تدعي عليه فيها لكن دعاء بريء>> شين وقوي عين ..
واللي يجمع كثير من العيديات .. يشتري بها بسطه .. أوألعاب.. طقه .. تعرفونها .. ههههههه
اللي هي كرتون وفيه مربعات صغار .. ومسكره .. وداخل كل مربع شي ياسياره ياحلوى ..
والا ذاك الرجال المضلي .. ذكرتوووه .. والله فله ووناسه ..
وكان جنبنا مستودع لجيراننا .. نجتمع فيه كلنا والجيران وكلن يجيب العيد جقه .. ونتعيد فيه
سوى .. ونسلم على بعض .. لكن الأن مابقى في الحاره القديمه الا واحد من الجيران ..
والباقي انتقلوا لبيوتهم الجديده .. وسلامتكم ..
.
.
راق لى حديثه فنقلته
|