 |
  |
|
|
|
|
#1 |
|
:: كاتبة ألماسيّـة :: |
السلام عليكم ورحمة الله وبركاته .. هذي قصايد عن بلادي بلاد الكرم والعز والجود بلاد الاصل والفخر بـــلاااادي العنــابي (( قطـــــــر )) ..^.^ فديييت ترابك ياقطـــــــر .. منقولة لعيونكم ولعيون بلادي الحبيب ^.^ اخليكم مع القصائد ..^.^ عدت يا عيد بفخر الوطن كظلال في هجير الزمن و صدى التاريخ في عرشك مجد قطريَ البأس عند المحن صانه الاسلام في كف امير حالف الحق بدحض الفتن دوحه العرب بها كل طروب هائم الوجد شغوف الشجن عدت يا عيد بآمال تنادي قطر العز قلوبا و ايادي بشموخ تحضن العلياء فيه نهضه الحاضر و الخير المراد في خليج تحمل الامواج منه عبق الماضي و انسام الجهاد للشواطي السمر و السكاء تشدو بالاساطير على رمل البوادي كيف ان البحر منذ كان قديما محور التاريخ في كل بلادِ هكذا الامجاد في كل زمان تلد الاحرار من كفء اجتهادِ ============== ياقطـــرنا لو سالنا عن مكانج تعتلين المجد والله ياقــــــطرنـا من زمان العز يابلادي زمانج ياعيون الطيب ماغيرج نظرنا لو رهنا عمرنا نكـــسب رهانج وان عذرنا الوقت مانقبل عذرنا شمســنا تعنــي لنا دافــي حنانج مصــدر الانوار في لـيلة قمرنا طالبين الـــرب يكــرمنا بأمانج يحفظج من كل شر ياقـــطــــرنا =================== وهذي روووعــه هل المواهب فيض من أصالتها أو المفاتن من اشعارها صور هل العروبه بوح من حقيقتهــــــا أو الرجال لها في مجدها وطر اذا قرأت فعطر في صحائفها وان نظرت فمن تاريخها أثــــر اسطوره قد رواها شاعر ولها وواقع قد جلاه الحسن والنظر تأتي البيوت فللبحرات أغنيه وللنوافير في أنحائها درر من أين يدلف لا يدري به احد وفق المواعيد يأتي وهو مقتدر كم قبله من شفاه راح يطبعها فيزهر الحب او يجلي بها الزهر أفديك يا بلدي بالخلد معتمرا وبالجمال وبالامجـــــاد منهمر أمن خمورك عطر الياسمين جرى أم من صفائك ضاءت أنجم زهر وليلك الحسن كم غازلته فغدا كأنه حلم يزهو به السكـــــر حللت دوحتنا الغناء وادعــــه فالبحر أخضر والأزهار تنتشر ان كرمتك فبوح من عروبتها فللعروبه بيت اسمه قــــــطر ========================== وهذي للراحله صدى الحرمان يادارنا لخاطرك نوقـد شمـوع المستحيـل ارضٍ بها العز الأبي يرقى بنا رووس الجبال بلادنا..وأميرنا..ظـلٍ الـى العـز الظلـيـل رايتناطموحنا..فـوق التصـوّر والخـيـال نسمع هتاف ابطالنا في ديرة المجد السليـل يخط في صدر الزمن اسمٍ كسر سيف المحال كم كنت في ليل المساء أزرع دروبك بالرحيل وامشي على درب الوفا تختال خطواتي دلال أرضي قصيده كل مافيها من المعنى جميـل والله خلقني بأرضها نبته على درب الشمـال يا ديرتي..تقبلـي شعري..ولـو أنـه قليـل في ليلك العذب الذي يرخى على جرحي ظلال انتي الوحيده بالأمل..تزرع لي البيـدا نخيـل وأرفع عيوني للسما يالله ما أروّع هالجمال هاذي قطرنا والنعم وانا لها عاشـق قتيـل لو أبتعد عن أرضها تصرخ لي أيامي تعـال ======================== أحمد الله يوم ان اصلي اقطري دارنا دار المحبه والسلام ديرتي امي ومن فيها هلي ديرتي عزوه عليها العز قام ديرتي في قلبها قائد وفي صيتها بالمجد فوق السحب قام الدول تشهد بموقعها الفتي الله أكبر ياقطر انتي مقام انتي قمه وانتي مسندي اسمج الشامخ تقلد وسام ٍ على صدري ================= للشاعرة صدى الحرمان الله يرحمها..اسمها تبقى قطر حبيبتي ياراحلة مابين دمي والوريد ياأغلى وطن ياأدفى حضن لامس جراحي من سنين معك انتظاري للأمل كلما نضب عود جديد لأنك بشريان الصدى رغم القساوه تسكنين أبوي علمني قطر تبقى لنا الرمز الوحيد نشيلها باكتافنا ونبقى لجلها مخلصين قطر على اشفاه الزهر معنى بها الفرحه تزيد صبح ومسا باشفاهنا موطن أهلنا الطيبين ياواحة ننسج لها من دمعنا بيت القصيد ماغيرها شمس العمر في أفق روحي والجبين ازدانت بلادي صور آية من الحسن الفريد كل الأنامل أبدعت متعة لكل الناظرين لك ننتمي يااللي لأرضك حبنا باقي اكيد مهما ومهما حاولوا احنا لعينك صامدين ترعد سمانا وبرقها يرقى بنا الصرح المجيد تصهل خيول أجدادنا في مسمع الحر الفطين معشوقتي لعيونها أخلق من ابداعي نشيد وأكتب على خد السحاب أحبها بحر وطين ماضي وحاضرللأبد عن مبتغانا مانحيد تبقى قطر رمز الفخر واحنا لها متكاتفين ============== للشاعر راضي الهاجري.. أنا الحب وأنا العز وأنا الطيب وأنا الامجاد أنا لوحجمي صغير كبيرة في عيون الناس أنا الماضي وأنا الحاضر وأنا الجيل وأنا الاحفاد وخارطتي مثل كف رفض لايلمس الادناس أنا ديرة شعب شامخ ابا لايرضخ وينقاد وأنا من دمكم لوني وبفعالي رفعة راس امانه كل شبر مني وصونوني من الحساد انا الحضن الحنون اللي غدا للمسلمين الباس ===================== الشاعر بريك بن هادي المري يا فكر صف أبيات الاشعـار طابـور وصـح العيـون ان كـان فالراس نومه فالـواجب اللـي يلـزمك جالك الدور ويلحقك منـي كـان ماجـدت لومه وأن كان مـا ترجمت الأبيـات بشعور حب الوطـن مــا للقصايد لزومه حـبٍ يـجـسـد فعل وتضمه اصدور من عـاد فاطـراف الأظافـر نعومه والشـعـر لا جنب عن الكذب والزور تاتـي بيـوته وافيـه وامـخـدومه تسابـق حـروفه على الدفتر سطـور لانها بختـم اصـدق شعــور امختومه والدار في حفـظ الولي منزل الطـور اللي كتب للعبـد حـجـه وصـومه وفي حكـم منهـو صايب الهرج والشور الـدار في عـهـده بـعـز امحكومه فـي كل يوم امـجـاد وافـراح واسرور وفــوق الـدول حامت ثمانين حومه من العديـد للساحـل دخـان للخـــور تنعـم بأمـانٍ جـعـل ربي يـدومه سجـل لها التـاريخ بحــروف من نور وباعـلامها فصـل لجسمـه أهدومه بافـعال شيـــخٍ فالمواقيف مشـهـور لا جـاه راعي العلـم ضاعت اعلـومه وولي عـهـده فالصعيـبات مذكــور حـتى همـوم الشـعب صارت اهمومه دولـة قطـر تبنـي على أعلى القمـم دور مجـدٍ وتاريـخٍ تخـلد ارسومه بامـر الأمير اصـدر مراسيـم دستـور كـفٍ بكـف- الشـعب- ويا الحكومه والشعب كلـه قـال يأميـر مشـكـور و تسعه وعشرين ‚‚ أربعه‚‚ صــار يـومـه ينطــق نعـم برضـاه ماهو بمجبور حريتـه بيـده تقوي اعـــزومه ================= محمد بن حمد نت يا التاريخ قم بطل لنا‚‚ باب الرصيد وضف على الأمجاد مجد ‚‚ بحبر نور وحبر نار وسجل أمجاد ٍ لبو مشعل على المجد التليد واكتب انه ريف شعب ‚‚ ورجل عدل‚‚ وعز دار واكتب أن المجد جد ‚‚ واكتب انه له حفيد واكتب أن الجهل في عهده بدا بالاحتضار واكتب أن اسمه فريد بميزة ٍ تخفى البليد حتى عكسه ‚‚ من صفاته‚‚(د مح) زلات كبار واستعدي يا بلاد العز للفجر الجديد فجر حريات شعب ٍ حل قيد الاحتكار في ذرى الإسلام يا جعله على عز ومديد انعمي بالأمن والإيمان في نفس المسار وفي كنف شيخ بخطواته يدور للمزيد لين صرتي في عيون الناس ريضان وخضار عيـْـدي يا دار كل أيامنا فرحه وعيد والبسي ثوب التطور من تحت بشت الوقار واحتلي دستورنا الدايم مثل عقد ٍ فريد بالتشاور بين شعب الدار وأصحاب القرار كل ٍ موافق وبينها كلام أو في قصيد اكتبي يوم الثلاثاء مثل يوم الانتصار وفي عيون الحاسد ‚‚ الله يجعل دياره بعيد اكتبي كلمة قطر بالنار ونقطها شرار وفي النهار اللي ما ينفع فيه ترديد النشيد تلحضين الشعب كله جيش لا ثار الغبار والبسينا في اللزوم سيوف ‚‚ ودروع حديد كلنا من دون راية دارنا حصن وسوار الشعر بين المسامع والقلوب أسرع بريد قلت باوصل الامير اراء شعبه باختصار تحيااتـــي ..^.^ نحـــــولة قطـــــر ~وافتخــر ~ |
|
|
#2 |
|
|
رد: احمد الله يوم انا اصلي قطري
ونعم فيك وباصلك ياقلبي
الله يحمي ديرتكم من كل سوء يارب يعطيك الف عافيه حبيبتي |
|
|
#3 |
|
|
رد: احمد الله يوم انا اصلي قطري
مشكورررررررررا يعطيك الف عافيه
|
|
|
#4 | |
|
|
رد: احمد الله يوم انا اصلي قطري
اقتباس:
امييين ياربي ويحفظ ديرتكم ديرة الكرم الســـعوديه ^.^ الله يعافيك غلاتي ^.^ ألف شكر لك ع المرور |
|
|
|
#5 | |
|
|
رد: احمد الله يوم انا اصلي قطري
اقتباس:
العــفووووووو .. الله يعافيك ياعســـــــل ^.^ |
|
احمد الله يوم انا اصلي قطري
