زلّه و زلّه //
طوّفت له زله وزله .. لجل عينه قد محيت // الاوله .. والثانيه .. والثالثه .. والرابعه
يا كيف ما ادمح له خطا .. وانا على شانه حييت // ومكانته في وسط قلبي بالحنايا .. قابعه
ولو تكثر اخطاءه علي .. والله ما لحدٍ شكيت // لو جات .. منه الخامسه .. والسادسه .. والسابعه
يكفيني منه الموقف اللي قبل مدّه .. ما نسيت // ايدي بده .. واصابعي متخلخله بآصابعه
واناظره .. واطبع تواصيفه .. ولا قلت اكتفيت // احس عيني .. بالنظر والشوف ماهي .. شابعه
واذكر سواليف الغرام اللي بها قلت وحكيت // مشاعرٍ من قلب صادق بالمحبه .. نابعه
ومن عقب ذاك الموقف اللي .. لا تذكرته غفيت // حلفت ما ازعل منه ابد .. لو جا بخطيّه تابعه
ولوهو تفنن في عذابي .. واحرم العين المبيت // ما دام ذكراه الجميله في خيالي .. طابعه
مما راق لي
|