 |
  |
|
|
|
|
#1 |
|
:: كاتبة مقتدره :: |
بسم الله الرحمن الرحيم السلام عليكم ورحمة الله وبركاته كيفكم ياأعضاءومشرفين وإداريات منتدى أزياء الأكثر من رائع.إن شاء الكل بخير وصحة. ماأطول عليكم.بصراحة دخلت كم موضوع لأعضاء عارضين فساتينهم للبيع وشفت الصور كبيرة مرة لدرجة إنه الفستان مو باين ولا حتى الموديل باين .. قلت أكيد مايعرفوا طريقة تصغير الصورة وحبيت أقلكم كيف نصغرها بس للأسف إفادتي ماهي مدعمة بالصور كان نفسي أدعمها بالصور لكن للأسف ماني لاقية مركز تحميل كويس وفرصة في الموضوع إلي تعرف تدلني وتكتبوا في ردها وماتقصروا ياقماري المنتدى. نبدء بسم الله 1-نروح إبدء ونضغط على كافة البرامج ثم البرامج الملحقة ونختار برنامج الرسام. 2-وبعدين نروح على ملف على الشريط إلي فوق ونختارفتح راح يجيكي ملف الصور إلي عندك تختاري الصورة إلي تبغيها وتضغطي موافق حيقول هرج قولي موافق وخلاص . 3-في طريقة ثانية لوضع الصورة وهي إنك تفتحي على ملف الصوروعن طريق السحب تسحبي الصورة على الرسام وحتشوفيها جات.هذه أسهل. 4-نروح على الشريط إلي فوق ونختار عرض ونضغط على تكبير/ تصغير.حيجي إختيارات عدة أختاري مخصص.حيجي كم حجم 100أو200أو400أختاري إلي يناسبك بس أهم شي إنها تصغر بحيث إنه يبان كل شي في الصورة مايحتاج الواحد يحرك الشريط يمين ويسار علشان يشوفها وغير كده يكون كله باين عرض وطول.طبعا تختاري وتضغطي موافق وحتشوفي الصورة بالحجم الجديد. 5-كمان فيه عندي خيار ثاني وهو كلمة صورة على الشريط إلي فوق تضغطي عليه وبعدين أختاري تمدد/إنحراف..حيجيكي أفقي ورأسي يعني العرض والطول برضوا هنا ممكن تتحكمي في عرض الصورة.. خلصتي كل شي روحي لملف وأعملي حفظ الصورة بإسم وبعدين حتلاقيها مع الصوربعد التعديلات إلي عملتيها عليها مع الصورة الأصلية لأنها ماتنحذف. يارب أكون أفدتكم ياعسولات وأي شي مو مفهوم في الشرح أسألوني عنة. هو الكلام كثير بس روحي جريبه حتلاقيه مررررررة سهل. ندى35 |
|
|
#2 |
|
|
رد: لتصغير حجم صورة الفستان
شكرا على الطرح ^^
يعطيج العافيه همسه { خيتو انتي طرشتي لي رساله ماقدر ارد عليج لآنج مختاره عدم استقبال الرسايل !! |
|
|
#3 |
|
|
رد: لتصغير حجم صورة الفستان
يعافيكي ربي ومشكورة على المرور اختي
|
|
|
#4 |
|
|
رد: لتصغير حجم صورة الفستان
ميرسي يا عسوله
|
|
|
#5 |
|
|
رد: لتصغير حجم صورة الفستان
ألف شكر لكل من مر على موضوعي المتواضع |
لتصغير حجم صورة الفستان