جيتي من بعد غدرك و في عينك ندم عالذنب

سألتيني عن أحوالي... و ليتك ما سألتيني..


ترى نار الغضب فيني أطفيها ترد و تشب

نصيحة لا تزيديها.. أنا اللي فيني يكفيني..


قضيت سنين في همك تحملت اللعب و الكذب

و قلت أسكت لجل عينك و في الآخر ..خذلتيني..


كل أحوالي " أشعارٍ" لحلوات العذارى طب

أنا مرتاح من بعدك ..شكرا يوم خنتيني..


ترى بإمكاني أشعاري أسخرها إهانة و سب

و لكن أصلي ما يسمح على هالدرب يمشيني..


فمان الله يا بنت الناس.. و أظنك تعرفين الدرب

حب كان يعنيني .. ترى ما عاد يعنينــي..


حبك مات و جاء غيره.. أنا ما أعيش بليا حب

تعالي و احفري قبره.. أنا ما أوصخ ايديني