نكسـر الخاطر ..

علامك جيت ياقلبي وراجع خاطرك مكسور
أبد لاينكسر خاطرك دامه صاحبي جاير
*
أبي تنسى مبادئنا وتترك طبعنا المغرور
وأبي هاللحين ترجع له وقله يطلب ويأمر
*
واذا جت عينك بعينه أبي تشهد شهادة زور
بأني مذنب ومخطي وقلبه ناسي وغافر
*
وقله لايخليني على حزني أبات شهور
لأن الموت اشوى لي وأنا من طبعي ماكابر
*
ولا يفكر يقول أنسى وغيري بالبشر مذكور
لأني ما أخبر غيره قسم بالله مو خابر
*
أحس اللي خلق زينه خلق باقي البشر ديكور
وأحس الورد لأشمه يميل وينثني شاكر
*
وربي هالبشر بعده هياكل والبيوت قبور
ولأبه شي بالدنيا يجاري غيابه الكافر
*
حبيبي يابعد كل الحبايب والزمان يدور
علامك ماتخاف الله تعال وشوفني وناظر
*
الا ياصاحبي القاسي بدونك هالحياة تغور
الأ ياسبتـ جروحي الا ياحظي العاثر
*
أحبك يامنى عمري وغيرك يمسك الطابور
أحبك يامولعني وأذوبـ بصوتك الخاثر
*
أنا من كثر ما أحبك أحسـ أني معك مسحور
فديتك خلني مسحور إذا تبقى لي الساحر
*
تعال وخذني بكيفك قصيد ولو تبي جمهور
فداك اللي قصته أمس واللي بأقصده باكر
*
لك الله وأنت خابرني شجاع ولا علي قصور
ولكن لو وصل أمري بيدك آآآآه ياســـاتر
*
دخيلك!دخيلك! أنتبه لالا تمادى مع رجل مقهور
ترى قهر الرجال أكبر من اللي تحسبه باكر
*
وأنا حبي معك والله عفيف وطاهر ومستور
حشا صعبه تلاقي قلب شروى قلبي الطاهر
*
إذا ناوي تجربني ترى وقتك معي مهدور
أموت بنار طغيانك ولا ينقال لي صابر
*
أمانه!أمانه روح ياقلبي وأبي تظبط عليه الدور
أمانه طير له تكفى وأبي هاللحين ياشاطر
*
أبيك تحب لي رأسه وتنسى طبعنا المغرور
ترانا أثنينا والله بدونه نكــسر الخــاطــر
*
مما أسرنــــــــــــــــــي وملك مشاعري
إحسـ رسامه ـاس:sddhgh:

بسمه الزهر
اسعدني مرورك كثيراً
لك ودي..