 |
  |
|
|
|
|
#1 |
|
:: كاتبة نشيطة :: |
السلاااام عليكم ورحمة الله وبركاته
اليوم موضوعي للعزابيات و الآنسااااااات أتمنى مايكون مكررررر يا الله ابغيكم تسمعون نصيحتى !! اوكى كيف تصيدين لك معرس؟؟ طبعا الخطه ما تنجح الا بالإتــفاق مع الوالدة ... كيف تصطادين المعرس دون اللجوء إلى الأساليب السقيمه من التلميح الي ماله سنع والترزز باالاعراس.....إلخ أهم شي تتقربين من العجوز الي تدور لولدها عروس ثم نفذي مايلي: 1-خلك مع امك ولاتروحين مع البنات صبري عنهم كم شهر لين تنجح العملية... 2_امشي وانتي حاطه راسك بين كتوفك ولا ترفعينه ابد حتى لو عورك <<< الفكس ما يقول شئ .... 3_كلمه خاله .. خالتى خليها دايما على لسانك خاصة لام المعرس عشان تحس بنوع من التميز عن باقي العجايز. ملاحظه ..... لامانع انك تنادين عجوز ثانية بخالة عشان اذا مانجحت الخطه مع العجوز نمبر 'ون' تنجح مع نمبر 'تو' الاحتياط واجب وانا اخوك 4_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك ...خخخخخ 5_كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي 6_اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية <<<<{اقول نظف غرفتك اول الي تقول ثايره فيها قنبلة ذرية} هههه. _اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها <<<< بس لاتكتمي نفسك كثير اخاف تروحين فيها واصير قتلت نفس بغير 8_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة. 9_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة. 10_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي. مثال:تقول العجوز:بوش متقهوي عندنا البارح قوليلها:وليش ماعلمتينا ياخاله نجي نساعدكم؟! 11_اذا جاء طاري السوق وهو لازم اييي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم ايجيب اغراضهم. الحين العجوز بتكون وقعت فالفخ. 1_قعدي في بيت اهلك ولا تطلعين واذا جا المعرس بيشوفك خلي ابوك يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني... 2_ قبل يجي اليوم الي بيشوفك فيه بحوالي اسبوع او اكثر طامري من مشغل لمشغل صبغ تنظيف بشره..إلخ....مسكات خلطات <<<< بس حاسبى لا تنفخين وجهك او شئ... 3_اذا جاء المعرس خلي اخوك يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}. 4_في نهاية المشهد خلي ابوك يقول:معليش وانا عمك ترى البنت شوي محيوسه.......... وبهاللحظه الولد بينط على راس أبوك ويبوسه لين يشفط مخه ويقول متى العرس ياعم؟>>مين قدكـ، هع {تحذير مهم} ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى منقووووووووووووووووووول |
|
|
#2 |
|
|
رد: كيف تصطادين المعرس
ليه مافيه ردود ماعجبكم الموضوع:sdfsg:
|
|
|
#3 |
|
|
رد: كيف تصطادين المعرس
:5_1_123v[1]::5_1_123v[1]::5_1_123v[1]::5_1_123v[1]::5_1_123v[1]:
|
|
|
#4 |
|
|
رد: كيف تصطادين المعرس
مشكورة كثير حبيبتي على الموضوع
الأكثر من رئع ويشرفني اني أول وحدة ترد عليكي لكي ودي وتحياتي |
|
|
#5 |
|
|
رد: كيف تصطادين المعرس
ههههه
تسلمين ع الموضوع الرائع |
كيف تصطادين المعرس