صدقيني يـا حـيـاتـي مـا تــمـــنـيــت إلا انــتـي
.............................. ............ وإن عمري في حياتي ماوصلت لعشق غيرك
صدقيني لــو بــــيـدي امـلـكـك طــول الـحـيــاة
.............................. ............ عـمر قـلبي يـوم حـبك ما نـوى في يوم هجرك
صدقيني وزن الدنيا بكف وانتي ياعمري بكف
.............................. ............ كفـك الغـالب ياعـمري وتـرخص الدنـيا لغلاك
صدقيني انتي هـمي انـتي عمري انتي روحي
.............................. ........... ينـجـرح قـلـبي وقـلـبـك مابي مـنـه إلا رضــاك
صدقيني مهما أوصف لك مدى حبي وإعجابي
.............................. ........... مـا أوصــل معـنى حـبـك لأن روحـي في رؤاك
****************************

شفت البدر ويا الشمس وراك من الخجل يمشون
انتي الذوق وانتي الحسن وانتي الزين بألوانه
جيتك شايلٍ ورده حمرا عطرها موزون
وبس عرفت لمن بتروح ذبلة حيــل خجلانه
الا سبحان هالخالق امره بين كاف ونون
وهبك الحسن ويا الذوق وصرتي اول اركانه
كواكب هالسما بالليل لي من تظهري يسرون
ولو تمشين في وادي توقف ذل غدرانه
***************************
يا صاحبي ياللي تقول إنك تباني ما أبيك
ما بيك لو تذرف عيونك دم والله ما أباك
خلك مع اللي بعتني لاجله تظنه يشتريك
ما ينشرى من هو رخيص النفس يا مرخص هواك
فارج يعل العين متشوفك ولا تحسب اجيك
ما جيك لو ضامي وريجي ما يبله غير ماك
اعيش سكرات المنيه خير لي من أرتجيك
اعيش في قبري معا ميت ولا أحيا معاك
يامن عطيتك راس مالي قلبي ياللي هام فيك
يا من تمنيتك حلالي كنت أشوفك كالملاك
ذاك الملاك الطاهر اللي كنت أظنه يحتويك
يا محتوي كل المعاني الزايفه قربك هلاك
لو شفتني اغرق تحمل لا تمد إليا يديك
اتأكد إني مستحيل اقبل نجاتي من جداك
لو توصل انجوم الثريا لا تظن أرجع إليك
لو قلت لي قاسي فمن علمني القسوه سواك
يا واحدٍ عزيت شانه خاب ظني فيك
ما بين بعينك رفعتك وانت داني مستواك
أرخصت ناسٍ ما تساويهم لاجل خاطر عينيك
كنت اصبح وامسي على كلمة أنا روحي فداك
يالين راحت روحي وباتت عيونك تشتكيك
النفس شامت واجزعت لما تكشف لي غطاك
يا خاين العشره تخون اللي بروحه يفتديك
تلعب على الحبلين تلعبها مع منهو غلاك
قالوا تراه ما يكمل ولا صدقت فيك
هذي حقيقة والمهم ماني بذاك اللي بغاك
دارت بك الدنيا وتحسبني بلهفه احتريك
روح ترى لاول تحول يالله بس عطني قفاك