 |
  |
|
|
|
|
#206 |
|
|
رد: روايهـ في غااية الرووعهـ(سما غابة الأوهام)
الفصل الرابع والعشرين ..
سما تناظره: اي امور الي تبي تضبطها محمد: برتب لنا سكن وكذا ..سكت وقالها بعد تردد: سما انا ماراح اقول لأهلي اني تزوجتك سما حست بداخلها بالصدمه لكنها ماتقدر تلومه بعد كل الي سواه عشانها ..تبسمت وقالتها بهدوء: ليه ؟ انا ماكنت حلمك يامحمد ماكنت تبيني زوجه والا تغير هالشي بعد الي صار لي محمد يحط اصبعته عند فمها وبكل هدوء: اش .. لاتقولين كلام انا ماقلته ولا تفسرين على كيفك الي صار لازم تنسينه لأنه انتهى .. انتي حلمي ولأخر يوم بعمري بتكونين حلمي وحبيبتي ..انا بجد كنت ابيك زوجه لكن كنت بتزوجك مثل ماي واحد يتزوج اهلي يجونكم وبعدين يتم كل شي قدام الجميع ..صدقيني انا مو قصدي اهانه لكن سما ابوي صعب وانا كلمتك عنه قبل ماراح يتقبل السالفه لما اجي واقله تراني تزوجت لا وفيه بنت بالسالفه صدقيني يمكن يروح فيها حتى امي على طيبتها لكنها انسانه ملتزمه وكل شي عندها له ضوابط ماقدر اقول لهم وبكل بساطه انا متزوج ..انا مو طفل عشان اروح مصر وارجع لهم متزوج ..وش عذري ليه خبيت زواجي انتي وكنتي فاقده ذاكرتك انا وش وضعي .. هذول اهلي ياسما ماقدر اصدمهم هالصدمه صح ابوي قاسي لكنه رباني وعلمني وتعب عشان اوصل لهنا مو معقوله اروح واقول له هذي مكافئتك عشانك تعبت على تربيتي سافرت وتزوجت بدون علمك ماقدر صدقيني سما بعد مانزلت راسها: طيب وش الحل محمد حط يده تحت ذقنها ورفع راسها : اول شي لاتنزلين راسك ابد خليه دوم مرفوع ..ثاني شي ان شاء الله بلقى لها حل لكن مؤقتاً ماراح اصارحهم بشي سما ناظرت فيه والخوف يتملكها: محمد مو ناوي تخليني صح محمد بعد ماضمها لصدره بحنان وبدا يمسح على شعرها: لايابعد قلبي مو ناوي اخليك لأني اموت فيك ماكان ودها تبعد عنه وهي حاسه بحنانه يغمرها ..بنفس الوقت وصل لعالم ثاني وهو يشم ريحة شعرها الحلوه متأكد انه عمره ماراح يشم مثل هالريحه لابالعطورات الفرنسيه ولا العربيه ..بعد عنها شوي وبعد ماناظر وجهها الحلو حط يده على خصله من شعرها وبعدها عن عينها وقالها بحب: سما أنا احبك سما وهي مستحيه: انا بعد محمد وهو يضحك: للحين يابنت خلاص انتي زوجتي سما تناظره: تصدق للحين مو مصدقه محمد يتبسم: لاصدقي وقولي لي احبك ابي اسمعها سما بعد مانزلت راسها : احبك محمد حط يده تحت ذقنها ورفع راسها: قوليها كذا وانتي تناظريني سما بعد ماتلون وجهها بالون الأحمر:احبك محمد بعد ماتنهد: ياويلي اموت انا بالي تستحي ياناس : : الفندق والساعه تشير لل2 فجراً ماكان قادر ينام يفكر بقصة نوف الغريبه ويحس بالقهر معقوله فيه رجال ماعنده رجوله لهالدرجه .. حط يدينه تحت راسه وهو منسدح وقالها بصوت مسموع:انا لازم اكون اذكى منه عشان اقدر اطلعها من سجنه هالتعبان : : الرياض .. الساعه 2:30 الفجر وصل البيت دخل بهدوء وراح على غرفته الكل كان نايم والبيت هدوء.. بعد مانسدح على فراشه بدا يفكر بوضعه مايدري وش لازم يسوي وكيف يتصرف مستحيل يقدر يصارح ابوه بموضوع مثل كذا وكيف راح يقول لهم هالبنت بنته وشلون يحطها بالعائله بوسط اب مو ابوها وجد مو جدها وعم مو عمها .. مسح على شعره وهو يتنهد وبينه وبين نفسه : ياربي وش هالدوامه الي دخلت فيها كيف راح اقدر اعيش معها واتقبلها وانا عارف انها بنت حرام .. انا حاس اني للحين بصدمتي مو مصدق ان سما خبت علي كل هذا الصدمه خلتني بركان عيا ينفجر وياخوفي بكره انفجر وادمر كل الي حولي .. وسط تعبه وتفكيره اخذ جواله ودق عليها .. سما: هلا قلبي محمد بحبك : هلا بعد قلبي للحين مانمتي سما: لا فرح مو راضيه تنام محمد: يمكن عطشانه عطيها حليب سما: اعطيتها بس مدري وش فيها محمد يفكر: طيب يمكن بطنها يمغصها نوميها على بطنها سما مستغربه: وش عرفك انت بسوالف الاطفال محمد يضحك: ابد ماعرف لها بس كنت اشوف امي مع جود سما: اها طيب ليه مانمت محمد: ماقدر انام بدون لا اسمع صوتك سما مبسوطه: يابعد عمري محمد بعد ماسمع صوت فرح تبكي: طيب روحي شوفي بنتك وانا بروح انام سما بهدوء: طيب نوم العوافي محمد: الله يعافيك ..حط جواله ع الطاوله وغطى وجهه بالحاف وهو يحس بحراره بصدره وده يبكي مثل طفل صغير بأعلى صوته عشان يرتاح من همه ... غصب عنه بدا يفكر مره ثانيه: ياربي سما عندها بنت مو بنتي وهي الحين زوجتي انا وشلون بربي هالبنت انا عارف انها بنت حرام بس انا احب سما واحس اني لو تركتها بموت ياربي ساعدني مو معقوله هالحب يدمرني : : الشرقيه .. الساعه 4 العصر.. بجناحهم الخاص وقبال شاشة التلفزيون .. قالها بهدوء وهو مكتف يدينه ويتأمل شاشة التلفزيون: تصدقين اسيا انا حاس براحه من يوم الي تخلصت من موضوعي القديم قبل كنت احس اني مهما سويت الله ماراح يغفر لي لأني ضيعت بنات الناس بس الحين لا احس ان رب العالمين راضي علي وضميري مرتاح وكله بفضلك اسيا تتبسم: هذا كله عشانك انت تغيرت من داخلك خالد: الحمد لله انا انصفعت صفعه قويه صحتني من غفلتي انا لو ماصحيت من غفلتي كانت راح تزيد ضحاياي بس الحمد لله الي هداني بفضله اسيا تتبسم: الحمد لله خالد بعد ماحط يده على بطنها: متى راح يكبر بطنك اسيا ترفع كتوفها: مادري خالد: طيب متى راح يتحرك البيبي اسيا ترفع كتوفها: مادري خالد: طيب متى نعرف جنس المولود اسيا ترفع كتوفها: مادري خالد يناظرها: وانتي كل شي ماتدرين وش تسوين عند الدكتوره كل شهراجل اسيا: اسوي الي تقول عليه واجاوب على اسئلتها واطلع خالد: طيب وانتي ماتسألينها شي اسيا تهز راسها بالنفي: لا خالد: وليه ان شاء الله اسيا: استحي خالد : اها تستحين اقول انا بروح معك المره الجايه وبستلمها اسئله اسيا تضحك: طيب تعال معي احسن من السواق الي يسرع وياكل المطبات خالد وقف بسرعه وقالها بقهر: يسرع وانتي معه اسيا تمسكه وهي تضحك: اجلس اجلس شفيك عصبت امزح معك ابي اشوفك تخاف علي وع النونو والا لا خالد بعد ماقعد: اكيد اخاف عليكم ان ماخفت عليكم مين اخاف عليه بالله : : الرياض .. الساعه 4:30 العصر.. حط يده ع الجرس بعد تردد كبير .. شوي وجاه صوت اخته : مين؟ محمد: انا محمد حنان بعد ماضغطت الزر الي يفتح الباب: تفضل محمد بعد مادخل كان يمشي بالحديقه وهو يفكر بالكلام الي راح يقوله كل شي متلخبط براسه ولايدري وشلون راح يفتح الموضوع معها .. حنان بعد مافتحت باب البيت الرئيسي: هلا والله بالغالي ياحي من جانا محمد: هلا بك وش اخبارك حنان: انا بخير الحمد لله هاه وش عندك مو عوايدك تزورني محمد مرتبك: وش فيها حرام يعني ازور اختي حنان تأشر ع الصاله الفخمه: لا موحرام تفضل بعد ماجلسو قالتها حنان بسرعه: وش تشرب محمد بهدوء: مابي اشرب شي اجلسي ابيك بموضوع مهم حنان بعد ماجلست: انا قايله وراك شي محمد: اول شي ابيك تحلفين ان الي بقوله يتم سر بيني وبينك ومهما صار ماتقولين هالسر لأي مخلوق حتى زوجك حنان تناظره بأستغراب وبخوف: وش عندك يامحمد محمد بأصرار: بالأول تحلفين حنان: والله العظيم سرك ماراح اقوله لأي مخلوق محمد بهدوء: انا عرفت ان زوجك مسافر انتداب شهر .. عشان كذا قرت الجأ لك حنان :................ محمد: انتي عارفه انا كنت بمصر ..سكت وهو حاس انه يتصب عرق.. وهو يقول السالفه لأخته هذا وضعه وشلون لو كان يقول السالفه لأمه وابوه حنان تناظره: محمد وش فيك سكت محمد بأرتباك: انا تزوجت هناك وزوجتي خلفت بنت حنان تناظره مصدومه : تزوجت بدون علم امي وابوي محمد : ايه ظروف اجبرتني اتزوج وماكنت متوقع اوصل لهنا انا بجيب زوجتي الرياض وماعندي سكن عشان كذا قرت الجأ لك بنجلس عندك الين القى شقه اجار واضبطها لنا حنان وهي مصدومه: بتجيب زوجتك وبنتك عندي؟ محمد: اذا ماكان عندك مانع حنان: طبعاًَ ماعندي مانع البيت كله تحت امرك بس وشلون انا مو مصدقه محمد: لا صدقي حنان: وشلون راح تخبي موضوعي زي كذا على ابوي وامي محمد: بصارحهم بكل شي لكن بالوقت المناسب حنان: متى ناوي تجيبها محمد: اليوم انا كنت ناوي اخليها عند اهلها الين القى مكان لكن اول ماعرفت ان زوجك مسافر قرت اجيبها عندك خصوصاًُ وان هالسالفه خانقتني وكنت محتاج افضفض لأي شخص حنان تناظره: لكن محمد انت عاقل وعمرك ماكنت انسان متهور كيف تتزوج وتخلف بدون لاتكلم محمد يتنهد: ظروف ياحنان ولاتضغطين علي ترى الي فيني مكفيني حنان تتبسم: طيب ماراح اسألك شي وبجهز لكم احلى غرفه محمد: مشكوره ماقصرتي حنان: شدعوه انت اخوي محمد: الا وين ولدك حنان: نايم محمد: مشى والا باقي حنان تتبسم: لا باقي بدري عليه يمشي محمد: كان ودي اشوفه حنان: الايام كثيره لاتنسى انك راح تسكن عندي بس وش راح تقول لأبوي وامي محمد يتبسم: بسيطه بقول لهم بجلس عندك الين يرجع زوجك لأنك لحالك حنان تبتسم: صح عليك فكره معقوله : : الساعه 8 مساءً.. خلاص ماعاد يقدر ينتظر اكثر ..راح البنك سحب 4 الاف ريال .. راح البقاله شرى شوكلاته وعصير وحطه بمخباته وتوجه لشقة سعود .. بعد ماوصل عند باب الشقه اخذ نفس وحط يده ع الجرس سعود بعد مافتح الباب : نعم سعد سند يده ع الباب وقالها بخبث: انا سمعت ان عندك بنت حلوه وحركات سعود يناظره: مين قالك سعد: واحد من الشباب سعود: وش اسمه طيب سعد والي يخفي ارتباكه : سامي محمد سعود يفكر: ماعرفه سعد: الزبده انه قالي وانا ابي ادخل على هالبنت سعود يناظره: كم تدفع سعد: 3 الاف سعود يقفل الباب: ماعندي بنات سعد يمسك الباب بسرعه: طيب 3500 سعود : شف 4000 ولاريال ينقص وش قلت سعد يطلع الفلوس: موافق سعود يتبسم بعد ماخذ الفلوس : تعال وراي اول مافتح سعود باب غرفة نوف شافها وهي جالسه بنهاية الغرفه منزله راسها واضح التعب عليها سعود: طق الباب عشان افتح لك سعد : طيب نوف رفعت راسها اول ماسمعت صوت سعد هالصوت تعرفه زين تبسمت لما شافته وقالتها بأبتسامه ملاها التعب: انت جيت سعد قرب منها وجلس بجنبها: انا وعدتك بساعدك وماكنت اكذب عليك ..ناظر فيها وقالها بقهر: وش مسوي فيك حسبي الله عليه لكن اقسم بالله بخليه يندم بعلمه وشلون يلعب بأعراض الناس .. دخل يده بمخباته وطلع شوكلاته اعطاها واحد ومسك الثاني ..دخل يده بالجيب الثاني وطلع عصير وقالها وهو يضحك: شوفي لبست بنطلون بجيوب سحاب بس عشان احط الاغراض فيها يالا كلي معي نوف وهي تبكي: انا مابي اكل الي مثلي ماتبي شي غير الموت سعد والي ارتبك: لا لا لاتبكين تكفين شوفي كلي وربي بساعدك نوف حطت يدينها على وجهها وبدت تبكي بحسره: انا خلاص تعبت احس ماعاد اقدر اعيش انهد حيلي وانا صابره واقول بكره ربي يفرجها سعد والي انكسر قلبه عليها كان يحس بنبضاته راح تخترق صدره رغم تعبها وشكلها الي هده التعب الا انه كان حاس بحبها بصدره غريب هالأحساس وحلو لدرجه حس انه هالمشاعرتستاهل سنين الأنتظار كان يقولها بينه وبين نفسه: لاتبكين ياروحي انا انتظرتك سنين ..وبصوت مسموع: انتي ليه رجعتي هنا؟ نوف: وثقت بكلامك سعد: خلاص لاتبكين وكلي انا بساعدك اوعدك يومين بس وبطلعك من هنا نوف اخذت لوح الشوكلاته وفتحته وبدت تاكل بهدوء سعد والي انبسط طلع جوال من مخباه الخلفي واعطاه لنوف: شوفي هالجوال خليه معك تكلميني لما يطلع هالتعبان من البيت ..الجوال صامت ورقمي مخزن فيه وخزنت لك رقم خالد للضروه انا لما ابي شي برسل رساله ..اهم شي تخبين الجوال زين لايشوفه سعود طيب؟ نوف: طيب سعود: انا لما امشي ابيك تنامين طيب نوف: طيب سعد يناظرها: وعد؟ نوف: وعد .. كانت حاسه ان سعد هو الفرج الي جاها من رب العالمين وانه بجد راح يساعدها .. هي السبب بكل شي وصلت له لكنها عارفه غلطتها زين وعرفت اي مستوى كانت فيه والي وصلها لهالكابوس : : الشرقيه.. الساعه 9:30 مساءً.. راحت بسرعه للجوال وبعد ماناظرت بالشاشه كان محمد المتصل .. ردت عليه بسرعه: الو محمد بهدوء: سما انا حجزت لك على طيارة الساعه 10:30 اقرب حجز لقيته بسرعه جهزي اغراضك وروحي المطار انا بنتظرك بمطار الرياض سما: طيب جهزت اغراضها بسرعه وبعد ماودعت ابوها واخوها توجهت للمطار مع السواق .. بعد ماركبت الطياره بدت تفكر: محمد اكيد ماقال لأهله انه متزوج ولاتدري وين راح يسكنون قال لها راح يضبط سكن وبسرعه دق عليها عشان تلحقه الوضع ماكان مريح بالنسبه لها حاسه انها ورغم كل شي صار للحين ضايعه خايف يتركها محمد خصوصاُ وانه كان بارد بردة فعله كانت متوقعه يعصب ويتركها او حتى يغلط عليها بالكلام لكن الي صار عكس توقعاتها تماماً .. وسط افكارها وصلت الطياره ع الرياض ..بعد مانزلت من الطياره وبالمطار الي كان شبه مزدحم شافته وسط الزحام ..اخذ الشنط وبعد ماحطهم بالسياره تحرك بسرعه لبيت أخته.. سما بتردد: محمد ماقلت لأهلك صح؟ محمد بهدوء: قلت لك ماراح اقول لهم سما: طيب وين راح نروح الحين؟ محمد: بيت اختي بنسكن عندها الين القى شقه واضبطها لك سما تناظره: وقلت لها انا مين ؟ محمد: قلت لها زوجتي تزوجتك بمصر سما : وقلت لها عندك بنت؟ محمد: ايه قلت لها وقف السياره عند البيت وناظرها: يالا انزلي سما بأرتباك: وصلنا ؟ محمد وهويأشر ع البيت: ايه هذا بيتها نزلت معاه وهي حاسه بتوتر مو مصدقه انها راح تشوف اخته .. اول مادخلو البيت جات اخته بأبتسامه عريضه وبحماس: هلا والله بزوجة الغالي ..اخذت فرح وبدت تمسح على خدها بحب: ماشاء الله حلوه بس تصدق ماتشبه لك احسها تشبه امها اكثر محمد بينه وبين نفسه: ايه وشلون تشبهني وهي ماهي بنتي حنان والي كانت ملامحها ناعمه وكلها طيبه : انا جهزت لك غرفتك واي شي تحتاجينه انا تحت امرك سما بأبتسامه: مشكوره .. كانت مبسوطه من استقبال حنان الحلو مالقت مثل هالأستقبال بكل حياتها لا بيت خالها ولا بيت ابوها اول مره راحت لهم .. بعد مادخلت غرفتها ناظرت فيها بفرح كانت غرفه حلوه وتفوح منها ريحة العود والبخور .. حطت فرح ع السرير وناظرت بمحمد: اختك قلبها كبير مثلك محمد يتبسم: انتي مين يشوفك وقلبه مايكبر عشانك سما بخجل: الي قلبه كبير يكون كبير للكل محمد يناظر فرح: لازم نشتري سرير لبنتك سما تناظره: لين متى راح تقول بنتك محمد : وش اقول اجل حتى لو كانت بنتي كنت بقول بنتك سما بحزن: لاتضحك على نفسك .. محمد لو كانت بنتك كنت راح تقول بنتي او البنت والاراح تناديها بأسمها بس انت دايم تقول بنتك محمد انا مابي بنتي تحس انك مو ابوها محمد والي يبي يغير الموضوع: جوعانه سما والي حست بالحزن: لا برتب اغراضنا انا وبنتي محمد: طيب انا بروح اجيب اغراضي سما: طيب بعد ماطلع جلست ع السرير وبدت تبكي وهي تناظر بنتها : ياربي مادري انا غلطت والا لا الظاهر محمد مو قادر يتقبل البنت انا مالومه لكن مابي هالبنت تكبر وبداخلها عقده مابيه يعاملها مثل غريب دخل حياتها فجأه .. بدت تمسح شعر فرح بحب: انا احبك واقدر اضحي بكل شي عشانك انا لازم ازرع حبك بقلب محمد |
|
|
#207 |
|
|
رد: روايهـ في غااية الرووعهـ(سما غابة الأوهام)
انشالله انكون فرحتكم...لان الباين ان حبيبتي كيلو بترا مو فاضيه..
وانا عارفه ان الكل يستنا < <فحبيت افجائكم...انشالله اتكون مفاجاءة حلوه |
|
|
#208 |
|
|
رد: روايهـ في غااية الرووعهـ(سما غابة الأوهام)
مشكوره اختي ريمه مع انو كنت توني داخله عشان انزلها لكن ع العموم مشكوره يالغلا
|
|
|
#209 |
|
|
رد: روايهـ في غااية الرووعهـ(سما غابة الأوهام)
okhti rima khali kilopatra hiya tkamil al9isa ihna t3awdana in kilopatra hiya ili tkamil
|
|
|
#210 |
|
|
رد: روايهـ في غااية الرووعهـ(سما غابة الأوهام)
السلام عليكم
مشكورة يا أخت ريمة البراري بس هذا البارت قريته من منتديات غرام قبل لا تنزلينه وقاعدين نتظرك يا اصل الذوق يا كليوبترا لان الجديد اكيد عندك واحنا على جمر الشوق تقبلي تحياتي |
