مساعده صغيرونه بليز

**أعقل مجنونه** · 08-28-2008, 04:02 AM

السلام عليكم
كيفكم يا احلى بنات في احلى واروع منتدى

انا بصراحه ابي مساعدتكم عندي عزيمه يوم الجمعه ومحتاره مادري ايش اسوي حلا انا ابي منكم تساعدوني وتعلموني طريقة حلا حلو مره ويبيض الوجه

لان الضيوف غاليييين علي مره مره ومافيه احسن منكم يابنات يعلمني بألذ حلا يعني داخله على الله ثم عليكم ساعدوني

**walha** · 08-28-2008, 05:21 AM

عندي صنفين من الحلى 1-الاولى حلى كيك بيتي كروكر بنكه الشوكلاته بصرحه انا احبه حيل طعمه شي رهيييييييييييب كيك بيتي كروكر 2_ بكت دريم ويب 1- قشطه بلادي او قشطة قيمر 1- ملعقه شوكلاته بودره 1- فنجن شي حليب موذاب في ماء بارد الطريقه نقوم بخبز الكيك الجاهز بيتي كروكر مع مرعاة المقادير الي على كرتونات الكيك نضيفه بضبط ونترك الكيك الين مايستوي بعدها نترك الكيك يبرد ونقوم بتفتيت الكيك في صينيه بيركس ناخذ نصف الكميه من الكيك المفتت ونحطه بصينه البيركس ونترك الباقي على جنب نسوي خلطه مكونه من قشطة قيمر ودريم ويب وملاعقة شوكلاته وفنجان شاي المكيل حقي الي مليان حليب مذاب في ماء بارد ونخلطهم في وعاء الين يصير مثل الكريمه ثقيل ونضع الخليط على الكيك المفتت الي بصينيه وبذلك تصير طبقه وبعدين نجيب الكيك المفتت الطبقه الثالثه ونغطي الكريمه ونتركه المدة ساعتين بثلاجه وبل الهنا ء والعافيه وان شاءالله تعجب ضيوفك نسيت اقولك بعد ماطلعيه من الثلاجه قطعيه شوي شوي

**حلم عمري** · 08-28-2008, 05:22 AM

اقتباس:

المشاركة الأصلية كتبت بواسطة أعقل مجنونه

السلام عليكم
كيفكم يا احلى بنات في احلى واروع منتدى

انا بصراحه ابي مساعدتكم عندي عزيمه يوم الجمعه ومحتاره مادري ايش اسوي حلا انا ابي منكم تساعدوني وتعلموني طريقة حلا حلو مره ويبيض الوجه

لان الضيوف غاليييين علي مره مره ومافيه احسن منكم يابنات يعلمني بألذ حلا يعني داخله على الله ثم عليكم ساعدوني

وابشركي سهل مرة وماياخد الاتقريبا ربع ساعة ----

المقادير\\\

8حبات جبنه كيري
3علب قشطة
علبة بسكويت اولكر مطحون اواي بسكويت
6حبات جالكسي
أي كيك شوكلاته جاهز

الطريقة\\\

تقطع الكيكة وتوضع كطبقة اولى في الصينية

في الخلاط \ نضع8حبات جبنة كيري+علبتان قشطة+بسكويت اولكر+ملعقتان سكر حسب الرغبة

يخلط ويوضع على الطبقة الاولى ويوضع في الثلاحة ليتماسك قليلا

واخيرا يذاب الجالكسي في حمام مائي وبعد ذوبانه يضاف إليه علبة قشطة ونخلطهم ثم نضعه

وهو حار كطبقة اخيرة ويوضع في الثلاجة وبالعافية عليكم ادعلي بالتوفيق

**walha** · 08-28-2008, 05:35 AM

الحلى الثاني حلى زبدة الفول سودني انا اسميه سنيكرس طعمه يشبه له كثير مقاديره 2-بكت بسكوت شاي مطحون 1-علبه قشطه اي نوع 2 بكت دريم ويب 5- ملاعق زبدة فول سوداني ملاعقتين كاكاو 1- علبه كبيره حليب مركز نستله فنجان شاي حليب بودره مع ماء بارد الطريقه نجيب صينيه وسط ونضع البسكوت مع حليب نستله ونمزجها بل الملعقه مع بعض ونفرد البسكوت الي خلطنه مع حليب المركز بصينيه وبعدين ندهن عليه زبدة الفول السوداني ونغطي البسكوت بزبدة الفول السودني وبعدين نحط بل الخلاط دريم الويب والكاكاو والحليب المذاب في ماءبارد الي كان مكيلها عباره عن فنجان الشاي والقشطه ونتركه يخلط بل الخلاط المدة 5 دقايق وبعدين نضع الخليط على زبدة الفول السوداني وتكون هذي اخر طبقه والله حلى الكل كله يشكر فيه كل اهلي وصديقاتي عجبهم اذا مافهمتي شي ردي قلبي وبل الهناء والعافيه ان شاء الله يعجبكم

**أعقل مجنونه** · 08-29-2008, 02:40 AM

فديييييييييييييييييييييييييتكم يسلمو يالبا قلوبكم ونورتو صفحتي بمروركم العطر

**أعقل مجنونه** · 08-29-2008, 03:05 AM

وله حياتي يسلمو ماقصرتي ياقلبي بس عندي سؤالين

الاول يخص الحلا الاول بعرف كم طبقه يصير الحلا بالصينيه يعني اول شي الكيك المفتت بعدين الخلطه الثقيله وبعدين الكيك وبعد الكيك احط طبقه ثانيه ؟ يعني كم طبقه ثلاث والا اربع

السؤال الثاني يخص الحلا الثاني اخلط البسكوت مع النستله مع زبدة الفول السوداني والا البسكوت والنستله طبقه والفول طبقه ثانيه؟؟؟

ياليت ياحياتي تردين بسرعه ياقلبي لاني مستعجله وماقصرتي

**walha** · 08-29-2008, 05:50 AM

الحلا لاول عباره عن ثلاث طبقات الطبقه الاخيره عباره عن باقي(( الكيك المفتت )) ام الحلا الثاني عيوني نضع البسكوت المطحون بصينيه ونضع عليه علبة حليب نستله كامله ونخلطه كويس الين يصير شبه عجينه متماسكه وبعدين نفرده بنفس الصينيه وبعدين نضع زبدة الفول لسودني طبقه الثانيه وذا كانت جامده نضع عليها ملعقتين ماء دافي عشان يسهل توزيعها على البسكوت المطحون وان شاء الله يعجبك ويعجب ضيوفك

**walha** · 08-29-2008, 06:36 AM

عادي لو فيه اي شي مو فهمته ردي علي وانا اوضح لك عيوني

**أعقل مجنونه** · 08-29-2008, 04:00 PM

لا ياحياتي ماقصرتي كل شي واضح تسلميييييين مشكوره بقوه لتفاعلك معي