رد: السر العجيب بقيام اليل , والدعاء, والاستغفار.. قصص رآآئعه .. متجدد ..
السر العجيب بقيام اليل , والدعاء, والاستغفار.. قصص رآآئعه .. متجدد ..
تقول آحد الاخوات أتذكر مرة كنت متضايقة وأحس إني مخنوقة
جلست أقول أستغفر الله وأتوب إليه
والله حسيت بانشراح عجيب في صدري
وازال الله عني ما أهمني
وكنت في ذلك الوقت جالسة في السكن الجامعي بعد
الاستغفار مرت علي وحدة وسلمت علي وأنا مستغربة
لأن هذي البنت كل ما أكون جالسة تمر ولا تسلم هالمرة سلمت
قلت سبحان الله هذا بسبب الاستغفار
الحمد لله رب العالمين على كل نعمة ظاهرة وباطنة00
كان جهازي متعطل ..
كلما اشغله يعلق .. ولا أقدر ادخل النت .. حاولت ان اخوي يوديه عند المهندس يصلحه ، في كل مرة يقول ان شاء الله .. ويسوّف .. مر أكثر من شهر وهو متعطل .. أستغفرت الله بنية إن الله يصلح لي شأني كله .. وجيت مرة فتحت الجهاز من الطفش .. وأنا متوقعه يعلق .. لكنه والحمد لله لم يعلق وأجلس على النت بالساعات دون تعليق ولي الحين أسبوعين ولم أحتج إلى مهندس سوى الاستغفار ..
وابغى اقول لكم حكايتي مع الأستغفار
انا لي صديقه مرره قريبه من نفسي...وكذا مره تصير مشاكل واروح اتعذر لها علشان العشره الي بينا ويمشي الحال..وعمرها ماجت عندي وتعذرت..انا الي دايم اعتذر...هذاك اليوم سوتلي سالفه كبيره وزعلت مني وانا ماسويت شي
المرره هذي اتكلت على الله ولزمت الأستغفا ر....طول الوقت بلساني من صارت المشكله الى اليوم الثاني وانا لازمته....فجأه اليوم الثاني الظهر دقت علي وقالتلي دقيقتين وانا عندك!!!!ماستوعبت..اول مرره تسويها وتجي وتفكر انها تحل الموضوع!!انا قمة الأستغراب
والمشكله انحلت بكل بساطه
ياناس الأستغفار الأستغفار..هذي فعلا مشكله صغيره بالنسبه للمشاكل الباقيه..بس هذي دلاله ان الله معنا في كل خطوه0000000
بقول لكم تجربتي مع الاستغفار
أنا جربته بعدة مواقف بس أقربها كان من 13 يوم كانت امي الله يرحمها مريضه وتعبانه حيل
وبصراحه توقعت ان الله يتوفاها مادري ليه بس احساس جاني كذا وبدأت نفسيتي تنهار شوي شوي وكان وقت صلاة الجمعه قرأت سورة الكهف وظليت استغفر وصليت ورجعت استغفر
وكنت ابي ربي يثبتني وماأجزع اذا حصل شي بأمي ,وكنت قبل أقول اذا صاب امي شي بيوقف قلبي مابتحمل بس بفضل الله ثم بفضل الاستغفار لما عرفت بوفاتها صدق بكيت وبحرقه بس ماجزعت والحمد لله حسيت تقبلي كان أقل مما توقعت
الحمدلله على كل حال ونصيحه الاستغفار دواء وعلاج بيد كل انسان لازم يستغله
|