|
رد: السر العجيب بقيام اليل , والدعاء, والاستغفار.. قصص رآآئعه .. متجدد ..
السر العجيب بقيام اليل , والدعاء, والاستغفار.. قصص رآآئعه .. متجدد ..
برمضان الله يعيده علينا وعليكم بالخير يارب ,,
متعودين ان الوالد يعطينا كسوتنا من اول الشهر واحيانا من شهر شعبان ,,
الي حصل هالسنه انه كان عنده التزامات ماديه ورواتب عمال ,, وموظفين ,,
فا تأخر علينا وماعطانا فلوسنا الا بالعشر الأواخر ,,,
لا واعطانا اياها ناقصه مو زي كل سنه ,,
ماتصورون ضيقة صدري واني انقهرت انه ماشرينا والله حتى قطعه وحده للعيد
وبعد الفلوس ناقصه مو زي كل سنه ,,,
خلاص بذاك الوقت انا مت قهر والي زودها علي انه اخر الشهر تحسين انه الملابس قضت هع
الناس خلصوا الشي الزين والحلو مادري كذا تفكيري ,, او لاني متعوده اخلص بدري دايم
المهم حمدنا ربنا ,, افطرنا وتوكلنا على الله مسكنا خط لجده .,, والطريق من مكه لجده ساعه
طول هالساعه وانا استغفر ,,, بنية ان الله يطرح البركه بفلوسي
ويسهلي والاقي كل شي ابيه وبسرعه ,,, لانه ذوقي صعب ومو أي شي يعجبني
و انا رايحه وبما اني الكبيره احم احم ,, ملزومه انقي مع خواتي وعددهم 4 ماشاءالله ملابسهم ,,
عشان كذا ابي اخلص بسرعه وافضالهم ,,
المهم رحنا ,,, واول مادخلنا السوق يمكن ثاني محل ادخله والاقي فستان والله يابنات عجبني من اول ماشفته
وانا طبعي شين ماشتري بسرعه احب الف السوق وبعدين اشتري ومو أي شي يعجبني لازم شي غريب وحلو
المهم ربي اكرمني والفستان عجبني انا وخواتي وانهبلوا عليه مرره الحمد لله
والله يابنات طلعت من السوق وانا تقريبا 4/3 الي ابيه لقيته ,,, ومابقيلي غير اشياء بسيطه
والعاده انا ماخلص اشيائي بسرعه واغتث واعاني عبال مالاقي شي يناسبني لكن التيسير والتسهيل الي صارلي بفضل الله اولا ثم الاستغفار ,,
والشي الثاني ,,, انه مصروفي انا وخواتي نفس بعض الي عطاني ابوي اعطاهم ,,
بس الي يونس انه انا فلوسي كفتني ونزلت فيها البركه ,, وكانت ملابسي اكثر من خواتي
واخواتي ياحرام وحده زادت على فلوسها من راتبها ,,, والثانيه كانت مشتركه بجمعيه وزادت من الجمعيه
الي جاتها ,,
والله خواتي استغربوا ,,, ان فلوسي مازدت عليها شي وماشاءالله نزلت فيها البركه وفلوسهم على انهم زادوا بس بعد ناقصهم ,,,
مايستفاد من الموضوع ::
ان الاستغفار سبب للرزق والبركه ,, وبعد الله تتيسر اموركم وتسهل ,,,
انا تجاربي مع الاستغفار يمكن البعض يشوفها عاديه
بس والله كانت شي اكثر من رائع لي ونستني مرره ,,
من لزم الاستغفار جعل الله له من كل هم فرجا ومن كل ضيقا مخرجا ,,,
استغفر الله الذي لا اله الا هو الحي والقيوم واتوب اليه ,,
للمعلويه ====>> 1000 استغفار ماياخذ معكم حتى 10 دقايق او اقل بعد,,
بعد كل صلاه ,,, استغفري 200 مره يعني تقريبا دقيقتين او بالكثير 4 دقايق ,,
200 * 5 = 1000 مره باليوم ,,
والي مثلي كل يوم تداوم ,, بالطريق وانتي رايحه وانتي راجعه استغفري ,,,
و بين المحاضرات ,,,
ربة البيت ,,, بالمطبخ وانتي تطبخين ,,
وانتي تتمكيجن لزوجك ,,, وانتي ترتبين ,,
وقبل النوم ,,,
استغفروا يابنات ,,, العريس بيجيك طاير ان شاءالله ,,,
ياموظفات ,,, عشان ربي يطرح البركه برواتبكم ,,,
يالمتزوجات ,, ربي يرزقكم بالذريه الصالحه ,,
ويصلح حال زوجك وعيالك ,,
مايكلفنا شي ,,, دقيقه دقيقتين ربع ساعه ؟؟؟!!!!!!! ماتوقع بتكلفنا شي ابدا
اتمنى من كل من تدخل موضوعي ,, واستفادت منه ,, تدعيلي بظهر الغيب ,,
والي حابه تنقل أي موضوع عن الاستغفار من الي نزلتهم ,, الله يجزاها خير يارب
تنقله وتوديه وين ماتبي ,,, ولها اجر كل من يعمل به ,, والدال على الخير كفاعله ,,
اختكم :: مخفوقه بالزبده ,,,
|