يا أهل مصر

اقتباس:

المشاركة الأصلية كتبت بواسطة القمر اللامع

يعنى ايه مفيش حاجه اتحققت هم عايزين ايه اكتر من انه فوض وظائف الرئاسه لنائبه
والله شعب مصر ده شعب ظالم مش الرئيس حسنى هو اللى ظالم انتوا يا شعب مصر مش شايفين الحاله اللى كان بيتكلم بيها امبارح فى خطابه والله باين عليه التعب والمعناه من هذا الشعب الظالم

شكرا يا نيره على التوبيك الرائع ده

ربنا يخليكي يا حبيبتي ويباركلك

اقتباس:

المشاركة الأصلية كتبت بواسطة جميله الجميلات

انتى عندك حق ياقمر فى كل كلمه قلتيها وفعلا جميع الاديان بتدعو باحترام الكبير وده كبيرنا والرئيس بتاعنا ماهما كانت عيوبه مينفعش وعيب جدا اننا نهينه ولا نخرجه بالطريقه ديه بعد 30 سنه

واحنا مع الاسف حكمنا راينا وخلاص والى فى دماغهم عملوه وهو عمل ياقمر لولا 2011 غير الوزراء ولو كنا صبرنا شويه كان ممكن اشياء كتير تتغير بس احنا خلاص حطينا فى دماغنا ان رئيس يمشى يبقى يمشى وانا من راى ان الفريق احمد شفيق كلامه كان معقول وبسيط وكان هيكون فى تغير
احنا للاسف بصينا على نصف الكوب الفارغ الى متحققش بس للاسف وكايزين كل شئ يحصل فى ثوانىوفى نفس الوقت وكان ده هيحصل بعصايه سحريه ربنا خلق الدنيا فى ست ايام

واحنا بشر

والى حصل حصل واليوم الرئيس اتنحى

بس احنا لازم نشكره لانه فى ناس كتير طبعا هتقلى نشكره على ايه

فى مثل بيقول العشره متهنش غير على الخاين وابن الحرام

وده عشره 30 سنه مهما عمل هو كان الرئيس وكرامته من كرامتنا مينفعش نشتمه الشتايم ديه

لانه احنا لما بنشتمه يبقى بنشتم نفسنا لانه الرئيس مهما كانت عيوبه

وانا لما افتكر لحد حاجه افتكره الخير بس وانسى اى شئ تانى حتى لو كان الخير ده

اقل بكتير من العيوب الحسنه تمحوا السيئه

وكفايه ان فضل حامى البلد لحد ماظبط الامور وبعد كده ساب الرئاسه وسلمها للقوات المسلحه

ولو رئيس تانى بعد الهجوم الى حصل عليه كان ساب البلد ومشى وقال الى يحصل يحصل

وهو متمسك انو يعيش ويموت فى ارض بلده واحنا عايزين نخرجه منها

هى بلده زى ماهى بلدنا وهو مصرى زينا زيه مهما حصل

وعلى العموم فات اوان كل الكلام ده

وكفايه انو قبل مايمشى امر بتعديل الدستور ومسك القوات

كان ممكن يمسك فتحى سرور رئيس مجلش الشعب وساعتها ماكنش هيبقى فى تغير

فى الدستور ولا حل مجلس الشعب وحتى الرئيس الجديد الى كان هيجى كان هيجى على الدستور القديم وساعاتها هتبقى نفس المشكله

ربنا يستر على الايام الجايه وتعدى على خير يارب

جزاكى الله خير

اقتباس:

المشاركة الأصلية كتبت بواسطة قلب الربيع

عزيزتي
كان الشعب المصري في 18 يوم يتظاهر سلميا ... يقف في مكانه والاعتداء يأتي من الخارج ... يسقط قتلى وجرحى بين الناس ؟؟ اي قانون دولي واي عرف واي شعب يقبل بهكذا اهانه ؟؟ اي وزارة تلك التي تظهر في القنوات لتقول " الشعب المصري غير جاهز للديموقراطة "
اي نظرية سياسية درست لشخص يقول " هنبعت للمتظاهرين " بون بوني "

لقد تعودت شعوبنا على الوعود الواهية ... واصبح اساس كل حملة انتخابية والتنافس على "اي نائب ستكون كذبته مقنعه اكثر "

اسمحي لي والنقاش لا يفسد في الود قضية ولكن : لم لم يقم رأسنا "كما سميته" بالاصلاحات قبل ذلك "طالما يستطيع ؟" لماذا ينتظر حتى يبلغ السيل الزبى وما عاد باليد حيلة ؟

:084:

لا دين ولا تربية تسمح بكل الاهانة دي وهى كانت كلها 6 شهور وماشي اللى استنى 30 سنة يستنى 6 شهور وعيب كل العيب اللى حصل ده ومهما حصل هيفضل رئيسنا وعلى راسنا

وبنقولك احنا اسفين يا ريس حقك على راس كل مصري غلط فيك

اقتباس:

المشاركة الأصلية كتبت بواسطة فدو العنزي

مبروؤوؤوؤك ياشعب مصر

الله يوفقكم

المصيبه تجي هنا

ايه الي حيحصل دلوقتي

يعني شو الخطوه التاليه

والله قلبي عندكم

وخايفه عليكم

الله معاكم ..||

ربنا حامى مصر والرئيس مبارك مش هيتعوض تانى

ومهما حصل هيفضل رئيسنا

اقتباس:

المشاركة الأصلية كتبت بواسطة قلب الربيع

جميلة الجميلات يا اختي
على فكرة ... الوطن من غير مواطنين لا يسمى وطن ...انما منفى...
الوطن هو المكان اللي يحتضن اهلو والمكان اللي فيه اهلي هو وطني ... الرئيس مبارك تنحى ، ولكن جميع المصرين اصحاب اليوميات هترفع ثوؤتهم روسهم وهيبقوا يقبضوا بدل اليوم يومين ، يا سيدتي العزيزة ، المصري في بلاد العالم هم محط انظار الشفقة ، دعيني اذكر لك مثالا واحدا ..
عندنا في الاردن العامل المصري بيقبض نصف المرتب اللي بيقبضو الاردني في نفس ظروف العمل ، هل هناك من ظلم اكبر من هذا الظلم ؟ هل يعقل ان بلد بخيرات مصر يضطر فيها الانسان ان يسافر الى الغربة عشان يقبض فلوس ؟ بلاد النيل طفشت اهلها ، ليه ؟ عشان في حيتان بتاكل ، بتسرق ، بتنهب ، بتنام وضمايرها نايمه .
عزيزتي ،
المصلحة العامه تقول ان الشعب يريد ارواح جديدة تدير البلاد ، شباب لم يهرموا الا جوعا وذلا ، عقول نيرة حكيمة ، قد لا يصلح الوضع فورا لكن في يوم من الايام سنرى عالما جديدا نعيش فيه تحت جناح الديموقراطيه ، لنعيش بالايمان ، بالحب ، ونقدر قيمة الحياة.

تقبلي حبي وتقديري

مع احترامى ليكي بس مسمحش ليكي انك تهيني اى مواطن او مسئول مهما صدر منه

الكل اتعاقب واخد جزاءة فياريت بلاش نهش فيهم اكتر من كدة

والسرق والنهب والضماير النايمه اللى انتى بتقولى عليهم دول موجودة في كل دولة عربية واوروبية

زى ما في الحسن في السيئ أظن مفيش دولة كلها ملاك ولا ايه ؟