 |
  |
|
|
|
|
#1 |
|
عضوة شرفية |
لحن آلمفآرق .. !
آلسلآم عليكم ورحمة الله وبركآته شخبآركم كتبت قصتها وقصة حبها لتكي عن ما بجوفها دون علم احد سواكم لهآ آلمآيك .. آستمتعوآ دشيت صالة العرس وانا مرتبكه خايفه كنت قايله حق الكل اذا بجيت بهاليله بجي عشانه بجي حبنا اللي مات بجي حبنا اللي احنا عارفين نهايته وظروفنا وتخلف القبايل ما يصير الا من نفس القبيله وبما اني عجمية واهو عازمي توترت اكثر حاولت امسك نفسي الكل كان يمي ومعاي بس انا قلبي كان بمكان ثاني كان برا الصاله كنت ادري انه بيحضر وعدني انه بيكون برا ما كنت ابي شي من هالدنيا بس كنت ابيه اهو حبيته عشقته عشنا 4 سنين من احلى ايام حياتي اللي عشتها كان بالي مشوش كنت افكر بمليون شي بوقت واحد بس الشي الوحيد اللي كنت اعرفه واذكره ان هاليوم اخر يوم لنا وكلن بيروح بطريجه بس قلوبنا وحده كان ودي اهد العالم كلها واطلع برا اشوفه كان يقولي خلج قويه لا تبجين انا بكون برا ترى انا جاي لاني بكون معاج لاخر لحظة لا تقعدين تبجبجين خلج قوية وانجبي ابيج تكونين عروس لا تخربين كشختج كنت ادري يقول هالكلام وبقلبه شي ثاني ما انسى امس قبل العرس بليله تمنيت الساعه توقف ما تمشي ما يجي باجر اقوله عبدالله مابي باجر بدونك كان يحاول انه يصير قوي جدامي عشان يعطيني من قوته بس بعدين ما تحمل سكتنا فتره بس كنا ندري كل ثانيه راح نتمنى انها ترد قالي كلام واجد ما فهمت منه غير احبج وعدني يسمي بنته حنان على اسمي حسيت من كلامه خانقته العبره انا طول ما كنت اكلمه دموعي تنزل اول مره ابجي عنده وما يسكتني يدري ماكو كلمه تنقال ولا اني انلام قالي حنان قتله عيونها قلبها روحها دنيتها قال ليش الدنيا جذي كل شي نبيه ما يصير , كل شي نتعلق فيه يروح منه سكت مالي رد الا دموعي تشرح وضعي يقولي اكرهه تاريخ باجر ماحبه يمكن انتي بعدين تعودين عليه وتحتفلين فيه مع غيري بس انا اكرهه ضاعت هالامنيات راحت الاحلام مرت الايام وانتهى كل شي اشوفهم كلهم مستانسين ويعدلون لي الطرحه وحده ترفع النفنوف اطالع نورة ابيها تقعدني يمكن يطلع حلم اشوف هيا اقولها يمكن مسوين لي مفاجئه يطلع اهو المعرس كل وحده تصد عني تحاشى عيوني كانوا يفهموني بدون لا اتكلم خالاتي عماتي كلهم حولي يمكن امي يومها ما شاركتني فرحتي كنت ابيها يمي مثل اي بنت بالدنيا امي توفت من وانا صغيره وتزوج ابوي وصار عندي اخوان من ابوي كنت ساعات اتضايق تفرق معاملتها معاي ومع اخواني مريت بايام سوده ما يعلم فيها الا الله ثم عبدالله مادري شنو راح اسوي من دونه ما كنت اقدر اقول حق احد غيره اهو هواي ودنيتي كلها كان يقولي انا ابوج انا امج انا اهلج صحيت من تفكيري على بداية اغنية الدخله حتى تفكيري يعتبرونه خيانه خايفين يشوفون العالم حبه بعيوني خايفين تشوف الناس حبه بدموعي تشدني خالتي من ايدي ليش ليش ليش صار كل هذا وشلون كنت ادري بيجي هاليوم بس ما كنت ادري بيصير كل هذا ولا كنت ادري ان بعيش هالوضع حسيت بلوعه كليتي تعورني دايما يوصيني على نفسي هههه كان يهددني ان شربت شي فيه كافين يشرب شيشه يدري ما ارضى ولا احبها اخاف عليه اكثر من نفسي يسالني متى موعدج ؟ كليتي حبوبج؟ خربتي اليوم وشربتي كافين؟ ابتسمت ومسكت ضحكه بغت تطلع تذكرت اي تذكرت لما يقولي حنان قولي والله ماشرب لا قهوه ولا بيبسي قتله والله احبك قالي اقولج قولي والله ما تشربين ولا تخربينها هذي كليتج تعبانه قتله بدلع احب اجننه: امم والله اموت فيك قالي بنبرة عصبية وادري فيه ضحكه قال: ما تفهمين انا اقولج قولي والله قتله والله اعشقك قالي ياخي انا ما احبج قولي والله ما تشربين قتله كيفك بس والله اني اتنفس هواك بعدها عصب وصرخ قال بتقولين ولا شلون اموت بعصبيته احب اجننه واطفره خقيت حلفت له قال: والله لو تشربين انا اشيش صرت امنع نفسي قد ماقدر عشان ما يشيش واذا جيت قتله عبدالله ممكن اشرب نص بيبسي قالي خلاص وانا شيشه اهون ماقدر مابي يشيش اخاف عليه وعلى صحته اذا صار فيه شي انا شنوا سوى بدونه ولا شي ورب البيت ولا شي رفعت راسي كلهم واقفين نوره اضحكت عبالها نسيت ولا تناسيت شافتني اضحك ما درت كل ذكرى حلوه بينا تمر جدام عيني مواضيع ذات صلة |
|
|
#2 |
|
|
رد: لحن آلمفآرق .. !
بعدها مر علي اول موعد جمعنا كان يوم ميلادي اتفق يحتفل معاي الصراحه ترددت وين اشوفه قالي البحر احلى مكان لان يذكرني فيج كل ماضاقت علي الدنيا روح له قلت له ما تضيق وانا معاك قالي انتي كل دنيتي قال باجر موعدنا يالجيكره اهو دايما يقولي هالكلمه يقول عشان لا تغترين علي بجمالج اتفقنا على المكان وكانت الساعه 10 وجينا على الموعد اول ما جيت انصدمت الخبل كاتب على جيبه "سياره" هبي بيرث دي ولابس تيشيرت احمر ماكان يحب هاللون بس يدري اني احبه اول ما شفته قالي احبج عيوني كانت طول الوقت بالقاع ما كنت اقدر اني احط عيني بعينه قال عوبتي <يحب يناديني بهالاسم قلت هلا قالي كل عام وانتي بخير وبلش يتغزل حاولت اسكته بس ماكو فايده رفع راسي بايده وحسيت بخوف والحيا ذابحني قالي احبج يا نظر عيني انتي طفلتي اللي ماراح تكبر بعيني يا اجمل ما خلق ربي قلت له شدعوه نانسي مو حنان قال بكل برود والتعجب على وجهه منو هذي ضحكت وقلت ما تعرفها قال ماعرف الا عوبتي قالي غمضي عيونج قتله مابي قالي بتغمضين ولا التج كف حسيت انه راح شوي بس مادري وين فتحت عيني شوي لقيته داخل سيارته الجو كان حلو وقربه كان احلى ما كنت ابيه يبعد طلع من سيارته وغمضت بدون لا يلاحظ قالي يلا فجي عيونج فتحتها ولا ورده حمرا صار وجهي احمر اكثر منها قالي هذي هديتج يا وردتي لان الورد للورد قلت بدلع:بس وحده قال اي بس وحده لان انتي وانا واحد وعطاني جيس اسود قالي لا تفتحينه الا لمن توصلين البيت وقعدنا ساعه نسولف وبعدها كلن رد بيته رديت البيت وانا متحمس هابي اشوف هدية اغلى ناسي كان جايب جاكيت احمر الجاكيت كان فيه عطره كنت كل ما ضقت اشمه احبه ولا ارضى احد يلبسه كنت اغار عليه حتى من امه وصيت اختي عليه امس قتلها والله لو احد يجيه اذبحه هذا ريحه الغالي قلت باخذه معاي بعدين ابيه حق بنتي ورده و كتابه وعطره كل شي حلو منه خشيته مادري لي متى بس ابيهم كنت اضحك لما يقولي لابس تيشيرتج الي جبتيه يقول احب انام فيه يوم ميلاده اول من هناه انا قعدت الساعه 11 عمره 19 لما صارت 12 صار عمره 20 كل الهدايا تعبر عن شي حلو ذكرى حلوه نزلت اغلى ناسي تعدل نفنوفي يما "خالتي الكبيره اناديها يما " حبيت راسها وقالت هدي هدي ليش دموعج كلنا معاج وحولج مادرت انه فيه واحد عنهم كلهم انه يغنيني عن هالعالم كله ابيك وما ابيهم .. صدت ولمحت دمعتها فاطمة تغمزلي تقولي قمر ابتسمت تمنيت اسمعها منه لو ممكن اقول للناس كلها اللي قاعده بودعه واجيكم بودعه وبعدها زفوني حق مادري منو اصلا ما همني بس اودعه صج ماحب الوداع ولا حتى ابوي لما يسافر ماحب اودعه اخاف بس اهو ابيه والله ابيه ابي اي شي يجمعني فيه شلون بتروح 4 سنين جذي 4 سنين احلى ايام عمري نسيت فيها دموعي |
|
|
#3 |
|
|
رد: لحن آلمفآرق .. !
كنت اعرفه اهو وبس ما كان احد يهمني كثره كل شي فيه حبيته لا والله اطلع جذابه ما حبيته عشقته كنت احب كلمته لما يقولي انا مجنونج رسمي نزلت دمعه حاره لما تذكرت ضحكته انتبهت حق امي العوده "جدتي" امسحت دموعي وزفتني ضحكت طول عمرها كانت تزفني وما تقدر تقعد بدون لا تطنز بس انا كنت اجننها بس يبقى قلبها ابيض وطيبتها ماكو مثلها ما مثلها احد والله احبها طرى علي ذاك اليوم كنا سهرانين وكنت مريضه ومصخنه كان بينومني قالي قصة ليلى والذيب بالعراقي كاك وقط بدليه قال الذيب الجلب ضحكت عليها وفصلت وتنك صدري كانت الساعه 3 ما قدرت اتنفس من الضحك قعدت ابوي ورحت الطبيب قزوني ابره بسبته وانا صارلي اسبوع كل ما رحت الطبيب انحاش منها ركبت السياره وانا تعبانه كنت اهدده واتوعد فيه حقدت عليه قزيت الابره اللي طول عمري اخاف منها بسبته ابوي كان يضحك علي ويطنز وانا لافه وجهي ومجابله الدريشه رديت ولا مليون بنق ومس كول منه كنت ناسيه تلفوني زعلت عليه ما كلمته وقعد يراضيني بس وربي ماقوى ولا اتحمل اني ازعل عليه شنو يومي بدونه انتبهت للمصوره تقولي ابتسمي ليش الصور شتفيدني مابي ولا شي ولا شي خاطري طاب تاشرلي ابتسمي وين ابتسم والقلب ينزف وين ابتسم وداخلي منكسره وين ابتسم وانا ابيه وكل ما فيني يناديه وين ابتسم وين وانا افكر ايامي الجايه شلون بعيشها من دونه اجامل الناس بابتسامتي عشان يعرفون اني مستانسه ولا مرتاحه خل كلهم يعرفون حبه خلهم كلهم يعرفون تخلفهم خل يعرفون كلهم يعرفون باللي داخلي وشنو فيني ما ابي شي والله ولا شي لهدرجه طلبي صعب ابيه اهو صعب ..؟ حاولت امسك نفسي اكثر حاولت اجمع شجاعتي هه اي شجاعه اقصد الملم جروحي واعز الناس حاضر عرسي تدرون شنوا كثر شي احاتي انه يسوي بنفسه شي واهو راد ولا يدوس بسيارته والله اكثر شي كنت احاتيه بعد العرس اخاف يصير فيه شي حسيت باحساس ميت احساس اني جسمي بس موجود وروحي وعقلي وقلبي وبالي مو وياي كلهم معاه ودعت روحي لمن ودعته ما كنت افكر اني شكثر خاينه بروح حق رجال وبقلبي رجال ثاني بس والله مو بايدي والله شي غصبن علي القلوب مو بايدينا كل من يحب مو بارادته والله القلوب مو بإيد احد لا انا ولا انت ولا انتي حسيت الساعه وقفت بهالدنيا الثواني جنها سنين ما كنت اشوف الا اللي واقفين عند الكوشه كل رفيجاتي وكل بنات خالاتي وعماتي كلهم مستانسين لي كنت اشوف فرحتهم بعيونهم وحتى دموعهم كانوا كلهم امس عندي كنت احاول اني اضحك بما ان شخصيتي هبال وضحك صج كانت جمعه حلوه وناسه بس اللي بالقلب بالقلب احبهم كل وحده فيهم لها مكانه كبيره بقلبي شنو حياتي بدونهم والله ولا شي .. !! شفت نوره وهي معصبه تاشرلي ان بذبحج اسكتي ضحكت تذكرت عبدالله تذكرته سالفة الهوشه كنت اكلمه ونسولف ونضحك دق اخوه راكان كان بهوشه قالي شوي وادق وكنت معاه بالخط اقوله شسالفه شفيه كان يصرخ مادري اول مره اشوفه جذي معصب كان مفول حدده صج خفت اقوله لا تدوس يقولي اهم شي اوصله طوف اشاره اقوله شوي شوي بس كانت حالته تخرع من جد معصب اول مره اخاف منه لهدرجه عصبي بزياده اول مره اشوف عصبيته بس ما كان ينلام اخوه كنت اكلمه وايدي على قلبي انت الاهم انت المهم مالي غيرك وانا استرجع كل هالذكريات انتبهت حق انسانه عشقت ولدها كنت اجنن عبدالله فيه اقوله خطيبي ام شوشو بنت خالتي ولدها صغير بو سنتين حلفت عليها وحنيت عليها تجيبه بعرسي حتى لو مع خدامته اهم شي ان يكون موجود كنت اقهر عبدالله فيه كله يقولي جيكر مادري شتحبين فيه كانت واقف ام شوشو تاشرلي ان جابته وقاعد ورى ابتسمت صج فيه اشياء كثيره حولي حلوه واجد اشياء حلوه اهلي بنات خالاتي بنات عماتي رفيجاتي امي العوده ويما |
|
|
#4 |
|
|
رد: لحن آلمفآرق .. !
واخواني الكل كانوا حولي كل شي كان حلو بس ناقص احلى شي عبدالله ليش الدنيا جذي نبي شي ويصير ضدنا نحب شي وياخذونا منه ونتعلق بشي ويروح منا كل شي نعيشه حلو يوم يومين ثلاث او اكثر وبعدها يصير شي يخليني اندم اني استانست على هالايام اللي طافت ينكسر قلبي اكثر من اي وقت لاني ما فكرت بعدين الدنيا يوم لك وعشره عليك ساعات واوقات واجد ماتكلم ما احب اتحجى واجد لان حتى لو تكلمت والله محد يحس باللي بقلبك واللي انت عايش فيه غير نفسك يمكن فيه ناس يتالمون عشانك بس ما يعيشون وضعك ولا يقدرون شكثر اللي بقلبك يمكن كلامهم يخف وبعدها نضحك ونسوي نفسنا رضينا وصرنا عال العال بس الخافي اعظم كل ماقربت من الكوشة حسيت اني بعيدة كل ماحس اني قربت ارفع راسي واشوفني بعيدة كنت بس ابي اقعد وارتاح ابي اوقف نظرات الناس اللي حولي مابي ابي اقعد ابي احد يقعد يمي يهديني ويسكتني كنت اشوف رفيجاتي وابتسم اذكر فصلاتنا وهبالنا يالله شلون كنا امس بنات الثانوية وضحك وابلاتنا واليوم متزوجة وكلهم صارو كبار وحريم كنت ابتسم لهم احاول اوصل لهم بهالابتسامة شكثر انا احبهم والله احبهم اكثر من اي شي بالدنيا لما كنا نتجمع ولا ميلاد وحده منا شنو كنا نسوي ونضحك سبحان الله الله ياخذ منك شي ويعطيك اشياء واخيرا وصلت الكوشة واللي تعدل الطرحة واللي تسوي النفنوف واللي ماسكة ايدي كان يوم مميز والله حسيت اني بهالدقيقة غير عن اي بنت بالعالم ان جدام العالم ان انا الحين نقطة تحول بحياتي كلها تغير كل شي مجتمع ثاني ناس غير رجال بعيش معا هوانا ماعرفه بتعرف عليه وبيصير ابو عيالي شعور خوف مادري شلون اوصفه ! بعدها كل رفيجاتي جو وسلموا علي وكل وحده تقط كلمة وتذكرت كلامهم يقولون لي كل وحدة تحفظ لها نكتة عشان نضحكج شوي ويتحرشون ويضحكون وكلهم قعدوا حولي ويصورون معاي شنو انا بدونهم والله وجودهم يغنيني عن كل شي وكان الجو توتر وخوف شعور والله ما يوصف وجو ناس يسلمون علي حتى ما اعرفهم واول مرة اشوف شكلهم ما انتبهت منو جا وقالي مبروك ومنو اللي سلمت ما كنت مركزة مرت ساعة وجا الوقت اللي مابيه يجي ! المعرس واخوانه بيدخلون ما حسيت ولا شي كنت بدون احساس والكل راح يتغطى ويلبس جت اللحظة اللي محد راح يكون يمي ودش المعرس وانا منزلة راسي ومتغطية ما اشوف الا بشوت ودشاديش واسما يمي تهديني وتسكتني ياليته بداله ياليت اهو واخوانه وابوه ويغنون الاغنية باسمه عبدالله وتجي امه ويحب راسها ويباركون لها الحريم ام عبدالله يا كثر ما تمنيت هالشي ويجي لابس بشته ويقعد يمي واكون له صحيت من احلامي وحاولت اتقبل الواقع بما فيه وعدت نفسي مرح اقصر معاه بشي لان ماله ذنب وراح اظلمه بحاول والله بحاول مر الوقت بسرعه وطلعوا عيال عمه واخوانه مابقى الا اهو ! رفع عني الطرحة وقعد يمي حسيت قلبي بيوقف وين امي ويما ويما العوده وين رفيجاتي وبنات خالاتي وينهم كلهم |
|
|
#5 |
|
|
رد: لحن آلمفآرق .. !
احس الصالة مافيها الا انا واهو ما قمت اشوف احد وجو خواته سلموا وصوروا احس اني بس منظر موجودة عبدالله شذنبه باللي قاعد يصير ! حبيبي متقطع قلبه حبيبي متعذب حبيبي منكسر ويني عنه ويني اهديه واطمنه ودي اقوله اني بس لك ابي اطمن عليه وينه شيسوي الحين اهو وينه حبيبي طمنوني عليه خل وحده تطلعله برا تشوفه اي احد يطمني عليه يجيبلي اي خبر عنه ابيه والله ابيه وينه حسيت فاقده كيان فاقدة روحي او نفسي بس الاكيد اني فاقدة شي كبير ! احس بدون احساس ! مادري شلون اوصف شعوري اللي كان وقتها وقالوا المعرس بيدخل بس سمعت هالكلمة ضاع نفس صدري حسيت الصالة كلها ماكو اكسجين ابي نفس وابي هوا ابي ماي ابي عبدالله يردلي روحي امنية صعبه ان ابي عبدالله بدال هالمعرس يقعد يمي وبنفس الكوشة وايده بايدي والله جان وقفت كل هالدموع جان بدال كل هالبجي ضحك وابتسامات ولا وجه شاحب وعيون تعبانه كنت اتمنى والله اتمنى بس ........... ! ما اقدر اقول توقف الكلمة والله اغص فيها انتبهت على بنت خالتي تغطيني المعرس واخوانه وابوه بيدشون ماكو احساس والله ولا احساس جنه بحلم وبقعد منه اي صح هذا كله حلم حلم وراح اقعد من الحلم وعلى طول بدق على عبدالله وبقوله هالكابوس ان شالله حلم اكيد حلم ماقدر اسال احد كلهم لاهين ومستانسين وكلهم اشوف بنظراتهم شكثر اهم مستانسين بس القلوب اسرار اي والله اسرار وحسيت باحد يقعد يمي خفت احد يسمع نبض قلبي وشكثر قاع يطق تذكرت اي صح هذا المعرس زوج المستقبل اللي بعيش معاه بيت واحد وغرفه وحده بس قلبي ..؟! مادري ما عندي اجابة .. احس اني خاينة مادري انا خاينة ..؟! بس مو بايدي والله مو بايدي مرح اظلمه وبصير خوش زوجة وام وربة بيت بس قلبي انا اسفة ما اضمنه مرت الدقايق بلمحة بصر طلعت من الصالة ودعت كل ذكرياتي وكل شي بهالصالة اهلي رفيجاتي و .. و ... و .... حبي عبدالله جفت دموعي وخلص كلامي و مابقى الا اللي بالقلب انتهت احلى قصة انتهت احلى رواية انتهى احلى حب واندفن قلبين كل شي يروح وتبقى الذكرى الذكرى حلوه لو طواريها تهد الحيل ويمكن اسمع طاريه بين الناس اذا صار مهندس كبير ويمكن يسمع اني صرت دكتورة ان شالله الدنيا تمشي وكلن يروح طريجه ما عليه هذي الدنيا يوم لك ويوم عليك بس .. آحبك عبدالله .. حنآن .. |
