 |
  |
|
|
|
|
#61 |
|
|
رد: العين تدمع مرتين الحلقة 3 الجزء الثاني
القصه اكثر من رائعه وياريت لو امي كده عشان ما اخبي عليها ولا شي
|
|
|
#62 |
|
|
رد: العين تدمع مرتين الحلقة 3 الجزء الثاني
اختي يمكنك جعل امك هكذا عن طريق التقرب اليها
|
|
|
#63 |
|
|
الحلقه (5)
وبعد ماوصل احمد وعدى يوم من وصوله ما اتصلش بهبه قررت هبه تتصل بمنه تتطمن عليه هبه : ازيك يامنه عامله ايه منه : الحمدالله بخير انتى عامله ايه هبه : الحمدالله بخير احمد عامل ايه منه : الحمدالله بخير وصلتله امبارح ومن ساعتها معرفش عنه حاجه هبه : هو قالى هتصل بيكى النهارده ومتصلش منه : تلاقيه قاعد مع اهله بقا شويه وهتلاقيه يتصل هبه : ادينى هستنا مش هشوافك بقا منه : ان شاء الله قريب اوى هنتقابل هبه : ان شاء الله يلا سلام ياحبيبتى منه : سلام حزنت هبه بعد كلامها مع منه لان احمد متصلش بيها يطمنها وعدى 3 ايام ولم يتصل احمد وهبه مابتكلمش حد نهائى واخر مازهقت راحت عند سماح عشان تتكلم معاها سماح : مالك ياهبه فى ايه هبه : قلقانه اوى على احمد لحد دلوقتى ماتصلش بيا سماح : يمكن مشغول او عنده ظروف ماتعرفيش ظروفه ايه ياهبه هبه : يارب يكون بخير انا مكسوفه اتصل تانى بمنه او بوالد احمد سماح : لالالالالالالا اتقلى يابت شويه وهو لو عايز يكلمك هيتصل هبه : صح كلامك سماح : يمكن هو مش عايز يكلمك تروحى انتى متصله بيه سبيه لحد ماهو يتكلم هبه : حاضر سماح : ايوه كدا ناس مابتجيش غير بالعين الحمرا هبه : ههههههههههههه ماشى ليكى يوم سماح : لا ليا كتير وقريب هتسديهم هبه : ليه مالك انتى كمان سماح : هشام بقاله فتره متغير اوى وعلى طول عصبى حاسه ان فى حاجه هبه : طب ماتكلمتيش معاه ليه سماح : بقولك عصبى اوى هبه : خلاص سبيلى الموضوع دا وانا هتصرف وهعرف فى ايه سماح : ياريت ياهبه لانى قلقانه اوى عليه هبه : حاضر ياحبيبتى روحت البيت هبه وراحت عشان تتكلم مع والدها هبه : ايه ياحبيبى عامل ايه والد هبه : انا بخير بس عندى مشاكل فالشغل كتير هبه : ليه بس اتارى انت وهشام متغيرين بقالكم فتره والد هبه : دا هشام هناك فقلب المشاكل كلها انا رايح بكره عنده هبه : تروح وترجع بالسلامه ان شاء الله كل حاجه هتتحل والد هبه : يارب ياحبيبتى , صحيح عيد ميلادك بعد بكره كل سنه وانتى طيبه هبه : وانت طيب ياحبيبى تصدق انى نسيت والله والد هبه : انا مقدرش انسى خالص هبه : ربنا يخليك ليا يابابا ياحبيبى والد هبه : ولا يحرمنى منك ويارب اشوافك دايما مبسوطه ومرتاحه فى تانى يوم طلعت سماح لهبه وطبعا احمد لسه متصلش بهبه هبه : عرفت ايه اللى حصل مع هشام سماح : ايه طمنينى هبه : عنده مشاكل فالشغل كتير سماح : بجد هبه : اه والله حتى اخويا راح عنده النهارده سماح : ربنا يستر بقا وتتحل هبه : يارب سماح : المهم عايزاكى بكره تيجى معايا نشترى حاجات ليا هبه : ماشى انا موافقه سماح : هستناكى الساعه 3 اوك هبه : حاضر حضرت هبه حالها عشان تنزل مع سماح وفى نفس الوقت استغربت انها مافتكرتش عيد ميلادها وزعلت اوى لان مافيش حد افتكره وقبلت هبه سماح هبه : هيا دى الحاجات اللى عايزه بس سماح : اه هيا دى يلا بينا ندخل الكافيه دى تحفه نشرب حاجه هبه : طب مانروح احسن سماح : لا يلا بينا ودخلت هبه الكافيه وفجأة تلاقى احمد ومنه وكل اصحابهم فالكليه موجودين اتارى احمد كان كل دا بيحضر لعيد ميلاد هبه وسماح ومنه بيساعده على كدا احمد : ازيك ياهبه كل سنه وانتى طيبه هبه : هههههههههههه يعنى انت مش معبرنى كل دا وافتكرت عيد ميلاى احمد : انا مقدرش انساكى اصلا هبه : ماهو باين كل دا مفكرتش تكلمنى احمد : كنت عايز اعملك عيد ميلادك بمزاج هبه : هههههههههههه والله ماشى ماشى ايه عيد الميلاد دا من غير تورته وفجأه تورته هبه تيجى وفيها صورتها وطبعا دى كانت مفجأة تحفه بالنسبه لهبه حسيت كأنها طايره فالسماء لان احمد معاها وفاكرها وطفيت هبه الشمع وطبعا اخدت هدايا كتير بس هيا اهتمت بهديه احمد ومردتش تفتحها خالص قدام حد احمد : هبه هو انا ينفع اجى ازوركم فالبيت هبه : اه يا احمد طبعا ينفع اهلا وسهلا بيك احمد : يعنى لو جيت وطلبت ايدك هتوافقى احمر خدود هبه من الكسوف ومش عارفه ترد تقول ايه احمد : ها هتوافقى هبه : لازم اجاوب احمد : اكيد طبعا هبه : مش عارفه ممكن تسبنى افكر احمد : تفكرى ايه بقالى سنتين مش هستنا تانى هبه : اللى خلاك تصبر سنتين هيخليك تصبر كام يوم احمد : قدامك يومين بس وهتصل اخد الاجابه هبه : بتحسسنى انها اجابه امتحان ماده ايه انت مش بتنسا انك كنت بتدرسلى احمد : لا طبعا دى الحاجه الوحيده اللى مقدرش انساها هبه : ليه يعنى احمد : عشان دى خلتنى اتعرف على ارق واطيب بنت فالدنيا هبه : انا بقول نروح نوقف مع منه وسماح احمد : ههههههههههههه تعالى بس برده هتصل كمان يومين هبه : ماشى وخلص العيد ميلاد وهبه كانت مبسوطه جدا وروحت البيت وشافت الهديه وطلعت سلسله دهب على شكل قلب وجواه مكتوب كلمه بحبك اول ماشافت الهديه فرحت اوى وعجبتها جدا تانى يوم اتصلت هبه بسماح وحكيت ليها على الهديه وسماح فرحت اوى عشانها وبعدين راحت هبه راحت تتكلم مع والدتها هبه : ماما عايزاكى فى موضوع الام سوسن : خير ياحبيبتى هبه : احمد عايز يجى يتقدملى الام سوسن : بجد الف الف مبروك ياحبيبتى هبه : الله يبارك فيكى بس مين قالك انى هوافق اصلا الام سوسن : نعم وانتى هترفضى هبه : مش عارفه انا هصلى استخاره وهشوف لو مرتحتش مش هوافق الام سوسن : خلاص ماشى صلى وقوليلى ماشى هبه : ماشى ياماما اكيد هقولك على كل حاجه الام سوسن : ان شاء الله خير ياحبيبتى ويكون من نصيبك هبه : ان شاء الله وخرجت هبه من عند مامتها وصليت استخاره وعدى اليوم وجاه معياد اتصال احمد بهبه عشان يعرف قرارها ياترى بقا مرتاحه للموضع ولا لا ؟؟ انتظرونا فالحلقه القادمه |
|
|
#64 |
|
|
الحلقه (6)
وجاه معياد اتصال احمد بهبه عشان يعرف رايها احمد : السلام عليكم ازيك ياهوبا هبه : وعليكم السلام انا بخير الحمدالله انت عامل ايه احمد : انا بخير الحمدالله ايه الاخبار هبه : زاى الاهرام احمد : هنهزر بقا هبه : عايز ايه يا احمد احمد : موافقه ولا لا ياهبه هبه : انا صليت استخاره وبصراحه مش عارفه اوافق ولا لا احمد : يعنى ايه توافقى ولا لا ياهبه انتى بتحبينى ولا لا هبه : ........ احمد : ردى ياهبه على سؤالى هبه : ي احمد انا كنت بحب هشام قبل كدا ولما ارتبطت بيه واتخطبت ليه عذبنى اوى وتعبنى نفسيا وبصراحه انا خايفه اوى خايفه بعد كل دا اخسرك لانى من جوايا مبقاتش بثق فاى حد مش معنى كدا انى مش بثق فيك لا بثق فيك بس هتعبك اوى معايا لان هشام دخل جوايا عقد كتير اوى يا احمد تخلينى اخاف انى ارتبط بشخص انا بحبه وعشان كدا وافقت على ماجد فاهمنى يا احمد احمد : فاهمك ياهبه بس انتى تعرفينى بقالك سنتين واظن عارفه شخصيتى كويس اوى هبه : يا احمد الانسان قبل الارتباط حاجه وبعد الارتباط حاجه احمد : لا ياهبه مافيش تغير فالشخصيه بصى ياهبه انا هسيبك تفكرى تانى وهكلمك كمان اسبوع وتشوفى عايزه ايه ماشى هبه : احمد عشان خاطرى متزعلش وحاول تفهمنى احمد : انا فاهمك وعشان كدا هسيبك تفكرى تانى هبه : خلاص ماشى يا احمد احمد : يلا سلام دلوقتى هبه : سلام بعد مرور يوم من مكالمه هبه مع احمد سماح : نفسى اعرف ايه اللى فدماغك انتى هبه : ايه يعنى اللى فى دماغى سماح : يابنتى مش انتى بتحبى احمد هبه : اه بحبه سماح : طب ماوفقتيش هبه : عشان خايفه عليه سماح : خايفه عليه من ايه بس هبه : منى ياسماح لانى غصب عنى هفضل قلقانه وانا معاه سماح : ليه بس وقلقانه من ايه هبه : لانى هبقا خايفه احمد يجرحنى او يخونى زاى هشام ماعمل سماح : هشام كان الاول شخص مش قد المسئوليه وعشان كدا صدمك لكن احمد حاجه تانيه شخص كان بيعلم اجيال يابنتى يعنى اكيد يعرف يحافظ عليكى هتلاقى فين واحد يستناكى سنتين وكل شويه تضيع من ايديه ومع ذلك حبه ليكى ماقلش بلاش تتسرعى تانى فالرفض هبه : يابنتى ما انا عشان ماتسرعش عايزه افكر براحتى سماح : يعنى انتى اتسرعتى فكل حاجه ماعدا احمد يابنتى احمد فضله شهر ونص ويسافر هتلاحقى تعرفيه اكتر وتخطبى ليه ماتضيعيش الوقت فى كلام فاضى وتفكير هيتعبك مش هيريحك هبه : يعنى اعمل ايه بس ياسماح انا خايفه عليه وعليا سماح : لا متخفيش ويلا اتصلى باحمد طمنيه بقا هبه : لا هو هيتصل لما الوقت يخلص سماح : وقت ايه انتى كمان يلا اتصلى ياختى بدل ما اتصل انا هبه : حاضر اطلعى بره خلينى اتكلم براحتى سماح : هههههههههههههه حاضر خرجت سماح واتصلت هبه باحمد اول ماشاف اسم هبه على الموبيل اتجن وخاف فى نفس الوقت هبه : ازيك يا احمد احمد : الحمدالله وانتى عامله ايه هبه : الحمد الله احمد انت هتيجى تكلم بابا امتى احمد : لما توافقى هبه : ماشى هتيجى امتى يعنى احمد : مش لما توافقى هاجى من غير موافقتك يعنى هبه : يعنى افهمك اكتر من كدا ايه يعنى احمد : ههههههههههههه يعنى وافقتى هبه : اه طبعا احمد : بس انا بقا مش موافق هبه : طب خلاص براحتك احمد : ههههههههه عارفه النهارده اسعد يوم فى حياتى بجد هبه : ليه يعنى احمد : عشان خلاص هرتاح من العذاب اللى كان جوايا هبه : ايه دا انا عذاب احمد : لا طبعا عذاب الانتظار هبه : اه بحسب احمد : ههههههه انا هكلم والدى النهارده عشان يكلم عمو ماشى هبه : ماشى احمد ك: ربنا يخليكى ليا ومايحرمنيش منك ابدا هبه : يارب ويخليك ليا بعد غلق المكالمه هبه واحمد كانوا فرحانين جدا بليل احمد اتكلم مع والده واتفق معاه يكلم والد هبه على اساس يروح يتقدم ليها يوم الجمعه الجايه والد احمد : السلام عليكم ازيك يا ابو هبه والد هبه : الحمدالله انت عامل ايه والد احمد : الحمدالله بخير بص ياحاج انا نت عايز ازورك انا واحمد عشان نطلب ايد هبه منك والد هبه : هبه انت فجأتنى بصراحه بس دا شرف ليا تنور وتشرف اهلا وسهلا بيك فاى وقت والد احمد : نقدر نيجى يوم الجمعه الجاى والد هبه : اه طبعا تشرفوا فاى وقت والد احمد : ربنا يخليك دا الشرف ليا ان شاء الله بعد المغرب هنكون عندك والد هبه : خلاص هستناك والد احمد : سلملى على الجماعه السلام عليكم ورحمه الله وبركاته والد هبه : الله يسلمك وعليكم السلام ورحمه الله وبركاته بعد غلق المكالمه والدت هبه كانت جنب والدها والد هبه : مش هتصدقى الام سوسن : ايه فى ايه والد هبه : والد احمد المعيد بتاعها عايز يجى يزورنى عشان يطلب ايد هبه الام سوسن : بجد ايه الخبر الحلو دا والد هبه : انا فرحت جدا لان احمد انسان كويس وانا بحبه اوى بصراحه الام سوسن : هيجوا امتى بقا والد هبه : يوم الجمعه ان شاء الله نادى على هبه اقولها واخد رايها راحت الام عشان تنادى على هبه والد هبه : بصى ياحبيبتى فى عريس متقدم ليكى هبه : مين يابابا والد هبه : احمد المعيد بتاعك هبه : بجد والد هبه : اه هو ايه رايك هبه : اللى تشوفه حضرتك والد هبه : لا اللى تشوفيه انتى هما جاين يوم الجمعه اوافق عليه ولا ايه الام سوسن : مش شايفها مش عارفه ترد يبقا توافق والد هبه : لا المره دى لازم ترد بقا هبه : موافقه يابابا عدى الايام وجاه معياد الزياره واتكلم والد احمد مع والد هبه واتفقوا على كل حاجه وحددوا معياد الخطوبه الاسبوع الجاى ونزلت هبه عشان تنقى الشبكه وحضرت كل حاجتها هشام : هنجيب ايه هديه لهبه واحمد سماح : مش عارفه والله ياهشام هشام : فكرى كدا فى هديه حلوه تنفعهم سماح : ايه رايك نعزمهم تانى يوم الخطوبه فاى مكان شيك كدا هشام : وانتى مفكره لما احمد هيخطب هبه هيخليها تشوف حد غيره لحد مايسافر سماح : ليه يعنى هشام : يابنتى هو مسافر كمان شهر يعنى عايز يشبع من هبه قبل مايسافر سماح : اه فهمت خلاص نحجز لهم فاى مكان وهما يروحوا يتغدوا هناك هشام : ماشى بس فكرى كدا فحاجه تانيه احسن سماح : حاضر جاه معياد الخطوبه بقا وهبه قلقانه زاى اى عروسه واحمد كمان قلقان جدا وصل العريس والعروسه فى قاعه الفرح والكل فرحان وبيرقصوا وجاه موعد تلبيس الشبكه احمد : هبه انا كنت موعد نفسى مش هقولك الكلام دى غير وانا بلبس الشبكه بتاعتك هبه : ايه هيا احمد : انا بحبك اوى ياهبه هبه : وانا كمان يا احمد بحبك اوى احمر وجه هبه عندما قال احمد كلمه بحبك لانها اول مره تسمعها وتحس بيها كدا وفجاه وهما فالفرح وفرحانين يدخل شخص وكل الموجودين يستغربوا من وجوده ياترى مين دا وعايز ايه وايه اللى هيحصل بعدين ؟؟؟ انتظرونا فالحلقه القادمه |
|
|
#65 |
|
|
الحلقه (7 , 8 )
وفجاه وهما فالفرح وفرحانين يدخل شخص وكل الموجودين يستغربوا من وجوده اتارى اللى دخل والد ماجد والدته وماجد وخطبته وطبعا الكل استغرب ازاى يجى من غير مايتعزم دخل ماجد هو وخطبته وراح يسلم على هبه واحمد وبعد ماسلم على احمد راح يسلم على هبه ماجد : مبروك ياهبه كنت عارف ومتاكد انك هتخطبى ب احمد هبه : وعارف منين ان شاء الله ماجد : من كلامك الكتير عليه وعشان كدا قولت ابعد احسن ماتخونينى هبه : اخونك واضح اوى مين اللى كان بيخون وراحت هبه زعلت من كلام ماجد جدا واحمد لاحظ انها اضيقت وفضل يفكر ياترى هيا زعلت ليه ان ماجد خطب هيا لسه بتفكر فيه ولا ايه عدى الفرح على خير وطبعا هبه من جواها حزين وباين اوى عليها وهما مروحين احمد : مالك ياهبه فى ايه هبه : مافيش يا احمد احمد : هتخبى عليا من اولها كدا هبه : مش حكايه هخبى عليك بس مش عايزه اعكن عليك فى يوم زاى دا احمد : ما انتى مضايقه وانا زعلان عشانك فى ايه بقا هبه : ماجد جاه يسلم عليا بيقولى انا كنت متاكد ان انتى هتخطبى لاحمد بعدى وعشان كدا حبيت اسيبك قبل ماتخونينى احمد : وليه بيقول كدا دا هبه : سالته قالى عشان انتى كنتى بتكلمى عليه كتير وكان باين اوى عليكى احمد : حتى لو كدا مايقولش انك بتخونيه اصلا كلامنا كان اقل من العادى ازاى يقولك كلام زاى دا فيوم خطوبتك هبه : انا قولتله واضح اوى مين اللى خان التانى انا لما اروح هقول لبابا يتصرف معاه احمد : لا ياهبه انا اللى هتصرف معاه ازاى يكلمك كدا ويقولك ليه كدا هبه : لا يا احمد بلاش لان والده والدته يعرفوا بابا من زمان ومش عايزه بابا يزعل مننا احمد : ماشى ياهبه بس لو فكر يكلمك تانى انا مش هسكت نهائى هبه : حاضر ياحمد احمد : خلاص بقا اضحكى دا احلى يوم فحياتنا هبه : مجنونه بقا هضحك من غير سبب يعنى احمد : انتى طول عمرك مجنونه ياحبيبتى هبه : تعرف انك اول مره تقولى حبيبتى احمد : وان شاء الله مش هتكون اخر مره انا بجد مبسوط اوى عشان انتى معايا وحلمى اتحقق هبه : وانا كمان مبسوطه جدا يارب يخليك ليا ومايحرمنيش منك احمد : يارب ياحبيبتى وصل احمد هبه عند والدها فالبيت وبعد ماروح احمد راحت هبه عشان تحكى لوالديها على ماجد هبه : بابا انت فاضى والد هبه : ايوه فاضى فى ايه هبه : بابا ماجد ضايقنى اوى النهارده والد هبه : ليه عملك ايه هبه : بيقولى كنت عارف انك هتخطبى لاحمد بعدى وقولت اسيبك قبل ماتخونينى يرضيك الكلام دا يعنى انا كنت معاه وبخونه والد هبه : ازاى يقولك كدا دا اتجن فى عقله ولا ايه انا هتصرف وهتصل بوالده دلوقتى هبه : لا يا بابا الوقت متأخر خليها بكره ابقا كلمه وخليه يبعد عنى نهائى لان احمد كان هيكلمه وانا ساكته بالعافيه والد هبه : عنده حق انا هتصرف ياحبيبتى ومتزعليش من كلامه دا مجنون هبه : حاضر يابابا تصبح على خير والد هبه : وانتى من اهله يا حبيبتى وخرجت هبه من عند والدها ودخلت عشان تنام وفى اليوم التالى يتصل والد هبه بوالد ماجد والد هبه : السلام عليكم والد ماجد : وعليكم السلام ازيك يا ابو العروسه والد هبه : الحمدالله بص من الاخر كدا انا اعرفك بقالى قد ايه والد ماجد : اكتر من 30 سنه والد هبه : عمرى ضايقتك فحاجه والد ماجد : لا خالص والد هبه : طب ليه ابنك يضايق بنتى انت لما طلبت ايد بنتى لماجد انا رفضت بالعكس رحبت عشان يبقا ابن اخويا بس ابن اخويا يجرح بنتى بالكلام يوم فرحها يعنى انت جاى انت وابنك عشان تباركوا ولا عشان تعكنوا عليا انا والبنت والد ماجد : هو عملها ايه انا مش فاهم حاجه والد هبه : بيقولها انا سابتك قبل ماتخونينى دا كلام يتقال والد ماجد : انا اسف على اللى عمله واوعدك انه مش هيتكرر تانى والد هبه : وانا عايزه يتكرر تانى وشوف انا هعمل ايه سلام وقفل والد هبه وهو زعلان وطبعا والد ماجد اضايق لان ابنه هيخليه يخسر اعز اصحابه بسببها وراح والد ماجد اتكلم مع ابنه وشد معاه فالكلام وقاله ملكش دعوه بهبه نهائى ولا حتى ترمى السلام عليها وعدى ايام واسابيع من الخطوبه واحمد وهبه عايشين دور المخطوبين والحبايبه وسماح وهشام كل يوم فى حيره سماح : هشام انت كل يوم بتبعد عنى اكتر من الاول هشام : ليه بس بتقولى كدا بس سماح : لان دا الصح هشام : صح الزاى انا بس كان عندى مصايب فالشغل وكنت بحلها ومتعكن عشانها انتى لازم تقدرى ظروفى ياسماح وتستحملينى سماح : استحملك لو انت بتحكيلى بس انت مش بتفضفض وتحكيلى هشام : احكيلك ايه فالشغل وانتى هتعرفى معنى كملامى ياسماح سماح : انت فاهمنى وعلمنى هشام : ياحبيبى انا مكنتش بقدر اتكلم اصلا لان تفكيرى كله ازاى احل كل المشاكل دى سماح : ماشى ياهشام هشام : انا اسفه ياسوسو ياحبيبتى اوعدك انى هعوضلك كل اللى فات دا بس انتى خليكى جنبى وادعيلى سماح : ماشى ياحبيبى هستحمل وامرى لله هشام : دا غصب عنك هتستحملى سماح : هههههههههههههههه ماشى ياخويا قرب موعد سفر احمد فاضل يومين ويسافر وهبه شغاله زن على احمد عشان ميسافرش وفى نفس الوقت خايفه انها تضيع مستقبله عشانها احمد : بطلى زن ياهبه هبه : اعمل ايه مش عايزاك تبعد عنى احمد : انتى مش خلصتى الامتحانات هتصدعينى بقا هبه : هههههههههههه وانا ورايا غيرك اتخرجت خلاص وهصدعك براحتى احمد : هههههههههههه صدعينى بس مينفعش اضيع مستقبل اسرتنا ياحبيبتى عشان اكون جنبك صح هبه :مليش دعوه بقا احمد : بطلى جنان ياهبه انا قدامى يومين وامشى مش هنقضى الايام كلها على الزن هبه : خلاص هسكت اهو ارتحت احمد : ايوه كدا احبك وانتى بتسمعى الكلام هبه : وانا بسمع الكلام بس احمد : ههههههههههههه لا طبعا فى نفس الليله منه وخالد راحوا يسلموا على احمد لانهم مسافرين يصيفوا منه : ايه خلاص هتريحنا منك احمد: هههههههههه وانا كنت بشوافك اصلا منه : ولا انت فاضى ولا انا خلاص احمد : ربنا يسعدك على طول يا منه منه : يارب يا احمد وانت كمان احمد : يارب منه : صحيح عامل ايه مع هبه احمد : هبه شغاله زن مش عايزنى اسافر واسبها منه : هيا مش خلصت دراسه احمد : اه خلصت الحمدالله منه : طب ما تاخدها معاك احمد : ازاى يابنتى وانا رايح القاهره انتى كمان منه : يابنى اكتب لكتاب قبل ماتسافر وبعدين هيا تروحلك احمد : ازاى يابنتى والفرحه والفرش وحاجتنا كلها مينفعش وكمان اهل هبه هيرفضوا دول اطمنوا انى هخلص وارجع مصر وهعيش هنا منه : لو هيلاقوا هبه مرتاحه لكدا هيوفقوا اسمع كلامى احمد : يابنتى حتى لو وافقوا دى مش بنت زاى بقيت البنات نفسها تعمل فرح وتلبس الفستان الابيض ليه احرمها من كل دا لا طبعا انا مقدرش اكون انانى كدا منه : مش يمكن هيا توافق اسالها الاول وشوف رايها يابنى احمد : اسئل ايه دا فاضل يومين على السفر منه : مش مشكله اعمل توكيل لوالدك ويكتب هو الكتاب احمد : منه بطلى جنان واسكتى الله يخليكى منه : ماشى هسكت بس فكر انت فالموضوع وخد راى هبه الاول احمد : يلا روحى عشان اتخنقت منك منه : هههههههههههه بقا كدا ماشى ماشى براحتك يامعلم بعد ما مشيت منه فضل احمد يفكر فى كلام منه معاه وحس انها فكره جميله اوى وقال يقول لهبه عليها احمد : هبه هبه : نعم احمد : ممكن اتكلم معاكى فى موضوع هبه : خير اتفضل طبعا احمد : منه اقترحت عليا حاجه اننا نتجوز وانتى تيجى تعيشى معايا بره لحد ما اخلص السنه ونرجع مع بعض هبه : ازاى يا احمد وانت اصلا مسافر كمان يومين احمد : هيا بتقول اعمل توكيل لبابا وهو يكتب الكتاب وتبعتى الورق بتاعك واعملك الورق هناك وابعتلك هبه : وانت ايه رايك احمد : انا قولتلها لا بس هيا صممت انى اقولك واخد رايك الاول هبه : بس انت لو مش موافق مكنتش قولتلى يا احمد احمد : بصراحه بعد ما مشت وفكرت فالموضوع لاقيته كويس بس بصراحه مش عايز اظلمك ومخلكيش زاى بقيت البنات اللى تعمل فرحها وتلبس الفستان بتاعها هبه : بص يا احمد ممكن تسبنى افكر فالموضوع دا براحتى ومن غير ماتسالنى انا لما هاخد القرار هقولك على طول وطبعا مش فيومين هقولك راى احمد : ماشى ياحبيبتى خدى راحتك فالتفكير هبه : ماشى ياحبيبى وعدى يومين وجاه موعد السفر وهبه فضلت تبكى على رحيل احمد وعدى اسبوعين على وصول احمد بالسلامه وهبه فكرت كويس فموضوع الجواز وحبيت تقول رايها لاحمد ياترى بقا هبه هتوافق ولا لا ؟؟؟ انتظرونا فالحلقه القادمه |
العين تدمع مرتين الحلقة 5 الجزء الثاني