 |
  |
|
|
|
|
#41 |
|
|
الحلقه (2)
وصل ماجد عند هبه وطبعا هبه نفسها تعرف هو كان مصمم يجى ليه ماجد :بصى ياهبه انا عارف ان كلامى ممكن يضايقك وممكن يريحك بس لازم اقوله هبه : خير يا ماجد قلقتنى فى ايه ماجد : احنا المفروض بقالنا اكتر من 8 شهور مخطوبين صح هبه : صح ياماجد ماجد : بس انتى عمرك ماقولتيلى بحبك او اى كلمه رومانسيه هبه : ياماجد ماجد : لو سمحتى سبينى اكمل كلامى للاخر هبه : ماشى اتفضل ماجد : انا مش عايز كلام انا كنت عايز احس انك فعلا بتحبينى اوقات كتير بحس باهتمامك واوقات كتير بحس بعدك عنى وبصراحه انا كمان بحاول ابعد عنك ليه مش عارف بحس اننا اتسرعنا لما ارتبطنا بعض كان لازم نعرف بعض اكتر عشان على الاقل نفهم بعض انا اسف ياهبه بس مش هقدر اكمل الخطوبه لانى حاس انك مجرد اخت صديقه مش خطيبتى وحبيبتى هبه : وانا السبب عشان كدا ياماجد ماجد : لا مش انتى لوحدك وانا كمان السبب انا اللى كنت بعدك عنى مش بقربك منى احنا مالناش نصيب فبعض ياهبه هبه : والله ياماجد انا الكلام دا قولتله لبابا قبل كدا ومادام انت هترتاح كدا يبقا ربنا يوفقك تقدر تخلى عمو يكلم بابا ويجى ياخد حاجتك ماجد : لا ياهبه حاجات ايه دى هديه منى ليكى هبه : بس انا مش هقبل اى هديه منك ياماجد ثوانى هنادى لبابا راحت هبه وقالت لوالدها ان ماجد عايزه والد هبه : خير ياماجد يابنى ماجد : انا وهبه اتفقنا اننا نسيب بعض والد هبه : تسيبوا بعض ليه حصل ايه ماجد : ماحصلش حاجه ياعمى بس احنا الاتنين مش مرتاحين مع بعض والد هبه : خلاص يابنى اللى انتوا شايفينوه صح اعملوه وانت زاى ابنى ومافيش مشكله وربنا يوفقك بالاحسن من هبه ماجد : ربنا يخليك ياعمى وان شاء الله هبه هتلاقى احسن منى 100 مره والد هبه : ربنا يخليك يوم الجمعه تعالى خد كل حاجتك ياماجد ماجد : عمى لو سمحت دى هديه بسيطه لهبه والد هبه : لا ياماجد الاصول اصول تعالى وخد حاجتك ماجد : ان شاء الله ياعمى مع السلامه والد هبه : مع الف وسلملى على بابا ماجد : يوصل ياعمى زعلت هبه اوى عشان هو اللى سابها مش هيا مع انها قالت لوالدها انها مش مرتاحه معاه قبل كدا وصبرت عشان خاطر والدها وفنفس الوقت فرحت عشان ماتحسش انها بتخون ماجد بالتفكير فشخص تانى مع ان الشخص التانى دا خلاص هيخطب قريب وعدى اليوم وجاه معياد منه وهبه هبه : فى ايه يامنه انتى قلقتينى اوى منه : بصى ياهبه انا مش بحب اللف والدوران وهقولك الموضوع على طول هبه : تمام احكى يلا منه : بصى ياهبه احمد بيحبك جدا ومن اول يوم شافك فيه فالكليه وهو بيحبك وعلى فكره احنا مش هنتخطب ولا حاجه دى لعبه احنا بنلعبها عليكى هبه : لعبه ومين اللى شارك فيها منه : انا واحمد وهشام وسماح هبه : هشام وسماح ازاى منه : بصراحه سماح عرفت بعد اللى حصل بيوم هبه : انتوا ازاى تعملوا كدا معايا وليه تكدبوا عليا ليه منه : عشان كنا عايزين نتأكد اذا كان بتحبى احمد ولا لا هبه : وانتوا تعرفوا ليه اصلا ومين قالكم انى بحبه ودلوقتى جايه تقوليلى كدا ليه منه : اهدى بس وانا هفهمك هو احمد بقاله فتره بيحبك وكل مايكون عايز يقولك يلاقيكى تتسرعى وتخطبى وانا كنت هقولك من زمان بس احمد قالى لا وهشام كلم احمد واقترح عليه الاقتراح دا وانا ساعدته فيه هبه : اه قولتيلى بصى يامنه انا دى اخر مره هكلمك فيها انتى واحمد وبالنسبه لصاحبتى وابن عمى فليهم حساب معايا تانى وياريت تقولى لاحمد مايتصلش بيا نهائى ولا اقولك انا هغير الخط اساسا سلام منه : ياهبه استنى ياهبه هبه بعد خروج هبه من الكافيه اضيقت منه اوى لانها بوظت الدنيا كلها وبكدا ممكن تخسر احمد مع ان هيا كانت عايزه تقربهم من بعض وهبه حزنت كتير عندما عرفت باللعبه اللى اتلعبت عليها ومن مين ابن عمها وصاحبتها وفى نفس الوقت فرحت لان احمد مش هيخطب منه وهيا فالطريق اتصلت بهشام هشام : ايه ياهوبا عامله ايه هبه : انا بتلعبوا عليا بتلعب على بنت عمك وبترخصنى قدام احمد هشام : اهدى بس ياهبه مين قالك الكلام دا هبه : اللى قالى قالى من النهارده بالكتير اوى اسلم عليك قدام اهلى غير كدا متكلمنيش تانى نهائى فاهم سلام وقفلت هبه السكه فوشى احمد وهيا تبكى لانهم رخصوها قدام احمد اتصل هشام بسماح بيسالها هيا اللى قالت لهبه هشام : سماح انتى اللى قولتى لهبه سماح : قولت لهبه ايه ياهشام هشام : على اننا كنا بنضحك عليها فموضوع احمد ومنه سماح : لا طبعا انا وعدتك , وتعالى هنا هيا عرفت هشام : امال مين اللى قالها اكيد احمد كدا , اه عرفت وهبت فيا وقالتلى مش عايزه اكلمك تانى سماح : عجبك كدا يا هشام كدا هخسر هبه بسببك ياريت ماقولتلى اى حاجه عن الموضوع دا ياريتك اقفل ياهشام هبه على الانتظار قفل هشام وردت سماح على هبه سماح : الو ايوه ياحبيبتى هبه : سماح اخر مره اعرفك فيها سماح : اسمعينى بس انا مكنتش اعرف انهم هيعملوا كدا معرفتش غير لما انتى عرفتى وهشام اللى حكالى وكنت هقولك بس هو حلفنى ماقولش حاجه هبه : مش عايز اسمع اى حاجه اخر مره تتكلمى معايا ياسماح ولو شوفتينى بالصدفه قدام اهلى او اصحابنا يبقا مجرد سلام مش اكتر سلام ياسماح وياريت ماتحوليش تتصلى او تطلعى وقفلت هبه فى وش سماح راح اتصل هشام باحمد هشام : الو ازيك يا احمد احمد : الحمدالله وانت عامل ايه هشام : بخير الحمدالله احمد ؛ مال صوتك ياهشام هشام : انت حكيت لهبه احمد : لا طبعا لو حكيت هتصل اقولك هشام : امال مين اللى حكى دى هبه عرفت واتصلت بيا انا وسماح وقالت انها مش عايزها تعرفنا كدا يبقا منه اللى قالتلها احمد : انت بتكلم جد طب اقفل ياهشام هتصل بمنه هشام : ماشى وابقا طمنى احمد : ان شاء الله وقفل احمد مع هشام واتصل بمنه احمد : الو ازيك يامنه منه : الحمدالله بخير وانت عامل ايه احمد : منه انتى اللى قولتى لهبه منه : اه يا احمد انا جيت اقولها انك بتحبها وان كل اللى حصل دا كانت لعبه راحت اضايقت وقالتلى مش عايزه اعرفك تانى ولا انتى ولا احمد احمد : وانتى تقوليلها ليه يامنه هو دا مش سر انا امنتك عليه منه : حبيبت اريحك انت وهيا وقولها عشان تعيشوا مبسوطين احمد : انتى مفكرتيش فى مشاعر هبه لما تعرف اننا بنلعب بيها ربنا يسامحك يامنه سلام وقفل احمد وهو زعلان اولا عشان هبه زعلت جدا وثانيا لان هبه قالت سره ومنه زعلت اكتر لانها بدل ماتعمل الخير اتقلب كل دا ضدها وخسرت احمد وهبه قر احمد انه يتصل بهبه ويتكلم معاها حتى لو لاخر مره بس يوضح لها اللى حصل ياترى بقا هتقوله ايه ولا مش هترد عليه ؟؟؟ انتظرونا فالحلقه القادمه |
|
|
#42 |
|
|
الحلقه (3)
قر احمد انه يتصل بهبه ويتكلم معاها حتى لو لاخر مره بس يوضح لها اللى حصل يتصل احمد بهبه وهيا مش عايزه ترد عليه فضل يتصل اكتر من 6 مرات وفى اخر مره كنسلت عليه وبعت ليه رساله نص الرساله لو سمحت يا احمد متحولش تكلمنى عشان هتسمع كلامى مش هيعجبك منى وانا مش عايزه اعرفك تانى يا احمد اول ماشاف الرساله احمد اتجن راح بعتلها رساله نص الرساله انا هسيبك ياهبه براحتك لحد ماتهدى شويه وبعدين هكلمك راحت هبه قفلت التليفون بتاعها وروحت البيت وهيا زعلانه جدا دخلت اوضتها وفضلت تفكر ازاى صاحبته وابن عمها واحمد ومنه يعملوا كدا حست انها معرفتش تختار ولا خطيب ولا اصحاب ولا حبيب وقررت تبعد عنهم نهائى عدى يومين على الموضوع دا وحس احمد انه ضايق منه بالكلام وهيا كانت عايزه تساعدهم مش اكتر راح احمد دخل ميل عشان يكلم منه احمد : السلام عليكم ازيك يامنه منه : وعليكم السلام انا بخير الحمدالله وانت عامل ايه احمد : انا بخير الحمدالله انتى لسه زعلانه منى انا اسف كنت غبى معاكى منه : بالعكس يا احمد انا اللى اسفه لانى اتصرفت غلط احمد : لا يامنه انتى كنت عايزه تشوفينى انا وهبه مبسوطين انتى غاليه عندى يامنه وبجد اللى عملتيه كبرك فنظرى اوى منه : ملهوش لازمه الكلام دا يا احمد انا بوظت الدنيا احمد : كل حاجه هتصلح قريب يامنه متقلقيش منه : يارب يا احمد لانى بجد زعلانه اوى من نفسى من ساعه اللى حصل دا احمد : ايه يامنه بطلى عكنه بقا عندى خبر حلو ليكى منه : ايه قول بسرعه احمد : انا جاى اخر الشهر دا اجازه لمده شهرين منه : بتكلم جد دا احلى خبر سمعته فحياتى كويس عشان اعرفك على خالد بقا احمد : اول ما انزل على طول هقابله ان شاء الله وتعملوا خطوبه وانا هنا فاهمه منه : ان شاء الله ادعيلى انت الاول بابا يوافق عليه احمد : ان شاء الله يوافق يلا بقا هقفل اريح شويه منه : ماشى يا احمد سلام وقفل احمد الميل بعد اسبوع من الموضوع دا هبه قررت تروح الكليه بعد فتره طويله وهيا فالكليه شافت سماح راحت دورت وشها عنها وحضرت المحاضرات بتاعتها وبعد ماخلصت خرجت على طول حتى سماح لا تراها وفعلا روحت على البيت وطبعا تليفونها مقفول بعدها بيومين قررت سماح انها تطلع لهبه الام سوسن : ازيك ياسماح مش بتيجى ليه انتى زعلانه مع هبه ولا ايه سماح : انا بخير الحمدالله , اه ياطنط زعلانين مع بعض بس متقلقيش انا داخلها اتعارك معاها الام سوسن : ههههههههههههههه تتعاركى معاها ومقلقش ربنا يهديكم يامجانين قولت هتكبروا وتعقلوا بس اتجنيتوا اكتر ادخلى شوفيها وبعد ماتخلصى تعاليلى عايزاكى فموضوع سماح : ماشى ياطنط هدخل اشوفها ادعيلى بقا ما اضربش ههههههههههه الام سوسن : ربنا يهديكم على بعض يارب دخلت سماح على غرفه هبه بدون ماتدق على الباب سماح : ادخل ولا هتكروشينى بره هبه : اولا انا مش قليله الذوق ثانيا ما انتى دخلتى اهو سماح : بصى بقا ياهبه انا عايزاكى تسكتى خالص لحد ما اخلص كلامى وبعدين همشى من غير ما اسمع صوتك خالص فاهمه هبه : خدى راحتك خالص انا مش هتكلم اصلا لانى زهقت من الكلام سماح : انا مكنتش اعرف ان هما هيعملوا كدا غير بعد ماروحت من عندك لما اتصلنا بمنه وهشام فضل يسالنى لحد ماهو قالى على اللى عمله دا قولتله انا هقول لهبه راح حلفنى انى مقولكيش وان احمد هو اللى هيقولك عشان الموضوع مايكبرش وانا اقسم بالله كنت عايزه اقولك لانى عمرى ماخبيت عليكى حاجه ولا عمرى اعمل لعبه عليكى بس اللى خلانى اسكت هما حاجتين اول حاجه انى وعدت هشام ماقولش تانى حاجه انى ماقولش عشان متزعليش من احمد وتبعدى عنه , انا عارفه ان ليكى حق تزعلى بس صدقينى ولا انا ولا هشام ولا منه ولا احمد كنا عايزين نزعلك بالعكس كل واحد فينا كان نفسه انه يشوفك مبسوطه ومرتاحه بس انتى كل مره تتسرعى اتسرعتى فخطوبتك لماجد وانتى عارفه ان احمد بيحبك اتسرعتى حتى لما زعلتى مننا وبعدتى عنى وعن هشام ومنه والشخص اللى بيحبك طب ذنب منه وهشام ايه هما بس عايزين يجمعكم بعض انا عارفه انى غلطانه بس ربنا عالم انا ليه مقولتش نصيحه اخيره هقولهالك بلاش تتسرعى فقرارك عشان متندميش بعد كدا ..... انا خلصت كلامى ولما تحبى تتكلمى معايا هستناكى .... عايزه حاجه منى هبه : لا شكرا سماح : سلام هبه : سلام وخرجت سماح من عند هبه وراحت تتكلم مع ام هبه بينما هبه بعد خروج سماح من غرفتها حست ان سماح عندها حق فكل كلمه بس هيا عايزها تبعد لانها مكسوفه منهم عشان عرفوا انها بتحب احمد الام سوسن : مال هبه ياسماح متغيرها اوى الفتره دى وبالذات بعد موضوع خطوبتها دا سماح : عادى ياطنط احنا بس زعلانين مع بعض وعشان كدا هيا زعلانه الام سوسن : لا ياسماح هيا هبه مرتبطه بحد وخايفه تقولى سماح : لا والله ياطنط هبه مش مرتبطه بحد الام سوسن : على العموم انا هكلمها وهشوف مالها سماح : تمام وياريت تقوللها تصالحنى بقا الام سوسن : حاشر ياحبيبتى سلميلى على ماما سماح : حاضر ياطنط سلام بقا الام سوسن : سلام بعد مرور اسبوع وقرب معياد عيد ميلاد هبه دخلت والدت هبه الى غرفه هبه حتى تتحدث معاها الام سوسن : ايه ياحبيبتى قاعده لوحدك ليه هبه : عادى ياماما الام سوسن : هتخبى عليا ياحبيبتى هبه : لا ياماما مش هخبى الام سوسن : انتى بتحبى ياهبه او مرتبطه بحد هبه : لا ياماما مش مرتبطه بس بحب الام سوسن : اكيد طبعا مش هشام بتحبى احمد صح هبه : عرفتى منين الام سوسن : من زعلك على سفر احمد فهمت على طول هبه : اه انا تعبانه اوى ياماما ومحتاجلك واترمت هبه فحضن مامتها وهيا تبكى والدت هبه مسحت دموعها وطلبت منها تحكيلها هبه : انا احمد حسيت بحبه ليا يوم حفله نجاحى بس كنت خلاص اديت كلمه لبابا فموضوع ماجد طبعا احمد زعل وسافر وبعدين راح هشام واحمد ومنه عملوا عليا لعبه يقولولى ان احمد هيخطب منه وطبعا انا لما عرفت زعلت جدا وبان عليا قدام هشام وطبعا هشام قال لاحمد وشكلى بقا وحش وبعدكدا سماح عرفت انهم بيلعبوا عليا ومقالتليش ولما جات منه تقولى بعدها بكام يوم روحت قولتلها ولا انتى ولا احمد يكلمونى تانى وقولت كدا لهشام وسماح الام سوسن : ياحبيبت قلبى انتى ليه بتسرعى كدا مش يمكن هما كانوا عايزين يتأكدوا من حبك لاحمد بدل التسرع اللى انت فيه اتخطبتى واتسرعتى وكمان تتسرعى فالحكم عليهم لازم تسمعيهم الاول وكمان اللى فهمته منك ان هشام ومنه وسماح كانوا عايزين يساعدوكى انتى واحمد واللى فهمته ان احمد بيحبك جدا عشان كدا سافر عشان يبعد عنك بلاش تتسرعى وتغلطى ياهبه ارجعى اتكلمى معاهم وافهمى ليه عملوا كدا هبه : انا فهمت كلام سماح هيا فعلا ملهاش ذنب هيا ومنه بس احمد وهشام مش هكلمهم الام سوسن : انتى مكسوفه من احمد صح الحب مافيهوش كسوف حاولى تكلميه عادى زاى الاول ولا كان فى حاجه معرفه الناس كنوز واحمد شخص كويس بلاش تخسريه اتصلى بيهم وصالحيهم لان انتى غلطتى لما قولتلهم كدا هبه : حاضر ياماما هصالح هبه ومنه الاول وبعدين هشام واحمد سبيها بظروفها بقا الام سوسن : ماشى ياحبيبتى اعملى اللى يريحك وخرجت ام هبه من غرفتها وهيا فرحانه عشان هبه حكيت ليها وفنفس الوقت حاولت تكون زاى صاحبتها عشان تثق فيها ارتحت هبه عندما حكيت لوالدتها وبدا تفكر هتعمل ايه ياترى بقا هتبدا تصالح مين فالاول واللى هتصلحه هتكلمه ازاى ؟؟؟ انتظرونا فالحلقه القادمه |
|
|
#43 |
|
|
رد: العين تدمع مرتين الحلقة 1 الجزء الثاني
ههههههههههههههه هيالقصة طويلة جدا بس مقسمة علة شكل حلقات هههههههه
شكرا على الاهتمام انا جد سعيدة |
|
|
#44 |
|
|
رد: العين تدمع مرتين الحلقة 1 الجزء الثاني
سلمت آنآملك على هالطرح الرآآقي..
تشرفت بالمرور بمتصفحك ودي وحبي .. |
|
|
#45 |
|
|
رد: العين تدمع مرتين الحلقة 3 الجزء الثاني
سلمت آنآملك على هالطرح الرآآقي..
تشرفت بالمرور بمتصفحك ودي وحبي .. |
العين تدمع مرتين الحلقة 2 الجزء الثاني