|
#1 | |
:: كاتبة جديدة :: |
صنيه عجيبه للسحور
من كام يوم عملت صينيه عجه بس طلعت رووووووعه قلت لالالالازم وحتما انزلها لفتوكاتى الحلوين طبق سهل ولذيذ ومكوناته متوفره عند الكل
المقادير 6بيضات 3حبات بطاطس متوسطه الحجم فلفل اخضر مبشور طماطمتين مبشورين بصلايه كبيره مبشوره معلقتين صلصله دقوس دى صلصله بتوابل حاره بتدى نكهه حلوه اوى اوى شبت وكسبره مقطعين رفيع معلقتين زيتون مقطع ملح وفلفل الطريقه هنقطع البطاطس مكعبات ونقليها عادى خالص ونشيلها على جنب هناخد البصل المبشور على النار بمعلقتين زيت لغايه لما يدبل نضيفله الطماطم المبشوره ونضيف الملح والفلفل والصلصه ونسيبهم يتسبكوا وبعد كده يبردوا عشان لما نضيف البيض مش يستوى فى الصلصه بعد كده نخفق البيض ونصيفه على التسبيكه اللى عملناها ونضيف البطاطس والفلفل الاخضر والشبت والكسبره انا المره دى مضيفتش زيتون تصبيها فى صينيه مدهون زيت عشان لما تيجى تقطعيها تفصل بسهوله ومش تكون لازقه على الفرن حراره 180 على الرف اللى تحت لغايه اما تربط يادوب عشردقايق وبعدين تديها وش على الشوايه وتقدميها بالف هنا وادى الصور هما مش كتير لان الوصفه سهله اوى وماشاء الله عليكم كلكم اساتذه يعنى دى البطاطس بعد ما قطعتها وحمرتها ودى الصلصله بالطماطم مع البصل ودى صورتها لما طلعت من الفرن لان خطوات الخلط مش محتاجه صور وبصراحه كنت مستعجله اوى ساعتها ههههههه سامحونى ودى صوره كمااااااان بزاويه تانيه جربوها بجد لذيذه جداااااااا وسريعه ومفيده للكتاكيت اللى بيكرهو البيض زى ابنى اتمنى تكون الوصفه عجبتكم مستنيه مروركم وتعليقاتكم اللى بتسعدنى ولو استاهل التقييم قيمونى الى لقاء اخر فى وصفه اخرى بحبككككككم اوى ودمتم فى حفظ الله مواضيع ذات صلة |