 |
  |
|
|
|
09-26-2011, 06:59 PM
|
#1 |
|
:: كاتبة نشيطة :: |
من مشرفات القسم
 كن مع الله بافلوفا بكريمة مخفوقه  هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 600x400 والحجم 127 كيلوبايت .البافلوفا واحد من أشهر الحلويات الموجوده في المطاعم الفاخرة وخصوصا في بريطانيا و نيوزلندا و أستراليا. منشأ الحلى هذا موضوع خلاف كبييير بين أستراليا ونيوزلندا وكل واحد يقول إحنا اللي مخترعينه قبلكم. الطبق هذا مخترع بسبب زيارة راقصة باليه مشهورة في هذاك الوقت إسمها “آنا بافلوفا” لنيوزلندا و أستراليا و تسمى الطبق بإسمها. البافلوفا طبق جدا سهل وبسيط في تركيبه و الحلو فيه إنه سهل جدا تغيرون فيه بحيث يتماشى مع حشوات و إضافات كثيره. البافلوفا في الأساس عبارة عن قشرة مرانج مجففه في الفرن ومحشيه كريمة مخفوقه وفواكه بس. القشرة موضوع شخصي شوي فيه ناس يحبونها نحيفة وتقرمش كلها وفيه ناس يحبونها مقرمشة من برا و زي المارشمالو من جوا. المقادير للمرانج : 4 بياضات بيض كوب سكر ملعقة صغيرة نشا ذرة للحشوة : كوب كريمة خفق تشكيلة فواكه حسب الرغبة ( خوخ ، موز ، برتقال ، كيوي ، أنواع توت مختلفه … إلخ .. ) للتغطية : نص كوب مربى مشمش ملعقة كبيره مويه أوراق نعناع( إختياري ) سكر مطحون ( إختياري ) كوليه فواكه حسب الرغبة( إختياري ) الطريقة : القشرة : 1 ـ أول شي نسوي مرانج سويسري بالبيض و السكر ونخليه يوصل مرحلة منقار الطير . نخلط نشا الذرة مع السكر في المرانج . اللي ما يعرف شي عن المرانج أو المرانج السويسري يقرأ الموضوع حق المرانج الفرنسي و السويسري. 2 ـ نشغل الفرن على 150 فهرنهايت أو 65 مئوي ( الفرن يعتبر بارد نسبيا هذا يسمونه فرن تجفيف ) . 3 ـ الحين نشكل المرانج . راح أستخدم كيس حلويات براس نجمة هنا بس ممكن إستخدام أي راس عادي. نصب المرانج على صينية فرن مدهونة بشوي زيت أو أفضل بعد نستخدم ورق زبده أو سيلبات. نصب القشرة على شكل دائرة بعدين نسوي للدائرة زي الجدران عشان تشيل الحشوة. اللي ما عنده كيس أو ما يبي يستخدم كيس يقدر يسوي نفس الشي بإستخدام ملعقة يحط شوي من المرانج على ورق الزبده أو الصينية وبعدين يسوي زي الفتحه داخلها جدا سهله. هنا أنا أحب القشرة تكون من داخل زي المارشمالو عشان كذا أسويها شوي متينة بس اللي يحبها تقرمش يسويها أنحف. اللي يحتاج مساعده في صب دوائر مضبوطه يقدر يرسم دوائر على ظهر ورق الزبده ( زي ما أنا سويت ).  هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 600x424 والحجم 121 كيلوبايت . 4 ـ ندخل المرانج الفرن إلين يجف تماما راح ياخذ حوالي ساعتين ونص إلى ثلاث ساعات . نطلعه من الفرن ونخليه إلين يبرد تماما قبل نشيله من الورق . لو كنا بناكل البافلوفا في وقت ثاني نحفظ القشرة حقت البافلوفا في علبه تتقفل بإحكام على حرارة الغرفه أسبوعين أو شهرين في الفريزر. الحشوة : نقطع الفواكه إذا كانت تحتاج تقطيع. بعدين نسوي كريمة مخفوقه بالفانيلا بس بدون سكر. اللي ما يعرف كيف يسوي كريمة مخفوقه يشوف التغطية : هنا راح ندهن الفواكه بمربى مشمش. هذي العملية تستخدم عشان تعطي الفواكه لمعة حلوه غير إنها راح تحفظ الفواكه وقت أطول. نخلط المربى مع المويه في قدر صغيره ونخليها توصل غليه بعدين ندهنها على الشي اللي نبي بفرشه وهي حاره. التجميع أول شي ناخذ قشرة بافلوفا ونحشيها بكريمة مخفوقه . بعدين نرص الفواكه عالكريمة ( حاولوا تنوعون في الأشكال و الألوان حقت الفواكه عشان تطلع بشكل حلو ) . الحين ندهن الفواكه بتغطيه المشمش وهي حاره . نخليها تبرد ثواني بعدين نرش شوي سكر بودره و تتزين بورق النعناع حسب الرغبة. تقدم البافلوفا مع كوليه فواكه لو حبيتوا . طريقة الكوليه  هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 600x400 والحجم 91 كيلوبايت .1- الفواكه بدون التغطية 2- الفواكه مع التغطيه هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 600x400 والحجم 127 كيلوبايت .القشرة حقت البافلوفا راح تعيش وقت طويل لحالها بدون ما تتأثر بس أول ما نحشي المرانج الكريمة المخفوقه راح تبدأ تطيح و المرانج راح يبدأ يترطب و الفواكه راح تبدأ تخرب . البافلوفا راح تنحفظ يوم تقريبا في الثلاجه بدون ما تتأثر كثير بس أفضل لو تنوكل بعد ما تتسوى بفترة موب طويله يعني تقريبا ٤ – ٥ ساعات ممتاز . كلمة أخيرة البافلوفا في الأساس قشرة مرانج مع حشوة بس هذا المهم … شكل القشرة ونوعيتها هذي مسألة راجعه لكم . الحشوات بعد أي حشوة ممكن تستخدم مثلا ممكن تحشونها كسترد بدال الكريمة . الفواكه هذي بعد موضوع ثاني خيارات الفواكه ما تخلص و الصوصات اللي ممكن تتقدم معها بعد خياراتها ما تخلص. وصحــــــــــة وعـافيـــــــــــــــــه... مواضيع ذات صلة |
|
09-27-2011, 02:42 PM
|
#2 |
|
|
رد: بافلوفا بكريمة مخفوقه
جهد مميز عيوني
|
|
09-27-2011, 02:42 PM
|
#3 |
|
|
رد: بافلوفا بكريمة مخفوقه
يسلمو على الابداع
وصفة جميلة ابداع متجدد تقبلي مروري وردي |
|
09-28-2011, 12:47 AM
|
#4 | |
|
|
رد: بافلوفا بكريمة مخفوقه
اقتباس:
|
|
|
09-28-2011, 04:48 AM
|
#5 |
|
|
رد: بافلوفا بكريمة مخفوقه !#!#مميز #!#!
تسلم الأيادي
|
بافلوفا بكريمة مخفوقه !#!#مميز #!#!
