رد: لن يكون سلوكي خنجراً في صدر الإسلام.. حملة سأكون *ارجو التثبيت*
لن يكون سلوكي خنجراً في صدر الإسلام.. حملة سأكون *ارجو التثبيت*
اول شي السلام عليكم ورحمة الله وبركاته
تاني شي بارك الله بك اختي بنت عالم وناس وجعل الله كل حرف كتبتيه في ميزان حسناتك ورزقك الفردوس الاعلى والسعادة في الدنيا وخيري الدنيا والاخرة
تالت شي بالنسبة لموقف الشباب :
اكيد لازم يجددوا نيتهم وينووا انو تكون روحتهم المسجد للصلاة وحفظ القرأن لوجه الله وحده مو مشان يقولو والله اها شوفوا كيف بيقرأؤوا وكيف بصلوا ما شاء الله عليهم يعني هدفهم انهم ينشهروا بين الناس وبهيك حالة الاجر عند الله بروح وبدون حسنات كمان
وبالنسبة لموقف البنات
لازم يتفقوا مع بعض ويقولوا انو تفوقهم واجتهادهم بكون مرضاة لله ومشان ينفعوا فيو دينهم وينتفعوا فيه ويعلموا لغيرهم مو يكون اجتهادم وتفوقهم انو والله شوفا فلانة وعلانو كيف نجحوا وجابوا المعدل الفلاني والشهادة الفلانية وكرموهم قدام كل البنات و و و و و
والله حبيبتي انا بالنسبة للمدرسة فانا بروحلها بس هيك رفعة عتب لاني بصراحة مااا بحبها وما بروح المدرسة ونيتي لله وحده يعني هيك بروح مشان اهلي
بس شوفي من جهة الاعمال الصالحات لا الحمدلله انا من الناس اللي عندي هالصفة اخلاص النية لله وبحمد ربي عليها بصلي وبصوم وبسبح وبقرا قران واذكار وادعية ونصائح كلها لوجه الله لانو النصائح دائما عندي شي بداخلي انو الامر بالمعروف والنهي عن المنكر وهاد الشي اللي بداخلي اللي بكون محرك لامي والحمدلله
حتى احيانا باخد من بابا مصاري وبيسالني ليش بحكيلي بدياهم لكذا وانا بكون بدياهم لاتصدق فيهم للمحتاجين بس الصراحة ما تكون نيتي ابدا الرياء ابدا ابدا وربي يشهد علي
اما قصة التفوق والنجاح الصراحة انا بجتهد مشان اهلي يعني مشان ارضيهم مو منشان انتفع بعلمي لديني واعلموا للناس
بس شو بدنا نعمل الحمدلله على كلشي وانا ان شاء الله بفضل الله ومحاضراتك رح اخلص نيتي لله وابتعد عن الرياء
وبشكرك مرة تانية على محاضراتك الحلوة وانا كلي شوق لاقرأ التانية
والسلام ختام
بحمى الرحمن
|