ازياء, فساتين سهرة
ازياء مول

العودة   ازياء - فساتين سهرة و مكياج و طبخ > الطبخ > حلويات و مشروبات
تسريحات 2013 ذيل الحصان موضة و ازياءازياء فكتوريا بيكهام 2013متاجر ازياء فلانتينو في باريسمكياج العين ماكياج دخاني makeup
حلويات و مشروبات كنافة عش البلبل أساور صغيرة ومتساوية زى المحلات من مطبخ الشيف مونى بالصور يوجد هنا كنافة عش البلبل أساور صغيرة ومتساوية زى المحلات من مطبخ الشيف مونى بالصور حلويات وحلى قهوه Sweets حلى حلويات مغربية حلويات بالصور drinks كوكتيل مشروب و طريقة عمل حلى للمناسبات و للضيوف


 
قديم 08-03-2013, 12:22 PM   #1

الشيف مونى

شيف منتدى ازياء

الملف الشخصي
رقم العضوية: 182664
تاريخ التسجيـل: Feb 2012
مجموع المشاركات: 394 

كنافة عش البلبل أساور صغيرة ومتساوية زى المحلات من مطبخ الشيف مونى بالصور


كنافة عش البلبل أساور صغيرة ومتساوية زى المحلات من مطبخ الشيف مونى بالصور

السلام عليكم ورحمة الله
كل عام وانتم جميعا بخير يارب يكون عيد سعيد علينا كلنا ان شاء الله
ده اخر موضوع هقدمه فى شهر رمضان ان شاء الله لأنى السنة دى معملتش حاجة العيد
انا شفت كتير مواضيع على النت محتارين فى كنافة عش البلبل وانا كنت محتارة زيهم لأنها بتطلع منعكشة معاهم
فحبيت انقل لكم تجربتى البسيطة فيها يمكن تفيدكم ان شاء الله ويارب تعجبكم
المكونات:
نصف كيلو كنافة طرح (واسمها بردو فى المحلات كنافة بورما)
2 كوب سمنةسايحة
كوب ونصف سيرب تقيل بارد(السيرب هو الشربات او القطر او الشيرة)
بندق ولوز للحشو(وممكن فستق او اى مكسرات تانيه يعنى حسب الرغبة)
ملحوظة:المكونات دى على قد الصينية اللى انا مصوراها
الطريقة
اولا ده شكل الكنافة الطرح

هنقطع منها جزء صغير زى كده

ونلفه على ايدينا زى كده
شايفين اخر الخصلة اللى قطعناها دى نمسكها بالايد التانية ونشدها واحنا بنلف بس طبعا الايد التانيه كنت بصور بيها فعشان كده الخطوة دى مش ظاهرة
لازم نشد بالايد التانيه عشان الاساور تبقى ماسكة نفسها ومتخافيش مش هتتقطع منك
ومش شرط نلف على ايدينا ممكن نجيب اى حاجة نلف عليها زى المعلقة الخشب او قلم مثلا اللى يريحنا

ونبدأ نرص فى الصينية بشكل دائرى ونحط فى كل واحدة نعملها المكسرات



لغاية ماتخلص الصينية

هنسيبها برة ومن غير اى سمنة ليلة كاملة عشان تعضم وتنشف وتكون متماسكة
ولما نيجى نساويها هنحطلها كمية السمنة وهتكون سايحة بس مش سخنة واللى تفتكر السمنة الكتير لاء هى مش كتير ولا حاجة هى بتتحمر فى السمنة دى فى الفرن وكمان لما بنخرجها من الفرن بنصفى السمنة الزيادة وهى اساس سواها كمية السمنة دى وده من عوامل نجاحها وفيه ناس بتحط اكتر مانا حاطة بكتير
هنا واحنا بنحط عليها السمنة



وهندخلها الفرن على حرارة عالية(200 مثلا)
ده شكلها فى الفرن قبل ماتستوى على الاخر

ونطلعها لما يبقى لونها دهبى وفيها ناس بتحبها اغمق من اللى عاملاها بس انا شايفة ان كده معقول
اول مانطلعها نصفيها من السمنة الزيادة
ونحطلها السيرب البارد

وممكن لما تبرد شوية نصفيها من السيرب الزيادة بس على فكرة ممكن تحطو سيرب اكتر للى بيحب السكر الزيادة فى الحلويات
ونقدمها لما تبرد
وده شكلها






عوامل نجاح الكنافة الاساور:
اولا الكنافة لازم تكون كنافة طرح مينفعش كنافة عادية
ثانيا لازم تكون طازة جدا لو اتحطت فى الهوا نشفت او باتت مش هتنفع
ثالثا واحنا بنشتغل بالكنافة لازم تكون متغطية بقماش مندى يعنى مبلول مياه عادية مش ساقعة بس معصور كويس جداااا
رابعا هتسألونى هو النص كيلو عمل صينية واحدة بس هقولكم انا اسبعدت القطع المنعكشة فى الكنافة عشان الاساور متبقاش منعكشة معايا لأن طبعا على مانجيب الكنافة من المحل ونرجع بيها البيت فيه اجزاء منها هتتبهدل والقطع اللى استبعدتها دى فى الاخر اخدتهم وقطعتهم وعملت بيهم صينية كنافة عادية بالقشطة
يارب موضوعى البسيط ده يكون عجبكم

كيكة الشاتوه بالشوكولاته من مطبخ الشيف موني بالصور
كيكة اللبن الرايب والفراوله من مطبخ الشيف موني بالصور
شوكليت كب كيك زى اللى فى المحلات من مطبخ الشيف مونى بالصور
كباب حلة من مطبخ الشيف مونى بالصور
عيش الشيبسى من مطبخى بالصور
قطايف سورية بالقشطة من مطبخ الشيف مونى بالصور
البتيفور الناعم بكيس التزيين من مطبخ الشيف مونى بالصور
تورتة الفاكهة والشوكولاته للمبتدئات من مطبخ الشيف مونى بالصور
كيكة التفاح البلوريه من مطبخ الشيف موني بالصور
وربات بقلاوة بالفستق من مطبخ الشيف مونى
البريوش بالشوكولاته والبريوش الساده من مطبخ الشيف موني
السينابون بصوص التوفى وصوص الجبنة الكريمى من مطبخ الشيف مونى بالصور
ريد فيلفت كيك من مطبخ الشيف مونى بالصور
مينى تارت الشوكولاته من مطبخ الشيف مونى بالصور
تشوكليت كيك من مطبخ الشيف مونى بالصور


 
قديم 08-03-2013, 01:23 PM   #2

الم الغربة


رد: كنافة عش البلبل أساور صغيرة ومتساوية زى المحلات من مطبخ الشيف مونى بالصور


كنافة عش البلبل أساور صغيرة ومتساوية زى المحلات من مطبخ الشيف مونى بالصور

تسلمي

 

أدوات الموضوع



الساعة الآن توقيت السعودية الرياض و الدمام و القصيم و جدة 03:23 AM.

 

Powered by vBulletin® Copyright ©2000 - 2017,
vBulletin Optimisation provided by vB Optimise (Pro) - vBulletin Mods & Addons Copyright © 2017 DragonByte Technologies Ltd. يمنع انتهاك أي حقوق فكرية علماً أن جميع مايكتب هنا يمثل كاتبه وباسماء مستعارة ولمراسلة الإدارة يمكنكم استخدام الإتصال بنا
Search Engine Optimization by vBSEO 3.6.0