فسحة أمل
ايضا فسحة امل اخرى
لو سمحتوا عاوزة ابلغكم بقصتي عن الاستغفار عشان تنشروها بجد ربنا رحيم
انا عمرى 24 عام تزوجت وفى اول زواجي اصبت بمرض غريب نادرا ما حد يسمع عنه , وهو ارتفاع ضغط المياه فى النخاع الشوكي وطبعا الماية دى بتروح للمخ وكانت بتاثر على عصب العين وكانت بتسببلي شىء كالعمى لمدة ثوانى وكانت ممكن تؤدى للعمى الدائم كل دة وانا كنت متزوجة بالظبط لى 6 اشهر
غير انها كانت تسببلى صداع دائم لا يفارقني ليل ولا نهار , وكنت اخد عقار كان تاثيرة بشع علي , وكانت اثارة الجانبية تصحينى من النوم وكانت تسبب لى الم فى اطرافي كانها تحترق بالنار وعملت عملية ولم تنجح.
بعدها ب 3 شهور عملت عملية اخرى فى النخاع الشوكى وأيضا لم تنجح , كنت كل عملية بدخل بجد وانا قوية ومش خايفة من اى حاجة الا العملية الثالثة دخلتها وقلبي مقبوض ولكن توكلت على الله زى كل مرة وعملتها لك ان تتخيلو 3 جراحات فى خلال 4 شهور فقط الحمد لله
ولكن فى اخر عملية كنت بستغفر ربنا كتير جدا وانا قاعدة فى المستشفى كان بيوصل بي عدد الاستغفار على سبحتى فى المرة الواحدة الى 500 استغفار او 700 واحيانا 1000 ودة بس المرة وكنت اكررها عدة مرات فى اليوم
لحد ما ربنا اراد ونجحت العملية الاخيرة لا وغير كدة بعد العملية الاخيرة بشهرين ربنا انعم عليا بنعمة الحمل
وانا حاليا حامل فى شهرى الثانى بجد ربنا كرمة كبير اوى ونعمة علينا كثيرة اكتر ما نتصور مع انى كان عندى ايضا مانع للحمل وممكن علاجة يطول ولكن الله عز وجل اراد لي الحمل بعد اول مرة اخد فيها علاج بجد اجمل هدية ربنا بعتها لى
وعاوزة اقول ان مهما حصل فلا تيأسوا من رحمة الله بيدبرنا امورنا وهو احن علينا من امنا اللي ولدتنا كنت ايام كتيرة انام ببكي من تلميحات الناس لي بعدم الخلفة وخصوصا زوجات اصدقاء زوجي وكنت كل يوم ابكي واقول يا رب واستغفر لحد ما الله عز وجل انعم عليا اللهم لك الحمد
"
|