حلقة البرتقال والزبيب من مطبخ الشيف مونى بالصور
حلقة البرتقال والزبيب من مطبخ الشيف مونى بالصور
السلام عليكم ورحمة الله
الوصفة دى مناسبة للشتا جدا لإن البرتقال اساسي فيها وهو دلوقتى مالى الاسواق وطريقتها سهلة جدااااااا
المكونات:
2 وربع كوب دقيق
تلت كوب زبدة سايحة
بيضة مخفوقة
نصف كوب حليب دافئ
فانيليا
ملعقة صغيرة خميرة فورية
ملعقة كبيرة سكر
الحشو:
بشر 6 برتقالات
كوب زبيب
وللتزيين:
بشر برتقال او حسب الرغبة
بيضة مخفوقة وفانيليا لدهان الوجه
الطريقة:
فى اناء هنحط كل المكونات مع بعض
ونعجنهم كويس لغاية ماتبقى عندنا عجينة طرية وناعمة
نغطيها ونسيبها تختمر فى مكان دافى لمدة ساعة وبعد ماتختمر هنفرد العجينة على شكل مستطيل ونوزع عليها بشر البرتقال
والزبيب
ونلفها على شكل رول
ونقفل الرول ده ونحطه فى صينية ونقطعه بس فى نفس الوقت هنخليه متشابك عشان يبقى على شكل حلقة وندهن وشه بالبيض والفانيليا
وندخلها فرن سخن على حرارة متوسطة ونطلعها لما تستوى ووشها يحمر ولما طلعت زينتها ببشر البرتقال وده شكلها النهائى
وبالهنا والشفا
التعديل الأخير تم بواسطة ♥نسمة حريه♥ ; 12-27-2015 الساعة 11:47 PM.
سبب آخر: الموضوع ليس في مكانه الصحيح وينقل للقسم الصحيح (نقل من 26 إلى 145)
|